رواية اليتيمتان بقلم ولاء يحيى

?? (اليتمتان)?? #بقلم_ولاءيحيي
البارت الرابع عشرفي بيت حكمت اميرة قعده مع ندا وبتحكي ليها على اللي عملته في أليف

أميرة بضحك شديد : وفضل طول اليوم بيجري على حمامات المستشفى… ويصرخ ويقول هموتك يا أميرة
ندا بضحك :يخرب عقلك يا أميرة… دا مش هيسكت على عملتيه دي
أميرة بضحك :يعمل اللي يعملوا المهم اخدت حقي… وكل ما هيعمل حاجه هردها ليها.. (وتبتسم) بس بجد صعب عليا
ندا تبص لها اوي : ياسلام بقي كل اللي عملتيه دا وتقولي صعب عليكي
أميرة تنام على بطنها وتبص لها : اللي بنعمل في بعض دا مدى جوي في المستشفى مختلف مش روتيني.. كل يوم وانا راحه بسأل نفسي ايه المقلب اللي ناوي يعمله النهارده وانا هردها ازي… غير اني بتعلم منه.. وبمهوره بيه كدكتور هو دكتور شاطر جدا… (وتحط أيدها على خدها وتتنهد ) غير أن شكله حلو اوي… وعينه تجنن
ندا :ياسلام ياسلام ايه دا كله… وتقولي مش طايقه… اعترفي بسرعه في ايه
أميرة بارتباك :هاااا ما فيش حاجه عادي… ااااه صحيح نسيت اقولك… انا اخدت التقرير بتعتك القديمة اللي كانت في الدولاب…
ندا :اخدتيها ليه
أميرة بابتسامة : اديتها لدكتور عماد… وقالي أن فيه دكتور كبير اوي جي المستشفى اول الشهر وهيعرضها عليه… وأنك ممكن تكوني اول عمليه يعملها الدكتور في المستشفى بعد ما يشوف الملف ويقول إن فيه امل الجرح يتعالج أو يخف وميبقاش ظاهر
ندا بابتسامه حزينة :حتى لو فيه امل… انتي عارفة العمليات دي بتكلف قد ايه ومستشفى استثماري زي اللي بتشتغلي فيها وكمان دكتور من بره … نجيب لدا كله منين… انسى يا أميرة.. ولو سمحتي متكلميش في الموضوع دا قدم ابله حكمت أو تيته…هم مش ناقصنا… كفاية المشغل اللي عاوزين نفتحه ومش عارفين نكمل فلوسه.. وقاعدين طول اليوم بره عاملين يحسبها ويشوفه هيكملها منين
أميرة بابتسامة :خالي عندك انت امل وشدي حيلك وشغلي المشغل وانتي اول ما تشتغل تعوضي كل المصاريف دي ويبقى معاكي فلوسي كتتتير وتبني ليا مستشفى… قوليلي عمله ايه مع دكتور عمران النهارده
ندا بحزن : متقابلناش
أميرة :ليه هو مجاش الكلية
ندا :لا جي… ورح الكافتيريا يدور عليا… وطول المحاضرة عينه على المكان اللي بقعد فيه في المحاضرة
أميرة باستغراب :هو انتي مرحتش الكلية النهارده… ولو مرحتيش عرفتي منين انه بيدور عليكي
ندا تتنهد :لا رحت… وشوفته من بعيد وهو بيدور عليا في الكافتيريا… وقعدت في آخر المدرج عشان ميشفنيش
أميرة :ليه
ندا بدموع : يشوفني ليه… هو مش بيشوفني على حقيقتي… ماينفعش ينشغل بيا واللي انشغل بيه
أميرة بضيق :والله انتي بت نكديه… ما قولتلك شهر وكل الجرح اللي عملك عقده دا يتعالج .. مع اني مش شايفه مشكله فيه اصلا… وبعدين انا متأكده ان حتى لو عمران شافك أو عرف مش هايهتم هو بيحبك انتي ندا انتي
ندا بحزن: اميرة خلاص لو سمحتي.. متكلميش معايا في الموضوع دا…
أميرة بغيظ :انا هروح اقول لابله حكمت واشهدها عليكي
ندا تشهدها بسرعه :أميرة اوعي… اوعي تكلمي عن الحب والمشاعر مع ابله حكمت ابدا… انتي كده بتفكريها بلى حصل ليها… اوعي يا أميرة تجرحيها من غير قصد
أميرة بحزن :عندك حق. عارفه لما بتتفرج على فيلم ويجي مشهد رومانسي أو كلام حب بين البطل والبطلة بلقي دموعها ملت عينها… (وتتنهد) الحب دا صعب اوي محدش مرتاح الكل بيعاني.. ابله حكمت بتعاني من فراق الحب… وانتي بتعاني من غبائك… وانا بعاني من الجنون…. يارب عالج كل واحد فينا من معاناته.. واجمعنا بلى بنحبهم يارب
#بقلم_ولاءيحيي
عند عمران… أليف دخل وشه اصفر وتعبان.. عمران جرى عليه
عمران بقلق :أليف انت تعبان
أليف بتعب : ااااه بموت… بموت يا ابن خالتي… المجنونة جابتلي جفاف (عمران يقعده)
عمران باستغراب :مجنونه مين
أليف بتعب :المجنونة اللي وديني لربيها… انا هطلع اللي عملته فيا كله عليها هخليها تقول حقي برقبتي … دي ضحكت عليا المستشفى كلها
عمران بضحك : دا مين الجبارة اللي قدرت عليك… وبهدلتك كده
أليف بابتسامة وحب : قطه ناعمه ورقيقه… عينها كلها شقاوة تقولك تعال العب معايا… (ويكشر) بس اول ما تقرب وتلعب تخربش وتعض… بس وديني لربيها… وقص ليها طوافرها… ااااه بطني (ويقوم يجري على الحمام… وعمران بيضحك عليه)
عمران قعد يضحك عليه…
عمران :شكلك انت كمان وقعت في الحب ومتبهدل
عمران مسك اللي لاب و فتحه على اللي بيدج ندا اللي اخده من التلفون لما كان معه
عمران بقلق :فينك يا ندا…. اكتبي اي حاجه طمنيني عليكي… ليه ماجتيش الكلية…ندا تفتح اللي لاب وتدخل على صفحتها اللي مسميها احاسيسي وتكتبمر اليوم ومع اني شفته من بعيد.. مفتقدك جدا … ومع أن اليوم كان عادي ومفيش فيه اي تعب بس حسه أني مرهقة موجوعة… قلبي نقصه حاجه مهمه.. كل دا عشان مقعدتش واللي اتكلمت فيه مع الشخص اللي لمس قلبك وصله من غير مجهود… الشخص اللي طلع أحسن مافيا ، اللي شايف ضعفي جوه القوة اللي برسمها ، الشخص اللي بيحب يسمع كل يوم اللي بقوله مهما كان تافه أو كئيب ، الشخص اللي بيدور عليا عشان… يقعد معايا وهو عارف أني اغلب الوقت ساكته… ورغم سكوتي بشوف في عينه انه مستمتع ومبسوط لمجرد وجودي معه.. مفتقدك
#احاسيس
عمران قرأ الكلام قلبه دق.. والضحكة ملت وشه… بس رجع لأول كلمه.. (شفته من بعيد)
عمران :ليه يا ندا حرمتني اشوفك النهارده …اخر مره مش هسمحلك تعمليه تاني… ممنوع تهربي مني
(ودخل على الكومنتات في البوست وكتب)
مش مسموحلك… مش مسموح للحبيب يشوف حبيبه من بعيد…. ويمنعه ان هو كمان يشوفه.. كده جريمة يعاقب عليها القانون.. محاولة قتل مع سابق الإصرار
ايوه قتل… صدقيني.. بعدك يقتلني
انا مش هبالغ زي أي شاعر واكتب فيكي شعر
انا بس هحاول مجرد محاولة اني اوصف جزء صغير من احساسي وانا شيفك وقاعد معاكي …
مش هقول انك ملاك نازل من السماء ولا حتي عيونك بحر وبغرق فيه …. بالعكس انتي بشر بس سبحانه ابدع ف خلقك … هدوءك جمال لوحده … روحك وطبعك وابتسامتك بتا خدني لكوكب تاني .. عنيكي متاهة .. لا دي سر راحتي .. دي دواء لتعبي وهمومي ..
كده تمنعني عني الدواء. وتحرميني اشوف عنيكي.. تسمي دا ايه مش قتل مع سابق الإصرار
#عشقي_انتي_احاسيس
ندا اول ما قرت الكومنت ضحكت بفرحه.. وفضلت تقرأه اكتر من مره.. وبسرعه قفلت اللاب وحطته جمبها… بس الابتسامة مع دقات قلبها ودموع فرح مليت عينها…
فضلت تفكر.. ياترى بيحبها بجد…بس لو شاف جرحها هيفضل يحبها… افتكرت كلام أميرة عن الدكتور والعلاج .. قامت تصلي وتدعي ربنا ان الدكتور يقول في امل لعلاجها
#بقلم_ولاءيحيي
وتاني يوم في المستشفى.. أميرة وصلت وهي تتلفت حواليها.. وعندها احساس انها هتلقي أليف طالع ليها من أي مكان… لحد ما وصلت مكتبه… وخبطت
أليف بجديه : ادخلي
أميرة فتحت الباب وعمله تبص لفوق وتحت… ومستنيه اي مقلب.. أول ما دخلت وقفت قدم المكتب… ومستنيه انه يصرخ يغضب يقوم يهجم عليها… بس لقيته ساكت
أميرة باستغراب : دكتور أليف… حضرتك كويس
أليف فضل يكتب في الورق اللي قدمه ومش ببصلها
أليف بجديه :كويس… افتحي الدولاب اللي هناك دا هاتي الملف اللي احمر… واعملي حسابك أن فيه حاله مهمة هتيجي بكرا كل تحليله واشاعاته تجيبها اول بأول
أميرة بجديه :حاضر يا دكتور
أليف فضل يكتب وبعدين يصلها :فين(ندا شورت برأسها انها مش فهمه) الملف من الدولاب يا دكتوره
أميرة : ااااه حالا… ورحت تجري بتفتح الدولاب… وتشيل الملف… لقيت هامستر (فأر ابيض) ينط عليها
فضلت تتنطت وتصرخ وتنضف في هدمها وتعيط وهو ماسك فيها وهي هتموت… واليف ميت من الضحك وهي عمله تلف وتصرخ زي المجنونة
أليف بضحك : بطلي صريخ فضحتينا… يا بت اسكتي دا هو اللي ارتعب منك
أميرة بصريخ وعياط ووقفه فوق الكنبة : شيلة ونبي شيلة… شيلة
أليف شاف دموعها قام بسرعه : طب اثبتي عشان اشيله
أليف شاله ورح حطه على العجلة بتاعته… وهب لقى حد بينط على ظهره وماسك راسه بأيد الاتنين… ومسكت ودانه ورحت عضها بقوه وغل
أليف بألم : ااااه… وداني وداني يا بنت العضاضة…. سيبي
قدر أليف بنزلها من على ظهره ومسك ودانه وراسه بألم
وأميرة اول ما نزلت من على ظهره رحت مسكت كل اللي قدمها وبتحدف عليه وهو بيحاول يهرب ونزل استخبي تحت المكتب وهي عمله تحدف وتشتم فيه
أميرة بغضب ودموع : يا متخلف يا توار يا غبي… انا مش قعدلك فيها… لو هسيب المستشفى كلها.. انت واحد حيوان حيوان
أليف بألم مسك ودانه : يخربيتك… وداني كانت هتطلع من مكانها…. ااااه هتفتحلي دماغي… خلاص يا بت… اقفلي البلاعة اللي فتحتها دي
ومره واحدة سمع الباب يتقفل بقوه… طلع راسه من تحت المكتب بشويش… ويبص عليها ملقهاش في المكتب… بس لقى المكتب مقلوب كله فوق بعضه ومافيش حاجه مكانها حتى دولاب الملفات على الأرض
أليف بألم :يخربيتك… ااااه يا وداني …
أميرة خرجت من المكتب بتعيط… ورحت لعماد اللي كان قاعد مع نهى قعده رومانسي… ومسك أيدها ولقي الباب اتفتح مره واحده قاموا نطو الاتنين (قاعده عاديه متفهموش غلط) لقى اميره دخله زي القطر
أميرة بدموع : انت لازم تاخد لي حقي…. وانا مش هفضل مساعده المتخلف دا… يا اروح مع حد تأتي يا مش عاوزه ادرب عندكم… الله الغني عن التدريب مع التوار دا
عماد بارتباك :اهدي بس يا أميرة حصل ايه
نهى : تعالى يا حبيبتي قعدي… حصل ايه بس
أميرة قعدت تحكي ليهم اللي حصل… من اول ما الهامستر نط لحد ما عضت ودانه وخرجت من المكتب… وبتحكي وهي بتحرك وبتوصف
أميرة : بس هو دا اللي حصل… هتغير تدريبي واللي لا
عماد ونهى كان بيسمع بصمت… ومره واحدة الاتنين فضلوا يضحكوا بهستيريا
عماد: يا مفتريه اكلتي ودانه… وكسرتي المكتب على راسه… ومش مكافيكي…. وعاوزه حقك كمان…
أميرة : ايوه… وعاوزه اغير تدريبي… مش عاوزه ادرب معه
عماد بابتسامة : خالص يا أميرة هغير ليكي التدريب …. بكرا روحي مع دكتور عوني واياد يروح مع دكتور أليف…. عاوزه حاجه تأني
أميرة تقف بابتسامة وتمسح دموعها: متشكره… ( وهتيجي تخرج… تفتكر اول ما دخلت وعماد بيبوس ايد نهى… فترجع تبص ليهم… بنص عين ) هو انتم كنتم بتقوله ايه قبل ما ادخل
نهى بارتباك : واللي حاجه… شغل هنقول ايه يعني
أميرة تبتسم وتدخل تقعد على المكتب قدمهم ( طبعا اميره بعفويتها الكل بيحبها… ونهى وعماد بيعاملها على أنها اختهم الصغيرة)
أميرة بابتسامة : تؤ شكلكم بيقول… في حاجه ( وتغمض نص عين… وبعدها تبرق وتبص لهم) انتم بتحبوه بعض صح بتحبوه بعض
عماد يحط ايده على بؤها : اسكت يا بت… يخربيتك… اه ياختي بنحب بعض… وعاوزين تتجوز… ومش لقين مكان
أميرة تسقف بفرحه :هااااا… مبروك مبروك (وتقوم تنط تبوس نهى) امتى الفرح بقى
نهى بضحك : اهدي يا مروشه… احنا لسه مش عارفين… متفقناش
أميرة :ليه فين المشكلة… اقعدوا اقعدوا انا هحلها ليكم… هاااا فين المشكلة بقى… لو الفستان… احنا نروح لندا المشغل… ونخليها تعملك احلى فستان… وتبقى اول عروسه تلبس من المشغل… وبتخلص في أسبوع بكتير
عماد بضحك : اهي حلت مشكلة الفستان… (ويبص لأميرة) طيب بنسبة نعمل الفرح فين…
أميرة بتفكر : انتم هتعزمو كام واحد… كام واحد هيجي من عليتكم واصحابكم
نهى بضحك :انا وعماد مقطعين من شجرة… ملناش حد
أميرة بحزن : يااااا عيني…. بس متزعليش انا موجوده اعتبروني كل اهلكم… طيب واصحابكم
عماد بضحك : مليش أصحاب ماافيش غير اللي في المستشفى… ونهى كمان ملهاش أصحاب… غير مامتك
أميرة بتفكر : اممممم خلاص محلوله …. قاعات الاحتفالات في المستشفى هنا كبيره… ونجهزها ونحتفل بيكم وسط اصحابكم… وكده نوفر… ما نشحطتش الناس…
عماد بابتسامة : فكره حلوه انا موافق… ايه رائيك يا نهى
نهى بكسف : وانا موافقة
أميرة تسقف بفرحه: هاااا… الميعاد بقى امتى
عماد : اسبوعين يكون كمال صاحبي جي عشان يبقى الشاهد بتاعي
أميرة : حلو اوي يادوب نلحق نجهز… الفستان والقاعة… انا وندا مسؤولين عن القاعة… بس ابله حكمت والدكتورة.. ملتزمات العروسة.. عشان انا بتكسف من الحاجات دي… يبقى اتفقنا (وتقوم تشد نهى) يلا يا دكتوره بسرعه
نهى تقوم تجري معها : على فين يا مروشه
أميرة : مش فاضين لازم نجهز… دكتور عماد… الدكتورة اجازه من النهارده…. وانا اجازه النهارده ابقى بلغ التوار… وبكرا هكون مع دكتور عوني متنساش سلام
عماد يبص لنهي ويضحك…. ويشكر أميرة في سره اللي بعفويتها في خمس دقايق… حققت ليه حلم بيحلمه من سنين
#بقلم_ولاءيحيي