رواية جرائم ظالمة
جرائم_ظالمة 14 (حقيقيه)
ندى:واقفه انا وخي احمد قدام الباب …قلبي يدق بطريقه مش طبيعيه فتحلي احمد الباب الخارجي وجت عيني ع المكان يلي ماتت فيه نوره?جت بين عيوني كيف طلعت ولقيت راسها مفجر والدم في كل مكان جت بين عيوني نضرة حكيم البارده وكيف خوتي وبوي واقفين معاه معش قدرت نشد روحي وبكيت هلبااااااا خشيت وكان احمد ساندني طق احمد ع الباب اكتر من مره فتحت نسرين
نسرين يلي فتحت وهيا تضحك كأن صاير معاها شي يفررررح كأن نفسيتها احلا بمليون مره من اخر مره خليتها
نسرين:مصدقتش منو يلي واقفه قدامها قعدت ساكته مصدووومه وتتفحص في وجه ندى كويس …منو هادي ؟!اختي !!!!!اختي يلي معش ريتها من حوالي5شهور تقريبا ?….بمجرد ما تأكدت انها ندى عيطت بصووووووت عااااالي وحضنتها حضن قووووووي
وندى رغم جسمها يلي يتوجع من ضرب حكيم محست بشي وهيا في حضن اختها
هنيه:كانت مقعمزه ع الصلايه وبمجرد ما طلقت السلام ناضت بسرعه وقلبها خايف من مصيبه جديده تحل بيها وبي عيلتها لاكن لما شافت ندى من بعيد طاحت ع ركبيها من قبل حتى متوصل فيها طاحت وبدت تبككككككي ومدت يديها
ندى:تمشي بصعوبه ودموعها ينزلو لين وصلت في امها ورمت روحها في حضن الغاليه يلي حاولت بكككككل جهدها ادافع عليهم بس مقدرتش ?
جرت نسرين وحضنتهم الزوز وقعدو يبكو كانت دموعهم مختلطه بين فرح بي رجعت ندى وبكي علي ذكره نوره ?
احمد:قعمز ع الارض وضهره مسنود علي الحيط ساكت لاكن من داخل يصررررررخ ندم ع يلي داره ?ميبكيش لاكن ينزززف من داخل علي مرته يلي يحبها وماتت ماتت بعد ما قالتله صدمة عمره ?طووول ها الوقت عايش مع الانسانه يلي شاركت في قتل اخته ودمار عيلته عايش مع وحده كان مضيها عاااار وحاسب روحه واخد شريفه وحاط في باله اخته يلي ساقطه ?
?روايـــــــاتٌ بــــــــَنُــــــــووتِــ
?اروى الــــطــــــاهــــر المــــســـلاتــــٰــي?
حوريه:وين مرتك ؟!علاش مروحتش معاك
اسكندر:تنهد وبصعوبه… انفصلناا
ملاك وساره(خواته):نصدموووو?
حوريه:شنوووو ?علااش خيرك ؟!
اسكندر:تنفس بعمق….خلاص معش نقدرو نكملو مع بعض
حوريه:تو بعد العار يلي درته باش تتزوج وحده اجنبيه و
اصيل:ياكل في موز…تركيه يما
حوريه:ضم عليا فمك انت ….بعد العار يلي درته باش تاخذها الدايحه هادي ورغم رفضي ليهاااا مسكرتوش سنه وطلقتها ؟!ليه عليك هاذا ع اساس ماشيين شهر عسل
اسكندر:اخترتها واختياري كان غلط خلاص
حوريه:وكيف تتصرف من رااااسك انت؟ها كييييف؟!تتزوج وطلق ع راحتك ولا كأن عندك عيله
اسكندر:اففف خلاص يما متزيديهاش عليا
حوريه:هاذا وين عرفت كلامي حق ولا متناسبكش الا بنت بلاااااادك لاكن انتم هكي راسكم يابس
اصيل:صح بنت بلادك اطيبلك البازين والكسكسي وياسلام كان شرقاويه اديرلك مترد
ملاك:اسمها متروده?
اصيل:يلي هوا المهم حاجه باهيه مش تركيه كل يوم برك برك برك لين يجيك القلون في الرقبه
ملاك وساره:?????
حوريه:ع اساس م……
ساره:خلاص يما ياسر سوكا مروح تاعب خلي يترح بعدين احكي معاه
اسكندر:وقف …سلمها العاقله الفاهمه انا بنخش نرقد نوضوني مع 1في الليل
ملاك:حاضر
اصيل:وانا بنخش ناكل ليا توا 4دقايق مكليت شي
حوريه:جبدت اصيل لين طاح ع الصالون….تعالا جاااي عطيك قهره خلي الثلاجه معبيه وانت متشبعش
اصيل؛بتحرميني من الماكله؟وووووين العدل وين حقوق الانسان وين الثلاجه
حوريه:حضناته وتضحك….استاحشناك يا فصعون
اصيل:عارف اصلا خيتي سلمني?
اسكندر:خش لي داره حط جاكيته ع الكرسي ورمي جسمه ع السرير يذكر شن دار هوا واحمد في تركيا ✨✨
احمد:شاد حكيم ويخبط فيه….تي ورررررربي لما نقتلك يا ولددددد الكلللب
اسكندر:مسكله يديه …اهدا متوسخش يديك بدمه
احمد:قتلت اختي ع خاطره ها الحقيررررر اتفق مع مرتي ها الواطي
حكيم:ينزف من كل مكان ومرمي ع الارض
احمد؛يخنق في حكيم ..وشوي يسمعو في سياره جايه من بعيد
اسكندر:اركب بسرررررعه خليه
احمد:ضرب حكيم ع بطنه وركب مع اسكندر
اسكندر:مرمي ع السرير ويفكر ….زعمى مات؟!وندى بتبدا ارمله؟!ولا بيخلوها ع ذمته؟!….اففففف وانا شنو دخلي فيها المهم وصلتها سالمه بي خوها
قعد اسكندر يتعادن مع نفسه ويقاوم اشتياقه علي ندى رغم انه مر علي فراقهم ساعات بسيطه ?لاكن حاس كأنه فقد جزء من قلبه
((قصة اسكندر مع مرته ❤️✨وقت وصلهم خبر ان بوهم كتب املاكه بي اسم اسكندر قعدو كل شهرين يسافرو تركيا عشان الاجراءات والقضيه يلي رفعوها بصدفه تلاقى مع بنت اسمها ايلول كانت ساكنه في الشقه يلي مقابلهم يلي سكن فيها حكيم
تكاثرت النضرات بينهم وحبو بعض وقرر يتزوج رغم رفض امه التاااااااام بس اصر عليها اسكندر لين خذاها روح اصيل لي ليبيا وقعد اسكندر عايش مع مرته بس كل يوم تطلعله مشكله معاها والسبب اختلاف العادات والتقاليد وهيا كانت طالبه قاعده تقرا في الجامعه لين خلاص وصلت مرحله الاثنين مش طايقين بعض وقررو ينفصلو ? وفعلا اطلقو بعد نص شهر بس من زواجهم لاكن مخلرش امه قال لي اصيل بس وبعدها جي اصيل عشان يكملو الاجرءات وتلاقو مع ندى))
ندى:راقده علي سرير اختها وامها جنبها
نسرين:هاك زيت الزيتون يا امي
هنيه:سخنتيه؟!
نسرين:اي
هنيه:قعدت تدهن في مكان الخبطات يلي في جسم ندى….بسم الله بسم الله علي بنيتي ربي يكسر يديه ان شاء الله بجاه النبي
ندى:راسه علي حجر امها ومسكره عيونها وصورة اسكندر بين عيونها ❤️مش متخيله انها معش بتشوفه صوته وهوا ينادي اول ميخش الشقه قاعد في وذنها يكف يتكلم كيف ياكل كيف يعصب علي اصيل كله تذكره بي الحرف
رقدت ندى براحه❤️اخيراااا بين امها وعيلتها وقلبها مرتاااااح
سراج؛فتح الباب ….ااااه احمممد?الحمد الله ع السلامه خيره مفي حد قالي مروح؟!
احمد:سلم ع سراج….محدش يعلم بيا مروح اليوم …شنو رتحت في شقه متعي ؟
سراج:ضحك…اهو ماشيه امورها
احمد:قعمز ع الصالون وحط يده ع ضهر سراج….مبروك يعريس ربي يهنيك ان شاء الله
سراج:ابتسم ….الله يبارك فيك يانسيبي
احمد:وقف…ياالله انا ماشي توا دير خليك مع العيله
سراج:وين خليك متريح
احمد:معش شفت بوي من لما كنت في تونس بندير عليه دوره
سراج:مشيت شفته مبكري كويس متحسن هلبا
احمد:الحمدالله …يالله نتلاقو
سراج:في امان الله ….وسكر الباب
ع الدروج:-
نسرين:شادا السفره….وين ماشي؟!
احمد:بنشوف بوي وجاي
نسرين:به تعشى وبعدين برا حسبتك في العشي مع سراج
احمد:لالا صحتين معنديش نيه….وطلع
نسرين:ركبت لي سراج وطقت ع الباب
سراج:فت الباب…..??ياعيون راجلك انتي
نسرين:?تفضل عشاك
سراج:اخخخخ بس هاتي جاي
نسرين:مدتله السفره
سراج:تعالي تعشي معاي
نسرين:اءءء لا امي خليتها بروحها
سراج:به اهو انا بتخليني بروحي
نسرين:بلا هبال نعرفك ع شن ناوي تعشى واسكت
سراج:????
نسرين:تصبح ع خير
سراج:عينك بتصهري معاي اليوم
نسرين:نازله من الدروج…انلااا
سراج:لازم تحرقلي اعصابي البنت هيا ??
?روايـــــــاتٌ بــــــــَنُــــــــووتِــ
?اروى الــــطــــــاهــــر المــــســـلاتــــٰــي?
ثاني يوم??
ندى:فتحت عيونها مخلووعه وهيا مش مذكره وين ؟!بس لما ركزت في الدار ارتاحت وعرفت انها في حوشهم ❤️طلعت من الدار لي الصاله
نسرين:صباح الوردات ياغزاله
ندى:ابتسمت …صباح النور ياعروسه
هنيه:خيرك نضتي زدتي رقدتي شوي
ندى:ياسر شبعت نوم
هنيه:باست ندى ….نجيك ليا
ندى؛تضحك
نسرين:يدها في نصها….توا جاتك مصماصت الكرشه وانا بحح
هنيه:هههههه تعالي حتا انتي يا بداية الكرشه
نسرين:قدمت وهيا تضحك باست امها وحطو الفطور مع بعض
ندى:نبي نشوف بوي
هنيه:افطري وتو يرفعك احمد تشوفيه بالك يزيد يتحسن بشوفتك
ندى:وين فؤاد ؟
نسرين:مش عارف معادش شفته من انس الصبح
هنيه:كلمني اليوم وقالي بايت عند صاحبه
ندى:به المهم بخير
هنيه:افطري كويس قبل ميخش علينا حد تو اكيد يلي بيسمع بيك بيجي
ندى:استاحشت الدنيا كلهاا
نسرين:من المطبخ….جايينك متخافيش وانا يلي بنحصل في المطبخ زي العاده
ندى:ضحكت
هنيه:ههههه عطيك الصحه ياحنه دوره ويخطفك سراج معش نحصلوك
نسرين:وجها احمر
اسكندر:كمل صلاته ونزل لي امه لقاهم يفطرو مع بعض ❤️
اصيل:صباح الفل تعالا كول طن ?
اسكندر:صبح يافتاح
حوريه:تعال صبح عليا
اسكندر:باس امه من راسها وتشد تبوسه علي خدود واسكندر وجها ازرررررق?
حوريه:نجيه كبيدتي والله استاحشتك عطيك السلامه
اصيل:وبعدين قوليلي تعالا اصول نقي معاي العدس به ?
ملاك:?????
اسكندر:قعمز مع عيلته يفطر
ندى:بدلت حوايجها وطلعت مع سراج لان احمد مروحش ومشت معاها امها هنيه وصلو للمشفى ونزلت ندى وامها ساندتها قعدو يدورو لين شافت فؤاد قدامها
جي فؤاد حضن ندى بدون مينطق ولا حاجه وندى دمووع بس بدون اي كلمه قعد فؤاد يسند في ندى لين دخلها للحجره وكان صبري مقعمز وحالته ممتازه تخطى الجلطه بأعجوبه
صبرى:شاف ندى واقفه ع الباب معش حس علي روحه غير نازل من السرير وطايح يحاول ينوض ومن الصدمه يرجع يطيح ولاول مره يبكي قدام صغاره وندى لما شافت بوها في الحاله هاذي زاااااد بكاها وخشت تبوس في راسه وتبكي اكتر واكتر ?
#تسريع_في_الاحداث
بعد مرور 3اسابيع :-
في الاسبوعين هادم روح صبري من المشفى وشبه رجعت العيله ملتمه لاكن هنيه وندى مش قادرين يسامحو في داخلهم احمد وفؤاد وصبري ع قتل نوره?
حكيم:قعد اسبوع في المستشفى من الضرب بعدين تواصل مع عيلته وروحو بيه لي ليبيا لانه معش عنده حتا قرش وطبعا ندى رافعه قضية طلاق عليه وحكيم رفض
فؤاد:بعتهم يخطبو البنت يلي تعرف عليها وبي الفعل خطبوها وسألو علي عيلتها بس محدش يعرفهم وقالي انهم جدد علي المنطقه لاكن مشافوش منهم عيب ….بس فؤاد قاعد يرحي ع خواته كيف حتى ندى بتطلق وبيبدا فؤاد عنده زوز خوات مطلقات
تمت الخطبه علي خير وبما ان فؤاد واتي شقته تبي الفرش بس حدد عرسه وسراج تفاهم معاه يكون عرسهم مع بعض ❤️اخيرا الفرح رح يطق حوش هنيه ❤️
اما اسكندر في خلال الاسابيع هاذم مصارش ولا شي جديد في حياته غير امه يلي تنق عليه صبح وليل تبيه يتزوج وكان حاط في باله ياخذ ندى لان معش قادر استاحشها مووووت ❤️?
اصيل:قاعد ياكل 24ساعه
احمد:صارتله زي الحاله النفسيه 24ساعه يخدم في البحر ويبيع في الحوت معش يروح بكل ومعادش يتكلم ولا يبي صحاب يكمل خدمته ويقعمز بروحه وخلاص ?
ندى:قلبها عند اسكندر لاكن خلاص ?مفيش اي وسيلة توصلها بي لهت ندى مع اختها في تحضيرات العرس والجهاز لان سراج فارض ع نسرين متنقصش ع روحها ولا شي كأنها اول مره تتزوج
?روايـــــــاتٌ بــــــــَنُــــــــووتِــ
?اروى الــــطــــــاهــــر المــــســـلاتــــٰــي?
في اسبوع العرس :-❤️
الخلات والعمات والبنات والام هنيه …دموعهم مخلطه بين فرح لي نسرين وذكرى نوره?الفرح كلللللله والناس تحكي بين بعض علي نوره يلي نظلمت ومكان موتها ?واختها يلي خذاها خطيب نوره وعاشت في جحيم معاااه
العرس كان عباره علي يومين يوم حنه وين حفله ❤️
تلاقت العيله كلها زي اي عرس كل واحد جايب شناطيه وحوايجه البنات يستفو في الحلاوات والنساوين يقرضو في البصل الرجالا برا يركبو في الخيمه وينضفو في الجنان والجارات يخشو يباركو هنيه تلود بي البخور وندى متقطعه بين هني وهني
كانت اجواء حلووووه ❤️
سراج:قايمينها بيه صحابه يسيقوله في حوشه ويفرشو فيه وكل واحد جايبله هدية وقطعة اثاث ومره مره يبصرو ويدربكو ويضحكو
وحوش سراج عاد زحممممه احرف من حوش نسرين ❤️
فؤاد:كل شويه يخش لي حوشه يتأكد لو كل شي تمام ؟!لو في شي ناقص ؟!كل شويه يبعت مسج لي خطيبته وترد عليه اذوبه بي كلام حب ?
الضهريه كانت زحمة غدي كبيررررره وكلهم يباركو لي نسرين يلي طالعه تجنن بي البودري ❤️وفي الليل دارو سهريه تهبلل والدربوكه واصله اخر الشارع❤️?
روحو المعازيم والتمت العيله في الصاله ونسرين في الوسط يحنو فيها ويغنو وكل متجي عين ندى في عين نسرين ينزلو دموعهم ?
سهرو بنات العيله لا الصبح وسراج كل شويه يبعت مسج يقرو فيه البنات بصوت عالي وميتين من الضحك ونسرين مش قادره تاخذ الفون محنيه ?فاتت ليله تهبل ❤️
?روايـــــــاتٌ بــــــــَنُــــــــووتِــ
?اروى الــــطــــــاهــــر المــــســـلاتــــٰــي?
ثاني يوم :??
رغم السهر والتعب لاكن البنات كلهم نايضين بكري يحوسو ع القضيه وفطرو وفررررت كل وحده لمزينها وطبعا نسرين اول وحده
فؤاد وسراج مشو لنفس الحلاق وصحابهم مدايرين عليهم جو بي الغني والصور ❤️
ندى:كانت مضايقه لسبب معين ?لبست بسييف قفطان اسود ضيق وطويل وخلت شعرها مفتوح ولمسات بسييييطه مكياج وطلعت مع امها لي الصاله عشان يستقبلو الناس ❤️
بدت الزحمه ع الصاله شوي شوي ووصلت المنشطه وبدو عاد مدامات وبنات يتراقصو ع هذيكا المنشطه ?
نسرين:وصلت للقاعه وكأنها اول مره تعيشه الشعور هاذا قلبها يددددق بتموووت خوف خشت الصاله قعدت في غرفة العروس شويه بعدين درجوها ع اغنية حسين الجسمي ❤️
قعمزت نسرين في الكوشه وبدي كل شويه حد يسلم عليها ❤️وجت المصوره خذتلها لقطات بروحها ومع العيله وعيون الناس عليهم مستغربين!!! ….كيف العيله هاذي صبرو وتحملو؟!بعد كللللل شي مرو بيهم
كيف نسرين قدرت تاخذ شاب عزري وهوا ميت فيها ؟!
كملو الناس العشي وبدو يروحو شوي شوي اما نسرين طلعت لان سراج رفض يخش من الحشم ❤️
نقسمت العيله نصين ناس مشت مع نسرين وناس مشت مع فؤاد
طلعت نسرين مع سراج وقلبها بيطللللع منها وفؤاد روح بي عروسته حتا هوا
ندى:مشت مع خوها روحو بي العروسه ولان مش مدايرين دخول في الحوش ركبها لشقه بعد ما سلمو عليها العيله ❤️
اما نسرين كانو مدايريلها دخول قعمزت شويه وروحت مع سراج لان كان حوش بروحه مش فوق العيله ❤️
ندى:بدلت حوايجها وطلعت اضم مع البنات وعلامات الحزن ع وجها
احمد:بصوت واطي …ندى
ندى:ايوا …خيرك احمد تبي شي؟!
احمد:بوجه ذااابل….لالا سلامتك حطيلي تالفوني في الشحن بيتسكر
ندى:حاضر …خذاته منه وقعد تشوفله لين طلع ساخفه علي حالته ?
خشت ندى لي الدار حطت تالفون احمد في الشحن ولما جت بتطلع شرين قربت منه ونصدددددمت لما شافت اسم اسكندر ردت وقلبها يرعش داخلها ❤️
ندى:اسكندر
اسكندر:الوو
ندى:اهلين اسكندر انا ندى
اسكندر:سمع صوتها حس بشي غريب تحرك داخله ❤️….الحمد الله يلي رديتي انتي
ندى:ابتسمت….صدفه والله الفون عندي انت شن حالك وكيف حال اصيل
اسكندر:مرتبك…الحمد الله كلنا بخير
ندى:دوم يارب
اسكندر:بي تردد….استاحشتك
ندى:نصدمت من الكلمه وردت بعد فتره….حتى انا استاحشتك انت واصيل
اسكندر:عرف انها تستعبط…اءءءء ندى لو اطلقتي اوو مش عارف احمد قال رفعتو قضية طلاق
ندى:بغصه…اي صح
اسكندر:مرتبك وصوته يقطع…لو اطلقتني انا نبي نبي نبيك يعني نخطبك اول متكمل العده
ندى:مسكت دموعها وبلعت ريقها….ياريت ?بس
اسكندر:بجديه…بس شنو؟!خايفه منه او او المشكله فيا ؟!!!!….لو متبيش مش….
ندى:قاطعاته ….المشكله فيا انا
اسكندر:مفهمتش؟!
ندى:بصوت يرعش من البكي ….طلعت حامل ?والطلاق مش رح يصير منه
اسكندر:….
فؤاد:اخيرااااا الززززح قريب نهبل عليك ??
مرام:مبتسمه ومنزله راسها
فؤاد:كيف جاي بيقرب عليها يطق الباب …افففف وقته هاذا
مرام:ممكن شي ضروري
فؤاد:راجعلك
مرام:هزت براسها
فؤاد:طلع فتح الباب وتفاجأ بي اب مرام ع الباب ….يتبع
وصلوها 18الاف هيا عشان تنزل الاخيره