رواية اليتيمتان بقلم ولاء يحيى

?? (اليتمتان)?? #بقلم_ولاءيحيي

البارت الثامن

طلع النهار والبنات وحكمت فضلوا نايمين في حض بعض… لحد بعد الظهر …فاطمة كانت صاحيه وقاعده مستنياهم 
حكمت :صباح الخير يا تيته…
فاطمة بزعل :صباح النور
حكمت بستغراب :خير يا تيته زعلانه ليه
فاطمة تبص ليها :قومي بصي لعينكي في المرايا وانتي تعرفي… هو دا اللي اتفقنا عليه يا حكمت … مش قولنا ننسى… قعده طول الليل تحكي للبنات.. وتنامو معيطين كلكم
حكمت بابتسامة : ياريت النسيان بأيدينا … ( فاطمة بصت ليها بزعل فحكمت قامت وقفت وراها حضنتها وباستها ) وبعدين انا عاوزه افهم سمعتينا ازي… هو انتي كنتي نايمه…. ولا انتي عملتي نفسك نايمه وقعدتي تتسمعي علينا يا بطه….(وتمسك خدودها تقرصها بهزار) انتي بتلمعي أوكر يا بطاطا …#بقلم_ولاءيحيي
فاطمة تشهق وتضربها بغيظ : المع أوكر! انا يا بت بلمع أوكر.
حكمت تبعد عنها وتضحك : بهزر معاكي يا بطوطة
اميره وندا خرجوا من الاوضه :صباح الخير
حكمت وفاطمة :صباح النور
(فاطمة لقيت ندا لبسه الطرح على رأسها)
فاطمة يتصنع الغضب : بت يا ندا انا مش قولتلك متلبسيش الطرحه في البيت… هو انا كلامي مبيسمعش اقوم اكسر دماغك دلوقتي
ندا بابتسامة : لا يا تويته والله بيتسمع… بس انا لبساها عشان كنت بصلي
فاطمة بابتسامة :ااااه…. شاطره يا ندي تقبل الله يا حبيبتي (وتبص لأمير) وانتي يا اميره صليتي
ندا تضحك وأميره تكسف اوي وحكمت وفاطمة بصو ليهم بستغراب
فاطمة بستغراب : مبترديش ليه….. صليتي؟
اميره بكسوف : لا يا تيته… اصلي مش بصلي
فاطمة وشها كشر وغضب وبصت لحكمت اللي مستغرابه
فاطمة بغضب :مش بتصلي يعني ايه … تبقى مسلمه ازي من غير صلى…. دي الصلاة اول حاجة ربنا هيسالك عليها يوم القيامة …. هتقبلي ربنا يومها ازي وانتي مبتصليش ….هتقولي ايه انا كنت بكسل يارب اني اقوم اصلي وأقف بين ايدك….استغفر الله العظيم… عاوزه ربنا يصلح حالك ويكرمك وتنجحي ازي من غير صلى…. عاوزه ربنا يسترها معاكي ويحميكي وانتي مش بتصلي …. (وتبص لحكمت بغضب) وانتي يا ست الأستاذة … ازي سيبها لدلوقتي من غير ما تكون بتصلي…. وعمله تقولي دول بناتي وانا أمهم.. هي في ام متخافش على عيالها… انتي مش عارفه ان ربنا قال علموهم من سبع واضربوهم من عشره… عندها كام سنه الشحطه دي دلوقتي… استغفر الله العظيم …ذنبها في رقبتك يا حكمت…. انتي اللي مسؤله قدام ربنا عنهم… (اميره وحكمت كانوا بيحاولوا يتكلموا… بس فاطمة مش مدى فرصه لحد وغضبانه وبتتكلم بسرعه… وندا عماله تضحك… واميره تخبط فيها )
ندا بصوة عالي وضحك :استنى بس… يااااتيته
فاطمه بغضب : عاوزه ايه انتي كمان
ندا بضحك : يا تيته اميره مش بتصلي الايام دي بس (وتبص لاميره اللي اتكسفت) أصلها عندها… عندها ظروف
فاطمة بستغراب : ظروف ايه دي ( وسكتت لما فهمت قصدها … وراحت ضاحكة اوي وهم ضحكوا على ضحكها)
فاطمة بضحك : مش تقولوا كده… يخيبكم عيال…. معلش بقى اصلي نسيت الحاجات دي
حكمت بضحك : يااااسلام…. بقي كل اللي عملتيه دا وفي الاخر تقولي معلش… دا انتي دخلتينا النار.. لااااا احنا زعلانين…. انتي لازم تصلحينا… وتعملي لينا حاجه حلوه… صح يا بنات
البنات :صح يا ابله
فاطمة بغيظ تقلدهم : صح يا ابله… امشي يا بنت انتي وهي وهي من هنا…. انا مش هعملكم حاجه… وبعدين انا قولت ايه غلط…. ماهو انتي اللي مسؤوله عنهم قدم ربنا… وانا خوفت تكوني قصرتي معهم… دول بقوا بناتك واحفادي … خوفت عليكي وعليهم … وبعدين انا اللي زعلانه منكم… عشان قعدتي تفتكري اللي فات وتعيطوا.. وانا لما بتعيطوا قلبي بيوجعني… (وعينها تدمع) وجعتي قلبي.. وافتكرت ابوكي وامك… وانتي لما كنتي هتروحي ما بين أيدي… حسبي الله ونعم الوكيل
حكمت قامت بسرعه حضنت جدتها.. وندا واميره.. نزلوا قعدوا على الأرض قدامها اميره وندا يبوسها :متزعليش يا تيته حقك علينا والله ما هنتكلم في الموضوع دا تاني
حكمت :حقك عليا يا تيته…متزعليش مني بس أوعدك والله مش هكلم في الماضي تاني هنساه… وهبدا حياتي معاكي انتي والبنات
فاطمة تبص ليهم : يعني آخر مره… توعدوني كلكم… محدش فيكم هيفتكر الماضي بتاعوا..ولا يكلم فيه… وتنسوا وتبدوا حياتكم من جديد
كلهم :نوعدك يا تيته
فاطمة بابتسامة :خلاص مسمحاكم… وهقوم اعملكم حاجه حلوه
اميره بحب :ربنا يخليكي لينا يا تيته
حكمت بابتسامة :تقومي فين لاااا انا اللي زعلتك وانا هصلحك… وهعزمكم كلكم على الغدا بره…. ونشتري هدوم جديده للبنات عشان نستعد للكلية
ندا :لا يا ابله مش مهم احنا عندنا… كفاية اللي حضرتك عملتيه عشانا… احنا اصلا مش عارفين نشكرك ازي
حكمت بزعل : تاني يا ندا الكلام دا… بجد لو قولتي كده تاني هزعل منك… انتم بناتي فاهمه يعني ايه بناتي… يعني مسؤولين مني… في بنت بتشكر مامتها… آخر مره يا ندا مفهوم
ندا بابتسامة :حاضر يا ابله
فاطمة بابتسامة : ربنا يخليكم لبعض… (وتسكت وتبص ل حكمت ) اية بناتك دي… قولت اخواتك
حكمت بضحك : لاااا… البيت النهارده فيه حاجه مش طبيعيه… الكل نفسيته تعبانه وطالبه خناقة….احنا نقوم نلبس ونخرج بسرعه…ايه رأيكم ندخل سينما احنا ممكن نلحق عرض الساعة 3
ندا وأميره بفرحه: بجد يا ابله… هنروح السينما
حكمت بابتسامة : ايوه يلا روحوا اجهزو
جريت اميره وندا بفرحه… وفاطمة وحكمت فرحانين لفرحتهم
فاطمه بابتسامة : ربنا يسعدك… ويحققلك اللي بتتمنيه يا حكمت زي ما بتسعديهم
حكمت بحب :ويخليكي لينا يا تيته
#بقلم_ولاءيحيي
وبعد ساعه حكمت وفاطمة والبنات كانوا لبسين ونزلين سوا…. والستات كانو قاعدين على السلام بيتكلموا…

ام فاروق :ياختي وانتي هتقدري على خدمته …دا ولاد ابنك شياطين… دا انا بشوفهم من الشباك… بصوة وأفضل اقول مستحمله ازي… الله يكون في عونك ياختي
ام عادل بحزن : اعمل ايه يام فارق… هرميه في الشارع يعني …. منه الله امهم… جيت رميتهم لابوهاومشيت
ام نبيل : ياختي انا مش عارفه ام ازي دي… بقي في واحده ترمي عيالها كده وتمشي …. جلها قلب ازي.. دي الوحده مننا مبتعرفش تنام غير وعيالها في حضنها
ام عادل : اقول ايه حسبى الله ونعم الوكيل… تعبت ياختي والله مبقاش فيه صحه ليهم
ام فاروق : طب متجوزي ابنك ياختي… اهو تجيبي واحدة تشيل عنك العيال
ام عادل : اجوزه منين ياختي هو عادل حلتو حاجه… ال5 عيال قطمين ظهره من المصريف … وعادل يوم شغال و10لا
تنزل فاطمة وحكمت والبنات
فاطمة :سلام عليكم
الستات : وعليكم السلام ورحمة الله وبركاته…
ام عادل : ازيك يا ست فاطمة… عامله ايه يا ابله حكمت
حكمت بابتسامة : الحمدالله يا خالتي…
ام نبيل برخامه : مش تعرفونا على الحلوين…
فاطمة تبص للبنات وتبتسم : دي ندا… ودي أميرة…(وتبص لها اوي) احفادي يا ام نبيل… زيهم زي حكمت بظبط
َام فارق : يا اهلا وسهلا… نورت يا حبايبي… وانتم في سنه كام…ولا مش في مدرسه
اميره بابتسامة : لا يا طنط بندرس… احنا أخذنا الثانوية العامة السنه دي … ومستنين النتيجه
ام نبيل :زي رحاب بنتي… هي كمان في ثانوية ومستنيه النتيجة … ربنا ينجحكم يارب
فاطمة تنزل : يارب يام نبيل ويطمنك على رحاب .. عن اذنكم… يلا يا بنات عشان منتاخرش… سلام عليكم
الكل: وعليكم السلام
وأول ما خرجو ا من الباب البيت
ام نبيل : بقولك ايه يام عادل…. ما تجوزي عادل لبت من البنات دول.. تاخد بالها من العيال وتخدمهم هي… وترتاحي انتي … #بقلم_ولاءيحيي
ام عادل : يالهووووي يا وليه… اجوزه عيله… دا عادل 45سنه…. دي بنته ألكبيره أصغر منهم ب 3 سنين ..
ام نبيل : وايه يعني… اهي هتلاقي حد من دورها تتسلو معها ….. وبعدين انتي ابنك أرزقي يوم بيشتغل ويوم لا… وممعهوش مصاريف جواز تاني … والبنات دول لا ليهم اب ولا ام…. يعني محدش هيقولك هاتي ومتجبيش.. وهتخش على العفش اللي في الشقه . وهي بعد الجواز تبقى تنزل تشتغل في أي محل… وتساعد ابنك في المصاريف…. و انتي ينوبك ثواب في ستر بت يتيما هتلاقي ليها بيت يتاويها… وتبقي كفالتي يتيم…. زي الشيخ صالح ما قال
ام عادل بتفكير : وهي الست فاطمة ولا ابله حكمت هتوافق… انتي مش سمعها بتقولك دول زي حكمت عندها
ام نبيل :ياختي دا كلام… بتقوله قدام العيال… عشان متكسرش نفسهم… انتي روحي اخطبي واحده منهم ..وهي ما هتصدق حد يشيل من عليها… هي حكمت هتصرف عليهم منين
ام عادل : ياختي خايفه الست فاطمه ترفض
ام فاروق : و لا هترفض و لا حاجه… مش احسن ما يعنسوا ويعقدو ا جمبها زي حكمت… بصي بكرا…نبقى نطلع ليهم معاكي… ونكلمها… خلينا ناخد ثواب وربنا يرضه علينا… ويستر بناتنا
ام عادل :يارب ياختي.. ويفرحك ب ساميه… اللي هي هتدخل امتى… دي بقالها كتير مخطوبه
ام فاروق بحزن : ادعيلها يام عادل ونبي… احسن هموت بحسرتها ياختي… البت بقالها 10سنين مكتوب كتابها
ام نبيل وأم عادل : ربنا يكرمها… ويطمنك عليها
ام فاروق :يارب
#بقلم_ولاءيحيي
حكمت وفاطمة والبنات قضوا يوم حلو اوي…راحو السينما… وبعدها جابوا سندوتشات وقعدواعلى كافيه أكلوا وشربوا شاي.. والبنات أكلوا آيس كريم … وفضلوا يلفوا على الهدوم بس الأسعار كانت غاليه اوي…وندا كانت بترفض تقيس اي لبس وتقلع هدمها وطرحه.. كانت خايفه حد يشوف الحرق.. ف معرفوش يشتروا حاجه… واميره رفضت تشتري من غير ندا…وحكمت زعلت منهم … بس ندا قالت ليها تشتري قماش وهي هتصمم حاجه احلى من اللي بتتعرض…وفعلا جابوا قماش كتير… وبليل روحوا وهم مبسوطين وعاملين يضحكو… وفات اليوم جميل البنات انبسطوا فيه اوي … وتاني يوم… ندا كانت قاعده بتصمم وتقص القماش…. فلباب خبط..واميره جت تفتح الباب
ندا بسرعه :استنى يا اميره (وخدت طرحتها من على الكنبه… ولبست وفضلت تتأكد انها ملفوفه كويس…) خلاص افتحي
اميره فتحت لقيت التلات ستات قدمها :
اميره بابتسامة :اهلا وسهلا اتفضلو ا
ام فاروق : اهلا بيكي يا حلوه… أمل الست فاطمة وابله حكمت فين
اميره : جوا في المطبخ… هدخل اقولهم.. اتفضلوا
دخلو التلاته.. وندا كانت وقفه جمب القماش
ندا بارتباك هي لسه ماخدتش تتعمل مع الناس بس بتحاول تنسى جرحها وتتعامل عشان لما تدخل الجامعه
ندا ترسم ابتسامة : اهلا وسهلا
ام نبيل : اهلا بيكي.. (و يروحوا يقعدوا قدام ندا.. تبص على القماش) انتي بتعملي ايه.. يااا… انتي اسمك ايه معلش نسيت
ندا بابتسامة : اسمي ندا..
ام نبيل :عاشت الاسامي.. بتعملي ايه يا ندا
ندا تروح تقعد قدامهم وهي بتشد في طرحتها وهدومها
ندا : مافيش يا طنط…دا انا بفصل هدوم ليا انا واميره
(ام نبيل تبص ل ام عادل وتغمزلها.. ف ام عادل ابتسمت)
ام عادل : انتي بتعرفي تفصلي ..
ندا : اه.. شويه يعني.. وتيته فاطمة بتعلمني
ام عادل بابتسامة : شاطره… طيب بتعرفي تطبخي و تنظفي وتغسلي…
ندا بصت ليها بستغراب.. وحكمت وفاطمة كانوا خرجوا من المطبخ وسمعهم فبصوا لبعض بستغراب
فاطمة :سلام عليكم…ايه النور دا… خطوة عزيزه
وسلموا عليهم.. وقعدوا معاهم… واميره عملت شاي وجيت… وهما عمالين يسالوا ويتكلموا في حاجه غريبه مع البنات… كلها عن الطبيخ والتنظيف… وحكمت وفاطمة مستغربين
ام نبيل : طب وبتعرفوا(ولسه هتكمل)
فاطمة بضيق : هو فيه ايه يام نبيل… مالكم كده نزلين اسأله للبنات… عن الغسيل والطبيخ..
ام عادل : بصراحة كده يا ست فاطمة… انا جايه عاوزه بنت من البنات
حكمت بضيق : عاوزها!!! يعني ايه عاوزه بنت من البنات
ام فاروق : ام عادل قصدها.. عاوزه تخطب بنت من البنات لابنها
اميره وندا وحكمت وفاطمة بصواكلهم لبعض..
فاطمة بستغراب : هو مش أصغر واحد عندك محمد و اتجوز الشهر اللي فات… هو انتي عندك عيال تاني
ام عادل :لا ياختي معنديش … بس انا مش عاوزها لمحمد… انا عاوزها لعادل
#بقلم_ولاءيحيي
حكمت وفاطمة انصدموا وبرقوا عنيهم.. وأم فارق فتحت في الكلام عن عادل وولاده والمشاكل… وامهم اللي رمتهم… وأنها مش قادره على العيال… وأم نبيل عماله تخبط فيها وهي مش واخده بالها

ام عادل : فأنا قولت ياختي اجوزه… ومراته تاخد بالها منه هو وعيالو ا وارتاح انا…(وتبص للبنات وتبتسم ) وقولت اهو اخد ثواب.. في بنت يتيمه.. واكفلها في بيتي…بس ايه لازم تاخد بالها من العيال ومتزعلهمش ابدا

ام نبيل :بس الشهادة لله عادل طيب و غلبان… وكسيب(وتبص للبنات) ومش هيخلي على جهدوا جهد عشان يسعد اللي هتاخد بالها منه هو والعيال… هو فيه زي عادل في اللي حته… دا سيد الرجالة

فاطمة لسه هتتكلم بس ندا سبقتها
ندا بابتسامة : كويس جدا ما شاء الله دا عريس لقته(حكمت بصت ليها اوي… بس شافت ملامحها وفهمت انها غضبانه… فبتسمت وسكتت وشاورت لفاطمه انها تسكت… والستات التلاته ابتسموا اوي.. وافتكروا ندا هتوافق)
ام نبيل بابتسامة :اه طبعا امال ايه… ياسعدها اللي هتاجوزه
ندا بضيق :طب ما تجوزيه بنتك… هو مش انت عندك بنت قدنا برده اسمها…
اميره بغيظ :رحاب … اسمها رحاب
ندا :ايوه رحاب …. جوزيه رحاب يا طنط… عادل عريس لقطه ميتسبش… ويسعدها اللي هتتجوزه…
#بقلم_ولاءيحيي
ام نبيل بارتباك : رحاب … رحاب ماتنفعش أصلها عاوزه تدخل الكليه
فاطمة بتريقه :كلية ايه ياام نبيل… دي رحاب بقالها سنتين بتعيد السنه
ندا : تؤتؤتؤ… معقول بتعيد.. دا الامتحانات السنة دي كانت صعبه اوي… انا بقول متتعبش نفسها وتاخدها من قصرها وتتجوز… واهو عادل موجود وجاهز.. ولا ايه يام عادل… مش بنت صاحبتك احسن واحده لابنك… على الأقل عارفه وعارفها ظروفه…
اميرة : استنى يا ندا بس… مش نعرف الأول رحاب بتعرف تطبخ و.لا لا ..صحيح يا طنط هي بتغسل الأبيض لوحده لا مع الألوان… والجينز اوعي تكون بتحطه في الغسله… لازم تمرشه على أيدها كدههو(وبتقلد حركه الغسيل)
ندا : والعيال… بتحب العيال وهتعرف تذاكر ليهم… اصل عادل ميقدروش يدفع حق دروس… ااااه أصله ارزوقي على قد حاله…بس يا طنط لازم تنتبهي على رحاب بنتك … اوعي تضرب العيال كله الا العيال… احسن عادل لو عرف ان حد ضرب عيل من عياله … يااااالهوي بيتعصب وممكن يدق مراته على نفوخها يجيب أجلها… (وترجع بظهرها لورا.. وتربع أيدها وتبتسم) بس أظن رحاب طيبه متعملتش كده… اكيد طيبة طالعه لأمها… وهتحن على العيال دول زي اليتامه بظبط … مهو امهم سابتهم… وهم ملهمش ذنب…عرفي بنتك يا ام نبيل أنها لو خلفت متفضلش ولادها على العيال اليتامه..وقبل ما تمد أيدها وتاخد لقمه تتأكد انهم أكلوا الأول… واوعي تديهم لبس كبير عليهم ومش مناسب ليهم… و لا لسنهم… وتقول لنفسها مهماملهمش ام تدافع عنهم… اوعي تنسى أن ليهم رب شاهد عليها ومطلع… اوعي تخليها تنسي ان الرسول صلى الله عليه وسلم… كان يتيم… ربنا اختاره هو دون عن كل البشر… ونزل عليه الوحي وبعثه رسول للبشر أجمعين وبعت معاه لينا احسن هديه القرآن الكريم… وخله يوم الايام شفيع لينا… كل دا وهو يتيم… اوعي تخلي رحاب تفتكر أن ولادها.. احسن من اليتيم..

حكمت ابتسمت بفرحه وفخر… وفاطمة بصت ليهم نظرت رضا
فاطمة بابتسامة : انتم اتأخرتوا على بيتكم وولادكم… ربنا يرجعكم ليهم بسلامة و لا يحرمهم منكم…الواحده مننا مش عارفه أمر ربنا هينفذ امتى… وفي أي لحظه ربنا ياخد أمانته وعيالكم يتيتموا… والناس تقسى عليهم… اصل الناس مبترحمش
الستات التلاته بصوالبعض بكسوف… وقاموا وقفوا واستاذنوا ومشيوا
حكمت فتحت أيدها وحضنت البنات وباستهم
حكمت بفرحه :انا فخوره بيكم… عاوزكم دايما واثقين في نفسسكم… واوعوا تسمحوا لحد يجي عليكم أو على كرمتكم

وبعد اربع شهور… الكليات كانت بدأت والبنات كل واحده دخلت الكليه اللي بتحبها…
:اميره
و نعرف بكرا مين بينادي على اميره ونتقابل في حلقه جديده.. واسفه للتأخير وان الحلقه قصيرة… بس ولادي عندهم امتحانات. ادعلهم