رواية جرائم ظالمة

مش مصدقه يلي نشوف فيه ?كان الدم في كل مكان وراسها متفجر الناس يلي جنبها كأنهم ميعرفوهاش نبي نعيط بأعلى صوتي بس كمية الصدمه مش مخليتني حتى ناخذ نفس …..

قبل يوم واحد :-
في منطقه من ضواحي طرابلس كانت نوره مقعمزه في الجنان وساااارحه ✨✨✨
نوره:مزال علي عرسي اسبوع بس يااااربي نحس في روحي بنموت من الخوف زعمى نتأقل مع العريس رغم ان زواجي تقليدي?افففف مزال الحنايه محجزتش فيها
قاطع تفكيرها صوت التالفون…تررن ترررن
نوره:الوو
منتهى:اها انا وصلت افتحيلي
نوره:تمام هي ….وناضت فتحت الباب
ندى:نوره منو جي؟!
نوره:صاحبتي منتهى
ندى:به….وخشت

نوره مواليد 89 من عيله محاااافظه بشكل مش طبيعي عندها اختين ندى ونسرين طبعا نسرين متزوجه بس ندى لا وعندها زوز خوت ولاد واعررررين هلبااااا
مخطوبه ليها 3شهور خطبه تقليديه وفاتحتها مقريه يعني بين العائلات ومحكوش مع بعض نهاااائي …ومزال علي عرسهم اسبوع بس
مواصفات نوره …قمحيه ونقشها ع الاسود متوسطة الطول ومليانه شوي

ندى:مواليد 97اصغر وحده في خواتها وخوتها واحلا وحده ❤️بيضه ونقشها ع الاسود ملامحها حلوووه❤️

اما منتهى تكون صاحبت نوره المفضله والوحيده في نفس الوقت ولو انها مكانتش بنت جرانهم مستحيل خوتها يخلوها تخش لحوشهم ولا تصاحب اختهم اصلا

?رويـــــــاتٌ بــــــــَنُــــــــووتِــةْ الــــشِـــيــــخْ?

هنيه:نددددى
ندى:نعم يا ماما
هنيه:منو جي؟!
ندى:منتهى جايه لي نوره
هنيه:اخخخخ يستر الله من هاالبنت والله مراضيه علي صحبتها
ندى؛اي كان تحطونا في شيشه وتسكرو علينا خير والله
هنيه:بلا طولة لسااان ونوضي حطي العشي ع النار خوتك قريب يروحو
ندى:افففف نايضه

منتهى:ههههه خيرك ضعفتي ولا جاك خناق العرايس
نوره:بالله فكيني ترا قريب نموت من خوفي
منتهى:تي عادي خيرك تو تتأقلمي
نوره:ان شاء الله…المهم قوليلي شن المشكله يلي صايره محكيتيليش
منتهى:اففف تعرفي عمتي تعاركت هيا وامي قلبت الدنيا عليها وحرموني من بنت عمتي تخيلي معش نقدر نشوفها ولااااازم نمشيلها عندي فلوس مخليتهم عندها
نوره:به توا كيف بديري
منتهى:عطيني حاجه من حوايجك بنمشيلها باش كان شافني خوي في الشارع ميزبطنيش
نوره:كيييف بتمشيلها به كان جت امك هنايا؟!
منتهى:تي لالا خطوه الحوش مش رح نعطل متخافيش
نوره:به تمام ….خشت نوره طلعت جاكيتها طويل ووشاح عطتهم لي منتهى لبستهم وطلعت

نوره:وين ماشيه امي ؟!
هنيه:كنت خالتك مرضت امس ..سلم بنتي كملي العشي ع النار البايره ندى رقدت
نوره:به ولا يهمك

طلعت منتهى وهيا مغطيه وجها بي الوشاح واول موصلت راس الزنقه وقفتلها سياره ركبت فيها بس الصدفه ان حكيم خطيب نوره كان جايها وجايب معاه صور ديار نوم يبيها تختار شاف منتهى ويحسابها نوره خطيبته بسبب الوشاح يلي لابساته دور السياره ولحقها ??

?رويـــــــاتٌ بــــــــَنُــــــــووتِــةْ الــــشِـــيــــخْ?

نوره:خشت دارها ….ندددى ندددى
ندى:افففف خليني راقده
نوره:نوووضي العصر يأذن
ندى:خليني راقده فوتيني
نوره:عليك بايره??‍♀️

درس حكيم بعيد وشاف منتهى يلي يسحابها خطيبته راكبه لي الشقه مع ولد …ولعت نااااااار في حكيم وبسررعه دور سيارته ورجع لحوشه اول موصل يخبط وقريب يهبل خذي سلاحه وبيرجع لي الشقه بس للاسف حصل في زحمة السير وهوا يغلي ويحلف لو طلعت هيا رح يقتلها ….

منتهى:تلبس في وشاحها….يلا خلاص بنروح انا
حسني:به امتى بنرجع نشوفك
منتهى:منعرفش انا اليوم وطلعت بسيف كذبت ع بنت جرانه باش طلعت
حسني:شن اسمها بنت جرانكم؟!
منتهى:ارتبكت ….شن تبي فيها توا يلا سلام
حسني:نوصلك؟!
منتهى:لالا خليك….وطلعت مستعجله وهيا تدعي انها متنكشفش لانها كاذبه ع الولد ومقايلتله اسمي نوره وعاطياته معلوماتها وبلعاني لبست حوايجها عشان لو شافها حد يسحابها نوره?

حكيم:طلع من زحمة الطريق وهوا بيقلب السيااااره لين وصل قدام الشقه خذي الكلاشن ونزل

طق طق طق طققققققق
حسني:تي جاي سمعنااا …وفتح الباب
حكيم:ووووينها وينهاااا الحقيره الساقطه
حسني:تي خيرك انت غير بشويه
حكيم:بيتفجررر….منو البنت يلي كانت معاك اليوم
حسني:وحده نزبطها شن دخلك فيها
حكيم:سحب السلاح علي حسني وملامحه جديه…بتتكلم ولا ندفنك في مكانك
حسني:بلع ريقه بببه به نزل سلاحك
حكيم:شن اسمها
حسنى:نوره اسمها
حكيم:بمجرد مسمع اسم خطيبته طلع بدون اي وعي لي سيارته طوووول

?رويـــــــاتٌ بــــــــَنُــــــــووتِــةْ الــــشِـــيــــخْ?

نوره:بشويه عليك خيرك
منتهى:لالا تعرفي خلاص بنروح بسرعه عطيني حوايجي
نوره:هاك خوذي…شنو خذيتي الفلوس من بنت عمتك؟!
منتهى:لبست ع السريع….تو نجيك يوم تاني نهدرزو
نوره:تمام
منتهى:طلعت بسرعه من الحوش

هنيه:السلام عليكم
نوره:وعليكم السلام ..غريبه معطلتيش
هنيه:بنسألو عليها حنى مش بايتين عندها
نوره:شنو الدوشه يلي برا هاذي ?
هنيه:حي عليا كان عركه ربي يستر???صوت بوك وخوتك

صبرى(اب نوره):نوووووووره نووووووره
نوره:قلبها بيطيح منها…خيره يما؟?اطلعي شوفيه
هنيه:بلعت ريقها …
خش فؤاد اخ نوره للحوش والشر يتطاير من عيونه يشد نوره من شعرها ويجبدها لجنان ونوره تبكي ومش فاهمه خيرها بذات بعد مشافت خطيبها وبوها وخوتها الزوز علي راسها

بدون مقدمات ولا حتى اي كلمه خوت نوره الزوز احمد وفؤاد طاحو فيها ضررررررب وبوها وحكيم زياده ويتلفضو بي كلمات عمرها مكانت لي نوره ?لين البنت خلاااص معش قادره تاخذ نفس وهنيه امها تعيططططط وتحاول تحز بينهم وادافع علي بنتها

صبرى:بعد من علي بنته وهوا داااااهش من الضرب …..انا وامها معرفناش نربوها يا حكيم وجهي في الارض طووول عمرى قدامك
فؤاد:اقتلللللللللها ولا انا نقتلهااااا
حكيم:سحب السلاح وهنيه عياطها واصل لاخر الشااااااارع
نوره:معش حست بي ولا حاجه غير بشي سخووون نازل علي راسها ولما حطت يدها شافت الدم خلاص عرفت روحها ميته بلكاد قالت الشهاده وجت طايحه غااااارقه في دمها ????

طلع حكيم وخوتها بسرعه من الحوش وبوها خذي تركينه بروحه ويمسح في دموعه

هنيه:عياطها بشكل ميوصفش وتهبط في رووووحها بتموت مسكينه بس صدمة ندى اختها يلي واقفه ع الباب الحوش بروحها

ندى :مش مصدقه يلي نشوف فيه ?كان الدم في كل مكان وراسها متفجر الناس يلي جنبها كأنهم ميعرفوهاش نبي نعيط بأعلى صوتي بس كمية الصدمه مش مخليتني حتى ناخذ نفس .. جررريت بدون وعي لي اختي نحضن فيها والدم مغطيها ومغطيني حتا انا نعيط بي اعلى صوتي ….حرااااااام عليكمممم علااااااش اختي عرووووسه شن دااااااارت … بدي صوتي وشهقات البكي متعي تعلا وتعلا وامي من كثر البكى حيلها نهد وطاااحت

التمو الجيران مخلوعين من صوت الرصاص والعياط يلي سمعوه وندى قاعده مش مستوعبه الموقف وحاضنه اختها وتبكي والدم في كل مكان?…يتبع