رواية الدنيا دوارة

الحلقة 7
فاتت الأيام وكنت بنموت على مانشوف عماد حاباته حب مش طبيعي شكل نتوحم عليه
بعثلي مسج ان يوصل للحوش السا 12 في الليل
وطبعا عماد في سفرته كلها هو يفكر بين يتبع شيظانه او ضميره ولحد الآن قعدة المعركة خايضة داخله
انا الايام اللي فاتت مشيت قعدت عند اهلي ليوم اللي بيروح روحت الصبح ضميت الحوش وطيبتله كل شي يحبه وكنت عندي اهلي اختي دارتلي حنة وكملت اذان المغرب مشيت ندور على روحي للساعة 11 روح عماد كان حوش العيلة مسكر ركب فوق وهو رجل تقدم ورجل توخر مستاحشها بس مش قادر يحط عينه في عينها لان حتى لو ماخانهاش بجسمه خانها بفكره فتح الباب وهو يدعي ان تكون راقدة او مش موجودة وهوووووووب يفتح الباب يلاقي الجو معطر والدنيا شموع والضي خافت وطاولة تفتح النفس دخل وسكر الباب وهو قلبه وجعه حس بحقارته حس انه مايستاهلهاش وفي عز تفكيره يحس بايدين يلتفوا على خصره وصوت ناااااعم
انا.. نور الحوش ونورت حياتي اللي كانت مظلمة
غمض عيونه وتلفتلها شاف قمر مبتسم وعيون تلمع كان جامد مش قادر لايتحرك لايعبر
انا.. مادو حبيبي خيرك
عماد.. استاحشتك
انا.. تعالى جهزتلك الحمام خوذ دوش سريع وبعدين نحكوا لان انا مستاحشاتك موت موت موت موت موت
دخل عماد دوش ولبس وطلع كنت نستنى فيه جاني قعد جنبي عالصالون
عماد.. سامحيني
انا.. على شنو
عماد.. حبيبتي انت اقرب من روحي ليا وانا مانقدرش نخون روحي
انا.. شن تقول حبيبي
عماد.. نبي تسامحيني اوعديني انك تسامحيني قبل
انا.. انا مانبدرش نزعل منك بس مش كل الأخطاء تتسامح
عماد.. بنقولك اللي في قلبي حتى نريح ضميري ونرجع معاك كيف الاول غزل انا انااااا……. انا كان في بنت تجيني للمحل مرة تصلح ومرة تحدث ومرة تنزل البنت هاذي كانت دلوعة جت في الوقت اللي انا محتاجك فيه لفتت نظري قعدت نشوفلها ونفكر فيها بس وحياتك وحياة ولدي اللي في بطنك ماصار اكثر من هكي وسفرتي زدت فكرت فيها قلت هاذي نزوة لازم نعيشها حتى نرجعلك ونكرهها بس ماقدرتش ماقدرتش نخونك اكثر من هكي نبيك تسامحيني لان احنا ماعمره خش بينا شك ولاشي نبي نرجع معاك زي الاول
كنت نسمع فيه وقلبي يطبق اكثر مع كل حرف عماد فكر يخوني عماد شاف لغيري.. هذا علاش مجافيني هذا علاش
مشيت من جنبه من غير ولا كلمة دخلت للدار سكرتها عليا وقعدت نبكي بهدوء جتني صدمة من حبيبي نصي الثاني سبحان الله نزل عليا الهدوء بس دموع تنزل قعدت للصبح غمضة لا وانا نبكي ونفكر في الحل
.
عماد. مطولها من ليلة يااااارب تسامحني ياااااااارب مانبيش نخسر انسانة نظيفة زيها بس ارتحت لما حكيت وفرغتلها قلبي
.
الفجر أذن وخذيت قرار قررت بنسامحه لان كان بإمكانه يخوني ويستمر في الخيانة من غير علمي بس هو مجرد افكار ومادامه اعترفلي يعني انه يحبني وعندي مكان كبير في حياته لو بنزعل هلبا وبنقربع الدنيا على راسه حايكرهني او مش حايجي يحكيلي شي بس لو سامحته حاتزيد ثقته بيا ومش حايغلط من وراي بس مش حانفوتها بالساهل طلعت من الدار توضيت وغسلت المكياج ومشيت صليت ودعيت حسيت ربي نزل عليا راحة وطمأنينة ورقدت للساعة 10 نضت لقيته راقد عالصالون من غير مخدة ولا غطا وصقعان مع ان الدفاية تخدم وواضح تعبان من السفر وجعني مشيت جبت بطانية وغطيته وبديت نلم في العشاء اللي تعبت فيه ولوحته
.
عماد.. صوت حركة واماعين فتحت عيوني لقيت روحي متغطي وهي لابسة بيجامة وتضم في الحوسة يااااااه ياغزولة قداش مامقصر في حقك مابيتش نبين اني فايق قعدت نشوفلها وحسيت بروحس مرتاح لان حكيت وفرغت مافي قلبي كانت محلاوة او انا ليا مدة معش شفتها هكي بس واضح عليها انها باكيا هلبا الحمد لله قعدة مامشتش لأماليها
نحيت البطانية ونضت
عماد.. صباح الخير
غزل???
دخل عماد للحمام ولا عبرته
وكملت حوسة البارح ودرت مق نسكافية ليا وطلعت لبنة وخبزة وزيتون وقعدت نفطر مع ان النية مافيش بس على خاطر البيبي
طلع الغزال وبدل حوايجه ودخل للمطبخ مالقاش فطور الا داب غزولة
عماد?? بكل برود وقف وراي وكنت نشرب في النسكافيه فكها من يدي وشرب منين كنت نشرب
انا?
عماد?
وايدي الثانية كان فيها خبزة صغيرة عليها لبنة كلاها من ايدي وشد صباعي وخذا بيهم حبة زيتون وكلاها وبسرعة باسني وطلع
عصبني يحساب روحه بنرضى بسرعة
عماد. الله ماحلا الماكلة بيديها نزلت لأهلي لقيتهم يفطروا سلمت عليهم ونزلتلهم كيسة هدايا بس استغربت في امنية كانت كأنها مومياء تتحرك
عامر.. مالاقي ماتخدم كان هكي راه عرسي الاسبوع الجاس مش حتى خطبة ماخطبناش
عماد.. على شن مستعجل
عامر.. عاللي انت زمان استعجلت عليه
عمي.. خززززييييي ضنوة فاسدة لا حشم لاجعرة نوض اقلب وجهك انت وياه من قدامي
عماد وعامر???? وناضو طلعوا كل واحد لشغله
عمتي.. له عليك ياحاج
عمي.. ربايتك ماهو
.
نزلت بعد عماد ونزلت معاي سينابون وتارت درته امسه وعمتي حابتني ومدلعتني على خاطر الحمل
.
عماد
كنت في المحل نرتب في البضاعة اللي جبتها ونسمع صوت نعرفه كويس
البنت.. Good morning
عماد.. وعليكم السلام
حسيت اليوم ان اول مرة نشوفها ولا عندي رغبة نفتح السريب مرة ثانية
البنت.. عماد كيفك
عماد.. الحمد لله تفضلي اي خدمة
البنت.. كيف
عماد ?
البنت.. نبي نشري سماعات وفلاشات
عماد.. اوك جبت معاي عامل جديد تقدري تسأليه
البنت.. خيرك عماد
عماد.. استاذ عماد
طلعت ??
عماد☺️
.
. عامر ورحمة
عامر.. حبي عماد روح
رحمة.. الحمد لله على سلامته
عامر.. معناها الاسبوع هذا الفاتحه وبعدها العرس الحوش جاهز والاثاث جاهز
رحمة.. مش مصدقة ياعمري امتا نبدوا مع بعض
عامر.. اي والله
……….
.
ركبت لحوشي وعمتي توصي على ركوب والنزول الدروج خايفة على حفيدها دخلت على اتصال من ماما
انا.. هلا ماما
ماما.. كيف حالك بنيتي
انا.. الحمد لله وانتم
ماما.. كويسين مستعجلة انا في السوق
انا.. اها علاش
ماما.. نشري في حاجات بنرفعوها اليوم بعثتلك رسالة البارح
انا.. والله ماشفته
ماما.. كيف ماشفتيشي بري جهزي روحك العصر بنطلعوا نخطبوا ليوسف والليل بنمشوا لجيرانا امالي رزان
انا.. باه باه والله ماعندي نية
سكرت وجيت بنرقد تذكرت عماد بيروح جعان مايلقاش الغداء يرجع للبنت وهو مايحبش ماكلة برا افففف مشيت نجري درتله بامية ورز وسلاطة مشوية ودخلت سكرت على روحي الدار
.
عماد
. رجعت وانا رايق جبتلها طقم ذهب وبوكيه ورد دخلت لقيت الغداء عالطاولة مغطا وهي مسكرة على روحها ال ار مشيت دسيت الهدية وتغديت لقيتها حادفتلي بطانية ومخدة في الصالة الحق فرحت بلقطتها رغم زعلها مني الا انها ماخلتنيش من غير غدا وحادفتلي بطانية ورقدت
. قعدت نفكر شن نلبس فجأة رن فوني كانت منى نبي نرد عليها ومستاحشتها بس مش عارفة علاش مش قادرة يقولوا الوحم يجي عالزوج وانا جايني على منى قررت ان نقوللها اني حامل بش ماتزعلش مني
انا.. الو
منى.. هكي ياغزل تبيعيني
انا.. منى خيرك
منى.. اسبوع نتصل وانت ولا عبرتي
انا.. عندي ليك مفاجأة
منى.. شنو
انا.. بتبدي خالة والبيبي شكله بيجي شبهك لاني نتوحم عليك وكارهاتك وتوا نكلم فيك قريب نرجع
منى? انقطع الخط
استغربت قلت اكيد هرب الضي ومشيت نلبس طلعت بدلة سروال واسع ابيض وبلوزة وردية مش متحملة اي حاجة ضيقة وسرحت شعري قمته كله فوق ودرت مكياج بسيط وجهزت واتصل بيا يوسف قالي انزلي
نزلت وكان سي السيد مزال راقد خذيت ورقة وكتبتله ان طالعة مع اهلي
.
مشيت انا وماما وغالية لعند امالي البنت اللي يبيها يوسف وكانت مشيتنا شكلية بس وعائلة عادية وباين انها وكويسة وجت البنت سلمت علينا كانت نفس عمر امنية بس امنية مزال احلى واستغربت ان البنت ماتحشمتش بكل سلمت وقعدت تهدرز وتضحك وعادي جدا واتفقنا ان الرجالة بيجوهم بعد ايام ويفضوا فيها
روحنا المغرب وكان يوسف فرحان وبعدين مشينا عند امالي رزان خطيبة محمد طبعا محمد خاطب ليه مدة بس رزان تخرجت مشينا خدينالها هدية وعرس محمد قريب لان بيسافر يناقش رسالة الماجستير برا
روحت الساعة 11 لقيت فاصل
.
عماد
. طالعة وماقلتش امتى بتروح ونتصل بيها ماتردش بس قلت يلا نخليها على راحتها مانبيش نضيق عليها
.
انا رجعت ومباش حتى يكلمني او يشوفلي ماعدلتش عليه دخلت للدار لقيته حاطلي هدية شكلها من سفرته كانت فون جديد حديث قاعد مش متوفر عندنا ومعاه كفرات وجنبه كيس فيه لبسات نوم
رقدت ومادورتهمش والصبح كان مش موجود استغربت الحق والمشكلة ان بديت نلين بسرعة
.