رواية غيبوبة للكاتبة أروى الطاهر

#غيبوبه 6 (حلقه اضافيه)

هنادي:نزلت للعماره يلي خشلها ولحقاته شوي شوي لين دخل لي الشقه ….وقفت قدام الشقه يديها يرجفو حلقها جف ونبضات قلبها تتسارع وخايفه لو فعلا يطلع كل شي وهم? طقت ع الباب بضعف ?واستنت حد يفتح
طقت اكتر من مره لين اخيرا فتح الباب
شافت ولد صغيرون يلي فتحلها الباب وقعد واقف يشوفلها

هنادي:شكلي بجد نتوهم وجايه نزعج في الناس ..عطت بضهرها وجايه بتمشي لاكن وقفها صوت ?
منوو؟!
هنادي:الصوت هاذا نعرفه كويس حافضاته
تفضلي اختي؟!
هنادي:تلفتت وانا الصدمه ماليا وجهي وهني كانت صدمة عمري والمنضر يلي مستحيل ننساه في حياتي كلها
عبدو:ها ها هنادي ؟!????
هنادي:عيونها مفتوحات ودموعها ينزلو وهيا مش مستوعبه الشي يلي قدامها ?
عبدو:كأن كل شي وقف الدقايق هاذم….الله قداش حس بي هلبااااااا حجات لما شافها قدامه واقفه علي رجليها وبصحه كويس قداش اذكر كل دقيقه مرت معاها بتفصيل
هنادي:تشوفله بصدمه ومردتش ولا كلمه ومقدرتش حتى تمشي
الولد:بابا باابا
عبدو:مردش علي ولده وعيونه في هنادي وبس
هنادي:تشوف لي ولد عبدو ?وقلبها يتقطع وزاد نحرق لما سمعت صوت جاي من داخل ينادي

حبيبي منو جي؟!
هنادي:وهيا تشوف لي عيونه بي صوت يرعش ..مم مم مني يلي خذاتك مني؟!?
عبدو:مقدرش يرد عليها لانه قاعد مش مستوعب يلي قدامه
رويده:جت من بعيد تنشف في يديها من الميه…مني ج…..???هنادي؟؟؟؟؟؟؟!
هنادي:زادت صدمتها اضعاااااااف مضاااعفه
عبدو:عيونه منقاموش من علي هنادي ?
رويده:شن نوضك انتي من سرير الموت هاااا؟!شنو نوضك نكلم فيك ليش قاعده عايشه؟؟؟
هنادي:تشوف لي عبدو…خخخ خذيت يلي حاولت ادمرني ؟!تخليت عليا وخذيت اكتر انسانه حاربتني؟
رويده:تهجمت علي هنادي اتباعد فيها…اقللللبي وجهك واطلعي من حياااتنا شن مزال تبي
عبدو:شاد مرته ويباعد فيها …اما هنادي طلعت من عندهم ويدها ع قلبها حاسه بشعور يحرررق داخل ?في شي تمزق وينزف داخلها حتى دموعها وقفو من صدمتها فيه …وقفت ع الحيط ومعش قدرت تكمل مشي من الوجع ?
عبدو:نازل يجري وينادي عليها…هنااااااادي هناااادي
هنادي:تلفتت ودموعها ينزلو
عبدو:مسكها من يدها…استني متمشيش وانتي بي الحاله هاذي
هنادي:نفضت يدها بقوه…ومشت وهيا تبكي ومقالتش ولا اي كلمه .

?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?

نسيبه:الوو
ياسين:حبي شنو الجو
نسيبه:حطت يديها في جيب البالطو ونزلت راسها وتبتسم…بخير الحمد الله
ياسين:وين انتي ؟!
نسيبه:في المصحه
ياسين:اهاا بس شنو منو نحصلو نشوفوك؟!
نسيبه:اءء مش عارف عادي لو بتجي
ياسين:به تمام امالا نتلاقو
نسيبه:تمام
ياسين:سكر الخط
نسيبه:سكرت التالفون وهيا تبتسم فرحانه ❤️

_________________

نبيل:يشرب في القهوا
سلمى(اخته):وينك قداش ليا معش ريت خليقتك
نبيل:ع اساس ميته عليا يعني ?
معمر:خش لي الصاله ويتكلم بي الهاتف….لالا غالي هلبا وين ياكبد…تمام نتلاقو …وسكر الخط

نبيل:منو هاذا ؟
معمر:هاذا فتحي يبي يشري ثعبان نادر لقاه بي 3000
نبيل:اصلا هوا لا صلاة ولا عباده قوله يصبر لين يموت تو يجيه بي البلاش في القبر ??
سلمى:هههههههههه
معمر:صبح يافتاح اطلع من وجهي
نبيل:طلع من الصاله وهوا يضحك لين طاحت عينه علي خالته نوسه شاده فونها وتبتسم
نبيل:شددديتك
نوسه:وووه عليا خلعتني
نبيل:يشرب من القهوا…شنو اديري
نوسه:تعرفت علي شخص محترم وقالي بنتزوجك لاكن اوصفيلي شكلك
نبيل:امممم محترم صار ياخالتي
نوسه:ونعمه الشريفه هي اصلا كان مش محترم يقولي ابعتي صورتك
نبيل:صح صح اكتبيله انيقه
نوسه:ا ن ي قه …به
نبيل:مثقفه واعيه
نوسه:امم م …به كتبت
نبيل:وكروية الشكل ?
نوسه:امشييييي يافرخ امششششي
نبيل:???…طلع وهوا يضح ع خالته وركب السياره

____________

غاليه:نضااال تعالا جاي وين طالع
نضال:ها يما
غاليه:وين ماشي ولدي
نضال:للخدمه يما في شي ؟!
غاليه:لا غير نبي نهدرز معاك انس شفتلك بنيه زي العسل م….
نضال:يما فديت راهو كرهت عيشتي من نفس القصه خلاااااااص عاد
غاليه:جت بتتكلم بس طلع نضال وخلاها
نضال:ركبت سيارته ولع وطلع وهوا مضاااايق

?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?

هنادي:نزلت من التاكسي وتمشي بي خطوات يرجفو لين قعمزت ع الكرسي قدام المصحه ونفجرت بكي ??
بكت هلبا من وسط خاطرها وصرخت اكتر من مره بكت ع الحرقه يلي داخلها بكت من كل شي صاير وقاعد يصير معاها .

نبيل:نزل من سيارته وهوا يغني بس وقف بصدمه لما شاف حالة هنادي !!!….لو سمحتي فيك شي
هنادي:استمرت في البكي بدون مترد عليه ولا كلمه
نبيل:قعمز جنبها….فيك شي نقدر نساعدك؟!
هنادي:تبكي وهزت براسها بمعنى لا
نبيل:رغم تفاهته في المواقف هاذي بس قلبه وجعه علي حالتها ?….به ممكن تحكيلي شن فيه؟!ممكن نقدر نساعد حتى بنصيحه ع الاقل
هنادي:طلعت تالفونها من الشنطه وردت بصوت مخنوق …
هنادي:الو
محمد:ايوا بنتي وين انتي جيتك ان شاء الله خير بس
هنادي:شافت بوها من بعيد سكرت التالفون ومشتله بدون مترد علي نبيل ودمعاته مستمران ينزلو بحررررقه ?
نبيل:قعد يتفرج عليها من بعيد كيف ركبت سبارة بوها ومشت لاكن في شي داخله قعد متعلق بيها ووجع الموقف هلبااااا

______________

نضال:صباح الخير
نبيل:سارح في الطريق….صباح النور
نضال:خيرك واقف زي الشحات برا
نبيل:اه لاشي
نضال:خبط ع كتف نبيل…. به هيا للخدمه ياباشا
نبيل:خش مع نضال وكان عقله مع هنادي ويلي صاير فيها استغرب …بنت هاديه اكتر من اللازم ومسالمه ع حالها كيف يصير معاها هاذا كله؟!

راويه:ها ها هنادي اهدي وراس وخيتي
هنادي:تعيط …متقووووليليش اهدي خلااااااص مسدكمش كذبتو عليا مره وهاذي التانيه ليش بسسسسس حرام عليكم شهور نبكي ونتعدب قدامكم مفيش حد رحمني وقالي
حفصه:تبكي….شنو تبيني نقوووولك ؟!نقولك ان عبدو يلي حبيتيه ووقفتي في وجوهنا كلنا باش تاخذيه تخلى عليك من اول اسبوع في الغيبوبه؟!
تبيني نقولك خذي البنت يلي تحارب فيك في شغلك وشرطت عليه يطلقك حتى وانتي شبه ميته وطلقققققك؟!شن تبيني نقولك انا خفت عليك خبر موته كان اهون
هنادي:حضنت امها بقوووه وبدت تبكي….اااااه يماااااا حاسه قلبي بيططططططلع ????قلللللبي بييييطلع وربي علاش صاير فيا هكي علااااش تعبت
محمد:عيونه دمعت طلع وسيبهم

________________

ياسين:صار امورك طيبه
نسيبه:تبتسم…اي الحمد الله
ياسين:اءءء ..نسيبه في شي لازم تعرفيه
نسيبه:اها احكي
ياسين:شوفي انا حوشي واني وبنتزوج من الاخير
نسيبه:قلبها يدق بسرعه وتراجي فيه يعرض عليها الزواج ❤️….اوكي كمل
ياسين:في شعور داخلي هكي يقولي انك مش انتي البنت يلي تناسبي تكوني مرتي
نسيبه:بدت علامات الضحكه تختفي من علي وجها
ياسين:عارف صدمه…لاكن نبي ناخذ وحده من عيله منعرفوهاش فهمتي منبيش من الاقارب
نسيبه:تشوفله ومش مصدقه
ياسين:نسيبه فهمتي عليا؟!!!
نسيبه:قق ق قصدك انت خذاتني مره تانيه؟!
ياسين:لا مش …..
نسيبه:كسرتني مره تانيه؟!
ياسين:ساكت
نسيبه:سيباته وخشت للمصحه وهيا حابسه دموعها وكل يلي تبيه تحضن هنادي وتبكي وتشكيلها من خوها ?

نضال:معليشي بنسأل اوراق الادويه وين؟!
الموضفه:في حجرة الدكتوره هنادي حطوهم عندها بي الغلط امس وقعدو غادي
نضال:جت هيا؟!
الموضفه:لالا بس خلاص معش تعطل
نضال:تمام….وخش الغرفه دور ع الاوراق ملقاهمش بس قعمز يراجي فيها .

?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?

نبيل:اتصل مره والف مره ع هنادي بس مكانش فيه رد وهكي زاد خوفه عليها ولاول مره نبيل يخاف ع بنت ?

عبدو:قعمز في السياره وهوا قاعد في حالة صدمه قبل شويه كانت هنادي حب حياته يلي تخلى هليها واقفه قدامه ،مشاعره تحركو ?وحس بيها بعد سنتين كأن في شي حلو رجع لي حياته بس الندم كان قاتللللله قتل ع يلي داره

نسيبه:طول الطريق حابسه دموعه تجري في الممر ويدها ع فمها عشان متبكيش خشت بسرعه لي غرفة هنادي عشان تحضنها وتبكي بس ملقتش غير نضال يلي مصدوم في منضرها
نضال:في شي؟!
نسيبه:تبكي بي العبره …وجت حضناته بدون شعور وتبكي الغبيه ??‍♀️…يتبع

طبعا الحلقه قصيره لانها اضافيه ❤️ولو قعد التفاعل نار كل يوم حلقتين❤️?