رواية غيبوبة للكاتبة أروى الطاهر
#غيبوبه 10
الاوضاع متوتره والمصحه مقلوبه لما عرفو انها عملية تسمم وكل واحد شاك في شخص
اهل هنادي كلهم جو وامها وخواتها كانت عندهم هستيريا من المشفى بسبب يلي مرت فيه هنادي قبل
نبيل ماشي جاي قدام باب الطوارئ بيخش مخلوشي واي حد من اهل هنادي يسأل هاذا منو وخيره مهمتم هكي ؟!يجاوبو انه ولد مدير المصحه وخايف تصير مشكله .
رويده:شن صار طمنيني
ايه:بي فرح….الامور تمام تعرفي مبكري نسمع في عياطها وطلع دم من فمها
رويده:به كويس
ايه:لاكن الحقيره حتى وهيا بتموت حارقه دمي
رويده:ليش؟!
ايه:الحقيره هاذي تخيلي نبيل هوا يلي طلعها قامها ونزل بيها يجري خايف عليها تقول ابصر مني
رويده:تي عادي كلها ايام بعد تموت وينسى كان في شي بينهم زي مصار مع عبدو
ايه:اففف ..بس المصحه خاشه بعضها سكرو الاقسام كلها متع الاسنان والعيون خلو الاسعاف بس …خايفه يصير شي المدير بيحقق مع الكل قال
رويده:اهم شي خليك ثابته قدامهم ومش خايفه عشان محدش يشك فيك ودير روحك تسألي عليها ومهتمه
ايه:تمام هي باي توا
رويده:باي
?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?
الدكتور:طلع من الاسعاف ينحي في القوانطي
حفصه:بنتي وين بننننتي شن صاير فيها
راويه:تحاول تهدي امها
نبيل:طمنا دكتور
الدكتور:اطمن استاذ نبيل تسمم بس مكانش قوي ومنتشر درنا غسيل للمعده ومع شوية مضادات رح تكون احسن
حفصه:ااااه يااااربي قومها بي السلامه بجاه النبي?
محمد:به شني نقدرو نشوفوها؟!
الدكتور:عفوا من حضرتك؟
محمد:بوها
الدكتور:مزال شوي خلوها ترتاح بعدين ساهل
نبيل:وفرولها العنايه التامه ولو استحقيتو شي كلمني يكون عندكم
الدكتور:ان شاء الله والف لاباس عليها
محمد:شاف لي نبيل….بارك الله فيك
نبيل:واجبنا تقوم بسلامه ان شاء الله
محمد:هز براسه …بشكرا
نبيل:طلع من جنبهم …محلاي لما نتكلم زي الكبار ?✌️
__________
نسيبه:راكبه بسرعه من الدروج وناار في عيونها اول ماوصلت لي ممر الاستعلامات طول هجمت ع ايه وبدت تعيط عليها وتجبد فيها من حوايجها شردتهااا
نسيبه:حقييررررررره كله مننننك بالك تحسابيني راقده ع وداني ياااااكلبه
ايه:نخنقت وتحاول تفك نفسها وكلهم اجتمعو عشان يحزو بينهم لاكن نسيبه كانت بتهبل وقريب تقتلها
نسيبه:تكلللللللمممممي من يلي باعتك ولا من راسك عشان هيا احسن واحلا منك الف مره ياتااااافها وربي لما نقتلك اليوم
نضال:شاف الزحمه من بعيد والعياط جي يحز بينهم
نسيبه:نحي انت من قدام وجهي
ايه:تتكلم بصعوبه..احوووو احووو نن ن نضال فكها بنموت
نسيبه:تي شن ريتي مني انتي ياكلبة الكلاب كان مكليتيش طريحه لين تعرفي ربي واحد …بدت نسيبه تعفج فيها وتشح فيه من شعرها كلهم وخرو خايفين من نسيبه تهجم عليهم ?
نضال:حاول يفكهم من بعض بس مقدرش اخر حل داره قام نسيبه في غمره وطلع بيها وهيا تخبط ع ضهره ?
نسيبه:اطلقنننننني اطلقنننني نقتلها ها الوسخه هاذي
نضال:قايمها وماشي ولا ع باله وكلهم يضحكو ع منضرها
اما ايه..تحاول ترتب منضرها وتكح قريب ماتت من الخنق
______________
نبيل:المهم تو نكلم صاحبي حسن يجي يحقق مع القسم كله ومن كميرات الممر نشوفو من يلي خشلها
معمر:به؟!
نبيل:طبعا التسمم يلي صار يبي ربع ساعه عشان ياخد مفعول لهاذا السبب رح نشوفو التسجيلات من يلي خشلها قبل ربع ساعه قبل ما اطيح ويصير يلي صار
معمر:كويس والله عجبتني كيف مهتم
نبيل:عسل ولا??
معمر:?
نبيل:المووهيم …خلي نمشي نشوف شغلي توا
معمر:نبيل
نبيل:وصل لي الباب وتلفت…اها؟
معمر:بعد ع النتايات
نبيل:اعود بالله ياكبدي ?
_____________
نضال:خش الغرفه وسكر الباب ونزلها
نسيبه:داهشه …شني انت من تسحاب روحك علاش مخليتنيش نعفجها بنت الكلب ونفش علي فيها الحقيره المصردنه هادي المزيته
نضال:متكي ع الحيط ويديه في جيوبه ويحاول انه ميضحكش
نسيبه:خذت نفس …بعد خلي نطلع نلحقها قبل متروح الحربه هادي
نضال:قرن حواجبه بس داخله ميت ضحك ….هني روحك وقعمزي معش نبي مشاكل ودوشه ع الاقل احترمي البالطو يلي لابستيه يادكتوره
نسيبه:نحت البالطو …وهكي معش وليت دكتوره بعد من قدام وجهي خلي نفرمها قلبي مبردش
نضال:مفيش طلوع
نسيبه:وبصفتك شنو تأمر ان شاء الله؟!
نضال؛خطيبك ولا نسيتي?
نسيبه:قعدت تشوفله وساكته
نضال:هدي اعصابك نجيبلك قهوه ونجي تطلعي نقتلك
نسيبه:خافت من نضرته وقعمزت ع الكرسي
نضال:طلع وسكر الباب والضحكه ع وجها وحاس بشعور حلوه داخله?
?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?
ترن ترن ترن
رويده:توكل في ولدها …ايوا
ايه:مصيبه يارويده
رويده:شششش شنو?
ايه:تخيلي مصارلها شي غسيل معده وقالوامورها بتتحسن
رويده:ناضت …شن شن تقولي انتي انا متأكده من مفعول الحبوب شن تخرفي
ايه:والله هاذا يلي صااار خايفه بنموت تعرفي لو كشفوني شن ندير
رويده:تي اكيد انتي غلطتي في شي
ايه:نفذت كلامك بلحرف خذيت حبه طحنتها ودرتها في القهوا
رويده:زوز حبوب ياحماااااره مش حبه وحده زوز عشان يجيب مفعول
ايه:مسمعتكش كويس???
رويده:فسدتي كل شي يابهيمه كيف بيصير توا هي
ايه:حي عليااااااا?
رويده:اسمعي كويس لو صار اي شي ونكشفتي لا صاحبتي ولا نعرفك ولا تربطني اي علاقه بيك سااامعه
ايه:ششش شنو شن تقولي من الاول كانت فكرتك والحبوب منك
رويده:سكرت في وجها وحطتها في الحضر …وهنايا ايه عرفت انها في مصيبه كبببببببيره هلبا
________________
بدت هنادي تتحسن وسمحو لي اهلها يخشو يطمنو عليها
ترن ترن ترن
نبيل:يكلم في الموضفه….خليهم يبدو التحقيقيات
الموضفه:حاضر
نبيل:الوو
يزن:وين انت
نبيل:في المصحه خيره صوتك هكي
يزن:رشف خشمه…عندي صداع في خشمي ورقبتي مزكومه
نبيل:واضح مشاء الله?
يزن:امتى مروح؟نبيك تخطم عليا كريمة حروق بالك تخف عليا البرده
نبيل:????حازر
يزن:تم هي
نبيل:غير تعالا نقولك
يزن:ها
نبيل:مره في واحد اسمه همام كبر ولا مطبخ?
يزن:هههههههه احو احوووو …غير تعالا تو نهدرزلك
نبيل:تم سلامات
يزن:سكر الخط
نبيل:رجع تالفونه لجيبه ومشي لي لهنادي يطمن عليها
___________
نضال:خش الغرفه وسكر الباب برجله
نسيبه:مشبكه يديها وتحرك في اصابعها لبعض
نضال:حط القهوه ع المكتب …خير؟!خيرك قارنتيهم
نسيبه:علاش تسأل يعني اهو انت قارنهم 24ساعه ومحاسبتكش
نضال:هذي رشفه من القهوه واتكا ع الكرسي…انتي ديمه هكي قليلة ادب ولا مره مره
نسيبه:ع الهبله والله
نضال:لا هوا من ناحية هبله هبله واضح
نسيبه:خذت راحتها في التقعميز وبدت تشرب في القهوا….اي قولي
نضال:بي استغراب….ع شنو؟!
نسيبه:مني يلي خنتني معاها امس في الطريق ؟!
نضال:طلعت منه ضحكه
نسيبه:طيب فينا شفنا سنونك
نضال:تمالك نفسه قدامها ….يهمك تعرفي
نسيبه:طبعا يا خطيب العازه ?
نضال:اممم العازه صار
نسيبه:منو هيا
نضال:كانت خطيبتي والفتره يلي فاتت فسخنا
نسيبه:شربت من قهوتها….وعلاش ياحنا
نضال:تخون فيا
نسيبه:اي اصلا نفس الدسكه الاولاد كلهم تخون فيا واميد مع صاحبك وانت كنت تحبها ومش مقصر معاها ….اشعر بتأثر
نضال:قام حاجبه…وليش مجربتيهم كلهم انتي؟?
نسيبه:لا طبعا بس انت تعرف يعني معجبيني هلبا وانا حلوه وكيوت طبيعي يبوني هلبا شباب وبيهبلو عليا وكانو يستخدمو في نفس الكذبه عشان نشفق عليهم ونكلمهم
نضال:ربع يديه…بالله؟!
نسيبه:تبعا
نضال:تبعا صار مليح والله
نسيبه:هي حسيت عطلت هنايا المره يلي فاتت بلغلط وطلعوني مدايره العار المره هاذي يقولو حامل بي اذن الله
نضال:ابتسم ع جنب وشبحلها بنضره وترتها ومفهمتهاش❤️
نسيبه:حطت يدها ع مقبض الباب عشان تطلع من الغرفه وقفها صوت نضال
نضال:نسيبه
نسيبه:قلبها دق بقوه❤️وتلفتت….شني ؟
نضال:بجديه ونضرات صارمه…منبيش نسمع عراك وعياطات بنتصرف كيف منبي بعدين ره
نسيبه:ضحكتله وطلعت كأنها متعكده تلعب بيه وبمشاعره ?
____________
نبيل:السلام عليكم
محمد:وعليكم السلام تفضل
هنادي:خافت نبيل يحكي اي شي قدام اهلها لان ديمه يتغزل فيها
نبيل:كيف حالك دكتوره؟!
هنادي:بصوت تاعب ووجه اصفر….ال ال الحمد الله احسن
نبيل:به بي الشفاء ان شاء الله تستحقي اي شي كلميني انتي عارفتينا منقصروش
حفصه:الله يبارك فيك ولدي ويخليك
نبيل:ادللي يا حاجه متبو شي ؟!
محمد:سلامتك
نبيل:تمام هي ربي يشفيها
حفصه:تسلم
نبيل:سكر الباب وطلع….ومره تانيه محلاي لما نتكلم زي الكبار بدون تفاها لاكن شعور يخنق?✌️
?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?
نسيبه:تمشي في الممر وتشوف لي تالفونها اول مقامت راسها جت عينها في عين ياسين?
ياسين:قعد ماشي اتجاه نسيبه ويقرب منها
نسيبه:هوا يقرب وانا مش حاسه بي شي ،حاسه ان قلبي مات واحساسي اتجاها هوا خلاص بدي يتلاشه واختفي ?!!!معش زي لهفة وحب قبل حاسه اني كرهتك وفي نضري بدي خاين وعيل
ياسين:اهلين نسيبه
نسيبه:بيك
ياسين:ممكن ترفعيني لي غرفة هنادي؟
نسيبه:عندك رجلين وفي استعلامات تقدر تسألهم انا دكتوره وعندي مواعيد
ياسين:?
نسيبه:شداته من سوريته بطرف صوابعها كأنه شي مقرف….ترا بعد لو سمحت ….ومشت بدون ماتتلفت لحضه وراها
ياسين:قعد يشوفلها فتره بعدين مشي ?
_______________
المحقق:مفيش حد دخل الغرفه غيرك انت والدكتوره هاذي
نبيل:ايه?
المحقق:انت مستبعد من الشكوك لانك دخلت بعد الربع الساعه يلي المفروض تكون خذت فيهم الدواء ،اما الدكتوره خشت في الموعد بزبط يعين هيا المتهمه مش مشبوه فيها لا متأكدين لان مفيش غيرها
نبيل:تمام….وطلع تالفونه يتصل
ترن ترن ترن
معمر:في اجتماع ..لحضه من فضلكم
كلهم سكتو
معمر:ايوا
نبيل:طلعنا يلي سممها
معمر:بي اهتمام …منو بسرعه
نبيل:تعطيني الصنه يلي جايبها من تركيا الشهر يلي فات؟!?
معمر:يحاول يتمالك اعصابه قدام الناس يلي معاه
نبيل:هيا شن قلت
معمر؛احمم …اءء تمام غير قول
نبيل:الدكتوره ايه
معمر:?متأكد ؟!
نبيل:اكتر من تأكدي اني احسن واحد
معمر:سكر في وجها ….المهم خلي نكملو
نبيل:مصلحجي ??♀️
_________________
هديل:خوفتينا عليك
هنادي:بخير الحمد الله متخافيش
حفصه:هيا راويه سلم بنتي روحي مع خوك وانا قاعده معاها اليوم
هديل:امتى بتطلع،؟!
حفصه:قالو غضوا بلكتير غير اليوم يبوها ترتاح بس
هديل:به ان شاء الله خير
حفصه:شكله راجلك جي روحي سلم بنتي متعطليش
هديل:اي وصل …ماتشوفي شر هنو ديري بالك في الجديد
هنادي:ابتسمت….ان شاء الله صحيتي
هديل:سلمت عليهم وطلعت
_______________
نبيل:ركب السياره هوا ونضال.
نبيل:شد هاك
نضال:شن هاذا
نبيل:دواء لفرخ يزن واخذ برده
نضال:كلمتني امه قتلي جيبه الحوش مسكر راسه
نبيل:ولع السياره وطلع….تي خلاص تعود ع العيشه بروحه معش يولي
نضال:يالله تمشي
نبيل:يسوق…شن درت مبكري ع المزه قريب نص ساعه في المكتب ?
نضال:تغيرت ملامح وجها….شي شن بندير حبستها قريب دارت العار بكري
نبيل:ختسلمه يلي مهتم بي هدوء المصحه ?
نضال:خش في بعض …خلاص عاد
نبيل:شن درتلها باش هدت هااا؟!شن درت قول
نضال:نبيل خلاااااص عاد مفيش في مخك شي غير الحجات هاذي ولا كيف
نبيل:دخيلو الخجلان دخيلوووو?
نضال:وجها احمممر
?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?
عبدو:خش دار النوم يغير في حوايجه….خيرك ترحي ؟
رويده:مخيريني شي عادي
عبدو:نزبطك لما يبدا في موضوع خيرك؟
رويده:افففف قلنا مفيه شي عاد …وطلعت من الدار
نسيبه:والله مسحت كبدي فيها قريب قتلتها
هنادي:متضلميهاش مرات مش هيا
نسيبه:ترا اسكتي خير منعفجك انتي التانيه ع الطيبه العافنه يلي فيك درتيلي القولون
حفصه:ههههههه عطيك السلامه يابنت سلفي
هنادي:ههههههه
نسيبه:المهم….انا خذيت دوام ليلي ع خاطرك باش يبدا كله تحت عيني يلي خاش ويلي طالع
هنادي:مسكت يد نسيبه….كيف بنوافي حقك بس
نسيبه؛خلاص عاد عارفتيني منعرفش نرد ع الكلام الحلو ?
حفصه:ربي يدوم صحبتكم❤️
_______________
يزن:خذي الدواء ورجع رقد .
نضال:تي نوض ياراجل امك تبيك
يزن:قلها توفى في حرب تشاد
نبيل:?????
نضال:??♂️
يزن:نبيل
نبيل:ها
يزن:قالك مره فيه استاذ رياضيات عطس مرتين قال الحمد الله تربيع???
نبيل:هههههههههههه
نضال:مدام بديتو تفاها انوض خير
نبيل:قالك مره فيه نمله بنفسجيه علاش؟
يزن:علاش
نبيل:امها قرصتها???
يزن:هههههههه
نضال:من بعيد ضحك وهوا يدير في النسكافي
______________
الساعه12في الليل .
طلعت حفصه من جنب هنادي للحمام
طق طق طق
هنادي:تفضل
نفتح الباب
هنادي:انت شن ادير هنايا?…يتبع