رواية اليتيمتان بقلم ولاء يحيى
?? (اليتمتان)?? #بقلم_ولاءيحييالبارت العشرين والأخيرفاطمة :يمهل ولا يهمل… انتقام ربنا أعظم واكبر… والحمد الله انكم رجعتم لبعض يا ولاد.. انسى اللي فات… وعيشوا حياتكم
#بقلم_ولاءيحييكمال بص لحكمت بحب وشوق والكل بيبص عليهم بفرحه… عمران غمز لندا عشان يقوموا ويسيبهم لوحدهم فابتسمت
ندا تقوم تقف جمب فاطمة : تعالى يا تيته نروح الاوضه التانيه عشان ترتاحي..
فاطمة بابتسامة : يلا حبيبتي
يقوم عمران بسرعة يمسك ايد فاطمة ويمشي معاها.. وهو عمال يشاور لأليف.. اللي مش فاهم.. وندا عمله تغمز لأميرة وهي مش فاهمه…
فاطمة بضحك :متتعبوش نفسكم.. مش هيفهموكم سيبهم كمال يطردهم دلوقتي
عمران وندا ضحكوا وخرجوا مع فاطمهكمال قام قعد جمب حكمت بشوق وحب… ومسك أيدها واتنهد ولسه هيتكلم حكمت شاورت ليه بعينها.. بص وراه.. لقى أليف وأميرة الاتنين حطين ايدهم على خدهم ويتفرجوا عليهم بابتسامة كبيرة على وشهم… فضحك ورجع ظهروا لورا وبصلهم
كمال بابتسامة : قولتلي مين فيكم اللي قفل اللي باب علينا… عشان يكون مساعد ليا في العملية بكرا
أليف بسرعة : ااانا… انا اللي اخدت كارت التعريف من الأمن وقفلته
أميرة بغيظ :بس دي كانت فكرتي انا اصلا من الأول
كمال بضحك : هو الكارت مع مين دلوقتي
أليف يطلع بفرحه :اهو معايا انا
كمال اخده منه : برافو عليكم بجد فكره حلوه…
أميرة بفرحه :فكرتي انا
كمال بابتسامة : بصراحه كده محتار مش عارف مين فيكم يدخل معايا العملية بكرا… لازم واحد بس
الاتنين نطو من مكانهم واقفين : اااااانا
كمال بابتسامة :ما انا مش عارف مين فيكم أسرع في قفل الباب
الاتنين :اااااانا
كمال وقف :طيب اللي هيقفل الباب دلوقتي أسرع هو اللي هيدخل معايا
الاتنين جريو بسرعه وقفله الباب وكمال كان ورهم وقفل بكارت
أليف :انا سابقتك
أميرة بغيظ : لا طبعا انا اللي خرجت قبلك
أليف : نسأل كمال
أميرة : ماشي
يحاولوا الاتنين يفتحوا الباب يلقوه مقفول… يبصو لبعض
أليف باستغراب :الباب اتقفل
أميرة بضحك :ايوه..
أليف بضحك : والكارت مع كمال جوه
أميرة تضحك اوي : ايوه
أليف يضحك اوي : وانا وانتي واقفين نتخانق مين اللي قفل الباب الأول (يحط ايده على كتفها ويأخذها ويمشي) انا بقول يا حبيبتي لما نتجوز منجيبش عيال… مش معقول عيال تخلف عيال
أميرة بزعل :لا انا عاوزه اخلف .. عاوزه اجيب بنت
أليف بابتسامه بخبث : عاوزه بنت… دي محتاجه تدريب كتير… ما تيجي انا وانتي نقعد لوحدينا.. وندرب عشان نجيب بنت
أميرة بصتله بعدم فهم :ندرب ازاي
أليف بابتسامة : بصي احنا نبتدئ بالبوس… ونجرب لحد ما نتجوز
أميرة تشيل ايده من على كتفها وتمشي بظهرها وهي بتبصله بابتسامة
أميرة بابتسامة بكسوف: التدريب من النوع دا ممنوعه يا خفيف..(وجريت من قدامه… وهو طلع يجري وراها)
#بقلم_ولاءيحيي
كمال قفل الباب لقي حكمت بصه من الشباك.. جيه من وراها وحضنها بحب…
كمال بابتسامه :بتفكري في ايه
حكمت بابتسامة : بفكر فيك (وتلف وتبص له وتلف أيدها بحب حاولين رقبته) من يوم ما عرفتك وانا مش بفكر غير فيك… كل ليلة وكل لحظة… عمري ما نسيتك
كنت بستغرب ليه انا مش عارفه انساك… ليه حبك بيكبر جويا كل يوم…
كمال بص لعينها ورفع ايده وفك شعرها وفرده على ظهرها
كمال بحب : انا كنت دايما بدعي ربنا إنك متنسانيش… وان لما اشوفك تاني اشوف نظرت الحب في عينيكي… عايش على أمل اني قابلك… واشوفك(ويتنهد بحب) حكمت كفاية اللي ضاع مننا… انا عاوز نتجوز بسرعة… مش هضيع لحظه تانية وانت مش معايا
(حكمت تحضنه اوي… وهو يخبي وشه في شعرها.)
كمال يرفع وشها ويبص لها : نطمن على ندا… واتصل بناديه تيجي… واعملك فرح كبير اوي
حكمت بابتسامة : انا مش عاوزه فرح انا عوزاك انت
كمال يبعد شعرها ويمشي ايده على وشها بحب :وانا عاوز اعمل فرح كبيير… عاوز الدنيا كلها تفرح معانا… وتشهد على حبنا وصبرنا… عاوز اشوفك بالفستان الأبيض…
حكمت تبتسم… ويبصو لبعض بحب… كمال يحط راسه على رأسها…
هو احنا ينفع نجيب المأذون… وبعدين نعمل الفرح
حكمت تضحك وتتكسف.. وتبص من الشباك.. وكمال حضنها وهما الاتنين سامعين دقات قلوبهم اللي بتعزف نغمات حبهم
في اوضة تانية… فاطمة نايمه.. وعمران وندا قاعدين في الفراند… ندا قعده وعمران حط راسه على رجلها وحضن أيدها… وهي بتمشي أيدها التانيه على شعره
ندا بابتسامه : ليه كنت رافض اعمل العملية
عمران يبصلها : خايف عليكي… (ويغمض عينه بألم ) مش قادر اتخيل انك في حاجه تشكك… أو تجرحك… (ويبص لها) انتي ليه عاوزه تعمليها
ندا تمشي أيدها على وشه بحب : عاوزه أكون حلوه (بصلها اوي والغيرة ظهرت في عينه فابتسمت) حلوه في عين نفسي … عشان اقدر اسعدك … المكان اللي فيه الجرح محدش يشوفه غيرك… وانا عاوزه لما ترجع البيت تلاقيني لبسها وشكلي حلو ومستنياك… عاوزه اشوف نفسي حلوه… وأبقى مستنيه نظرت عينك لما تشوفني… انا عارفه انك حببني زي مانا… وشايفني حلوه ومش شايف جرحي…بس انا شايفه ومش هحس اني حلوه في عينك غير لما كون حلوه في عين نفسي
عمران يرفع أيدها يبوسها وبعدين يبتسم بخبث:
عمران بخبث :افهم من كده اني هرجع كل يوم الاقيكي لبسه ومستنياني… دا تحريض واضح واغراء رسمي للانحراف … وانا نفسي انحرف على ايدك…
ندا تشهق بكسوف… وتضربه على كتفه وهو يضحك.. ويحضن أيدها بحب ويغمض عينه.. وينام براحه … وهي تبتسم وتبوس جبينه بحب
#بقلم_ولاءيحيي
أليف وأميرة كانوا قاعدين على سطح المستشفى وبيحبو في بعض بطريقه مختلفة
أليف وبؤه مليان اكل : يابنت الايه جيبته ازاي دا
أميرة وهي بتأكل : شوفته من يومين وانا جايه المستشفى.. اخدت رقمه..
أليف يأكل بصل :.عارفه انا دلوقتي حبتك اكتر… لما لقيتك بتحبي الاكل دا
أميرة تأكل :ولا الفسيخ والسردين دول العشق ….
أليف بنص عين وغيظ : وانا ايه بقى
اميره بضحك وهي بتآكل أليف : انت فسيخه قلبي يا حبيبي
أليف بابتسامة : حبيبتي يا سردينا…
أميرة :تفتكر دكتور كمال هيدخل مين فينا معاه العملية
أليف بضحك : بعد الأكل ده والبصل… كمال هيرميني انا وانتي بره المستشفى يا حبيبتي..
أميرة بضحك : والله ساعتها اعمل بوفيه فرحه كله سردين ورنجة.. وفسيخ
أليف بضحك : والحلو هيبقى ايه
اميره بضحك : لبان كرولكس
ويفضلوا هم الاتنين يتكلموا وياكلو ويضحكوا…. بعد ما خلصوا اكل… ناموا الاتنين على الأرض وهم بصين للسماء
أميرة بابتسامة : لما ببص لسما كده.. بحس ان بابا وماما بيبصو عليا… من الجنة
أليف يبصلها : هو انتي عارفه مين اهلك
أميرة بابتسامة : ايوه انا اسمي اميره أحمد عادل… قالوا إن بابا كان دكتور (أميرة تبصله) ..انا رحت الملجأ وانا عندي 5سنين… اهلي كانوا عملوا حادثه بالعربية.. وماتوا…وانا قعدت فتره في المستشفى.. وبعدها رحت الملجأ
أليف : طيب فين أهلك… جدك عمك.. أي حد من عيلتك… ليه مش معهم
أميرة بابتسامة حزينة :قالوا إن محدش سأل عني… ومالقوا حد جي عشان يأخذني… فارحت الملجأ
أليف باستغراب : طيب مين دفن اهلك…
أميرة :معرفش
أليف باستغراب :مسالتش
أميرة تبصله بابتسامة حزينة :لا… هم مسالتش عني ليه اسأل انا..
أليف سكت شويه وبصلها :ماعندكيش فضول حتى تعرفي
أميرة :اول ما خرجت من الملجأ.. قولت هسال… خصوصا اني عارفه بعض المعلومات عن اسمي.. وشغل بابا وبلده… وكل يوم افكر اسأل.. وارجع اقول بكرا… لحد لما سمعت قصتكم النهارده… قولت ليه ادور على ناس مسالتش عني… ممكن يطلعوا زي محمود وسلوي. ويبقى اليتم احسن منهم 1000 مره (وتبص له وتبتسم) انا ربنا بعتلي ابله حكمت ودكتور كمال اب وامي… وندا وعمران اخواتي…(وتبص له بحب) وجمع كل دا وبعته ليا معك…انت الحبيب والأب والأخ والصديق.. انت كل حاجه يا أليف… مش عاوزه غيرك طول ما انت معايا
أليف بصله بحب… وشدها لحضنه… بحب ونامت على كتفه وهما بيبصو للسماء…
#بقلم_ولاءيحيي
تاني يوم ندا كانت في الاوضه بتجهز للعمليه… والكل حاوليها..
يطمنها .. وعمران ماسك أيدها… ومش قادر يسببها.. لحد ما وصلوا اوضة العمليات.. وأميرة قربت بابتسامة
أميرة بابتسامه : سيبها متخافيش هنرجعهالك كمان شويه
عمران بخوف :خالي بالك منها
أميرة تبص لندا بابتسامة :انت هتوصيني على نفسي… ندا هي انا هي روحي…(وتمسك أيدها) انا دخله معاها عشان انا وهي متعودناش نسيب ايد بعض… وهنخرج انا وهي سوأ
وتدخل ندا العمليات… وبعد ساعتين… يخرج كمال… حكمت وعمران يجروا عليه
حكمت بدموع : ندا عمله ايه يا كمال
كمال يرفع ايده ويمسح دموعها : متخافيش حبيبتي… ندا كويسه اوي… والعملية نجحت جدا
عمران اتنهد براحه.. وحكمت حضنت كمال…
وبعد يومين في اوضة ندا… كانت مليانه ناس… كل اهل الحارة… موجودين عندها ب يزورها
ام فاروق : الف بعد الشر عنك يا حبيبتي
سامية :سلامتك يا ندا الف سلامه
ام نبيل :شدي حيلك وقوملنا بسلامه… الحارة والمشغل ملهمش حس من غيركم
ندا بابتسامه : أن شاء الله….انا متشكره ليكم جدا…بجد فرحت بزيارتكم
سامية بابتسامة : بتشكرينا على ايه… احنا اللي لازم نشكرك… انتي وابله حكمت.. والست فاطمة… المشغل اللي فتحته.. شغل ستات وبنات كتير…وفتح بيوت ناس كتير
فاطمة : الحمد الله… المشغل دا بتعانا كلنا… من غيركم مكنش اشتغل
ندا بابتسامة : وبعدين لولا فرحك… مكنتش فكرت المشغل دي جات لينا
ام فاروق : هو لولا اللي عملتيه في الفستان كان الفرح بقى فرح.. . دا انتي فرحتي قلبنا.. ربنا يفرح قلبك.. ويرزقك بابن الحال
ندا عينها راحت لعمران… اللي واقف ساند على الحيطة… ويبتسم بحب ليها…. ويدخل كمال وهو ماسك ايد حكمت.. فالكل يبص عليهم باستغراب
كمال وحكمت بابتسامة : سلام عليكم
الكل باستغراب :وعليكم السلام ورحمة الله وبركاته
فاطمة بابتسامه : دا الدكتور كمال… خطيب حكمت
الكل فرح وقعدوا يبارك ليهم…
ام نبيل بفرحه : وامتي الفرح يا دكتور
كمال بابتسامة : الأسبوع الجاي ان شاء الله
ام فاروق : كده يا ابله حكمت… متقولش… دي الحته كلها هتفرح ليكي… ولا احنا مش قد المقام
حكمت بابتسامة : ايه اللي بتقوليه دا ياام فاروق دا انتم اهلي… ومش هفرح غير لما تشاركوني فرحتي… انا بس مستنيا لما ندا تخرج بسلامة
ام عادل : واحنا من هنا ليوم الفرح… هنعمل ليله… والحارة كلها… هتفرح ليكي… دا انتي غاليه اوي يا ابله حكمت…
فاطمة بابتسامة :ربنا يفرح قلبكم يارب
وعدي يومين كمان وندا كانت خرجت من المستشفى… وكل أهل الحارة واقفين ينضفو ويزينوا الشارع… والستات واقفين كل واحده فتحه باب شقتها… وقفه تعمل اكل شكل… ووقفين يغنوا… دخل الحج صالح بابتسامة
صالح بابتسامة :سلام عليكم… ربنا يفرح قلبكم… بس هو فيه ايه النهارده… خير فرحونا معاكم
ام نبيل بفرحه : دا خير وخير كتير اوي يا حج…. ندا هتخرج من المستشفى النهارده… لما الدكتورة أميرة ربنا يكرمها عرفت ان جوزي عيان بقاله كام يوم… اخدتنا المستشفى وعملت التحليل… طمنتني عليه… الحمد الله… والابله حكمت اتخطبت لدكتور كبير اوي… وفرحها كمان يومين… كل دا ميفرحش… دي الحارة كلها بترقص…دا المشغل اللي فتحته شغل ستات ورجالة الحارة
صالح بابتسامة : بسم الله ما شاء الله… ربنا يبارك في افرحنا يارب…. شوفتم لما حكمت فتحت بيتها لليتيم ربنا كرمها آخر كرم… ولما انتم قبلتهم وسطكم وفتحتو قلبكم ليهم.. ربنا كرمكم… ورزقكم برزقهم
ام فاروق بابتسامة :اه والله يا شيخ صالح… من يوم ما البنتين دول دخلوا الحارة.. ودخلوا بيتنا.. والخير بيجي وراهم للكل
صالح بابتسامة : الحمد الله… عقبال ثواب الأخرة يارب.. ونكون جيران النبي
الكل سوأ : ياااارب
رجعت فاطمة حكمت والبنات الحارة.. وكان معاهم كمال والشباب… واول ما دخلوا الحارة.. سمعوا زغرايط.. ولقو فرشه كبيره… والكل قعد بيغني ويفرح.. وقابلوهم بزغريط والتهاني… وقاعده وسطيهم.. وكل البيوت بقى يخرج منها صواني اكل.. واقعد الكل سوأ يأكل. .. حكمت وكمال والبنات والشباب… حسه أن ليهم أهل… وعيله.. وناس طيبه بتحبهم من قلبهم
#بقلم_ولاءيحيي
تاني يوم الساعة 9الصبح… فاطمة وحكمت والبنات قاعدين يفطروا.. عشان ينزلوا لشغلهم وكليتهم…بس باب الشقة خبط… حكمت راحت تفتح… لقيت ناديه وقفه قدمها بوشها الطيب الجميل والفرحة والضحكة مليا وشها
حكمت بفرحه :ناديه
ناديه تجري لحضها: وحشتيني أووي يا حكمت… ماصدقتش لما وصلت المطار وكمال قالي… قولت وديني عندها اشوفها بعيني
يدخل كمال بابتسامة : ماصدقتش لما قولتلها…
حكمت بفرحه : انا اللي مش مصدقه انى شايفكي متغيرتيش يا ناديه… لسه حلوه ووشك بيضحك
مدحت يدخل برأسه : قوليلها.. احسن لما بقولها كده بتقول.. اني عامل عمله وبأكل بعقله حلاوة
حكمت بابتسامة : مدحت… حمد الله على السلامة
مدحت بابتسامة : حمدالله على سلامتك انتي يا حكمت… برجوعك مرجعش روح كمال بس رجعت رحنا كلنا..
(ويبص لكمال بابتسامة) انتي متعرفيش كمال كان عامل ازي واخته زعلانه عشانه … ومنكده علينا طلعت رحنا
الكل يضحك (أليف وعمران يدخلوا رأسهم من الباب)
الاتنين سوأ :ينفع ندخل…
ندا وأميرة واقفه بابتسامة… وكمال وحكمت بصو ليهم بابتسامة… وناديه اخدت بالها… فرحت للباب بسرعه
ناديه تقفل الباب : لاااا خليكم بره
الكل يضحك وعمران واليف.. يفضلوا يخبطوا…
أليف من وراء الباب : مش هتفتحى يعني يا ناديه… طيب
(ومره واحده سمعت صوت صريخ ولادها) يالهووووي نسيت العيال
الكل يضحك وتفتح ناديه الباب. ويدخل الكل.. ويتعرفوا على بعض… وقضوا يوم جميل سوأ.. وبدأ تجهيزات الفرح… وكانت حكمت وناديه ونهى بينزل يشتروا حاجات العروسة… وأميرة واليف.. وندا وعمران… ويجهزوا الفيلا اللي هتعمل فيها الفرح.. وكان الكل في منتهى السعادة… ويوم الفرح… كل الناس اللي بتحب كمال وحكمت كانوا متجمعين.. عشان يفرحوا بيهم.. كمال كان واقف مستني حكمت وجمبه عماد ومدحت وعمران واليف… واتفتح الباب… ولقي في صفين كبار بنات صغيرين.. لابسين فساتين بينك كلهم زي بعض.. وبيرمي ورده( ودول كانوا بنات الملجأ اللي جم يشاركوا حكمت فرحتها… ولبسوا فساتين جهزتهم ليهم ندا.. وليست زيهم هي واميره) دخلوا البنات ودخل بعدهم اميره وندا اللي كانوا زي الاميرات… وعيون كل الناس فرحانه بيهم… وعين أليف وعمران.. كانت ملينا حب وشوق….وانطفي النور. واشتغلت موسيقى خاصه… دخلت حكمت بفستانها الأبيض.. والإضاءة بقيت عليها.. وعينها تعلقت بعين كمال… اللي اتملت دموع… ونزلت غصب عنه وعنها… دموع صبر وشوق.. وحب ومقدرش يصبر لما توصل ليه… جرى عليها.. أخذها في حضنه.. مع تسقيف وأصوات الأفراح من الكل… وبدأ الفرح برقصه هاديه… رقصها كمال وحكمت… حبهم وفرحتهم.. كنت وصله لكل الناس وكل القلوب.. فاطمة دموعها نزلت… حضنتها ناديه بدموعها وفرحتها ليهم بعد ما عاشت معهم وشافت عذابهم…. الكل كان بيدعلهم… طبعا أميرة واليف قلبوا الفرح تهيس ورقص وغني… شاركهم جنانهم في الأول عمران وندا.. وبعدها انضم ليهم عماد ونهى….لحد ما انضم الكل.. وشاركوهم فرحتهم وحبهم… وخلص الفرح… وكمال وحكمت طلعه اوضتهم… وقفو الاتنين قدام بعض… بشوق وحب… عينيهم كانت بتقول كلام كتير….. قرب كمال حضن وشها بأيده…وباسها من جبينها وكل نقطه في وشها بحب وشوق….ولمس شفيفها.. وباسها لوقت طويل… غابت معه أنفسهم…..وغابوا هم في دنيا العشق والغرام…
مر اربع شهور.. كمال وحكمت كانوا في مكان بعيد عن الكل… ما فيش فيه غيرهم هم وحبهم وبس … لكن في الاخر كانوا لازم يرجعوا.. بعد ما اتصل بيهم عمران واليف.. وحلفوا ليهم ليخطفوا البنات ويتجوزوهم من وراهم….
#بقلم_ولاءيحيي
أليف بضيق : والله لو ما رجعوا لأخد أميرة للمأذون وروح ليه واتجوز هناك عنده
ناديه بضحك : مش هيدخلك… هيقفل في وشك.. دا ما صدق اجتمع بحببته
عمران بغيظ : يعني هو يجوز ويرتاح ويسبنا نولع احنا
مدحت بضحك : بص يا حبيبي انت وهو… انتم تعرفوا البنات وصابرين من قد ايه… 6 شهور صح… كمال صابر من 20 سنه لما تصبروا قده هو هيرجع
عمران واليف برقه بصدمه… وناديه ومدحت قاعدين يضحكوا عليهم
أليف بغضب : مش هستني اكتر من كده.. انا هروح اخطفها
عمران بغيظ : وانا جي معاك
بيلفو الاتنين لقو كمال وحكمت ووقفين يسمعوهم ويضحكوا
كمال بضحك : اخطفهم كده وانا اعلقك منك ليه
عمران واليف يجري عليهم فرحه : حمدالله على السلامة
ناديه تروح لحكمت : حمدالله على السلامة حبيبتي الف مبروك
حكمت : الله يبارك فيكي… عقبال امل ويوسف وياسين
ناديه تأخذها بعيد : تعالى احكيلي… عملتوا ايه في شهر العسل احسن الواحد نسي العسل ياختي
حكمت تضحك اوي وتمشي معاها
مدحت بفرحه : نورت يا عريس ( ويوطئ صوته) اربع شهور يا مفتري… دا انا هربت من اول اسبوع
أليف وعمران كانوا سامعين… فضحكوا جامد.. وكمال بصلوهم اوي
كمال بضحك : عجبك أهم سمعوك قابل بقى التريقه اللي هتاخده
مدحت يبرق ليهم : حد فيهم ينطق بس… وانا ابعتك مؤتمرات طبي لمدة 10 سنين
عمران بضحك : لاااا يا عم مدحت دا انت حبيبي… انا اقدر اتكلم بردوا….. ربك يسترها معانا
أليف بضحك : عيب عليك يابو نسب…. سرك في بير… وبعدين انا كطبيب عارف انها قدرات
كمال بضحك :…. وانا اقول البت ناديه مالها الهم ركبها ليه.. اتاري انت السبب…
مدحت بغيظ : لاااا دا انتم محدش يهزر معاكم… (ويبص لناديه) يا ناديه حوشي اخواتك
الكل يضحك ويعقده سوأ
عمران يبص لحكمت بابتسامة : ابله حكمت.. انتي اللي هتنقذينا
أليف ينزل يقعد تحت رجلها : مستقبلنا في ايدك انقذينا… وجوزينا بقى…بصي انا ها جيبلك من الاخر… احنا سمعتنا سمعت في المستشفى كلها… ايش ضرب في بعض… ايشي جرى ورا بعض… ايشي بوس واحضان
حكمت تبرق بضحك : بوووس
أليف بضحك : دا انا هريها بوس.. زي ابو العربي في الفيلم
الكل يضحك اوي
حكمت تبص لكمال وتبتسم : ايه رائيك يا كمال. نعمل فرحهم امتى
#بقلم_ولاءيحيي
..
كمال بابتسامة وحب :كمان اسبوعين.. يوم عيد ميلادك وعيد حبنا
حكمت بصتله وابتسمت انه فاكر
مدحت بابتسامة :مبروك يا شباب اخدت إفراج
ناديه بابتسامة :نبتدئ نجهز ونعزم الناس (وتبص لعمران) كلمة عمتك يا عمران
عمران بفرحه.. كلمتها وهروح ليهم بكرا ان شاء الله
وبليل الكل اتجمع في بيت فاطمة.. والبنات فرحوا برجوع حكمت وتحديد ميعاد فرحهم… حكمت قامت وسابتهم وأخذت حاجه من شنطتها ودخلت الحمام… وبعد شويه خرجت عينها مدمعه.. وشها مخطوف بصت على كمال.. اللي بيلعب مع ولاد اخته… ويبص عليها شاف وشها وعينها قام بسرعه عليها.. والكل بص ليها
كمال بقلق :حبيبتي مالك
حكمت بدموع رفعت أيدها… وكمال مسك الجهاز ويبص باستغراب وهو مش فاهم… وبص فيه شويه.. وبعدها برق.. وبص لحكمت بابتسامه..
كمال بفرحه :حامل (حكمت تهز رأسها.. وكمال يصرخ بفرحه) حااامل
حكمت بدموع وضحك :ايوه..
كمال حضنها اوي وهي خبت وشها في حضنه.. والكل بيبص عليهم بفرحه وانبسط.. وبركلهم وكان يوم كله فرح
#بقلم_ولاءيحيي
تاني يوم وفي بيت عمت عمران… كانت قعده في اوضة ومطلعه صندوق صور وتبص عليه وعينها مدمعه.. الباب خبط ودخلت بنتها ريهام
ريهام :ماما عمران ابن خالي جي تحت
زينب تمسح دموعها :حاضر جي اهو
ريهام تقرب منها بحزن :تاني يا ماما… مش قولنا بلاش تطلعي الصندوق دا
زينب بحزن :مستكتره عليا افتكره حتى يا ريهام… مش كفاية ذنبي في حقها
ريهام بحزن :ياماما انتي مليش ذنب في اللي حصل.. دا قدر ومكتوب
زينب بدموع :لا ليا… لما اسيب بنتي الصغيرة تلات سنين.. مع ستك وجدك… واسمع كلامهم لما قالوا هياخد بالهم منها… واخدك انتي واخوكي ونسافر لأبوكم… وسيبها وهي مسكه في هدومي وبتعيط عشان مسيبهاش… صدقت انهم هياخد بالهم منها… وابوكي قالي سبيها… هتوديها فين وانتي في الشغل… يتصلوا بيا بعد تلات شهور.. يقوله وقعت في الترعة وماتت ودفنها… انزل أجرى ورح الترب اعيط… وفضل كل ما نزل اروح الترب اعيط وقولها تسامحني.. وبعد6سنين يقولي ما ممتش.. دي تاهت من ستها في مصر… ودورنا عليها ملقنهاش… 6سنين فاكرها ميته… وفي الاخر معرفش هي ميته واللي عايشه
ريهام بحزن :ياماما كفاية عذاب.. بابا لما يشوفك كده بيتعب.. ويفتكر اهلو أن اهلو السبب.. عشان خاطري يا ماما كفاية..
زينب تنهد :حاضر… يلا ننزل لابن خالك
وتنزل زينب وريهام.. كان عمران قعد مع جوز عمته صلاح… وابنها حاتم
عمران بابتسامه :عمتي حبيبتي الغالية
زينب بابتسامة :كل يا واد بعقلي حلاوة… بقى يا واد 6شهور ما شوفكش .. وكل اسبوع تتصل وتقول جي ومتجيش
عمران بابتسامه :معلش يا عمتي.. الشغل والله كان واخدني..
(ويعقده يتكلموا شويه ويتغدوا)
عمران :وحشني اكلك يا عمتي الواحد تعب من أكل الشارع
زينب :طب ما تجوز بدل ما انت قاعد كده
عمران بابتسامه :ما انا جي النهارده عشان اقولكم ان فرحي كمان اسبوعين
الكل بارك لعمران اللي زينب.. اللي قعده مضايقه
زينب :ودي مين اللي خطبتها… بنت مين وابوها من أي بلد
صلاح بابتسامة :هو تحقيق يا زينب واللي ايه
زينب بضيق :مش اطمن عليه.. هو مش ابني زي حاتم.. مش كفاية راح خطب لوحده.. واللي أكن ليه أهل.. هو عشان ابوك مات.. فكرت انك ملكش حد
عمران : لا والله يا عمتي.. بس هي ندا ليها ظروف كده..
زينب :ظروف ايه دي
عمران حكي ليهم ظروف ندا وأنها يتيمه.. وحكمت اللي بتربيها
زينب بضيق : ليه كده يا عمران… من قلة البنات.. هتجوز واحده لا تعرف لها أصلها من فصلها… ما البنات كتير يابني
صلاح بضيق :ايه الكلام دا يا زينب
عمران بابتسامه :ندا ست البنات يا عمتي.. وانا متأكد لما تشوفيها هتحبيها اوي
حاتم :مبروك يا عمران
عمران بابتسامة :الله يبارك فيك.. عقبالك يا حاتم
ريهام بابتسامة :طيب انا عاوزه اشوف العروسة.. هشوفها امتى
عمران بص لعمته وحس بزعلها..
عمران : لو ينفع بليل نروح ليهم… واهو عمتي تخطي ليا … ايه رائيك يا عمتي.. تيجي تخطبي ليه
زينب بابتسامة : وماله يا حبيبي نروح
#بقلم_ولاءيحيي
اتصل عمران ب كمال وحكمت وبلغهم… وفاطمة صممت أن ندا تتخاطب من بيتها…فناديه اخدت مدحت وقالت انهم يطلبوا اميره كمان لأليف… وبليل الكل كان متجمعين في بيت فاطمة… ومنتظرين عمران وعمته… وخبط الباب… … ودخل عمران و عمته وجوزها وأولادها… وسلموا وأتعرف على بعض… وزينب كانت قاعدة متحفظة في الأول… بس ابتسمت وانبسطت لما اتعرفت بحكمت وفاطمة… وعمران ارتاح لما شاف ابتسامة عمته
ريهام بابتسامة :امال فين العرايس
حكمت بابتسامة :جوه في الاوضه هنادي عليهم
نهى بابتسامة :خديني معاكي
ريهام بابتسامة : ممكن اجي معكم…
حكمت بابتسامة : طبعا يا حبيبتي تعالى
خرجوا من الصالون… ورحو لا وضه البنات..
حكمت بابتسامه : ايه يا عرايس لسه مخلصتوش
ندا وأميرة يوقفه بكسوف: خلصنا يا ابله
حكمت تقرب منهم بحب ودموع وتحضنهم
أميرة : بتعيطي ليه يا ابله
… نهى تسيب شنطتها على المكتب وتقرب منها
نهى بابتسامة : هرمونات الحمل… اطمنو هي هتفضل كده فتره تفرح تعيط تزعل تعيط.. تجوع تعيط
الكل يضحك وتقرب ريهام منهم
حكمت: ريهام معلش حبيبتي نسيت اعرفك (وتبص للبنات بحب) دي أميرة خطيبته أليف… ودي ندا خطيبة عمران… ودي ريهام بنت عمت عمران
ريهام سلمت على أميرة وباستها… وقربت من ندا وبصتلها اوي وندا ابتسمت بحب…
ندا بابتسامه : اهلا يا ريهام… مبسوطة اني شوفتك
ريهام تبتسم وتقرب تحضنها :حبيبتي انا كمان مبسوطة اوي اني شوفتك… وتحط أيدها على وشها بحب… ما شاء الله… انتي زي القمر (وتبص لأميرة وندا بدموع ) انتم الاتنين زي القمر
نهى باستغراب : مالك يا ريهام بتعيطي ليه انتي كمان
ريهام بضحك : مش عارفه الظاهر اخدت عدوى من هرمونات ابله حكمت (لكل يضحك.)
حكمت بابتسامه : طب يلا يا بنات… نروح الصالون..
يخرجوا البنات… يروحه الصالون.. وعلى الباب نهى
نهى : ياخبر نسيت شنطتي في الاوضه…
ريهام بابتسامة : خليكي وانا هجيبها
وترجع ريهام الاوضه وتدخل وتشوف الشنط تقرب تأخذها… تشوف العروسة بتاعت ندا وجمبها الصورة… مسكتهم بصدمه… وفضلت تقلب في العروسة… لحد ما شافت اللي حروف المحفور على ظهرها… مسكتها بصدمه.. ودمعها نزلت
في الصالون دخلوا البنات… أميرة سلمت الأول… وندا تدخل بعدها وتقرب من صلاح
فاطمة بابتسامه: ودي تبقى ندا
صلاح يبصلها بحب : بسم الله ما شاء الله مبروك يا بنتي
ندا قلبها بيدق : الله يبارك في حضرتك
صلاح قرب منها ومسك وشها وباس رأسها… والكل مستغرب لأن سلام على أميرة كان عادي… عمران أضيق وبأن عليه… واليف وعماد كتمين ضحكتهم… ندا بصتله وابتسمت بحب… وقربت من حاتم
حاتم بابتسامة :مبروك يا ندا (ومد ايده يسلام عليها… وندا بتبص لعينه وبتمد أيدها… بس عمران سبقها)
عمران بغيره مسك ايد حاتم : الله يبارك فيك يا حاتم… ورح (بصص ليهم بضحك) ايه يا عم انت تسلم بأيدك وابوك يبوس… قفص جوافة وقف انا
الكل يضحك.. وندا تكسف وتبتسم .. وحكمت تقرب منها ندا تمسكها وتقربها من زينب
حكمت :عمت عمران يا ندا… طنط زينب
ندا ترفع عينها… تيجي في عين زينب… اللي قلبها بيدق بقوه… وبتبص ليها
زينب :مبروك حبيبتي… الف مبروك
(ورحت حضنها… وندا دخلت في حضنها… ومقدرتش تكلم حست احساس غريب… وعمران ابتسم لما شاف عمته حضنه ندا… ندا بعدت بعد شويه وابتسمت.. ورحت تقعد بس ومره واحده سمعوا صوت صراخه من ريهام… الكل خرج يجري
#بقلم_ولاءيحيي
زينب وصلاح وحاتم خرجوا جرى لقى ريهام وقفه في الصالة بتعيط…
حاتم بقلق :بتعيطي ليه يا ريهام
زينب بخوف :بنتي مالك حصلك ايه
ريهام بدموع ترفع أيدها بعروسه والصورة
ريهام بدموع :لقيت دول جوه في الاوضه دي
زينب بصت لا يدها… والكل بيبص باستغراب وحاتم مسك العروسة بسرعه.. يدور على الحروف.. وصلاح بيبص لصوره اللي في ايد مراته بصدمه
عمران باستغراب :خير يا عمتي هو في ايه
زينب تاخد العروسة وتلف بسرعه لحكمت
زينب بدموع :بتوع مين دول…. جمم ازي هنا
حكمت فهمت وبصت لندا اللي وقفه مسكه أميرة ومش فاهمه حاجه
حكمت بابتسامة ودموع :بتوع ندا…العروسة كانت مع ندا لما لقوها تايها… والصورة اول صوره تصورتها لما وصلت الملجأ
زينب تبص لندا بدموع وصلاح مش مصدق نفسه وريهام وحاتم يبصه ليهم ودمعهم نزلت … زينب تقرب من ندا… اللي بتكدب احساسه وعينها مليانه دموع… وحكمت رحت لحضن كمال بعيط… ونهى دموعها نزلت وعماد قرب منها…وفاطمة قعده على الكرسي بتعيط وتحمد ربنا
زينب قربت من ندا ومسكت وشها بأيدها الاتنين… وندا مسكه في ايد اميره اللي دمعت من الفرحة عشناها
أميرة بدموع وفرحه : روحي دي مامتك ايوه صح هي
زينب بعياط :بنتي… حنننين… آنتي بنتي… لقيتك يا ضنياه..
(وتشدها لحضنها) قلبي بنتي حبيتي… حنين رجعتي لحضني
صلاح يقرب منهم ويمسك ايد ندا يفضل يبوس فيها.. وعمران ابتسم بفرحه.. فحبيبته هي بنت عمته اللي تاهت من سنين… ريهام وحاتم جريو عليهم… بعد ساعات من العياط والحكاوي … عرفت ندا ازي ضاعت من أهلها والكل قعد فرحان ليها.. واميره قعده في حضن فاطمة بابتسامة كبيرة… واليف قرب منها وباس رأسها بحب
كمال بابتسامة :كنت جي تخطب مننا.. يا حج صلاح… دلوقتي احنا اللي نخطب منك
الكل يضحك
صلاح يحضن ندا بحب :لو الأمر بأيدي مش هخرجها… من حضني ابدا
عمران يبرق :ننعم والله اخطفها تاني (الكل يضحك)قولي حاجه يا عمتي دا انا اللي رجعته لكم
زينب بابتسامة تبص لندا : اخطبها… من ابله حكمت.. الست فاطمة… هم ليهم فيها زينا واكتر… وكفاية انهم حافظه عليها وحمها (وتبص لحكمت) جميلك دا مش هنساه طول عمري… ربنا يكرمك ويرزقك بزريه الصالحة يارب
حكمت بابتسامة ودموع : ندا وأميرة… فرحه دخلت حياتي وهم اللي رجعه ليها السعادة
عمران بزهق : يووووه سيبكم من كده هتجوز امتى
الكل يضحك…
فاطمة بضحك : في نفس الميعاد… فرحكم مع أميرة واليف انبط بقى
عمران يتنهد براحه : انبطيت
حاتم يقوم جمب ندا ويأخذها في حضنه.. عمران برق ولسه هيعترض
حاتم بضحك :انطق كده عشان ألغى الفرح…
عمران اقعد متغاظ… والكل بيضحك عليه… وبعد اسبوعين الكل اتجمع في فرح كبير جدا… نزلت فيه ندا في ايد صلاح… وقربت من عمران بحب وفرحه… ونزلت أميرة في ايد كمال… وعين أليف بتحرسها… واتعمل فرح كبير كله حب وسعادة.. وشقاوة ودم خفيف من أليف وندا
#بقلم_ولاءيحيي
وبعد سبع شهور.. كان الكل في المستشفى… وكمال رايح جي بخوف… وأميرة وندا مسكين ايد بعض.. وكل واحده بطنها قدمها… وفاطمة وزينب قاعدين يقرو قرآن… وناديه قعده جمب ريهام بيدعو ربنا… ومدحت وقف مع صلاح… واليف وعمران بيبص على كمال.. ويتخيلوا شكلهم كمان شهور… جوهم خوف كل واحد قرب من مراته حضنها
وبعد ساعه.. خرج عماد و نهى اللي بطنها قدمها من العمليات… وكل واحد فيهم شيال طفلين في ايده… كمال بص لهم باستغراب
كمال :ايه دول
عماد بابتسامة :ولادك
كمال باستغراب :واللي مع نهى
نهى بضحك :بناتك
كمال بابتسامة وفرحه : اربعه…حكمت خلفت اربعه… ولادي(وبقلق) وهي عمله ايه
عماد بابتسامة :زي الفل… هتخرج اوضتها حالا
أميرة واليف قربوا من نهى اخده البنات… وناديه وندا قربوا من عماد أخذوا الولاد…. وكمال وقف يتلفت حاوليه… عمل يضحك وفرحان
وبعد اسبوع.. في فيلا كمال… كل الناس متجمعة … وأهل الحارة كلهم موجودين… والكل فرحان ومبسوط… وخرج كمال وحكمت وهم شايلين ولادهم… واندق الهون… واليف جرى قعد في النص وجمبه اميره بطنها الكبيرة
أليف : اسمعوا كلام أليف
أميرة :اسمعوا كلام أميرة
أليف :متسمعوش كلام عمران
أميرة بضحك :البت ندا وحشه متسمعوش كلامها
أليف بضحك :متسمعوش كلام ناديه اسمعوا كلام أليف بس
أميرة بضحك : متسمعوش كلام حكمت وكمال اسمعوا كلام أميرة بس
أليف وأميرة سوأ بضحك : اوعي تسمعوا كلام تيته فاطمة
فاطمة قامت من على الكرسي بلعصايا… أليف ساب الهون و وشد أميرة ببطنها بس معرفتش تقوم… رح شيلها.. وطلع يجري… الكل بيضحك وغني ورقصه
#النهاية
#بقلم_ولاءيحيي