رواية حظي اهلكني
#قصة_حقيقية
#الحلقة_الرابعة
.
.
.
.
.
لا اسمح بنشرها بدون اسمي الكاتب:Arhima Alagory قراءة ممتعة للجميع
.
.
.
.
.
ومرات ايام بعدها جت ثورة فبراير ومنها تمت خربت علاقتنا مع خوالي لانهم مع معمر ونحنا ضده يعني خوتي شاركو في ثورةفي يوم كنه قعدين نهدرزو وعندنا عيت احمد خويا خش احمد علينا
احمد:باتي وين
ماما:كنك شن فيه
احمد:نبي باتي
انا:برا بابا مش هنا
احمد:طلع
ماما:ماطمنتش طلعت
احمد طلع برا لقاه بابا برا
احمد:يا باتي نبيك في موضوع
بابا:شنو انشاءلله خير
احمد:توا كلمني واحد وقالي ان مسجلين اسمي انا و وليد ومحمود يبو يقبضو علينا
بابا:من يقبض عليك
احمد:جماعته معمر
بابا:شن اديرو توا
احمد:والله مش عارف
بابا:امشو لعيت عمتك نين نصرف انا
احمد:باه
كلم احمد محمود وبابا خش علينا
بابا:امشي كلمي وليد
رحاب:توا كيف رقد
بابا:امشي كلمي
ماما:كنك شن في
بابا:شي
ماما:كيف شي
بابا:العيال طلبينهم ويبو يقبضو عليهم
ماما:حي عليا اعويلتي
نحنا سمعنا ماما طلعنا نجرو
انا:كنك ياماما
بابا:اسكتي يا فوزيه انشاءلله مافيش شورهم سو
ماما:تبكي
نزل وليد
وليد:كنكم
بابا:تعال امشي انت وخوتك لعيت عمتك كم يوم
وليد:عليش
بابا:توا يفهمك احمد
طلع وليد مع احمد ومحمود ومشيو عيت عمتي
ونحنا نبكو وخايفين
الكاتب:Arhima Alagory
ثاني يوم
رن فون بابا ع واحد قريبنا من نفس العيله يخدم في نيابه العسكريه اسمه خالد
بابا:الو يا خالد
خالد:خير عمي محمد شنحالك
بابا:الحمدلله شن حالك انت
خالد:الحمدلله
بابا:يا خالد عندي العيال مسجلينهم ويبو يقبضو عليهم تقدر تشوف قصتهم
خالد:حاضر توا نشخالد:وين العيال
بابا:عند عيت عمتهم
خالد:توا نشوفهم ونمشيلهم غادي
بابا:تمام
مشالهم خالد عند عيت عمتي في ليل خش علينا احمد
احمد: سلام عليكم
ماما: عليك سلام شن صار
احمد:نبي قهوة
ماما:من معاك
احمد:معايا ولد عمتي وطلع
ماما:ديري قهوة يا اميرة
انا:باه
ودرت قهوة وطلعت كنت لبسه توته حلويه وكنت نحساب احمد ولد عمتي طلعت عادي انا طلعت لقيت معاهم واحد اول مره نشوفه بعدها خشيت
انا:احمد
جا احمد خذا القهوة وطلع
انا خشيت لدار
رحاب:من برا
انا:في واحد معهم
رحاب:من
انا:واحد يهبل يا رحاب
الكاتب:Arhima Alagory
نحكيلكم لي كان برا هو خالد وكان فعلا يهبل
مر الوقت بعدها خش خوتي
بابا:شن صار
احمد:تمام خالد حول اسمينا ونها الموضوع
ماما:الله يربحه ويفتحها عليا ويرحم ولديه وتمت تدعيله
ونحنا فرحنا مرت الايام وجا موسم الزيتون بابا قال نمشو الزرده نسقنا لزرده ومشينا وكان مزرعتنا قريبه من مزارع اهل خالد وكانو حتي هم طالعين زرده المهم قعدنا نحنا بعدها جونا اهل خالد
اخت خالد تحكي مع رحاب وانا كنت مش معاهم
اخت خالد:خالد قالي عجبته اختك اميرة
رحاب:والله اميرة ماعندها ع جو هذا
اخته خالد:حتي خالد ماعندش عليه جو هذا بس عجبته ويبي يتعرف عليها اكثر
رحاب:توا نحكيلها ونشوفها
وبعدها كسدنا عند ليل وروحنا وخشينا نظمنا كل شي ودار كل واحد دوش وخشيت دار انا ورحاب وفاطمة نبو نرقدو
رحاب:سمعتي شن صار يا فاطمة
فاطمة:شنو
رحاب:في واحد معجب ب اميرة
انا:شنو
فاطمة:دروحك طيبة
انا:شنو والله مانعرف
رحاب: صاح ماتعرف شي
انا:فكيني منه
رحاب:جربي ماتخسري شي
انا:نفكر وساهل
رحاب:والله ماتبي تفكير
انا:انشاءلله خير
الكاتب:Arhima Alagory
ثاني يوم
انا:يا رحاب فكرت في موضوع موافقه
رحاب:واخيرا تو نعطيك رقمه وتحكي معاه
انا:تمام
وفي ليل عطتني رحاب ورنيت عليه
انا:الو
خالد:ايواه من معايا
انا:اميرة
خالد:من اميرة
انا:كيف ماتعرفش اسمي
خالد:اها اميرة اسف والله ما اذكرتك
انا:اها عادي
خالد:كيفك
انا:الحمدلله وانت
خالد:بخير
وقعدنا نهدرزو
خالد:انا شايفك كم مره وعجبتني من زمان
انا:انا اول مره نشوفك
خالد:وبدون ما تكذب عليك انا نحكي معاك نبيك بس نين نكون روحي
انا:ساكته ومتحشمه
خالد عرفني تحشمت غير موضوع وقعدنا نهدرزو عند نعست
كان اسلوبه راقي ورمانسي ومهتم بيا ومش معقد قعدنا سته شهور نحكو مع بعضنا وتعود عليه واجد
في يوم سمع في وليد ان نحكي معاه كنت في دار خش وليد
وليد:وين فونك
انا:كنك
وليد: جيبي الخراب
رحاب: وليد كنك
وليد:هي عارفه روحها شن دايره
رحاب:تعال معاي وطي صوتك
وليد:قتلك جيبي فون
رحاب:وليد وسع بالك مش هكي
وليد:نعم وطلع معاها
رحاب:شن دايره اميرة
وليد:تحكي مع واحد
رحاب:من هو
وليد:مش عارف بس فهميها خير
رحاب:تمام توا نحكي معاها انا ونفهمها
وليد:ياريت بيش ما نديرش حاجه تندمو عليها كلكم
رحاب:اطلع بس وخليها شوري
طلع وليد وجتني رحاب
انا:ع خالد صاح
رحاب:اها بس مش عارف هو قالي واحد
انا:كيف عرف
رحاب:مش عارفه المهم انتي معش تحكي معاه
انا:حاضر
ورنيت ع خالد طول
خالد:اميرتي
انا:هلا خالد
خالد:عيونه
انا:نبي نحكيلك وياريت تفهمني
خالد:تفضلي
انا:وليد عرف اني نحكي مع واحد بس مش انت وانا معش نقدر نحكي وكان في نصيب يجمعنا
خالد:تمام عندك الحق وانا كيف ما قتلك من قبل
انا:انشاءلله
خالد:ردبالك من روحك
انا:حتي انت
سكرت منه ومرت ايام من دون خالد في شي نقصني
الكاتب:Arhima Alagory
بعدها بفتره صارت حاله وفاة. لخالد ومشيت للعزاء شفت فيها خالد بس كان تبادل نظرات من بعيد بعد العزاء بشهرين
يوم عيد ميلاد خالد تاريخ 18/6/2012 في حوشنا
دق باب
طلعت رحاب تفتح لقتهم عيت خالد ومعاهم تورته وحاجات
ام خالد اسمها سعاد:سلام عليكم
ماما: تفضلو
سعاد:يزيد فضلك
وخشو للصالون
سعاد:كيف حالك يا فوزيه
ماما:الحمدلله وانتي
سعاد:بخير الحمدلله
ماما:انستينا
سعاد:تسلمي، جايه نطلب منك اميرة لولدي خالد
ماما:والله نتشرف بيكم بس نسال باتها ونشوفو راي بنت
سعاد:ع مهلكم
خشيت انا جايبه قهوة
انا:تفضلي
سعاد:بسم لله ماشاءالله ربي يكتبك من نصيبه
وانا فرحت ونبي نطير
خشيت وجا بابا حكتله ماما كل حاجه وافق ومرت الايام وانا نهدرز مع خالد جونا سمح مافيش مشاكل بينتنا وكان مدلعني بكل
الكاتب:Arhima Alagory
مرت الايام وجا يوم 28/12/2012 كان يوم تلبست الدبله جا خالد ودرنا تلبيسه سمحه وتهبل وكانت اول مره يشوفني من قريب
خالد:تهبلي والله هبلتيني معاك
انا:مبتسمه
خالد:تعرفي يوم ميلادي هو اليوم اول ما شفتك
انا:نحبك
خالد:انتي ملاكي ❤
بعد يومين رنيت ع خالد
انا:حبيبي
خالد:صباح النور
انا:صباح الورد
خالد:شن اديري يا تنباله
انا:اليوم راحه قلت نرقد
خالد:باهي تمام توا وصلت ولد عمي توا نحكو بعدين
انا:مازال ماشبعت
خالد:توا نحكو بعدين في العشيه
انا:باه
وسكرت ومشيت مع رحاب وماما
رحاب:صح النوم
انا:ماصدقت حصلت راحه
ماما:هي انشطي معانا
انا:باهي نفطر بس
فطرت وسعدتهم في الغداء
مر الوقت وجت العشيه خالد ما رنش خفت وحسيت حاجه صايره رنيت عليه لقيت مقفل رنيت ع اخته اسمها نجوي ردت عليا
انا:الو يا نجوي
نجوي:ايوه
صوتها كان مش تمام
انا:قتلك خالد قالي توا نرن عليك مارنش عليا توا مقفل
نجوي:يا اميرة خالد دار….
.
.
.
.
.
#يتبع
في حلقه جايه
انا:قعدت نبكي
رحاب:تعيط يا ماما تعالي