رواية الدنيا دوارة

الحلقة 2
كيف ضيفت يوسف عصير طق الباب
يوسف.. من هذا
انا.. مش عارفة عماد عنده مفتاح
مشيت فتحت لقيتها امنية
انا.. اهلا منو
امنية.. اهلين شن عالباب
انا.. سامحيني عندي يوسف خوي
امنية.. ? اها باهي اعطيني مثرد الحلويات
انا?.. تمام شوي بس
مشيت نجيبلها وهي تحاول تشوف بأي طريقة
انا.. تفضلي
امنية.. سلام
امنية .. افففف ماستفدت شي
.
يوسف.. اي غير تعالي قبل مايجي راجلك
انا.. شغلتني شن فيه
يوسف.. لقيت بنت نبيك تمشي تشوفيها بروحك
انا.. وماما وغالية
يوسف.. لا مانبي حد يعرف انت امشيلهم ونشوفها انا وياك بعدين ساهل
انا.. انت ماتعرفهاش
يوسف.. لا قالي عليها صاحبي بنت عمه
انا.. باهي حدد يوم ونمشوا مع ان انا مش راضية
يوسف.. تي علاش تسكري فيها
انا.. يوسف النظرة الشرعية مش لعب تخش حوش تطلع من حوش هاذو بنات ناس قبل ماتدخل لحوش اسأل كويس وشوف روحك يناسبك او لا مش تمشي وتشوف كأنها بدلة عجباتك او لا
يوسف.. الزبدة
انا.. الزبدة زيد أسأل عليها في كل شي طبعها وشكلها وكان فيها كيف شوفها من بعيد او اي شي خللي زيارتنا تكون شكل مرات البنت تعشم فيك حرام
يوسف.. والله قنعتيني هكي مرات ماتعجبنيش نقعد متحشم من صاحبي
انا.. اكيد
يوسف.. تمام
انا.. باهي تعالى معاي للمطبخ خلي نطيب الغداء
يوسف.. مشكورة لكن بنمشي
انا.. تمشي عينك ماك طالع لين تتغدا معاي
مشيت طيبت مكرونة مسقية وكان عندي في الفريز بوريك جبدة طلعته
وروح عماد ولاقاته امه
عمتي.. عماد تعالى هنا
عماد.. نعم يام
عمتي.. عاجبك توا غزالتك ماورتش وجهها اليوم بكل هنا
على جية عامر.. عندها خوها كيف تنزل وتخليه ولا تبيها تجيبه معاها
عمتي.. وبنقعدوا بلا غداء
عماد.. كيف بلا غداء خيرها امنية وانت ماطيبتوش
عمتي.. هذا فاش فالح دافع عليها زيد اختك روحت موخر من جامعتها وانا مريضة
عامر.. صح يام عليك قصة المراة مش مجبورة اطيبلنا كل يوم غداء وعشاء
عمتي.. امشي جيب حاجة باهية ياكلها بوك انا واختك اجعلنا ماكلينا
امنية في دارها شادة دبدوبها وتتخايل في يوسف
عماد ركب واعصابة مشيطة فتح الباب لقى يوسف معاي في المطبخ سلم عليه
يوسف.. اووو بونسيب
عماد.. منور وينك ووين ايامك
انا.. عماد هاك نزل الغداء
عماد? قصدك حاسبة العيلة أكلها
انا.. اي اكيد عمتي ماطيبتش
طبعا عماد تحشم قدام يوسف
ونزل الغداء مسلفر مكرونة مسقية وبوريك جبدة وسلاطة
دخل عليهم
عماد.. تفضلي يام اهو الغداء
عمتي.. طيب فيها تفكرتنا
.
يوسف.. غزل انت مرتاحة
انا.. كيف
يوسف.. واضح مرتاحة هنا ونهارك تكذبي
انا.. مع عماد مرتاحة عمره ماضايقني الحق وديما معاي واهله نعامل فيهم زيكم ونتجاهل
ودخل عماد
وقعدنا تغدينا وجونا مليح خوتي يحبوا عماد ويحترموا فيه
ودرتلهم شاهي وقهوه
امنية من بعد الغداء نزرعت في الدروج تستنى فيه ينزل ولبست سروال جينز وبلوزه بينك وفتلكت رويحتها
.
يوسف.. نستأذن توا
عماد.. مرة مرة ديرهز مش تقطع
يوسف.. لابيكثروا زياراتي توا?
عماد.. مرحبتين بيك
ونزل
اول ماسمعت امنية صوت الباب وخطواته دارت روحها راكبة فوق وخطمت جنبه طبعا يوسف شافها بس ماحركت فيه شي وفات وهي قريب داخت
ركبت وطقت وقعدت عندي تهدرز ونزلنا بعد المغرب طيبت العشاء تحت
امنية.. غزل نسألك وجاوبيني بصراحة
انا.. تفضلي
امنية.. انت تكرهيني
انا.. ? شن السؤال هذا
امنية.. مش عارفة
ومشت لدارها
استغربت فيها
.
عامر وعماد طلعوا وانا قعدت جنب عمتي هي تتفرج وانا نفسفس نهدرز على صاحباتي عالفيس الانتيم سهى ومنى
منى.. استاحشتكم يابلوات
انا.. مش زيي انا
سهى.. انت بذات تسكتي كل مانقولوا نتلاقوا تفلقينا
انا.. يابنات تعرفوا وضعي مانفضاش توا تجي سلفتي نتعاون انا وياها
منى.. تبي الحق مش مجبورة بيهم عندهم بنت صبية
انا.. نعرف بس مانقدرش مهما كان امه وبوه
سهى.. You are درويشة
منى.. المهم شنو منو سلفك خطب
انا.. لالا لكن يدور
منى.. اهو ندلك على عروس مليحة
انا.. مع ان نتخرب منه الموضوع بس منو
منى.. اختى رحمة
طبعا انا استكييييت لان ماتوقعتش تقولي عليها
سهى.. منى بلا برادة
منى.. اي خيرها صغيرة كيف خشت العشرين وسمحة وتعرفوها
انا لان نعرفها مابيتش نعلق
انا.. اي ان شاء الله نحكوا بعدين
وسكرت لقيت عمتي راقدة نوضتها دخلت رقدت ومشيت لشقتي
امنية وما ادراك ما امنية
طبعا كانت اول مرة تحب في حياتها ماشافت للشباب ولا جذبها حد الا يوسف لما شافاته قلبها دق 3 دقات
فركست على اكاونت يوسف وفتحت اكاونت جديد وظافاته
امنية.. لازم ندير صحبة لغزل ونوريها اني فالحة وكويسة لما نضمنها نضمن خوها
.
عماد و best friends ومايدسوا في شي على بعض صحبة من الابتدائي
طارق.. غريبة سي عماد سهر اليوم
عماد.. ماعندي علاش مروح بكري
علي.. اوباااااا شكلها والعة الحكاية
عماد.. لا والعة لاشي بس مليت
طارق.. جيب عيل توا يملي عليك الجو
عماد.. على اساس جاء ورديته ربي ماسخرش
طارق.. متأكد ان اموركم كويسة 2
عماد..اي اكثر من دكتور قالوا وضعكم طبيعي مسألة وقت بس
علي.. باعي شن مضايقك
عماد.. حاس روحي مخنوق وخلاص وضع الحوش لايطاق
طارق.. بسيطة ياما احكوا وتفاهموا او تزوج ثاني
علي.. بالشوي شن تزوج خللي الراجل توا تتحلحل بالشوي الحياة هكي شكلها
.
استنيت عماد عطل وخذاني النوم عالصالون روح الساعة 1
.
عماد.. رجعت للحوش لقيته مظلم وهي راقدة حسيت روحي زدت تظايقت نبي نحس انها جنبي هي صح تحاول على خاطري وانا نحبها بس ناقصني هلللللباااااا لازم نحكي معاها غدوا
.
الصبح
.
امنية ناضت زي البنت الفالحة دارت الفطور وضمت الحوش وامها وبوها مستغربين
.
عمي.. امنية ماعندكش جامعة
امنية.. لالا اليوم عطلة
عمتي.. بري اقري ماتنفعك الا قرايتك
امنية.. توا نقرا
.
اول مانضت جهزت الفطور ولبست بنطلون اسود و تيشيرت قصير اصفر وفتحت شعري ومشيت نوضت عماد
انا.. مادو حبيبي هيا نوض
عماد.. صباح الحاجات الحلوة ?
انا.. هي تعالى نفطروا
عماد.. استاحشت نشوفك رايقة وقاعدة
انا.. ??? عندك حق هي تعالى
استنيته في المطبخ لين غسل وجاء
عماد.. تسلم يدياتك حبي
انا.. حبيبي اقعد معاي اليوم
عماد.. كأنك فاهمتني نبي نحكي معاك في هلبا حاجات ومستاحشك هلبا?
انا.. مش اكثر مني?
ورن فوني كانت منى صاحبتي
عماد.. مش وقته
انا.. اي صح
مارديتش ودرته صامت
قعدت ترن وتعاود
انا.. اكيد شي ضروري
عماد.. شوفيها
رديت
انا.. اهلا منوش
منى.. وينك ماترديش
انا.. لا ماسمعتاش
منى.. المهم بنجيك انا واختي بنتغدو عندك امي وبوي طلعو قاعدين يروحنا قلنا نجوك
انا?.. تفضلو
عماد ☹️?
ناض يلبس بيطلع
انا.. عماد خيرك
عماد.. انا طالع لما يروحوا قوليلي
انا.. باهي شن بندير
عماد.. كان ناقصاتك حاجة قوليلي نجيبها
حسيت جوي تكهرب مانحبش عماد يزعل
لبس بسرعة وطلع معصب.
.
طبعا عماد رومانسي هلبا ويحب الاستقلالية ويحب الاهتمام وانا نحاول بس كل الأمور ضدي
.
اكيد منى وراها قصة مستحيل بتجيني بلا سبب مشيت نجهز في السفر والظيافة ونزلت لعمتي لقيت امنية
انا.. صباح الخير
امنية.. صباح النور
انا.. منو جيبيلي مثرد الحلويات بتجيني صاحبتي
مشت جاباته
انا.. تعالي هدرزي باهي
امنية.. باهي بعد الغداء
انا??
امنية.. انا بنطيب اليوم هلبا عليك انت
انا.. باهي تمام
استغربت من حد تزوجت هاذي اول مرة امنية تقول بنطيب وارتاحي يلا سبحان من يغير ولا يتغير
.
قعدت نحوس في الشقة والمطبخ وكلمت حتى سهى تجي تتغدا هو دايرة دايرة وجوني
وعماد معش روحلي بكل
.
عماد في المحل
.
عماد.. اااااخ ياربي امتا بنحس ان تزوجت ومرتاح ليا سنة على نفس الروتين كلمتين مش قادر نقولهم معاها شن بندير نطلع من العمارة بوي مايرضاش نزعل امي مانقدرش غزل مشكلتها تجامل وتساير في الناس هلبا حتى على حسابنا
ودخلت بنوتة حلوة لابسة بنطلون جينز وبلوزة وردية قصيرة وحلوة وتدلع
البنت.. السلام عليكم
عماد.. وعليكم السلام
البنت.. معليشي لابتوبي فيه مشاكل في التحديث
عماد.. اوكي افتحيه
شافهولها وكمل وجت طالعة حدف عماد عسونه عليها وعجباته
وبسرعة هز راسه ينحي في الفكرة
عماد.. لا ياعماد غض بصرك حرام
.
عندي انا قعدت نهدرز وجو مليح سهى متزوجة وعندها بنوتة صغيرة ومنى قاعدة ماتزوجتش واختها كانت في شكلها حلوة وملامحها رقيقة ومافيها مايتلوح َفهمتها عالطاير انها تبيني نكلم عامر على اختها بس استغربت انها كيف مافكرتش فيه لروحها وتغدينا كان الغداء رز بالمكسرات معاه بيتزا ومبطن و3 سلايط والحلو درتلهم سينابون
بعد الغداء
سهى.. بنروح انا عادل يستنى تحت
روحت
منى.. غزول خللي ننزلو نسلموا ونهدرزوا على عمتك
اختها رحمة.. اي نبي نشوف امنية ونتعرف عليها
انا.. امنية مادامها ماركبتش معناها عندها قرايا
منى.. خلي ننزلوا خوي قريب يجي نص ساعة نسلموا ونطلعوا
عرفت انهم راسمات على عامر وانا الصراحة كنت مانبيش مش لانهم ماينفعوش لا بس رحمة بنت متكبرة وصاعبة وعامر ماتناسباش
لقيتهم شادين في النزلة نزلت معاهم سلمت عليهم عمتي وامنية طبعا رحمة اللي كانت ساكتة فوق مش نفسها توا وتسلم على عمتي ياعميمة وياعميمة ????
عمتي قريب ماتت فيهم عجبوها واللي زاد استغرابي منى ولا كأني موجودة تهدرز وتضحك اكثر من عادتها
جاء خوهم وروحوا
عمتي.. ماشاءالله تبارك الله عليهم ياخذوا العقل خفة دم وسماحة
انا.. اي صح
امنية.. مانحبش الناس هاذي انا تخش طول في حد ماتعرفاش وتخش في الخصوصية
عمتي.. الشباب انعمى منى زي الغزالة ومزال اختها اسمح
انا.. في خاطري ربي يستر
ركبت شقتي وقعدت نتصل بعماد ومايردش انشغلت عليه
.
عماد.. قعدت في المحل للساعة 2 في الليل وروحت ماخاطريش نركب لان بنشوفها بنتلخبط نحبها ونبيها وزعلان منها
رقدت في حوش بوي من غير مايحسوا
.
الصبح
#يتبع