رواية جرائم ظالمة
#جرائم_ظالمة 10 (حقيقيه)
حكيم:خش لشقه بخطوات بطيئه شوي شوي
ندى:في دار اصيل حطت الحوايج في دولابه ولما سكرت الدولاب شافت حكيم في المرايا كأنه يدور عليها وقفت بسرعه ورا الباب ونفسها قريب ينقطع من الخوف لين قعمزت بشويه ورا الباب معش قدرت توقف من كتر الرعاش …
خشو كلهم :-
صبري:الف لاباس عليك يابنتي ان شاء الله نرفعوك تونس وتنوضي بسلامه
منتهى:نحت الاكسجين….لا خلاص ياعمي الانسان ميقدرش يهرب من ساعه نبي نقوللكم حاجه قبل ميصير فيا شي
هنيه:تبكي
صبرى:قولي يابنتي تبي حاجه؟!
منتهى:انا درت ذنب كبير في حياتي ومستحيل تسامحوني بس لازم نعترف
كلهم نصدمو وقعدو يشوفو لبعض بي استغراب
احمد:مسح دموعه….شن تقولي ؟!
منتهى:اناا ان انا البنت يلي طلعت مع الشاب في للشقه مش نوره …نوره ماتت مضلومه
نزل الخبر عليهم زي الصاعقه هنيه مش مستوعبه تشبحلهم وهما مش فاهمين شي
منتهى:تابعت كلامها بي نفس متقطع وصوت تااااعب….هذاك اليوم مشيتلها وكذبت عليها قلتلها بنمشي بنت عمتي ضروري وامي مخلتنيش ع خاطر متعاركه معاهم خذيت حوايج نوره وغطيت وجهي وطلعت مشيت للولد يلي كاذبه عليه وقلتله اسمي نوره عشان مننكشفش بس الصدفه ان حكيم شافني وتبعني سأل الولد وقاله اي نوره اسمها ….وبعدين صار يلي صار
منتهى:انا مقدرتش نتحمل تأنيب الضمير ونحلم بيها في الليل بعد ماتوفت دورت رقم حكيم لين حصلت وحكيتله لاكن صدمني لما قالي خلاص نوره ماتت متجيبيش سيره لحد وخلاني نسكت مقابل يقنع احمد اني بنت كويسه وياخذني …ناااادمه وعارفه عقابي رح يكون كبير لحقو اختكم ندى راهو قريب يقتلها واحد مريض وعقله مش تمام
هنيه:نهاااااااااارت بي البكي وطاحت ع ركبيها
صبرى:حس بي شعور غريب وفقد توازنه قعد يتبع في الحيط شوي شوي لين طاح مغمى عليه وجو الممرضات يجررررو قاموه
احمد:يعيط ع طووووول رقبته ويحاول يخنق منتهى ويقتلها بس فؤاد يمنع فيه وفؤاد بروحه قريب يموووووت من الندم بعد الكلام يلي سمعه
احمد:يبكي ويعيط…..حققققققققيييييير
منتهى:مش قادره تتحرك دموعها بس ينزلو
فؤاد:يمنع فيه لين طلعه من الغرفه وكانو اهل منتهى كيف واصلين المستشفى
هنيه:متكيه ع الحيط وتبكي بحررررقه اما احمد:يعيط في الممر بعلو صوته ويخبط علي وجها….بنتكم الحقيررررره مش متربيه فاااااااسقه قتلت اختي البريئه ع خاطرررهاااا وووووووووووه يااااااااااربي
فؤاد:شاد يدين احمد وبعدين حضنه ويبببببكي من وسط خاطره ?
اما صبري بعد مسمع الخبر هاذا جاته جلطه ودخلوه للعنايه
?روايـــــــاتٌ بــــــــَنُــــــــووتِــ
?اروى الــــطــــــاهــــر المــــســـلاتــــٰــي?
اسكندر واصيل كيف طالعين من باب العماره
اسكندر:حط يده في جيبه ….شكلي نسيت الدخان استنا نجيبه ونجي
اصيل:تعطلش
اسكندر:اركب واستغرب لما شاف الباب مفتوح
ندى:تشوف من شق الباب كيف حكيم يقرب منها وغطت فمها بيدها ودموعها ينززززلو خايفه موووت
حكيم:كيف خش لدار اصيل يوقفه صوت اسكندر
اسكندر:شن ادير هني؟!
حكيم:ارتبك ….اءء انا انا
اسكندر:بشبحات تخووف….انت شنو؟!كيف خاش لشقه مش ليك بدون استئذان ؟!
حكيم:بصوت خايف…للل ل لقيت الباب مفتوح نسحاب في حرامي خاشلكم او شي واحني ليبين وفي بلاد الغربه وهكي
اسكندر:قايم حاجبه ويشوفله
حكيم:اءءء ه عع عموما سكر الباب كويس مره تانيه حصل خير توا
اسكندر:في الجديد تشوف الشقه والعه في فيتها النار مليكش اي علاقه بيها
حكيم:تمام تمام …..طلع بسرعه وسكر الباب
اسكندر:تنهد وقعد يدور علي ندى بعيونه لين خش لي دار اصيل وفجأه بدون اي مقدمات حضناته ندى وتببببببكي مش قادره توقف
اسكندر:انصدم فيها كيف حاضناته معش قدر حتا يبلع ريقه قعد واقف متجمد
ندى:???قريب متت اسكندر منعرفش كيف خش خلااااااص وربي مش قادره نوقف
اسكندر:خذي نفس ومشي لي السرير وهيا قاعده مكبشه فيه?
اسكندر:خلاص ارتاحي ع السرير معش يخشلك متخافيش اصيل اكيد نسي يسكر الباب
ندى:قعمزت ع السرير وتررر عش مع بعضها وتبكي بشهقه
اسكندر:طلع للمطبخ خذي كوب اميه ورجعلها….هاك اشربي واهدي
ندى:خذت رشفه من الميه ورقدت تبكي
اسكندر:خلاص متخافيش كلها اسبوع ولا اثنين وتكوني عند اهلك الخبر رح يوصلهم اليوم او بكرا
ندى:ابتسمت وهيا تبكى ومسكت في يده….عارفاتك مش محرم عليا ولا نعرفك لاكن بجد نشوف فيك انت واصيل كل شي توا ?معنديش غيركم
اسكندر:وجها احممممر وارتبك معش عرف شنو يقول …..انتي انتي اهدي ويصير خير
ندى:انا….
اصيل:سووووووكااااا
اسكندر:انخلع ….ها
اصيل:وقف ع باب الدار ….خيرها ندى ?
اسكندر:قصه طويله نخش الحمام وجاي
اصيل:شخه سعيده?
اسكندر:خبط اصيل ع ضهره وطلع من الدار
اصيل:خيرك تبكى؟!خوي مخوفك ولا؟ عارف اصلا هوا هكي طبعه مع الناس يلي ميعرفهمش يالله عادي مدوريشي تو ياحنى نجيبلك معاي مضاد اكتئاب عباره علي كنتاكي وحجات تانيه
ندى:مسحت دموعها وتبتسم….نبي نعرف الماكله يلي تاكل فيها وين تمشى؟!ليش مش سمين?
اصيل:كله يمشي لدماغي انا ذكي بسلامتي
ندى:???
اسكندر:خش الحمام يغسل في وجها ويشبح لي روحه في المرايا ….كأن قلبه بدي يخرط ويميل لي وحده متزوجه??(ندى)
نسرين:وتت روحها عشان بتمشي المستشفى بس نصدمت لما فؤاد خش عليها هوا وامه
نسرين:خيركم روحتو?
هنيه:مش قادره تحكي من البكي وتردد في الحمد الله الحمد الله
نسرين:تأثرت وتجمعو الدموع في عيونها….منتهى صارلها شي؟!
فؤاد:بغصه?….ياريت انا راجع المستشفى عند بوي واحمد فوق في حوشه ديري دوره عليه وشوفيه
نسرين:استنى فؤاد فهمني
فؤاد:طلع بدون ميزيد حتى كلممممه ووجها ميتفسرش?
نسرين:يمااا احكيلي شن فيه تربحي
هنيه:بنتي يانسرين نوره نوره طلعت بريئه تربااااايتي طلعت نضيفه يا نسرين بنتي ماتت عروس مضلومه ياربي??
نسرين:عقلها وقف ؟!!!!مش فاهمه شي ع شن تحكي امها؟!مش بسرررعه جابت اميه وحاولت تهدي امها عشان تفهم منها
اسكندر:طلع من الحمام لبس جاكيته ووقف ع باب الدار….هيا اصيل
اصيل:هكي حالتها وبنخلوها؟!
ندى:الحمد الله احسن متخافش
اصيل:وكان خشلها هذاك التمساح؟!
اسكندر:تو نسكر الباب بي المفتاح هيا اطلع
اصيل:به نوضي سلم بنتي ارجعي لي دار سوكا هلبا عليك تحتلي حتى داري يابنت
ندى:ضحكت….حاضر
اصيل:طلع مع خوه وسكرو الباب بي المفتاح اما ندى ناضت من السرير وكان في قلبها شوية خوف رجعت لدار اسكندر وسكرت الباب عليها
نسرين:تبكي ومصدووووووووومه بيلي سمعاته
هنيه:فرحتي ببنتي البريئه وحرقت قلبي علي موتها ?????يانهاااااري علي ندى يلي 3شهور مش عارفه وين ديارها كبدي مسحوووونه خلاااااص
نسرين:تنهدت ومسحت دموعها…..اهدي ياغاليا اهدي الحمد الله طلعت بريئه وندى بي اذن الله تكلمنا ولا ترجع متخافيش
هنيه:ياااااارب
نسرين:خلي نمشي نشوف احمد
هنيه:هزت براسها وتمسح في دموعها
?روايـــــــاتٌ بــــــــَنُــــــــووتِــ
?اروى الــــطــــــاهــــر المــــســـلاتــــٰــي?
جنات:بخطوات مرتبكه ومتحشمه وخايفه قربت من فيصل
فيصل:مش معدل عليها ويتفرج
جنات:فف فيصل في موضوع لازم تعرفه
فيصل:كان نكد نوضي من وجهي مش ناقص
جنات:لا مش نكد او….منعرفش تفرح ولا لا
فيصل:يشبحلها بدون نيه….شنو
جنات:انا حامل ?
فيصل:انصدم بيلي سمعه متوقعش في يوم يكون يكون عنده بيبي من جنات ديمه يتخيل في صغاره مع نسرين
جنات:مفرحتش صح؟!
فيصل:ابتسم بسيف….كيف منفرحش بلعكس
جنات:قريب اطير من الفرح باساته….ان شاء الله يكون البيبي هاذا نهاية كلللل مشاكلنا مع بعض
فيصل:ان شاء الله ?
نسرين:خشت لشقة احمد الباب مفتوح والدنيا ضلااااااام بكل واحمد مقعمز ع الارض ويبكي قربت منه نسرين وحضناته
نسرين:هون علي روحك يا وخي
احمد:شفتي يانسرين شفتى?اتهمت اختي وقتلتها وبعدين اتزوجت وحده@@&…وفرحان بيها المشكله ?الززززززح ياريته كابوس ياريته الزمان يرجع بيا تاااالي
نسرين:معش عرفت شن تحكي غير انها تبكي وبس
احمد:نستاااااااااااهل نستااااااااااهل كله مني انا يلي طلعت اختي من شعرها للكلب حكيم انا يلي رميتها ليه ووقفت جنبه ومعارضتش لما قتلها بدم بااااارد
احمد:قعد يخبط في وجها ويعيط…..كللللللله مممنننننني انااااااا السبب اناااااااا
ونسرين جنبه بدون حيله مش قادره ادير شي تبكي معاه وخلاص ?
فؤاد:طمني الله يطمنك
الدكتور:حالة الوالد سيئه حاليا لو تسمع كلامي سفره برا طوووول بدون نقاش
فؤاد:بخووف….قصدك يتحمل السفر عادي؟!
الدكتور:ع الطياره بس ونصيحه متعطلوش بيه هذاك هوا ره
فؤاد:تمام بارك الله فيك
الدكتور:تسلم
فؤاد:طلع من حجرة الدكتور ونزل لي الطابق اللوطي شاف ام منتهى وخواتها يبكو ويعيطو بصوت عالي ?بعد شوي طلعو منتهى ووجها مغطي عرف انها توفت?????
انتشر خبر موت منتهى في الشارع كله وانتشر معاه خبر نوره انها بريئه وكانت صدمه لنااااس كبيره لدرجة المدينه كلها نحكي في نفس القصه في لحضات زحمة عند هنيه ناس خاشه طالعه تعزي ونسرين يناري حاصله في القهوا والشاهي وتساير في الناس مع امها وقلبها عند بوها مش عارفين مصيره شنو؟!
بنووتة الشيخ:كانت المصايب تتحذف علي العيله من كل مكان ومن كل جيها من موتت نوره لا اليوم مفيش واحد منهم ارتاح ?واحمد خذي عقاب قوي هلبا?البنت يلي حبها توفت وقبل متموت عطاته صدمة عمره للاسف كان متخيلها كويسه وشريفه لاكن طلع العكس صبري متحملش كيف ضلم بنته لما عرف الحقيقه وخذاها جلطه مرتبه?ومزااال دور فؤاد وغيره وغيره
النساوين مش عارفين يعزو منتهى؟!ولا يباركولها ان بنتها طلعت مضلومه ؟!ولا شنو بزبط
احمد :لما سمع خبر موت منتهى كان يتمنى يقتلها بنفس الطريقه يلي ماتت بيها اخته بس ملحقش عليها ونهاااااار بعد الخبر وبدي يرجع في الدم
روح فؤاد من المشفى ولقي الدنيا زحمه عماته خلاته اقاربه الجيران وخاشه بعضها نادا امه ونسرين وخش الدار.
نسرين:طمني علي بوي
فؤاد:وتيلي شنطه ورتبيلي حوايجه لازم نسفروه تونس
هنيه:شن قال الدكتور
فؤاد:لالا ان شاء الله اموره طيبه غير لازم يتعالج برا
نسرين:بتردد….خوذ معاك احمد
فؤاد:يطلع في وراقيه ….باش تاخذي راحتك يا مطلقه ؟!
نسرين:كمدتها في قلبها وتابعت تحكي….احمد من لما روحنا من المشفى يرجع في الدم
هنيه:قلبي تقطع عليه مبكرى
فؤاد:تت تمام المهم وتيلي الشناطي
نسرين:حاضر
?روايـــــــاتٌ بــــــــَنُــــــــووتِــ
?اروى الــــطــــــاهــــر المــــســـلاتــــٰــي?
ندى:راقده ع سرير اسكندر في نوم عميييق
اصيل:ندععععع
اسكندر:اسمها ندى مش ندععع
اصيل:مدخلكش فيععععع
اسكندر:فاضي حتى اناا ….
اصيل:نحى سبيدروه وقعمز جنب اسكندر
اسكندر:فتح الااب توب وراقد ع الصالون
اصيل:قولي سوكا
اسكندر:معش تقول سوكا يانم
اصيل:المهم امتى بيمشي الولد لي عيالها؟!
اسكندر:بكرا كان تسخرت
اصيل:تعودت عليها الفرخه طيبتلي هلبا حجات كيف بتنساها بطني?
اسكندر:???
اصيل:تو بتروح معش بنلقى مع منو نضحك بنبدا وحيد زي البوريكه متع اخر يوم في رمضان ومحد يبي ياكلها
اسكندر:??
اصيل:عديم الاحساس زي الناس متع المطاعم يلي يلوحو في الرز وهوا سخون
اسكندر:سكر اللاب توب…امتى بتولي راجل وتخدم ع راسك ومعش تفكر في بطنك فهمني؟!
اصيل:رقد ع الصالون….ع اساس انت يلي مقطع روحك بلخدمه يعني
اسكندر:لوح ع وجه اصيل المخده وناض من جنبه
اصيل:طلع من جنبه كيكه….هاي ياجميله هيا اذهبي الي امعائي الغليظه ياروحي انتي
الساعه3في الليل:-
فؤاد:طلع الشناطي وركب احمد في السياره معاه
هنيه:ارفعوني ياولدي ترببببح
فؤاد:منقدرش يما بعت السياره وخذيت شوي من سراج باش نسدد 3تذاكر ومصاريف العلاج منقدرش اكتر من هكي
هنيه:تمسح في دموعها طمونيني
فؤاد:ان شاء الله وصيت عليكم سراج ميخليكمش نزبطه زي نفسي بيوصلنا وبيجي يبات في حوش احمد فوق مش رح تستحقو شي وتو عمامي يديرو عليكم دوره مره مره
هنيه:ان شاء الله ياولدي
نسرين:سمعت اسم سراج رعشت مع بعضها وذكرت غمازته وكيف ضحكلها ❤️
طلع فؤاد وخوه احمد طبعا يسوق بيهم سراج وبوهم في الاسعاف وراهم للمطار واحمد حاجه وحده في راسه كيف يوصل في اخته ندى ويحافض عليها من حكيم
وصل الخبر لي فيصل ان نوره اخت نسرين طليقته بريئه وقرررريب خش في عقله وطلع قريب هبل
ونفس الشي وصل خبر موت منتهى لحكيم وانه انكشفت لعبته وزاد خاف علي روحه واعرف انه في خطررر بس مع هاذا ميبيش يتحرك لين يلقى ندى
هنيه:نسرررين نسرررين
نسرين:ايوا امي
هنيه؛حسه صاحب خوك روح سلم بنتي سخنيله حاجه ياكلها من بكري مع فؤاد في المشفى اكيد مكلي شي
نسرين:اءءءءء ب به تمام
هنيه:خذت مصليتها ومشت تصلي
نسرين:سخنت شوية رز وفاصوليه ورتبت السفره وركبت
قعدت واقفه قدام الباب وقلبها بيطلع طقت ع الباب وفتح سراج ❤️
ندى:ناضت في الليل عتشانه طلعت لي الصاله بدون حجاب لقت اصيل راقد وجنبه الف حاجه بطاطه كيكه عصاير كللل شي نحت من جنبه الحجات وغطاته بعدين طلعت بي الصالون شافت اسكندر راقد واللاب توب مفتوح جنبه قعمزت تتفرج عليه لان ولا مره ركزت في شكله كويس
ابتسمت وهيا تشوفله بعدين ناض غطاته وسكرت اللاب توب جت راجعه لدار اسكندر بس وقفها صوت الباب يلي يطق بشوووويه بكلللل
قربت شوي شويه وتشوف من العين السحريه ونصدمت لما شافت حكيم وجي في بالها الف سؤال علاش جاي الساعه4في الليل خافت هلباااا ولما جت بتمشي تلفتت وكان اسكندر وقاف وراها ولاصق فيها …تلاقت عيونهم في عيون بعض لاول مره بينهم شووووية مسافه وندى نست حتا حكيم يلي ورا الباب….يتبع