رواية فتاة الميتم

البارت الثالث

نازلى صرخت على جوان لما شافتها مع رنوة وقربت منهم و اخدتها بالقوة وسط بكاء جوان ولما قررت تتكلم نازلى طلبت من الحارس يطردها بره وكانت مصدومه من رد فعل نازلى جدا وتفكيرها كان فى جوان ازاى طفله فى سنها تتحمل قسوه بالشكل ده وقبل متخرج من البوابه كانت جوان ب تصرخ و تبكى خرج هجام على صوتها و حضنها وحاول يهديها رفضت و جربت بسرعه تجاه البوابه و لحقت رنوة نزلت على الأرض علشان تكون فى مستواها و مسدت على رأسها وبدأت تهدى و راح هجام عندهم اتمسكت بها جوان جدا وخايفه تبعد عنها تانى……

جوان ببكاء : رنوة عاوزه تمشى بسبب نانا أنا مش بحبها قولها تمشى من هنا………..
رنوة : حبيبتي كده غلط جدتك كبيرة و عيب نغلط فى اللى أكبر مننا لو قولتى تانى كده هزعل و امشى رنوة شاطره و بتسمع الكلام صح………
رنوة : ايوه شاطره وهسمع كلامك بس مش تمشى…….
هجام : بعتذر عن أسلوب والدتى معاكى ممكن نتكلم سوا شوية……..
رنوة : اسفه مش هتقبل اعتذارك لان اللى غلطت والدتك اه المفروض نحترم الكبير بس مش معنى كده يغلط و يهين الكل وبالنسبة ل جوان اطمن هكمل معاها بس يارييت متدخلوش فى اسلوبى معاها……….
هجام : أنا عاوز اتكلم معاكى بخصوص جوان اممممم مش عارف أبدأ معاكى منين بالظبط من الاول أنا كان عندى صفقه بره البلد وهناك اتعرفت على جانا وكانت مطارده من المخابرات اليهودية اتجوزتها و جات عاشت معايا فى مصر علاقتنا كانت كويسه جدا و حبينا بعض جدا وبعد فترة ظهروا أهلها وكانوا عاوزين ياخدوها منى رفعوا قضية أنها مريضة نفسية كان وقتها معانا جوان بس مرضت فى الآخر وماتت وأهلها رفعوا قضية تانية الوقتى يطالبوا ب جوان أنا مستعد أتنازل كل ما املك مقابل إن جوان تكون معايا المهم المحكمه ارسلت لجنه علشان يقيموا جوان أثناء تواجدها معايا علشان كده محتاج مساعدتك قولتى ايه…….
رنوة : اساعدك إزاى مش فاهمه…….

فى الوقت ده وصلت نازلى عندهم و سكتوا قربت منهم و بتلف قصاد رنوة وسط نظرة الاضطراب من هجام و التحدى والثقه من رنوة وقفت معاهم……

نازلى : انتى هنا هتكونى مربية يعنى زى الشغاله مهمتك تحافظى على حفيدتى و لو فكرتى تزعليها ه تطردى من هنا فهمتى………
رنوة : أعتقد اتفاق كان مع البشمهمدس مش حضرتك يعنى اللى المفروض يحاسبنى هو مش انتى بعد إذنكم……….

مشيت عند جوان وسط نظرات غضب من نازلى وكان متابعهم هجام قعدت جنبها فى الأرجوحة وبدأوا يتكلموا سوا اندمجوا مع بعض بسهولة وصلت المشرفه المسؤوله من المحكمه و نازلى قرر تقعد معاهم لان خطتها كانت جوان تروح لأهل امها علشان تخلص منها و تقنعه يتجوز لين مر اليوم هادى جدا و رنوة متجنبه الكلام مع نازلى تعاملها مع جوان بس دخلوا أوضة الألعاب و قعدوا سوا ووقت الغدا جوان كانت رافضه تقعد مع نازلى بسبب استفزازها لها بس رنوة اقنعتها ونزلوا سوا نزلوا وقعدوا على السفره وبدأوا أكل وفى وسط الاكل جوان شرقت بسبب الشطه اللى كانت فى اكلها اخدت رنوة تشوفه و اتفاجأت لان الكمية كانت كبيرة لطفله فى سنها حتى الكبير صعب يستحملها و لانها هى اللى جهزت أكلها وسط نظرات شماته من نازلى و اتذكرت كلامها مع صباح الخدامه :::

نازلى : اسمعينى كويس عاوزه فى أكل جوان شطه كتير فهمتى……..
صباح بخوف : يا هانم لو البيه اخد خبر مش هيسكت و ممكن يطردنى…….
نازلى : متخافيش أنا موجوده بس البنت دى لازم تسيب الفيلا و جوان كمان تروح لأهلها الحقيقين لما تخرج من المطبخ ادخلى نفذى بسرعه و اخرجى قبل ميشوفك حد……… ::::

هنا طلب هجام الدكتور وعلق لها محلول لأنها استفرغت كل اللى فى معدتها وكانت رنوة واقفه خايفه و مصدومه من رد فعل هجام اللى واقف قلقان ومتوتر جدا وبعد خروج الطبيب نازلى مسكت ايدها و خرجتها بره وطلبت منها تسيب الفيلا و هجام وصل فى الوقت ده و طلب من رنوة تروح معاه المكتب و دخل قعد وهى واقف ايدها بترجف من الخوف………..

هجام بهدوء : اقعدى و أهدى ممكن تحكيلى اللى حصل بالظبط……..
رنوة : انا جهزت أكل جوان و روحت اقعد معاها فى أوضتها و مش نزلت غير وقت الاكل صدقنى انا ايه مصلحتى أأذى طفله…….
هجام : مثلا عاوزه تنتقمى منى بسبب اول لقاء بينا أو من والدتى بسبب طردها لكى النهارده……..
رنوة ب حده : انا لو عاوزه انتقم من شخص مش هنتقم منه عن طريق طفله أنا عشت أغلب عمرى مع اطفال و عارفه انهم أبرياء لو مش مصدقنى ه مشى و ارتاح………
هجام : يبقى تمشى من هنا لأن مش هسمح لأى شخص يأذى بنتى…….

رنوة خرجت وهى مصدومه و هجام بيفكر مين له مصلحه يضر بنته أمه مستحيل مهما كان كرهها ل رنوة مستحيل حياة جوان تكون التمن قعد شويه فى مكتبه وقف شاف رنوة وهى خارجه و طلع عند جوان اللى بدأت تفوق وسألت على رنوة وعرفت انها مشيت وبكت كتير ونامت من التعب و هجام راح شاف الكاميرا وعرف أن صباح اللى حطت الشطه و طردها و نازلى خافت تدخل و بلغتها انها ه تدفع لها مبلغ علشان متتكلمش و الصبح هجام قرر يروح يعتذر من رنوة واخد جوان وراحوا الملجأ و شاف رنوة مع اسيل و بتلعب معاها قرب منهم و لما شافته دخلت جوه و افتكرت المكالمه اللى جات لها بالليل ‘”

الو اسمعينى كويس هجام هيجى يطلب منك ترجعى لو وافقتى الملجأ هيتهد فهمتى………
رنوة : انتم مين و عاوزين ايه منى…….
لو رجعتى معاه هتندمى…….

دخلت أوضتها وقعدت تبكى و طلبتها المديرة و راحت لها و شافت هجام قاعد مخنوق و جوان جريت عليها هجام وقف قصادها……..

هجام : اسف عارف انى غلطت فى حقك بس قدرى انها بنتى الوحيده……..
رنوة : مفيش داعى ل اعتذارك انا اسفه بس مش هقدر ارجع تانى بعد اذنك…….
جوان ببكاء : مش تسيبينى بليز هسمع كلامك علشان خاطرى………

فى الوقت ده وصلها تيلفون خرجت ترد **

& الو اسمعى روحى مع هجام……..
رنوة : أيوة يا بابا بس الملجأ……..
& متخافيش احنا محتاجين وجودك رنوة انتى عميل أساسى و نشط هجام العين عليه متنسيش مراته كانت منين……..
رنوة : وليه متأكدين أنه عارف حقيقتها وشغال معاهم و لو شككم صح ليه رافعين قضية علشان جوان………
& تمويه لنا لأنهم عرفوا اننا مراقبينه متنسيش انتى بالنسبه لهم بنت الميتم مش h 2 ولو كشفوا هويتك تبقى المهمه فشلت……..
رنوة : حاضر هروح بس اسيل بابا ارجوك…….
& انتى هتوصينى على حفيدتى ولا ايه وافقى و روحى انتم كلكم تحت المراقبه…….
رنوة : حاضر مع السلامه………

فى الوقت ده جوان خرجت شالتها رنوة و قبلت ترجع بس هجام مرجعش بهم الفيلا راح مكان تانى خالص كان بمثابة صدمة ل رنوة…….

يتبع