رواية غيبوبة للكاتبة أروى الطاهر
#غيبوبه 2
حفصه:وين سارحه هنادي؟
هنادي:بدو دموعها ينزلو بدون متحكي وتذكر في تفاصيل عرسها وتفاصيل عبدو وحبهم الكبير .
نسيبه:تمسح في دموع هنادي….خيرك ؟
هنادي:تتكلم بصعوبه…عع بي ع عبدو و ووين؟
حفصه:بلعت ريقها…شن تقولي هنادي ؟!من عبدو
هنادي:ععع ع عبدو راججلي وين؟!
نسيبه:جت عينها في عين حفصه
حفصه:بنتي راهو الغيبوبه واعره والحمد الله نقزتيها لاكن شكلك توهمتي هلبا حجات
هنادي:بصدمه….كك كيف؟!
حفصه:مفيش حاجه اسمها عبدو انتي قاعده بنيه
هنادي:سكتت وفي قلبها شك كبيرررر معقوله كلل التفاصيل يلي تذكر فيها وهم؟
معقوله كل الحب يلي حاسه بيه مليشي اي وجود؟!
خشت الممرضه وعطت حقنه مهدئه لي هنادي عشان ترقد .
_________________
نسيبه:شن يلي درتيه يامرت عمي ?كيف هكي تن….
حفصه:اشششش اسكتي منبيهاش تسمع،بنتي فقدتها مره مستحيل نفقدها مره تانيه
نسيبه:لاكن!!!
حفصه:انتي عارفه كمية الصدمه لو عرفت الحق!!
مش محتاجه نذكرك مستحيل نخليها تعرف
نسيبه:وكيف بتخلي باقي العيله تسكت ؟!
حفصه:نخليهم متخافيش بس اهم شي توا هنادي ميخشلها حد غيرنا…اهو جو خلي نتفاهم معاهم
محمد:السلام عليكم
حفصه:وعليكم السلام…جيت وجابك ربي
ياسين(اخ هنادي):شنو في؟!
حفصه:البنت مذكره كل شي يتعلق بي راجلها
محمد:مسرع?
حفصه:تنهدت….وين نعلم بالله المهم لازم نلقو حل للقصه هاذي!!
ياسين:حل شنو خليها تطلع بسلامه وقلولها بشوي
حفصه:بجديه…مستحييييييل لو عرفت احتمال تنجلط ولا ترجع للغيبوبه
ياسين:ضحك…شن تسحابي الغيبوبه صبلي نشرب؟
حفصه:مهما كان البنت كان سمعت مستحيل تفوت القصه ع خير
محمد:وشنو مخططه؟!
حفصه:سألتني عليه وقلتلها من خيالك هاذا كله
محمد&ياسين؛?????
حفصه:شنو تشبحولي هكي
محمد:كيف تكذبي ع البنت هكي ؟!
حفصه:مش مستعده نخسر بنتي مره تانيه اناااا
محمد:تنرفز….ربي يهديك ياحفصه ديمممه تتصرفي من راسك بعدي من قدامي خلي نشوف البنت
حفصه:لحقت محمد لي غرفة هنادي
نسيبه:قعمزت ع الكرسي ومصدومه في يلي صار شن مصير هنادي لو عرفت الحق!!
ياسين:عيونه علي امه وبوه لين خشو للغرفه…وقف قدام نسيبه ويديه في جيوبه …يتفحص فيها عاجباته❤️
نسيبه:نزلت راسها وهيا تفكر
ياسين:الحمد الله يلي فاقت هنادي عشان نشوفك
نسيبه:قامت عيونها…شن عندك بدير بيا؟
ياسين:سنتين حارمتيني منك مش شويه
نسيبه:بطل الدوا التافها هاذي واخطاني
ياسين:قصدي علاش هكي مش عاطتيني فرصه نشرحلك بكلل!!
نسيبه:وقفت وتشرفله بثقه…اقلب عليا وجهككك
ياسين:قاعد نحبك ره
نسيبه:هه بغبرتك وربي….وعطاته بضهر
ياسين:تنهد بعمق مع ابتسامه ع جنب
نسيبه؛مجرد ماعطاته بضهر دموعها نزلو ويدها ع فمها تكتم في شهقات بكاها
محمد:يشوف لي هنادي وداخله فرحان اخيرا بنته راقده نومه طبيعيه بدون خيوط بدون اجهزه غريبه بدون طوبو معلق في رقبتها
حفصه:بتساعدني ولا كيف
محمد:مردش عليها
حفصه:بدت تبكي….والله منقدر نتحمل نخسرها مره تانيه الله يخليك يامحمد
محمد:خذي نفس عميق…ان شاء الله خير
نسيت نعرفكم علي نسيبه نفس مواليد هنادي وقرت معاها في الكليه بنفس الدفعه …طبيعة نسيبه لسانها طووويل هلبا بس دمها خفيف تخش القلب طول…مش رح نحكي قصتها مع ياسين خلوها سر لين تكشفوه مع الروايه ?
?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?
ثاني يوم:-???
راويه(اخت هنادي):السلام عليكم
حفصه:وعليكم السلام
راويه:حطت الاكياس ع الطاوله …وين هنادي؟!
حفصه:في الدور اللوطي جاها متع العلاج الطبيعي
راويه:ااخخ رجليا شن حالك نسيبه
نسيبه:الحمد الله تمام
حفصه:منو جابكم؟!
راويه:ياسين ولدك من بيجيبنا
ياسين:السلام عليكم
راويه:اذكر القط يجيك ينط
نسيبه:فتحت تالفونها عشان متتقابلش مع ياسين
راويه:قتلك يا امي
حفصه:شنو
راويه:مبكري تلاقيت انا وفاطمه يلي تسكن قدام حوش جدي
حفصه:خيرها ؟!
راويه:قتلي مبروك علي ياسين سمعنا عطيتو كمه في وحده
حفصه:اففففف منو قاللهم هاذم
نسيبه:رفعت عيونها بصدمه
راويه:خلاص طلعيها الدوا
نسيبه:ابتسمت…..مشاء الله خطبتوله؟
راويه:اي يانونو غير في البدايه منبوش نقولو لي حد
نسيبه:اي العين حق …شافت لي ياسين …الف مبروك ربي يكمل عليك
ياسين:ارتبك …تسلمي
نسيبه:نازله نشوف هنادي بالك محتاجه شي
حفصه:الله يرضى عليك ياغاليه والله وقفتك مع بنتي ماننساها يابنت سلفي
نسيبه:طلعت من الدار بدون مترد
ياسين:عندي مشوار انا تو نجي مع العصر نروح بيكم
حفصه:ان شاء الله
ياسين:طلع بسرعه يلحق في نسيبه يلي خشت لحمامات المصحه
_______________
الدكتور:مشاء الله هنادي تستجيبي للعلاج بسرعه غير طبيعيه حسيت لسانك احسن اليوم
هنادي:ال الحمد الله
الدكتور:معناها بي اذن الله بكرا بي الكتير خروج لاكن لازم تستمري علي العلاج الطبيعي
هنادي:هزت براسها
الدكتور:تنهد …اءءء ياهنادي في كم حاجه لازم نفسرهولك
هنادي:شافتله بنضرة استغراب
الدكتور:قبل كل شي الحمد الله انتي نضتي من الغيبوبه هاذي بي معجزه
وفي العلم مش معروف لما يبدا الانسان في الغيبوبه شن يحس !!في ناس تنوض ولما تحكي تقول كنت نسمع في كل شي وفي ناس تنوض تبدا تتخيل في حجات وفي ناس تفقد حتى الذاكره
هنادي:انا انن انا نذكر في حجات
الدكتور:حكتلي امك وشي طبيعي عادي مع الايام معش تحسي بي شي….نبي منك تنتبهي لي شي واحد
انتي رقدتي سنتين راهو مش شويه لما تطلعي لازم تراجعي دكتور نفسي …لان في هلبا ماس تعرفيهم شكلهم تغير وفي علبا احداث صايره ممكن تنصدمي فيها لهاذا السبب لازم اتابعي حالتك عند دكتور نفسي
هنادي:هزت براسها وجت الممرضه خذتها للغرفه
?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?
نسيبه:وقفت في المغسله متع الحمام تمسح في دموعها يلي منزلوش من عيونها وقلبها يتقطع …لحضات وحست بي باب الحمام تسكر تلفتت مخلوعه
ياسين:سكر الباب وخش
نسيبه:شن ادير هنايا اطلع
ياسين:قرب عليها….خيرك تأثرتي؟
نسيبه:شن تخرف انت نحي من قدام وجهي …وحاولت ادفه
ياسين:مسكها من يديها الاثنين بقوه ورماها ع الحيط
نسيبه:شن اددددير خيرك انت
ياسين؛علاش تسكري في دماغك فهميني
نسيبه:لانك حقييرررر ومش راجل كل همك جسم وخلاص
ياسين:ضربها كل??
نسيبه:نزلو دموعها دفاته بقووووه وطلعت ?
______________
هنادي:قعمزت في دارها …وبدت الزحمه اكتر من امس ومعش حتى خلولها وقت تفكر فيه بينها وبين نفسها رغم انها كانت تحس بي شي داخلها كان قوي هلباااا
نسيبه:كان صعب عليها تقعد في مكان فيه ياسين وزاد الحال تعقد اكتر واكتر لاكن حبها الكبير لي هنادي خلاها تعفس علي كرامتها وتكون مع هنادي لحضه بي لحضه .
فاتو3ايام ع الحال هاذي العيله كلهم والجيران وحتى اصحاب المصحه يلي كانت تخدم فيها هنادي جوها زياره .
دارولها فحص شامل وبي اعتبار ان هنادي كانت حاجه غريبه شويه قعد البروفيسور التونسي هوا يلي متابع حالتها …كتبولها خروج وحفصه جهزت الحوش هيا وبناتها فرحانين وروحو بيها ❤️
وبدي الحوش معبي هلبا وزادت نفسية هنادي تحسنت لما شافت كيف العيله كلها فرحانه بيها ❤️….قعدو كلهم للعشي وبدو يروحو شوي شوي
________________
نسيبه:مدتلها القهوا ….خوذي هنو
هنادي:صحيتي
نسيبه:قعمزت جنبها…خيرك ؟
هنادي:تنهدت بوجع….صعب هلبا يانسيبه
نسيبه:شنو؟
هنادي:عقلي قاعد متوقف في سنة2013قاعده نذكر كل شي …لاكن عبدو من وين جاني؟!
نسيبه:بلعت ريقها وهيا مش عارفه شنو ترد عليها
هنادي:تبكي …..حاسه روحي نحبه هلبا ومذكره حجات معاه وعرس والف حاجه كيف يطلع وهم كل شي
نسيبه:للحضه كان لسانها رح ينطق لاكن خافت تخسر هنادي مره تانيه
هنادي:مسحت دموعها …الحمد الله ع كل حال
نسيبه:الحمد الله ياقلبي هدي روحك قالك الدكتور مؤقت كل شي المهم رجعتيلي توا والله اكتر مخلوقه فرحانه بيك استاحشت اياماتنا تعرفييي
هنادي:ابتسمت….حتى انا وربي …احسن بنت عم في الدنيا كلها
نسيبه:حضنتها وهيا مبتسمه …يالله شدي حيلك عاد صحتك كويسه بديتي ترجعي زي قبل باش ترجعي تخدمي
هنادي:زعمى؟
نسيبه:تي اكيد مش زعمى باش تتعودي ع الاقل
هنادي:يصير خير
نسيبه:هي بنروح توا …بي اذن الله بكرا نخطم عليك وانا مروحه
هنادي:خليك باتي معاي
نسيبه:ارتبكت….لا والله منقدر عندي مصحه بكرا
هنادي:اوكي ع راحتك
نسيبه:هي سلامات
هنادي:سلام
نسيبه:طلعت وسكرت باب الغرفه
اما هنادي رقدت علي سريرها وفي وجع في قلبها مش مفهوم شنو كأنها تمنت يكون عبدو حقيقه?
نسيبه:هيا امي وااااك دوة الباب هاذي متتعبوش منها
كميله:به سلمك بسلامه المهم كان جيت عضوا تو نزيدو نهدرزو
نسيبه:افففف??♀️
ياسين:مروحين مرت عمي؟!
نسيبه:سيباته وركبت سيارة بوها
كميله:اي بسلامه
ياسين:سلمك…وقعد واقف يشوف لي نسيبه لين مشت السياره
?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?
#تسريع_في_الاحداث
بعد مرور شهر …بدت هنادي انسانه طبيعيه جسديا لاكن نفسيتها تااااعبه من ذكرياتها مع عبدو?
رجعت تخدم مع نسيبه في مصحه كبيره متع اسنان وعيون ..طبعا خوها وبوها يلي شجعوها ترحع خدمتها عشان حالتها النفسيه …بدت دوام اكتر من اسبوعين وبسرعه ما تأقلمت …بس الغريب في الموضوع انها كانت تذكر في كلللل شي بتفصيل كأن عقلها قعد في سنة2013بس
نسيبه:كترت مشياتها لحوش عمها عشان هنادي لاكن مسكره جميع الابواب علي ياسين وانه يتواصل معاها نهااااائي رغم حبها ليه وقلبها يلي يتقطع عشان بيخطب?
______________
في يوم من ايام خدمة نسيبه وهنادي:-
نسيبه:مقعمزه في حجرة التمريض…..طيح سعدهم كلهم ماشين لحفلة تخرج ولد المصحه يزمزكو
هنادي:تعقم في المعدات….وعلاش يزمزكو
نسيبه:تاكل في السمينسه…وعلاش لا ياكبدي فلوس حتى من الفلبينيات طامعين فيه
هنادي:هههههه مشيتي حتى انتي شفتي نصيبك
نسيبه:اخخخ مزال انا
هنادي:خليك هكي تباركي لي الناس بس
نسيبه:كلاب كلهم بنقعد هكي والله مفي واحد ارجل مني
هنادي:ربي يهديك?
بينما هنادي ونسيبه غارقين في الهدرزه والمشفى فاضي فجأه يقتحمو الغرفه 3شاب جايبين ولد مضروب بي دمه لين باب الغرفه تكسررر
هنادي:بسمممممم الله من انتم
نضال:تحركي انتي وياها عالجوه الكلب هاذا قبل ميموت
نسيبه:ومنو انت يا بابا جاي تلعلع هكي
نضال:سكري فمممممك وتعالي عالجيه خير منصفيك
يزن:يدخن وعيونه ذابله…تعالي دريله حلويات ولا سلاطه مشويه
الولد المضروب:تربحي تعالي حتى اقتليني المهم فكيني من بين يديه ?
هنادي:مصدووومه في الموقف
نبيل:هايم في هنادي..مساء المسرات مكسده ولا تاكلي في المكسرات??
هنادي:?…
نضال مواليد88 اخ لي زوز خوات بس مواصفاته اسمر شوي شعره بني مايل للاشقر عيونه صغار ملامحه حلوه وجسمه??????
شخصيته …اعصاب+يقتل ويضرب ع اي سبب عادي
يزن:مواليد88 انسان غبي هلبا وزاده الحشيش والدخان ديمه الناس في عالم وهوا في عالم ?
عايش في شقته بروحه ومتزوج سريره
نبيل:مواليد90 عنده اخت واخ بس طبعا هاذا يكون ولد مدير المصحه انسان تافه لدرجه لا تصدق .
فاشل في قرايته ع اي شي يضحك ومستعد يحول اكبر مصيبه لي اتفه مشكله+مستفز ويحب روحه هلبا …مواصفاته اسمراني نقشه ع الاسود ويموت في حاجه اسمها لبس….يتبع