رواية غيبوبة للكاتبة أروى الطاهر
#غيبوبه 13 والاخيره
نضال:خش لي حوشه خذي نفس عمممميق والفرحه تلمع في عيونه وهوا يقدم بخطواته لي دار النوم ويفح في الباب شوي شوي لين خش للغرفه
نسيبه:حاطه يدها في نصها….منو الرقم هاذا
نضال:بملامح عاديه في وجها….مني؟!
نسيبه:هاذا باعتلك حبيبي متخليهاش ترقد جنبك نغار …من اول يوم خيانه نضال؟!اصلا كنت عارفه ان كلكم خوانين وكلاب لاكن شنو ضربني ع راسي وخلاني نوافق بسسس…وبدو عيونها يتعبو دموع
نضال:خذي منها التالفون بكل هدوء واتصل برقم وفتح السبيكر
نضال:الو
يزن:ميت بضحك…عطاتك طريحه ولا مزال
نضال؛ياولد الكلب قريب ودرتنا الزح
يزن:خليتوني بروحي تستاهلو
نسيبه:تمسح في دموعها وداخلها قرررريب اطير من الفرح لانه مقلب من صحابه
نضال:هي طير توا مش وقتك
يزن:سلام
نضال:سكر الخط ويشوف لي نسيبه مع رفعة حاجه
نسيبه:متشوفليش هكي وين نعلم انا
نضال:قرب منها هلبا
نسيبه:بلعت ريقها
نضال:يتلمس في الڤيلو….حلو عليك
نسيبه:نزلت عيونها…وساكته
نضال:قام راسها بصبعه ….لا امتى بيقعد لسانك طويل هكي
نسيبه:مش طويل انت يلي….
نضال:قاطعها بي بوسه طوووووووويل ع فمها ?وبدو في الحجات العيب??
______________
هنادي:ترعش مع بعضها من الخوف ومش قادره تهدا
نبيل:يباعد في الطرحه وخصلات الشعر يلي ع وجها….مبروك علينا
هنادي:ااء الله يبارك فيك
نبيل:شبحلها وخذي نفس عمييق…ااه قداش كنت مستني ها اليوم
هنادي:قداش يعني كل الحكايه خذت شهور بس?
نبيل:كل يوم في الشهور هاذا يمر عليا سنه
هنادي:ابتسمت بخجل
نبيل:جبدها من خصرها…استاحشتك ❤️
هنادي:اءءء مش احسن لو صلينا قبل ?
نبيل:خذي نفس وطلقها شوي شوي …امم به نصلو علاش لا نصلو
هنادي:امبه اطلع شوي نبدل
نبيل:اففف لازم؟!
هنادي؛اي لازم
نبيل:غمزلها ….تمام معندك وين هاربه مني
هنادي:صحكت وسكرت وراه الباب
اما نضال خش في نسيبه بطول والعرض لا صلاة ولا شي ونسيبه مش قادره تقول حتى كلمه بس نسجمت معاه ياكبدي حتى هوا نضال??
_______________
ياسين:ماشي جاي في داره متوتر حاس بشي يوجع فيه داخله …معقوله هاذا حب؟!به علاش منحسوش بي الشي هادا لين نفقدوه البني هادم هادا؟!كانت جنبي وبين يديا ومكنتش حاس بشي هاذا !ليش توا ؟!?
قاطع كلامه مع نفسه رنة تالفونه وكانت خطيبته حاول ياسين يقاوم شعوره وحبه لي نسيبه ورد ع خطيبته يمكن يتأقلم معاها اكتر من قبل !!
هنادي:كانت وافقه ورا نبيل ❤️طلقو السلام وقالو الدعاء مع بعض …كملو وبسرعه تلفت نبيل بنضرات خبيثه لي هنادي
هنادي:وقفت وهيا تتجنب في نضرات نبيل ليها ..نحت بدلة الصلاة علقتها و منضرها بروب الدخول خلا نبيل يهبل بشكل مش طبيعي ?
نبيل:وقف واها وهيا واقفه ع المرايا تخفف في مكياجها …
نبيل:لف يديه ع خصرها…مش كأنك طولتي عليا?
هنادي:تلفتت وكان نبيل لاصق فيها….شن رايك نتعشو
نبيل:كأنك تماديتي سيارتك في الصلاة عاد هلبا عليك هكي
هنادي:ضحكت وكانت داخلها خااايفه…اءءء انا
نبيل:اششش عارفك خايفه ارخي روحك
هنادي:خذت نفس عميق ومحستش بروحها غير ….???
?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?
مرت الليله ع نضال ونسيبه ونبيل وهنادي زي العسل ❤️
من زيهم عرسان واخذين بعض ع حب ❤️✨
لاكن كانت اسوء ليله تفوت علي عبدو يلي قلبه قاعد ينبض لي هنادي والندم ياااكل فيه انه تخلى عليها
وعلي ياسين يلي يحكي مع خطيبته وكل ميسكر عيونه يشوف نسيبه راقده مع غيره وينقهرررر الف مره
وعلي رويده يلي عبدو مش راضي حتى يشوفلها وخوت ايه يلي يبعتولها في رسايل تهديد لانها هيا يلي ضيعت اختهم
______________
ثاني يوم ??
نسيبه :فتحت عيونها ع نضال يلي كان راقد جنبها منضره كيف راقد وميعلمش بروحه زي البيبي رغم جسمه وجهامته كان يجنن❤️
مسحت علي شعره وهيا تحكي في داخلها…شكلي كنت في غيبوووبه كيف بس حبيت ياسين وجريت وراه وهوا كل مره يخون فيا ويكسر فيا اكتر من يلي قبلها ….الحمد الله ربي عوضني
نضال:فتح عيونه وهوا يتململ من النوم
نسيبه:ضرباته ع خده…نوض وقت عليك الجمعه
نضال:فتح عين وحده ابتسم وجبدها من رقبتها?❤️
______________
هنادي:تبخر في نبيل وكانت لابسه قفطان ازرق هادي بسيط وحلو …فاتحه شعرها مع مكياج خفيف
نبيل:لابس زبون اسود ❤️
هنادي:تبخر فيه وتساوي في سوريته…بتروح بكري؟!
نبيل:لا بنتأخر شوي
هنادي:وين بتمشي ؟!
نبيل:صحابي مدايرين عزومه ليا ولي نضال
هنادي:حست ان نبيل ولا جاف معاها او اسلوبه متغير?….نبيل فيه شي؟!
نبيل:ابتسم ..لا علاش؟
هنادي:منعرفش حسيتك متغير
نبيل:ههههههه من اول يوم زواج بنتغير
هنادي:ضحكت…هكي حسيت
نبيل:باسها ع راسها…تبي شي قلبي؟؟
هنادي:البوسه ريحتها ❤️….سلامتك
نبيل:طلع وعيونه في التالفون
هنادي:ولانها مش مدايره محضر قعدت تحوش ع الحوش وتلم في اماعين العشي عشان تلبس وتوتي روحها لان اهل نبيل في اي وقت
__________________
نضال:باس يدها ..
نسيبه:بدلع…امتى بتروح؟!
نضال:اول منكمل الصلاة
نسيبه:مستنياتك ❤️❤️✨
نضال:لبس ذبلته وشاف نفسه للمره الاخيره في المرايا …كان لابس زبون ازرق في الذهبي مع ساعة جلد …وطلع
نسيبه:رجعت لي سريرها بكسل وخذت فونها
ترن ترن ترن
هنادي:ابتسمت لما شافت الرقم…الوو
نسيبه:صباح الورد ياعروس
هنادي:ماسكه التالفون بكتفها وتمسح في الطاوله….صباح الور يا العروس الثانيه هههههه
نسيبه:شن اديري
هنادي:ولا شي نلم في اماعين العشي امس
نسيبه:ع سيرة امس كيف مشت الامور معاك??
هنادي:وجها احمر من الحشم…تمام
نسيبه:اخخخخ ياهنادي يارتني تزوجت من الف سنه فاتت وووه عليا محلاه
هنادي:هههههه تحشمي ياكلبه
نسيبه:نستنى فيه امتى يروح ان شاء الله ميعطلش الشيخ ?
هنادي:بي استغراب….ليش مش ماشي للعزومه؟!
نسيبه:اي عزومه؟!
هنادي:نبيل قال صحابه عازمينه هوا ونضال
نسيبه:مش عارف مقاليش نضال
هنادي:هزت راسها تطرد في الافكار من راسها….يمكن قاعدين مقالولاش المهم شن اديري انتي
نسيبه:بنرجع نرقد تاعبه من عوالة العرس
هنادي:تي نوضي ياهبله مرات يجوك عيلته ولا اماليك في اي لحضه
نسيبه:معندي منديرلهم والله عروس ويجعزو فيا بنطلع هكي
هنادي:حماره طول عمرك متتغيريش بكل ??
نسيبه:كان عجبك ?هي باي توا
هنادي:سلام….وسكرت الخط
قعمزت هنادي ع كرسي طاوله الاكل وتفكر ليش نبيل قال معزوم انا ونضال ؟!زعمى انا نتوهم ولا في شي !؟…اف هناااادي مسرع من اول يوم زواج هكي بديري
________________
رجع نبيل بعد غياب ساعه ونص وشاف هنادي لابسه ومتأنقه ❤️
هنادي:ع سلامتك حبيبي
نبيل:ابتسملها….الله يسلمك
هنادي:تلبس في خراصاتها….اهلك قريب يوصلو كيف كانت العزومه ؟
نبيل:اءء العزومه اي مليحه ماشي الامور
هنادي:نضال مشي؟
نبيل:لالا رقض قال بيقعد مع مرته
هنادي:ضحكت …وليش مدرتش زيه؟
نبيل:شن تبي الاولاد يقولو عليا ياعمري
هنادي:ههههههه
نبيل:شن رايك اءء
هنادي:فهمت نضراته الخبيثه …حبيبي ب…
طق طق طق
هنادي:وصلوو…سحبت روحها من بين يديه ومشت فتحت الباب واستقبلت اهله بينما هوا عير حوايجه وخش رقد
__________________
في الوقت هاذا نضال كان مروح قدااااش ليه وفي حضن نسيبه مش قادر يقعد بلاها دقيقه لدرجة كلم اهله بدون ميتحشم وقلهم منبي حد يجينا?
#تسريع_في_الاحداث
بعد مرور3اشهر …..
هنادي:مقعمزه قدام المرايه بي مكياجها القوي وقفطانها المنفوخ داخل قلبها مجروح مكسور وفي راسها سؤال واحد بس …ليش نبيل تغير؟!
من تاني اسبوع زواج نبيل تغير عليها اختفت برادتها معاها ولهفته وحبه ليها لدرجة حتى في السرير كأنه مجرد زوجه وخلاص من حبيبته وعشيقته زي قبل …قاطع صوت افكارها نبيل
نبيل:هي واتيه؟!
هنادي:هزت براسها بدون متحكي لانها متبيش تتكلم وتسبب مشاكل ويجاوبها ديمه بنفس الكلام(انتي تتوهمي وتبي تنكدي انا مفيا شي)
لبست هنادي عبايتها بصعوبه بسبب القفطان الكبير لانها ماشيه لي دخول خوها ياسين ❤️
_________________
نسيبه:واقفه ع المرايه وتلفتت لي نضال…حبيبي اما احلا الحديده هاذي ولا هادي ؟!
نضال:انتي احلا❤️
نسيبه:ضحكت….غير هيا وقتت عليا
نضال:وربي انتي احلا
نسيبه:مبردك باهي …وتلفتت لي المرايا وهيا تضحك
انا نضال يشوفلها كيف مرتبه وطارحه وعيونه معبيه حب ❤️❤️❤️
نسيبه:نلبس في اكسسواراتي وفي خاطري نقول…يلي يشوفني قبل سنه مستحيل يصدق اني نجهز في روحي لي عرسه ?لاكن فرحانه بي راجلي الف مره ونحمد في ربي عليه
نضال:قاطعها بي بوسه خفففيفه ع رقبتها….محلاك
نسيبه:حطت يدها فوق يده…عيونك الحلوات ياقلبي هيا وقت
نضال:قعد يساعد فيها تلبس العبايه وطلعو مع بعض ❤️❤️
?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?
هنادي:مقعمزه ع الطاوله يلي جنب الباب تستقبل في الناس وقلبها يعلم بيه ربي ?لان خلاص وضع نبيل زاد علي حده هلبااا وهيا لازم تعرف السبب واليوم
اما نسيبه وصلت متأخره لي الصاله بسبب زحمة الطريق …وقفت ع المرايا تعدل في روحها ونحت عبايتها ومستغربه ليش الباب الداخلي مسكر ؟
شويه وسمعت صوت وراها خلا وجها اصفررر
ياسين:طالعه تهبلي
نسيبه:عرفت ان الباب مسكر لان العروسه وصلت وبيدخلها العريس …قعدت نسيبه تتعلثم في كلامها
ياسين:قرب شويه….ياريتني مكانه ?
نسيبه:تتصنع الغباء..ع منو تحكي ؟
ياسين:بكل جراءه …نضال راجلك
نسيبه:خدت نفس عميققق…انت السبب في كل شي بس الحمد الله حصلت ارجل منك
ياسين:حرقاته الكلمه ….ارجل؟!
نسيبه:اي ارجل ع الاقل ميخونش ومحافض عليا اكتر من نفسه
ياسين:انا م…….
حفصه:ياسين غبر فيك شنو خاش ع البنت هكي
نسيبه:صحكت بي الغلط يامرت عمي معليشي متربيين مع بعض ولد عمي مش براني
حفصه:محلاك طالعه ربي يهنيك
نسيبه:ويهنيك يارب عن ادنكم …خشت نسيبه للقاعه وياسين لاحقها بي نضراته ودمه يغلي ندم من داخل لان بجد الندم احقر شعور ممكن يعيشه البنادم
____________
هنادي:قلبها محرووق تأكدت ان نسيبه عايشه مع نضال وحبه متغيرش ليها به علاش نبيل هكي معاها؟!
اكيد هيا مش حاسدتها لانها زي اختها بس ليش نبيل مش زي نضال شنو يلي غيره؟؟؟؟!
نسيبه:حست ان جروح السنين شفت بعد الموقف يلي صار قبل شوي بعد شافت الندم في عيون ياسين وهيا مش متأثره ولو بدره وكل حبها لي نضال❤️
خشت العروسه مع ياسين وهوا طول الوقت عيونه ع نسيبه ومفيش حتى نص ابتسامه
اما العروسه طالعه حلوه وكيوت صح حركاتها بايخه وخفيفه بس حلوه طالعه ❤️
لانه دخول بدي متأخر هلبا ونضال كل شوي يتصل بي نسيبه مستاحشها وبيجي يروح بسها به علاش نبيل معبرهاش حتى بمسج؟!هنايا هنادي تأمدت ان نبيل في شي وخلاص لهنايا وبس لانها كانت متخيله ان كل المتزوجين يتغيرو زي نبيل
_____________
استسلمت نسيبه لي اتصلات نضال الزايده وقتله تمام تعالا وناضت تلبس في عبايتها اصلا خلاص الدخول تم
هنادي:اتصلت بي نبيل حتى هوا وطلبت منه يجيها
نسيبه:خيرك هنادي ؟!
هنادي:شنو؟!
نسيبه:منعرفش حاسه امورك مش تمام
هنادي:بلعكس كويسه غير عرس ياسين تعب وهكي تعرفي
نسيبه:اي ربي يهنيه ….بنقولك ع شي اول وحده تعرفيه
هنادي:احكي وانتي ديمه بي مصايبك
نسيبه؛هههههه المره هاذي مصيبه حلوه
هنادي:شنو
نسيبه:الصبح درت تست حمل وطلعت حامل
هنادي:قريب هبلت من فرحتها….ياعمرررررررري الف مبروك فرحتيني ???
نسيبه:يبارك فيك تعرفي قريب نهبل اليوم بنقول لي نضال
هنادي:ياحليلي انا ربي يكملك ع خير بس ديري بالك
نسيبه؛ان شاء الله …يتصل شكله وصل هي تصبحي ع خير
هنادي:وانتي بخير
نسيبه:نزلت الخمار وطلعت
اما هنادي قعدت تراقب في نسيبه وداخلها فرحانه ع الاقل رفيقة عمرها مرتاحه في حياتها ❤️✨
مجرد دقايق بس وطلعت حتى هيا لي نبيل
?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?
نضال:بدلي ازفت هيا مستاحشك
نسيبه:نحت العبايه ووقفت قدامه…عندي ليك حاجه
نضال:احكي
نسيبه:اءءء
نضال:شنو تكلمي
نسيبه:انا انا حامل
نضال:به توا ن….???ششششني ؟!
نسيبه:علامات الخوف ع وجها….مفرحتش
نضال:ضحك بصدمه …حامل حامل؟!
نسيبه:ضحكت….اي حامل حامل
نضال:رجع شعره للخلف بيده وهوا يضحك….ياررربي حامل؟!
نسيبه:هههههه اي حامل
نضال:حضنها بقوه وهوا يحمد في ربي كأنه مش مصدق يلي سمعه وبيطيررر من فرحته
_______________
وصلت هنادي للحوش وطوول الطريق مفيش حد بينهم تكلم نبيل يلي كان بي نكته التافها وع اي شي يضحك ويهدرز مسمعتش منه حتى كلمه
خشت غرفة نومها لبست روب قطعتين وغسلت وجها من المكياج كويس وخلت شعرها نازل ع ضهرها
هنادي:نبيل
نبيل:عيونه في التلفزيون…همم
هنادي:بنحكي معاك شوي
نبيل:سكر التلفزيون وانتبهلها…احكي
هنادي:انت مضايق مني؟!او مثلا شفت مني شي غلط؟
نبيل:لا ليش
هنادي:علاش متغير به ومتقوليش تتوهمي مستحيل وين نبيل يلي كان 24ساعه يغازل فيا ويحبني وكان رح يموووت عشان ياخذني وحبني في شهور بسيطه وين؟وين اهتمامك بيا نبيل؟!
نبيل:خذي نفس عميق …انا هكي هنادي
هنادي:قلبها تحطم?…فهمني
نبيل:بيتكلم لاكن قاطعه صوت الباب
طق طق طق
نبيل:هاذا صاحبي خليك داخل لين يروح
هنادي:خذت بعضها وخشت دارها اما نبيل ناض يفتح في الباب
___________
ياسين:كان عارف ان خطيبته فيها هلبا حجات مكانش يتمناها في شريكة حياته بس للاسف خلاص طاح الفاس في الراس ولازم يقتنع ان دارها بيده قبل ميكون نصيب
نضال:كانت اسعد ليله في حياته هوا ونسيبه لدرجة بدلت حواايجها وطلعو في عز الليل يلف بيها من الفرح وخطمو ع شط البحر ❤️
هنادي:كانت تبكي في دارها تايها ضايعه مش عارفه وين تمشي وشنو ادير …طلعت من دارها للمطبخ تدير قهوا ممكن تهدي الصداع يلي في راسها
?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?
هنادي:كانت فايته للمطبخ لاكن وقفت بعد سمعت صوت هيا تعرفه كويس?قربت من المربوعه تسمع
عبدو:مكانش هاذا اتفاقناااااااا
نبيل:افففف
عبدو:فهمتك من الاول يا نبيل قتلك طلقتها بي ال3انا ونبيها تتزوج غيري باش نقدر ناخذها وانت وافقت ومش علي سواد عيوني بي مقابل وبوك يلي يساعدك لان عارف انك انت وياه الربحانين
هنادي؛حطت يدها ع فمها من الصدمه وهيا عندها بصيص امل متكونش البنت يلي يحكو عليها
نبيل:عارف وفاهم وحتى انا مليت لاكن منقدرش نطلقها توا عرس اختي الاسبوع الجاي والطلاق رح يفركسلها كل شي اصبر عليا
عبدو:خذي نفس….تمام المهم يتم الطلاق معش قادر نصبر وهنادي بعيده عليا
هنادي:????????
نبيل:كان تبيها رسمي راهو مخليتهاش
عبدو:فكني منها الدسكات هيا …انا طالع
نبيل:تمام بينا الو
هنادي:بدون متعلم لقت روحها واقفه في الصاله في حالة صدمه كبببببيره
نبيل:سكر الباب ورجع لي الصاله
هنادي:يلي سمعته غلط صح؟!
نبيل:شن سمعتي؟!
هنادي:بعياط….متكذذذذذذذبش عليااااا نبيل يلي سمعته شنوووو
نبيل:عرف انه خلاص كل شي نكشف….صراحه صح يلي سمعتيه
هنادي:والحب؟!الحب يلي وهمتني بيه والايام يلي قضيتها وانت تجري وراي وميت فيااااا؟!
نبيل:ساكت بدون اجابه
هنادي:لحضات بس واغمى عليها
نبيل:قرب منها بسرعه زي المجنونه يحاول يفيقها بس بدون فايده لفها بي العبايه وطلع بيها
__________________
نضال:شن ياقلبي نروحو ؟!
نسيبه:خلينا ع الشط شويه شوف الجو محلاه
نضال:صقع يا قلبي ولبسنا خفيف الزوز نوضي وبكرا نجيبك
نسيبه:بدت يدها وسحبها عشان ترقف ومشو مع بعض السياره ❤️
طول الطريق اغاني حب ويده في يدها لين وصلو الحوش
خشت نسيبه للحمام ادوش ونضال يبدل في ملابسه سمع فونه يشرين برقم غريب
نضال:الوو
سلمى:نضال؟!
نضال:اي منو؟!
سلمى:نسيتني ؟نسيت سلمى؟!
نضال:ساكت
سلمى:عارفه انك تزوجت وراضيه نكون حتى حبيبته بس خليك جنبي
نضال:شاف لي باب الحمام وسمع صوت نسيبه كيف تغني ابتسم ….مستحيل معنديش فيها الخونه العيل بس يديرهامعش تفكري حتى تبتعي مسج ع الرقم هاذا لان رح تشوفي شي مستحيل يعجبك …وسكر في وجها ❤️?
________________
في المشفى:-
نبيل:قلبه يغلي خايف تكون هنادي صارلها شي خطير وعلدو واقف جنبه يراجو في الدكتور يطلع وبسرعه لحق عليهم معمر اب نبيل
نبيل:طمنا
الدكتور:من حضرتك؟!
نبيل:راجلها شن صار فيها احكي
الدكتور:غيبوبه✨
نبيل:شاف لي عبدو بصدمه ورجع شاف لي الدكتور…ششش شن تحكي؟!
الدكتور:ارتفعلها السكر فجآه لدرجة خشت في غيبوبه الله يعلم هلي تفيق منها او لا وامتى تفيق اصلا …طلع الدكتور وعبدو طاح ع ركبيه من الصدمه
معمر:فاتح عيونه مش مصدق ونبيل في عالم تااااااني ويردد في كلمة….غيبوبه ?
سمعت العيلها كلها وكانت كارثه وفاجعه بنسب للكل هنادي رجعت لي الغيبوبه كأنها مقدرتش تتحمل قساوة الناس يلي جنبها ورجعت لي الشي يلي ارتاحت فيه سنتين رجعت للغيبوبه يلي خلتها متعلم بشي ولا تحس بي حرقت القلب ع الاقل
عبدو:من حرقته في خسارة هنادي للمره الثانيه طلق رويده واختار يعيش بروحه بس المره هاذي قرر انه يراجي هنادي ممكن تفيق زي قبل طول الوقت في المشفى وهوا مقرر داخله رح يقعد يستناها طول العمرر مش سنتين وبس
اما نبيل ?يلي مقدرش يتأقلم ع حياته ومفيهاش هنادي نبيل انطبق عليه كلمة متحس بي الشي لين تفقده الندم كان واكله اكل تغيرت طباعه تصرفاته يديه مربطه مش عارف شنو يلي يديره وهوا يلي ضيع هنادي ورفعها للهلاك بيده ?
اما نضال وياحليلي ع نضال يلي واقف مع نسيبه وهيا في عز حزنها وصدمتها …سادنها ومتحملها ويرعش عليها غير شن تبي نضال كان الوحيد في روايتي يلي طبق الرجوله بمعنى الكلمه ❤️
وطبعا حساب الدنيا فيها بعد تزوجت سلمى راجلها طلع واخذها عشان فلوس بوها لا اكتر وهاملها بي حقاره مش طبيعيه وهدد نبيل وبوه لو طلقتوها رح ننشر صورها ونفضحها ?
حالة حفصه ومحمد اب وام هنادي منقدرش نوصفها ?تعرفو الشعور يلي اقوى من الصدمه والالم بي الففففففف مرررره هكي صارلهم
اما انتم كلكممممم انخدعتو في نبيل وجوه الحلو وشكله يلي خلاكم متشكوش انه خاين زيه زي الف واحد موجود في حياتكم انتم مش حاسين بيه فيقوووو ع روحكم هنادي كانت غبيه لما صدقاته
غبيه لما صدقت انه نبيل ممكن يحبها ويتزوجها وهوا صاحب عبدو ?مهما كان مستحيل يرضى عبدو بي الشي هاذا
غبيه لما صدقت ان نبيل حبها في وقت قصير زي هاذا رغم انه يعرف الف بنت غيرها مش زي نضال قلبه نضيف عمره معرف الحب !!
خليكم اذكياء اكتر من هكي ولازم تفهمو وتعرفو كل شخص موجود في حياتك ليش موجود وشن يبي منك؟! ومتسمحيش لحد يضحك عليك ولو شوي
*مضيعيش الحجات الحلوه من حياتك وانتي ادوري في حجات احلا لانك مرات تفقدي الزوز
*خلي نيتك نضيفه اتجاه كل الناس لان بجد اقسم بالله حساب الدنيا فيها
*متندبيش حضك في الدنيا لان ربي كل شي مدايره ليك فيه حكمه
هاذي كانت نهاية روايتي نسيبه عاشت في حب مع راجلها وولدها يلي تراجي فيه
وهنادي اختارت #غيبوبه تعزلها ع العالم يلي تألمت منه هلباااا …ورغم كل شي نقول ….الحب في كل مكان بس انتم دورو واختارو صح
اروى الطاهر المسلاتي …خلو رايكم