رواية غيبوبة للكاتبة أروى الطاهر

#غيبوبه 4

نسيبه:طلعت فونها وهيا في المصعد فجأه وقف …اياااه علينا هيا مستعجله
نفتح باب المصعد وخش نضال
نضال:خش معاها ويشوف لوطه
نسيبه:حي عليا هذا يلي امس ?…وكان يقتلني هاذا بروحنا هني

هنادي:خشت الحوش بهدوء نحت كندرتها وجت بتخش الصاله لاكن وقفت لما سمعت امها تحكي علي عبدو ونصدممممت…

______________

نسيبه:نزلت راسها هلبا عشان ميركزش
نضال:مفيش داعي تحشي راسك لوطه زي الفكرونه
نسيبه:بلعت ريقها بخوف…مني انت وخي منعرفكش
نضال:متعرفينيش صارر!!وينه لسانك يلي يلعلع برا ومدايره العار
نسيبه:لو سمحت انا مرا متزوجه خليني في حالي
نضال:ع اساس ميت علي شكلك يلي واخذك امه داعيه عليه لين فم كبدها صقع
نسيبه:في لحضه نست الخوف وبدت عاد تتكلم ويديها فوق…عطيني من ثقاااااافتك واخلاقك يامتع الرديف تضرف في الناس وتكركر فيهم في المصحات باش تزيد تكمل عليهم تسحاب روحك راجل
نضال:راجل غصباً عليك وعلي اهللللللللللك ياا….

نفتح المصعد وطلعت نسيبه تجري وهيا تبتسم بخبث ??

___________

هديل:نهاااار سود كيف هكي ؟!
حفصه:خذت نفس عميق …هاذا يلي صار
هديل:امي سامحيني الغلط منك من البدايه كيف تكذبو عليها وتقولو عبدو وهم وهوا راجلها كيف بسسس انل من المشفى مش موافقتكم ع الراي هاذا
هنادي:حطت يدها ع فمها وعيونها توسعو من الصدمه…
حفصه:هاذا يلي صار ومهما كان مش رح نقوللها خليها خاطه في بالها انه وهم احسن من ….
هنادي:دموعها في عيونها..احسن من شنو
حفصه:ه ها ها هنادي ?امتى جيتي بنتي
هنادي:طاحت منها شنطتها…كنت عارفه كل شي نذكر فيه مش وهم في شي في قلبي حقيقي علاش كذبتو عليااا…وينه عبدو!؟
هديل:?اءء هنادي اهدي تو
هنادي:بصوت عاااالي وعيون حمررر…اسككككتي انتي متقوليليش اهدي …امي تكلمي عبدو وين؟!
حفصه:اءءء اءء عع عبدو
ياسين:خيركم تعيطو ..
هنادي:بدون اهتمام لي خوفها ومركزه ع امها….وين عبدو امي انطققققي بطلو كذب علياااا
ياسين???
حفصه:بلعت ريقها…عبدو توفى
هنادي:تشوف لي امها بدون اي تعبير وجه ولا حتى رمشت عيونها ودموعها يطيحو?
هديل وياسين:شافو لي امهم بي صدمه كيف جتها القوه….????
هنادي:ككك كيف؟!كيف مات
حفصه:نفس الحادث يلي خشيتي فيه الغيبوبه توفى
هنادي:نهارت بكي…لالالا مستحيللللل مستتتتحيللل لا وينه ???ووووينه قولي انك تكذبي حتى المره هيااااا قووووولي?????
ياسين:خلااص عاد الراجل ليه سنتين متوفي حتى عضامه ذابو
هنادي:تلفتت ضرباته كف وبدت تخبط فيه ع كتافه وتعيط بشكل هستيري…كذااااااب كذاااااااب عبدو قااااااعد عايش ?????ااااااه يارررررربي????ااااااااااه
هديل:تحاول تمسك هنادي هيا وياسين وتبكي …هنادي الله غالب خليك صابره
حفصه:يدها ع فمها وتبكي بي العبره
هنادي:اااااااااه مش قادره نتحمل مش قااااادره?ليش مخذانيش ربي حتا انااااا يااااااربي نكون قاعده في الغيبوبه وهاذا كله حللللم????
راويه:طلعت بسرعه من دارها…خيركم?
هنادي:??ارفعوني ارفعوووووني لي قبره حرام عليكم علاش الكذب عليا بس
راويه:ع من تحكي
حفصه:عبدو الله يرحمه
راويه:?
هنادي:معش تقووووولي الله يرحممممممه اسكتي خلاااااص ???
ياسين:دخلي اختك لدار ترتاح
هنادي:مستحيل توا بنمشي لي قبره انااا منقدرش نقعد دقيقه هنايا
ياسين:شاف لي امه
حفصه:خلي نلبس عبايتي ونجي معاكم

?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?

نضال:السلام عليكم
نبيل:اللطف ياربي كيف تخش بدون موعد لي مكان شغلي برا لي الريسبشن خوذ موعد بعد 7ساعات وتعاله انا راجل مسؤل ومش فاضي
نضال:قعمز ع الكرسي…سكر فمك ترا ليك ساعتين كيف بادي تخدم قاعد ماد وجهك زي مالقي العزي
نبيل:ع فكره الكلمه الطيبه زكاة
نضال:صدقه مش زكاة ياحمار
نبيل:المووهيم حاجه باهيه
نضال:غير اسمع ..نبي مفتاح سيارتك
نبيل:رجليه فوق الطاوله…وعلاش
نضال:سيارتي وقفت الصبح جيت هنايا بتاكسي بنمشي لي ..
نبيل؛لمنو?
نضال:بنمشي ناخذ بضاعتي منها
نبيل:اممم بتمشي لي مفسوختك يعني
نضال:وقف وخذي المفاتيح…تعال تغدا معانا في شقة يزن بنجيب وجبة حوت بعدين
نبيل:كان كملت خدمتي???
نضال:ربي يشفي …وطلع
وقعد نبيل يلعب في بوبجي ومره مره يوقف ع الروشن يتفرج ع البنات??‍♀️

__________________

نزل ياسين وامه وهنادي مش قادره توقف من البكي ?…خشو لجبانه وقعدو يدورو ويدورو
ياسين:تي وينه يما ساعه لينا ندورو
حفصه:اهوا اهواا القبر قاعده مذكره
هنادي:قربت بي خطوات متعثره …اطيح وترجع توقف من جديد لين قربت من القبر بعدين خلاص معش قدرت توقف بدت تزحف وتبكي لين وصلت ?

ياسين:واقف من بعيد هوا وامه…علاش مقايلتيلها بسسسس
حفصه:سمعتنا نحكوو ..شن تبيني ندير
ياسين:لو بوي سمع تحملي منه ميجيك يما ربي يهديك وخلاص
حفصه:معنده ميدير خليني لاهيا في هم بنتي توا

_______________

هنادي:تمسح ع التراب…عبدو?قاعده مذكره كل شي وربي
مذكره كيف طلعتني من قاعة الفرح?مذكره فرحتي بيك لما قريت عليا فاتحه وقلتلي شفتي ياهنو كيف انا قدها .،،حي علياااا قدااااش الشعور حااااار حاااااااااااار ياربي نااااار داخلي ناااااار والله ????كيف بنصير كككيف
حفصه:تمسح في دموعها….هنادي وحدي الله واصبري
هنادي:بدت تعيط وتحاول تحفر التراب…نووووووض متخلينيش نوووووض زي مافقت انا من غيبوبة الموووت ???نووووضلي من الموت هيااااااااا متخليش قلبي محرووووق??..كيف بنكمللللل حياااتي كيف ?????
حفصه:تحضن فيها تحاول تهديها وتبكي معاها?

?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?

نضال:واقف قدام حوش خطيبته ويدخن
سلمى:نضال?
نضال:لوح الدخان ولتفتلها …نعم!
سلمى:اءء لو تسمعني دقايق
نضال:سمعتك اولامس والاسبوع يلي فات كله قعدت معاك للفجر نسمع فيك وفي النهايه طلعتي كذابه
سلمى:انا م….
نضال:معش تزيدي حتى كلمه خشي جيبي الذبله والباقي منبي منك شي
سلمى:عيونها دموع…نضال بالله عليك ان….
نضال:قرن حواجبه بعصبيه….معش تززززيدي معاي كلممممه
سلمى:واطت عيونها من الخوف وخشت

_______________

هنادي:راقده ع السرير ودموعها ماليات المخده?

طق طق طق
طققق طق طق
نسيبه:هنادي افتحيلي نبيك بالله عليك
طق طق طق طق
هنادي:فتحت الباب …شن تبي
نسيبه:نصدمت في شكل هنادي وعيونها كيف حمر ومنفوخات….هنادي حبيبتي ان….
هنادي:مسكت نسيبه من يديها…حبيتك؟!حبيبتك ياكذاااابه كيف ترضي اديري فيااا هكي حرام عليك ??حرااااام عليك وربي تحرقولي في قلبي شهور ليا عايشه ناكل نشرب ونحاول نقنع روحي انه وهم وهوا تحت التراااااااب?????
نسيبه:حضنتها وقعدت تبكي معاها….هدي روحك كلنا خفنا عليك ياهنادي حرام عليك
مصدقنا وعيتي ع الدنيا ورجعتيلنا خفنا نخسروك من جديد ??….

_____________

يزن:خطرت انت مسحت دمووووعي …خطرت انت نورت شمووووعي …يلي حتى وانت مباعد يلي حتى وانت مباعد وين تخطر تهدا الخواطر ????
نبيل:حبيبي تهدا الخواطر حبيبي تهدا الخواطر??
نضال:سلام عليكم
نبيل:قعمز بسرعه…اخيرا جت الماكله
يزن:طايح ع الصالون…مدولي سمك من السمكات يلي جابهم
نبيل:??????
نضال:ينحى في جاكيته..مش عارف هستيرية الضحك يلي عندكم هيا
نبيل:ع سيرة الحوت يلي جبته ?قالك مره في واحد
نضال:اياه عليناااا عاد بيبدا رزن الدم
يزين:قام يده …انا مهتم نبي نعرف
نبيل:يفتح في شكاير الماكله …قالك مره في واحد طالع من المحل شاد كيسه معبيه حوت لقي واحد سكران …قاله تعرف كان تقولي شنو فيه في الكيسه هاذي نعطيك سمكه منهم???رد عليه السكران قاله بحر ????
يزن:ههههههههههه
نضال:برو انتحرو ?
يزن:احو احو ووه جنابي ..اسمع هيا
قالك في ليمه واقفه قدام الجامع علاش؟!
نبيل:علاش
يزن:تراجي في العصر هههههههههه…وطاح من الضحك
نبيل:ههههههههههههه وووه عليا وووه
نضال:هادم ناس قريب يسكرو ال30سنه؟!??‍♂️
نبيل:مره في واحد اسمه محمد عماره قرر ينتحر نقز من فوق بوه
يزن:لااااااااععععع هههههههههههههههههههه ?
نضال:جبتولي القداد?
نبيل:مليحه السلاطه هاذي نوض كول يزن….
يزن:راقد ع بطنه فوق الصالون ودايخ…تتوقع لو جينا في ايام الفراعنه شن رح يكون اسمنا
نبيل:نضال اسمه ناضلون امون وانا نبول اتون وانت يزون عنخ امون
يزن:?????كل مينادوني يقدمو شواربهم تقول يبو يبوسو
نبيل:????
يزن:به لو كان خوت شنو رح ينادونا؟
نبيل:تافهون????
يزن:ههههههههه
نضال:يعني انتم من كثر الفضاء متعكم لين معش عندكم في شنو تفكرو خلاص
يزن:تي به ياراجل خيرك متشنج انت خليك عادي
نبيل:وضحك المره دي ????

?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?

#تسريع_في_الاحداث
بعد مرور شهر ونصف

نبيل :تعود ع الخدمه وطبعا ميخدمش يجي يقعمز ياكل ويهدرز مع البنات ويدره في كبد الدكاتره بي التفاها متعه وبسس
اما نضال بعد ما فسخ امه كل يوم تزن علي يخطب عشان يدير عرس وهوا كان راااقض ومسكر دماغه
الشي الجديد ان معمر اب نبيل طلب من نضال يخدمهم معاهم في المصحه بحكم عنده شهادة مهندس معدات طبيه وفي نفس الوقت يليه قريب من ولده يمكن يشجعه ع الخدمه شويه ويولي بني ادم
يزن:لاجديد في عالم برووحه خارح نطاق الخدمه ?

هادي:نفسيتها محطمه وطلبت كم مره تشوف اهل عبدو لاكن بوها وامها رفضو نهااائي بدون سبب منطقي بس برغم هاذا كله نسيبه وقفت معاها ومخلتهاش لين اقنعتها ترجع الخدمه عشان تتغير نفسيتها وترجع تختلط بي الناس ….

____________

نسيبه:رتيها الحقييره شوفي شوفي كيف تتمايل زي الناقه المعاقه بنت الكلللللب اية الكلاب هيا
هنادي:بصوت تاعب …خلاص نسيبه خليها في حالها
نسيبه:كان نقولك…شوفي يسارك شوفي
هنادي:تلفتت يسارها شافت نبيل من بعيد هوا ونضال
نسيبه:اذكرتيهم الجحوش هاذم تخيلي طلع ولد مدير المصحه وهذاك العريض صاحبه
هنادي:يخدمو هنايا؟
نسيبه:اي وبنت الكلب ايه صوتها يوصل لعند اخر الممر ضحك هيا وهذاك الصايع
هنادي:ربي يهدي
نسيبه:هنو خلاص عاد نحب الكآبه من علي وجهك حاولي تغيري جوك
هنادي:ضحكت ضحكه صفرا…تسحابيه ساهل
نسيبه:عارفه اقسم بالله بس هاذي سنة الحياه
نبيل:مساء الجريده علي الدكتوره الجديده
نسيبه:مش دكتوره جديده هيا …كانت واخذه اجازه وشن جاي تبي؟!
نبيل:قام حاجبه…وانتي من كلمك ياطويلة اللسان
نسيبه:مليكش علاقه تفضل شوف شغلك بدون شوشره بليز يعني
نبيل:شطب يور ماوس انتي
نسيبه:شافت لي هنادي وزمطت الضحكه
نبيل:الموهيم …اليوم فيه حفله بسيطه لوطه في الكفتيريا
نسيبه:بمناسبة شنو!؟
نبيل:خطوبة ولد معانا هنايا
نسيبه:عيونها توسعو…هذاكا العريض صاحبك ؟!
نبيل:لا من قسم العيون
نسيبه:اهاا
نبيل:عيونه علي هنادي…الموهيم لو تحبو تتفضلو يعني ولو متبوش لازم تحبو تتفضلو بسيف ☺️
هنادي:بارك الله فيك
نبيل:يبارك في الجميع علي فكره احلى بارك الله فيك سمعتها في حياتي
هنادي:ضحكت
نسيبه؛اخيرا ضحكتي هنو
هنادي:حطت يدها ع فمها بسرعه
نبيل:خلاص امالا نراجي فيكم ?…وطلع

نسيبه:شن رايك
هنادي:معنديش نيه
نسيبه:غير بالله عليك بالك نحصلو تورته وحجات خير من شكلاتهم
هنادي:اففف يصير خير

__________

نبيل:طلع من الغرفه
نضال:قام عيونه من التالفون…شن صار؟!
نبيل:عزمتها ان شاء الله تجي
نضال:مفهمتش كيف متأمل فيها وهيا منكده ديمه ونفسيع
نبيل:ع اساس انت يلي تضحك وكوميدي خف عليا ياعادل امام
نضال:?…الور
يزن:ايوا
نضال؛شنو بتجي اليوم؟!
يزن:اصلا امريكا سبب في الحروب هاذي كله منها
نضال:ارقد ارقد??‍♂️…وسكر الخط

_____________
طلعت نسيبه لي خدمتها وهنادي خشتلها زبونه دارتلها تنضيف لثه وطلعت

طق طق طق
هنادي:تغسل في يديها…تفضل
نسيبه:هيا كلهم نزلو ره
هنادي:به استني…نحت البالطو علقاته وكانت العلاقه جنب الروشن…قعدت هنادي تشوف من الروشن بي صدمه وطلعت تجررررررري بدون متحكي
نسيبه:هناااادي هناااادي وين ماشيه
هنادي:مشت بسرعه للمصعد لقاته معبي فاتاته ونزلت من الدروج…يتبع