رواية غيبوبة للكاتبة أروى الطاهر
#غيبوبه 7
نسيبه:طول الطريق حابسه دموعه تجري في الممر ويدها ع فمها عشان متبكيش خشت بسرعه لي غرفة هنادي عشان تحضنها وتبكي بس ملقتش غير نضال يلي مصدوم في منضرها
نضال:في شي؟!
نسيبه:تبكي بي العبره …وجت حضناته بدون شعور وتبكي الغبيه ??♀️
نضال:قعد متجمد في مكانه …لو كان الموقف هاذا صار بدون ماتبكي راهو نضال دفها بقوة قوته …لاكن دموعها وطريقة بكاها خلاته يوقف ضعيف رغم شخصيته القويه
نسيبه:بعد ربع ساعه تقريبا من البكي والعياط وهيا ماسكه في نضال وعت علي روحها انها دارت كارثه??♀️
نسيبه:بعدت من عليه بسرررعه…
نضال:بيتكلم بس قاطعاته نسيبه
نسيبه:انسى يلي صار انسسسسى….وطلعت بسرعه من الغرفه .
________________
هنادي:ردت بصوت تااااعب…الو
نبيل:اها الحمد الله رديتي …اءء نبي نطمن عليك خيرك اليوم!
هنادي:شوية مشاكل
نبيل:به في امكانيه نساعدوك او شي ؟!
هنادي:لا صحيت بارك الله فيك
نبيل:غير زيدي فكري
هنادي:بجد صحيت وتاعبه حاليا
نبيل:اااه به تمام خوذي بنادول وارتاحي
هنادي:شافت بي استغراب لي رقم نبيل..خيره هاذا مهتم اكتر من الاازم كأنه!!
نبيل:اءء يالله نخليك ترتاحي امالا
هنادي:تمام شكرا
نبيل:شكرا علي شكرك
هنادي:في عز الوجع بتسمت
نبيل:هي سلامات
هنادي:سلامات
?روايـــــــاتٌ بــــــــَنُــــــــووتِــ
?اروى الــــطــــــاهــــر المــــســـلاتــــٰــي?
نبيل:سكر التالفون ورقد ع الكنبه
يزن:يدخن…خيرك مش سعيد في حياتك المديده
نبيل:البنت نبيها
يزن:خوذها
نبيل:ارقد بالله عليك نتكلم ع بنت مش حكة مشروب
يزن:جبد من الدخان….هذيك الدكتوره يلي عيونها كبار
نبيل:اي ?
يزن:واضح عليها بنت عيله وناس ورزينه متليقش بي ولد حرام زيك يامان
نبيل:حذف عليه النضارات…شطب يور ماوس?
يزن:قالك الشاعر …اصلا عادي اتز اوكي حبيبي هجرني ولا اي ?
نبيل:رد عليه الشاعر…حي عليا اوماي قاد ..حبيبي الغالي ناوي الفراق?
يزن:مفروض يحطونا في المنتخب ولا مع الشيف بوراك والله
نبيل:هاذا شعر ياحمار شن دخل الكوره والماكله في الموضوع
يزن:المهم حاجه في التلفزيون?
نبيل:???
______________
نسيبه:طلعت من غرفة هنادي وخلت نضال واقف مصدوم من الموقف يلي صار !!
رجعت غرفتها خذت حجاتها وطلعت روحت بدون متقول ولا شي ودموعها ينزلو وبس!!
الموضفه:عندي ليك خبر بفلوووس
ايه:بدون اهتمام..شني
الموضفه:شكله الايام الجايه المصحه بتخش بعضها
ايه:انتبهتلها….شن تقولي انتي؟
الموضفه:قبل شوي نسيبه طالعه تبكي من عرفة هنادي ومنضر ملابسها مش مرتب
ايه:شن يعني وكان في غرفة هنادي؟
الموضفه:هه قولي منو كان في غرفة هنادي
ايه:تي انطقي يافرخه
الموضفه:نضال كان غادي وبروحه ولما طلعت نسيبه تبكي وهوا قاعد في الغرفه شكله صار شي غلط والله اعلم ?
ايه:????نضال ونسيبه؟!
الموضفه:بعيوني ريتها وقبل دقايق خذت عذر وطلعت روحت
ايه:الله الله ع الاخبار القويه …تو نشوفو ياست نسيبه شن ندير فيك
الموضفه:متنسيناش في الحلوان عاد?
ايه:ادللي..?
______________
روحت نسيبه الحوش مكسوره اكتر من الاول مجروحه اكتر من الاول بي الف مره ليش؟!لانها عطاته فرصه تانيه بعد ماترجاها هلبااااا و وافقت وحطت عليه كل الامال ورسمت معاه حياتها?بس النتيجه كانت صدمه !!.
هنادي:ساعات وساعات فاتو عليها راقده وامها تمسح علي شعرها كأنها طفله تعبتها الحياه الف مره وكل يوم قاعده تصدم فيها بكم حاجه لدرجة ان قوتها نهارت ومعش قادره حتى تاخذ نفس من صدماتها ?
هدى؛سابع مره تجي تقولي في بنت عاجبتني نوض من قدامي تحرك
نبيل:فمه معبي تفاح….تي غير اسمعيني
هدى:نحت الموس يلي في يدها وحطتها ع خذها….ادوي هي
نبيل:المره هاذي لقيتها زي منبيها ….رزينه بشكل مش طبيعي وقنينه ودكتوره وهاااديه بكل
سلمى:يناري البنت شن ذنبها تاخد واحد زيك
نبيل:لوح عليها مفاتيحه….سكري فمك انتي
سلمى:??
نبيل:المهم …البنت مليحه لدرجه قووويه ودقت فيها لعين بتريس يما
هدى:وتبيني نخطبهالك توا؟!.
نبيل:مزال خلي ندوبها فيا ونحببها في عينيا
سلمى:واثق والله ان شاء الله تهزبك وتمسح الارض بكرامتك قدام الناس?
نبيل:انتي متسكريش فمك بنوض نمسح بكرامتك النوافذ والثريات
سلمى:???
نبيل:المهم في شي صغير لاكن
هدى:اصلا عارفاتك مستحيل تجيب حاجه كامله
نبيل:الكمال لله عاد يما
هدى:مشاء الله علي وليدي
نبيل:نعجبك ره?…المهم البنت مطلقه
هدى:نعمممممم?جايبلي وحده مطلقه شكلها لافه عليك ووووه عليا لقاتك صغير وفي عز شبابك وبي فلوسك بتضحك عليك
نبيل:تو تراجي فيا باش تضحك عليا؟!عادي اول فيلم لي عادل امام وتضحك براحتها ?
سلمى:ههههههههه
هدى:نبببببييييل متركبليش الضغط فكني منك
نبيل:به به غير خلي نحكيلك قصتها
هدى:افففف ادوي هي
?روايـــــــاتٌ بــــــــَنُــــــــووتِــ
?اروى الــــطــــــاهــــر المــــســـلاتــــٰــي?
نضال:رجع للحوش بدون مايخطم ع شقة يزن …حايره يفكر !
يلي دراته نسيبه بتخطيط منها؟!وتبي شي من وراه؟
ولا هيا حركه عفويه وخلاص؟!
شنو الشي يلي يخليها تبكي بطريقه هاذي؟!
هدى:????هالله هالله هالله سنتين
سلمى:وكان تاخذها وتكتشف ان فيها شي
نبيل:سكري فمك اصح من وجهك المقشر
هدى:تحك في راسها…القصه هاذي سامعتها…وين ياربي وين وين ؟ نسيت الهم
نبيل:مش مهم الموووهيم الشي الاهم?
هدى:يصير خير
نبيل:عطيني كلمه عاد فكينا من الجو راهو نقعد زي يزن محشش طول اليوم ونقعمز ع الطريق نبيع الرشاد
هدى:به قلت خلاص متعشش
نبيل:فليحفضك الرب ياغاليه ??
_________________
الساعه1في الليل.
ناضت هنادي المطبخ دارت قهوا وقعمزت ع الكرسي تذكر….
تذكر في ولد عبدو وفي رويده …معقوله قدر يلمس وحده نكرهني وتتمنالي الموت؟!معقوله هدم كلللل احلامنا مع بعض وتخطيطنا لي صغارنا وجاب الصغار من وحده تكرهني؟ بس خلاص هما عايشين حياتهم ليش انا ننقهر؟!هوا طلعني من حياته لازم نطلعه حتى انا يكفي الصدمات والبكي يلي بكيته ع خاطر واحد ميستاهلش ?
نسيبه:رغم انها ديمه اقوا من هنادي بس المره هاذي كانت اضعف منها ….مش متخيله حياتها بدون ياسين
تتفرج ع صوره وحس ه وغصصصصه في قلبها هلبا?كيف بتكمل حياتها شنو يلي يبرد نار قلبها شنوووو !!!
______________
ثاني يوم??
حفصه:نصدمت لما شافت هنادي مقعمزه تفطر ومجهزه نفسها
هنادي:صباح الخير
حفصه:صباح الورد …وين علي خير
هنادي:المصحه منقدرش نغيب عندي هلبا مواعيد مع ناس مهمه اليوم
حفصه:هنادي انتي كويسه؟
هنادي:اي كويسه ليش ؟!
حفصه:داخلها فررررحت لان بنتها واجهت صدمتها بطريقه هاذي….لا شي سلامتك
هنادي:يرفعني ياسين ولاكيف!؟
حفصه :اي شوي ويطلع
ترن ترن ترن
ترن ترن ترن
نسيبه:عيونها مسكرات..ها
هنادي:وين انتي
نسيبه:راقده معنديش خلوق نطلع
هنادي:بلا جو تعالي ضروري حاسه روحي مخنوقه ونبي نطلع من المصحه نمشو اي مكان
نسيبه:قعمزت وتباعد في خصلات شعرها….احرف من خنقتك
هنادي:معتقدش
نسيبه:وين بتمشي؟
هنادي:اي مكان نتمشو ناكلو اي شي مهم نهونو ع روحنا
نسيبه:تمام جايه
هنادي:ماشي هي …وسكرت
?روايـــــــاتٌ بــــــــَنُــــــــووتِــ
?اروى الــــطــــــاهــــر المــــســـلاتــــٰــي?
نبيل:اءء لو سمحتي
الموضفه:تفضل نبيل
نبيل:الدكتوره هنادي جت ولامزال؟!
الموضفه:مزال ليش!
نبيل:تمام…ومشي بدون اهتمام ليها
الموضفه:اتصلت بي ايه
ترن ترن ترن
ايه:كانت تخدم في سنون المريضه ووخرت بي الكرسي لتالفون ونحت الكمامه…ايوا
الموضفه:وين انتي؟
ايه:داخل …شنو في جديد
الموضفه:نبيل يسأل ع هنادي
ايه:هههههه ايه لي هنادي ونسيبه مطوقه ع نضال حلو والله
الموضفه:المهم تصرفي
ايه:تمام …وسكرت
هنادي:خشت المصحه خدت قهوا وجت راكبه المصعد ولحق عليها نبيل في اخر لحضه
نبيل:بخخخ كمشتك
هنادي:ابتسمت…صباح الخير
نبيل:انتي الخير ?
هنادي:توترت وبدت تشوف لي تالفونها
نبيل:ان شاء الله احسن اليوم؟!
هنادي:الحمد الله
نبيل:كويس صراحه حسيتك امس موجوعه وفي عندي قصه بسيطه ممكن تاخذي منها العبره
هنادي:بي اهتمام…اها احكي
نبيل:الايام يلي فاتو شفت واحد مجنون من شكله حكمت عليه …قلت الله مجنون ربي يشفيه
هنادي:وبعدين
نبيل:ولا شي لما قربت منه طلع مجنون فعلا
هنادي:وين الحكمه في الموضوع؟
نبيل:مش عارف مهم متزعليش روحك?
هنادي؛فتحت باب المصعد طلعت وعلي وجها علامة ضحكه طالعه من قلبها❤️
نسيبه:خشت المصحه وحست بي شي غريب
اي واحد تفوت من قدامه يشوفلها بي نضرات غريبه معرفتش تفسرها !!!ويبدو يحكو عليها بصوت واطي لين ارتبكت وحست ان في شي بخصوصها هيا .
___________________
يزن:نبيييييل (يصفر)نببببببيبل
نبيل:فضحتنا ياراجل راك خاش لي مصحه مش جنان عمك
يزن:هات 10 دينار بنمشي نجيب كم حاجه ناقصه
نبيل:هاك وانت متشبعش فلوس
يزن؛ع اساس ناكل بروحي الزح وهيا قريب تولي شقتكم مش شقتي
نبيل:تعالا جاي…قالك مره في صقر شرب سكير ولا صقران??
يزن:ههههههههههههههههه
نبيل:حلوه ولا طازه وربي ??
يزن:قالك مره في خناب خش لحوش عزوزه بيخنب قعد يراجي فيها ترقد 3ساعات تمشط في شعرها بعدين رقدت خش الحوش ملقاش شي يخنبه شفشفلها شعرها وطلع ?
نبيل:يتمايل من الضحك….ههههههههههه
اسمه هيا قالك مره في وحده اسمها اسيل كبرت صارت مسروب???
يزن:قالك مره……
معمر:انت ياولد
نبيل:احمم ها بوي
معمر:بلا تسهويك وانتم زي البنات الخامرات تضحكو قدام الباب تحرك اطلع من هني
نبيل:تم يزن نتلاقو ونكملو
يزن:تمام الله ومعمر وليبيا وبس
_________________
نسيبه:تشوف لي هنادي بصدمه
هنادي:كنتي تعرفي صح؟!ان عبدو حي ومتزوج
نسيبه:اءءء انا
هنادي:خلاص مش رح نلوم حد انسي الموضوع
نسيبه:انتي هكي عادي يعني ؟!هنادي انتي بخير
هنادي:اي …كملت متع الحشوه وباقي المواعيد نأجلهم بري البسي خلي نطلعو
نسيبه:??
هنادي:هيااااا
نسيبه:اوكي …وطلعت
طلعت نسيبه وخشت ايه لي هنادي
ايه:الله يعاون
هنادي:تعقم في الاداوات ومن دون متشبحلها…الله يسلمك
ايه:قربت منها وبي اسلوب مستفز….شوفي ياحلوه رويده صاحبتي وزي مخدت راجلك وانتي ميته توقعيني ندمرلك حياتك انتي وبنت عمك وانتي حيه وصحيحه زياده…فا لهاذا وخرررري من طريقي
هنادي:قامت اداة حاده كانت تعقم فيها وحطتها ع خد ايه….وانا ميته مكنتش واعيه لي شي لاكن وانا حيه نشوفك تدحنسي عليا او ع بنت عمي توقعي مني اي شي
ايه:نصدمت في رد هنادي ????
هنادي:رجعت الاداة في مكانه وخذت شنطتها وطلعت
?روايـــــــاتٌ بــــــــَنُــــــــووتِــ
?اروى الــــطــــــاهــــر المــــســـلاتــــٰــي?
نسيبه وهنادي طالعين:-
نسيبه:مفهمتش علاش كلهم يشبحولي اليوم ويوشوشو
هنادي:لاحضت حتى انا
نسيبه:خلي نشد وحده من الفرخات نرعشها
هنادي:خليها بعدين اطلعي توا نغيرو جونا
نسيبه:اممممبه
طلعو الزوز من المصحه وطاحت عين هنادي علي عبدو ?
نسيبه:هاذا شنو يدير هنايا مع نبيل؟!
هنادي:?….يتبع