رواية غيبوبة للكاتبة أروى الطاهر
#غيبوبه 9
بنات اسسسسسفه فصل عليا النت
نضال:وقف قدام سيارته يدور في المفاتيح في جيوبه
نضااااال نضاااال
نضال:مباش يتلف رغم انه سمع وقعد يدور في المفاتيح ….لين سمع فرين سياره قوي وتلفت …
سلمى(يلي كان خاطبها):واقفه في نص الطريق حاطه يدها ع قلها من الخوف وكانت بينها وبين السياره شعره بس …قامت راسها وقاعده خايفه جت عينها في عين نضال ومشتله تجري
سلمى:الحمد الله لحقت عليك قبل ما تروح
نضال:تنهد …شن تبي
سلمى:ًنضال الله يخليك عارفه روحي غلطت بس..
نضال:ع اي غلط تحكي تي يلي درتيه مش غلط راهو يلي درتيه عار وفضيحه لو كان اي شي تاني تغاضيت عليه بس مكالمات فيديو مع غيري وكلام يغطي منه الشطان وجها انتي بي اي عين واقفه تكلمي فيا
سلمى:جو ناس اولامس يخطبو فيا وانا قاعده نبيك عطيني فرصه دير اي شي بالله عليك
نسيبه:واقفه من غرفتها تتفرج ع الروشن ولما شافت نضال مع بنت قالت داخلها….فرصتي تو نوريك ع حركتك البايخه…ونزلت بسرعه
نضال:اسف منقدرش وتوا بكل هدوء نطلب منك تباعدي من قدامي خير منقلب عليك الدنيا اليوم
سلمى:بس انا م……
نسيبه:تتمايل زي السكرانه وتتصنع ?…حبيبي حبيبي خيرك مطلعتش لتوا
نضال:??
سلمى:تشوف لي نسيبه من فوق لا لوطه بعدين ترجع تشوف لي نضال تراجي فيه يحكي او يفهمها اي شي
نسيبه:تعوج في فمها ع اساس دلع?…بيبي شنو معطلك ؟!
سلمى:لو سمحتي من حضرتك عشان تحاسبيه ،؟!
نسيبه:ختشيبي ليا الحق نحاسبه انتي يلي مني واقفه في نص الطريق منضرك تقول ذبانة الصيف
سلمى:شبحت لي نضال بسرعه….بسرعه هاذي خطبت؟!?
نضال:هز بكتافه وقايم حواجبه مش عارف شنو يرد
سلمى:الحق عليا انا يلي نحاول نرجع ونصلح كل شي ع خاطر العشره بس انت متستاهلش عايش حياتك وحتى مزال تفكر تتزوج….ومشت وسيبتهم
نسيبه:يديها في جيوب البالطو وتبتسم بمكر ?
نضال:وجعت قرنت الحواجب متعه …شن تبي انتي
نسيبه:سلامتك يابيبي خلاص قررت نصدق روحي حتى انا ومنبيش نفسخ ?دير بالك ع روحك باي..عطاته بضهر ورجعت
نضال:ركب سيارته قعد ربع ساعه سارح ويذكر فط حركات نسيبه ومن غير وعي ع نفسه طلعت منه ضحكه خفيفه❤️
?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?
في المرر:-
نسيبه:وين ؟
هنادي:كملت …تعرفي راسي مصددع حاسه بروحي من كثر الخدمه خلاص
نسيبه:هادا كله ومزال مخططه تخدمي في مشفى عام كنهاذا ادوبي في حوايجك
هنادي:ههههه المهم ياشريره شن درتي فيه،؟
نسيبه:قررت نصدق روحي تعرفي مع الكساد لين يكرهني
هنادي:هههههه ربي يهدي…المهم خلي نروح انا اكيد شافو البنت لي ياسين نبي نعرف شن صار
نسيبه:اهاا?اي اي ….تمام امالا سلميلي عليهم كلهم وع ياسين باركيله
هنادي:ان شاء الله يالله سلامات
نسيبه:سلام
وقفت نسيبه تشوف لي هنادي كيف تتباعد بخطواته وتفكر كيف رح تتعامل مع ياسين لو فعلا صارله من الخطبه وتزوج؟!
نبيل:فايت من جنبها
نسيبه:فاقت ع روحها…تعالا جاي نبيل
نبيل:قام عيونه من التالفون…شنو
نسيبه:نبي رقم نضال
نبيل:او شيت?البنات بدت تعاكس جابت ماعندها
نسيبه:واو ولا?هات الرقم توا خير منعبي راس هنادي عليك
نبيل:اصلا احسن البنات يلي يطلبو في الارقام معندهمش في اللف والدوران ربي يحفضكم اكتبي وخيتي 091
نسيبه:????
_______________
ايه:اول مره ندير هكي نحس في روحي بننفضح حي عليا
رويده:سكري فمك انتي لو قعدتي هكي رح تفضحي روحك بروحك اسمعيني توا
ايه:شني
رويده:شدي الزرف هاذا فيه5حبوب غضوا الصبح نوضي اطحني منهم حبتين لااازم زوز. ودبري كيف تحطيهم في قهوتها ولا اي شي تشربه
ايه:كيف بندير هكي
رويده:دبري ع اساس بتاخذي منها اي شي وصبيهم اهم شي يكونو مطحونات كويس و2حباا
ايه:خذا الزرف حطاته في شنطتها وهيا ترعش
رويده:اهدي تو كل شي يمشي تمام
ايه:خذت تفس عميق…اووف ان شاء الله
_____________
هنادي:خشت الحوش بدلت حوايجه وجت بتصلي رن تالفونها …ابتسمت بعد شافت الرقم
هنادي:الو…
نبيل:اهلين
هنادي:بيك
نبيل:اكيد توا تقولي شنو البارد هاذا قبل 5دقايق كان معاي شن يبي
هنادي:ضحكت…اي حاجه زي هكي
نبيل:عندي سؤال محيرني الحق
هنادي:عدلت تقعميزتها …اها
نبيل:تتوقعي سكان القمر لما يشوفو بنت حلوه يقول واو مشاء الله ارض ❤️
هنادي:ههههههه لا طبعا
نبيل:علاش
هنادي:لان القمر حلو هاذا باش نشبهو فيه للبنات الحلوين اما الارض لا
نبيل:بس الارض احلا من القمر
هنادي:ليش؟!
نبيل:لانك انتي فيها ??
هنادي:ضحكت بخجل….يعني انت متصل بيا عشان السؤال هاذا؟!
نبيل:لا والله خاطري نسمع صوتك ومعرفتش نفتح معاك موضوع الحق
هنادي:????…واستمرت الهدرزه لي ساعات ساعات من الضحك المتواصل لي هنادي قداااش ليها مضحكتش هكي
?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?
يزن؛وين نبيل؟!
نضال:يمسح في وجها….روح الحوش
يزن:غريبه مجاش طول
نضال:خلاص كبد هذاكا
يزن:قعدت غير انا
ترن ترن ترن
نضال:بعد تأمل في الرقم رد …ايوا
نسيبه:راقده ع سريرها ورافعه رجليها ع الحيط لابسه شخشير البطه???…هلا
نضال:قام حاجبه..مني؟!
نسيبه:في حد ميعرفش خطيبته؟!اخس وخلاص
نضال:هوا انتي؟؟؟…خير شن تبي
نسيبه:رمضان قريب..نبي موسم مدخليش
نضال:ضحك…شن تقولي انتي
نسيبه:والله كل المخطوبين هكي جت عليا انا يعني مدخليش نبي به ☹️
نضال:تحكم في اعصابه ورد بهدوء…حاضر اكيد
نسيبه:خيتسلمه راجلي مكوييستك
نضال:??♂️
_________________
نبيل:المهم ياحلوو…
هنادي:والاهم؟!
نبيل:بكرا تعالي بكري شوي
هنادي:وليش؟!
نبيل:والله نبيك في موضوع مهم
هنادي:اممم يصير خير
نبيل:متخافيش والله نبيك في موضوع بس قبل ماتزحم الدنيا ولو تبي بعد تكملي الدوام عادي نفس الشي
هنادي:تمام يصير خير
نبيل:متسكريش الخط به خليك ❤️
هنادي:ضحكت….بنرقد عشان انوض بكري
نبيل:اخخخ اكتى بيجي الصبح ونشوفك
هنادي:نعم؟!
نبيل:سلامتك قلت ….ما اجمل الصباح
هنادي:اهاا??
____________
ثاني يوم:-???
ناضت هنادي الصبح بكري لابسه سروال بيج مع بلوزه سوداء ووشاح نفس الالوان ومكياج بسيططط وناعم
اما نبيل:تقول عريس مفيش عطر محطاش واهتم بي روحه زياده ع اللزوم اليوم
نسيبه:نايضه ناطشه مش فاهمه ليش بس لبست سروال جينز ازرق مع سوريه حمراء وسبيدرو نفس اللون
نضال:زي العاده لابس اسود وهذاك الشعر يلي يجنن
هنادي:خشت زي العاده صبحت ع الكل خذت قهوتها وقعمزت في غرفتها تراجع في المواعيد
طق طق طق
هنادي:تفضل
ايه:خشت وكان واضح عليها التوتر
هنادي:شنو؟!
ايه:لو سمحتي نبي نبي
هنادي:شن تبي؟!
ايه:نبي حشوه نقصت عليا
هنادي:طبست تجيب فيها من الدرج وبسرعه ايه حطت الحبوب في القهوه
هنادي:تفضلي
ايه:صحيتي…وطلعت تجري لين ركزت هنادي ان فيه شي بس كملت شرب قهوتها عادي
___________
طق طق طق
نضال:تفضضل
نسيبه:صبااحوو
نضال:قرن حواجبه…صباح النور
نسيبه:تفضل قهوتك
نضال:شنو عدا مابدا؟!
نسيبه:حطت القهوا ع المكتب …خطيبي الغلي ليش منجيبلاش
نضال:??♂️??♂️
نبيل:صباح الوردات
هنادي:هلا صباح النور
نبيل:قعمز ..شن حالك اليوم
هنادي:بخير
نبيل:احمم
هنادي:اها تفضل احكي قبل ميجو الحالات
نبيل:انت في حاله الحق ?
هنادي:هههههه استرخي واحكي
نبيل:شوفي انا منعرفش اللف والدوران من الاخر هكي
هنادي:اوكي؟
نبيل:عاجبتيني ومنبيش نطول الخيط خطبه طول
هنادي:حطت يدها ع بطنها تتألم ونبيل يحكي
نبيل:المهم خوذي يومين فكري كنهاذا مجيك ونجيب اهلي و
هنادي:بدي يطلع منها دم من فمها وتصرخ من بطنها لين طاحت
نببل:قرب عليها مش مصدق يلي قاعد يصير كلم الطواري وقامها نزل بيها يجري زي المجنون
نزل بيها نبيل لي قسم الطوارئ بسرعه وخشو يفحصو فيها
صارت شوشره كبيره في القسم وكلهم نزلو يفهمو شن فيه اما نبيل قعد ماشي جاي قلبه يغلي طووول مدة الفحص لين طلع الدكتور
نبيل:شنو طمني
الدكتور…..يتبع
تعديل
قصيره لانها اضافيه