رواية عشق العيون

جميع الحقوق محفوظة للكاتبة شيماء محمد حنيش

الحلقه الاولى

تبداء القصه
في قصر الشرقاوي

وخاصة على مائدة الطعام

يجلس في المقدمه
رجل في منتصف السبعينات

يبدو عليه الوقار والهيبه
يظهر على وجهه علامات السنين وتجعيدها

كل من ياتي يقترب منه اولا ويقبل يديه ثم يجلس وقارا له
فهو كمال الشرقاوي جد وكبير هذه العائله

يأذن لهم بالبدء في الطعام

ثم يقول متسائلا
أيسل فين يا ناهد

ناهد وهي تعتدل في جلستها
لسه نايمه يابابا

-هي مش وراها كليه النهارده

-لا عندها بس متاخر شويه

هز راسه بالايجاب وصمت

تحمحم باسل
-بعد اذنك ياجدو انا هعدى على المصنع قبل ما اروح الشركه عشان في شوية حاجات هشوفها

-ماشي روح انت وانا هطلع انا وعمك على المجموعه بس متتاخرش عشان عندنا اجتماع مهم

-حاضر ياجدي

ثم وجه كلامه ل اياد
اعمل حسابك هتيجي معايا

اياد وهو يحرك فمه يمينا ويسارا
لا اصل مش هينفع ياباسل اجي انا عندي كليه النهارده ومتاخر جدا عن اذنك ياجدي انا همشي وقبل يد جده وخرج هربا من اخيه

وجه كمال كلامه لباسل
سيبه ماتضغطش عليه بكره يجي غصب عنه يشتغل

عادل:انا بقوله كده بردوه يابابا سيبه براحته هو هيروح فين

كمال وهو يقف
طيب مش يلا نقوم على شغلنا
وقف باسل وعادل
يلا
ثم خرجوا من القصر متاجهين كل واحد منهم الى مقصده

ناهد :انا هطلع اشوف ايسل واصحيها عشان متتاخرش

منال :ماشي ياحبيبتي اطلعي

كارمن :انا همشي بقا ياماما عشان اتاخرت

وفاء:ماشي ياحبيبتي خودي بالك من نفسك
كارمن :حاضر
باي ياطنط باي يارؤى
رؤى:استني انا جايه معاكي

في الطابق الاعلى

وخاصة في غرفة أيسل

كانت تقف امام المراءه تصفف شعرها وتستعد للذهاب الى الجامعه

دخلت عليها والدتها

صباح الخير
أيسل وهي مازلت على وضعها
صباح النور يامامي

ناهد
كويس انك صحيتي كنت طالعه اصحيكي
أيسل
عندي محاضرات بدري

تنهدت ناهد بضيق
ايه يا أيسل لبسك ده المفروض يوسع شويه

زفرت هي بضيق
يوووه يامامي هو كل يوم نفس الكلام انا زهقت

وقفت ناهد امامها
يابنتي انا مش عايزه مشاكل ومش عايزه حد يضايقك

أيسل
اه حد تقصدي باسل هو ملوش حق انه يكلمني ولا من حقه يمشي اصلا كلامه عليا انتي مديله حجم اكتر من حجمه

ناهد
متتكلميش ان ابن عمك الكبير بالطريقه دي وبعدين جدك لو سامعك بتقولى كده هيزعل منك
ثم إن مش المفروض بقا تلبسي الحجاب دا كارمن في ثانويه عامه ولابسته

أيسل
لما احس اني عايزه البسه هلبسه

ناهد

ياحبيبتي انا مش عايزه اغصب عليكي وسايبك براحتك بس معتش ينفع بقا دلوقتي لازم تلبسيه

أيسل:ان شاء الله انا اتاخرت ياماما يلا باي

ناهد
هترجعي امتى

أيسل
مش عارفه

ناهد
يعني ايه مش عارفه مينفعش تاخير كل يوم ده جدك سال عليكي الصبح

أيسل
يوووه هنفتح كلام تاني انا مستعجله يامامي باي

خرجت من الغرفه ونزلت الى اسفل
وجدت منال ووفاء يجلسون سلمت عليهم وخرجت

منال
ربنا يهديكي يا أيسل

بعد أن ذهب الى المصنع
ذهب الى الشركه مسرعا
قابله شادي
حمدلله على السلامه

باسل
الله يسلمك ايه الاخبار

شادي
الاجتماع بعد نص ساعه

باسل
مش احنا جاهزين

شادي
اه كله تمام متقلقش

نزل من سيارته

دخل الى الجامعه بكل ثقه

قابله صديقه
ايه يابني اتاخرت ليه

أياد
الطريق كان زاحمه
وبعدين دا انا خرجت من البيت بمعجزه اخويا باسل كان عايز يدبسني معه في الشغل النهارده

ماجد
هههههههههه يابني اخوك عايز مصلحتك

اياد
انا مش مستعجل على الشغل بعد ما اخلص جامعه ابقى اشتغل

نزلت من سيارتها
امام الجامعه
توجهت الى الداخل
بين نظرات الجميع

احد الشباب
يخربيتك صاروخ ايه ده

اخر
اه يابني داي ايسل الشرقاوي موزة الجامعه

توجهت الى صديقتها

جودي واحشتني

قالتها ايسل وهي تقترب منها

جودي
انتي اكتر يا ايسو

يلا عشان اتاخرنا على المحاضره

ايسل
يلا

وذهبوا الى المحاضره

في مجموعة الشرقاوي

كانوا يجلسون في قاعه كبيره للاجتماعات

على راسهم كمال
وعلى يمينه باسل
ويساره عادل
ويجلس شادي بجانب باسل
ومجموعه من المهندسين

تكلم كمال بجديه والكل ينصت له

ان شاء الله احنا داخلين على مجموعة مشاريع عايزن نشد حيلنا شويه عشان نرفع اكتر من مستوى شركتنا

مش عايز استهتار باي شئ وكله يجتهد في شغله اهم حاجه عندي الشغل تمام

الجميع تمام

كمال:تقدروا تتفضلوا على شغلكم

ثم اكمل
باسل استنى عايزك

باسل
حاضر ياجدي

خرج الجميع

كمال
عملت ايه في المصنع

باسل
خلصت كل حاجه متقلقش وحليت
المشكله

كمال
تمام

كانت تجلس في كافتريا الجامعه
تنظر في كتبها

يرن هاتفها
تنظر الى الهاتف وتبتسم

الو

صباح الورد

صباح الخير

مازن
عامله ايه

رؤى
الحمدلله

مازن
انتي في كليه

رؤى
ايوه

مازن
ماشي انا قولت اطمن عليكي لسه خارجين من اجتماع قولت قبل ما اخوكي يجي ويقتلنا شغل

رؤى بقلق
ماشي

مازن
مالك يارؤى

رؤى
بصراحه انا بفتكر ان ممكن ابيه باسل يعرف اني بكلمك بموت من القلق

مازن
متقلقيش يارؤى مش هيعرف وبعدين انا كده كده ناوي اكلمه في موضوعنا

رؤى
لا يامازن مش دلوقتي شويه كده عشان الكليه

تنهد مازن بضيق
ماشي يارؤى زي ماتحبي

في المساء

كانوا يجلسون على مائدة الطعام

تدخل من باب القصر

أيسل
مساء الخير

يرد الجميع ماعدا باسل
الذي كان ينظر لها بغضب

كاد ان يتكلم
لكن جده اشار له ان يصمت

توجهت الى جدها وقبلت يديه

كمال
كنتي فين لحد دلوقتي يا أيسل

أيسل بتلجلج
كنت بذاكر مع صاحبتي ياجدو

ابتسم باسل بسخريه

اكمل الجد
وليه صاحبتك متجيش تذاكر معاكي

أيسل
عادي ياجدو

كمال
خليها هي اللي تيجي تذاكر معاكي

ايسل
ماشي حاضر

كمال
اقعدي كلي

ايسل
انا مش جعانه اصل اكلت مع صاحبتي

كمال وهو بيحاول يكون هادى

اسمعي يا ايسل
البيت ماشي بنظام مش عايزه يتغير وحاولي تلتزمي بالنظام شويه مش بشو لا على فطار ولا غداء ولاعشا

ايسل
حاضر ياجدو

كمال
اتفضلي

ايسل
عن اذنكم
وصعدت الى اعلى

في احد الملاهي الليله

يجلس هو واصدقائه

ايه يابني مش هتشرب

اياد
هشرب بس مش عايز اتقل عشان اروح ماسك نفسي شويه

ماجد
ههههههههههه ايه خايف

اياد
مش فكرة خايف بس مش عايز اعمل مشاكل
اخوايا باسل اصلا واقفلي على الواحده

ماجد
انا مش عارف اخوك ده معقد الدنياا ليه

اياد وهو يمسك الكأس في يديه
متتكلمش عن اخويا بالطريقه دي يالا

بعد ساعات

كان يجلس في غرفة المكتب

سمع صوت دخول احد الى الفيلا

توجه الى خارج المكتب

وجده يدخل الفيلا
يتحرك يمينا ويسارا ويقول بعض الاغاني
زفر بضيق وتوجه اليه

انتهت الحلقه

احب اشوف تعليقاتكم على الحلقه
بقلمي شيماء محمد