رواية الدنيا دوارة

الحلقة 6
انا..ششش شنو
عماد.. دكتورة متأكدة
الدكتورة.. طبعا النتيجة واضحة ونسبة الحمل قوية
انا.. الحمد والشكر ليك ياربي ?
عماد.. الحمدلله ?
الدكتورة.. اكثر من مرة يصير نفس الشي…. معقولة ماحسيتيش باعراض الحمل
انا.. لا ابدا الشي الوحيد الأعصاب والحساسية نبكي من ابسط موقف
الدكتورة.. كويس جاتك في الريش….. لو حابة اتابعي معاي نكتبلك ادوية تلتزمي بيها
انا.. اي اكيد
كنت مش مصدقة قاعدة تحت تأثير الصدمة معقولة انا حامل وماندريش على روحي
عماد. فرحتي مش عاطيها لحد حسيت العيل هذا وقته حايزيد ارتباطنا واستقرارنا
ركبنا في السيارة
عماد.. مبرررروك ياحبيبتي
انا.. مبروووك علينا
عماد.. تعالي ناخذوا حلو ونمشوا نبشروا امي
انا.. اي هيا?
خذينا تشكيلة حلوة
وروحنا
دخلنا لقينا عمتي بروحها وامنية في دارها وعمي وعامر طالعين
عماد.. السلام عليكم
عمتي.. وعليكم السلام
عماد.. تفضلي يام تحلاية
عمتي.. شن المناسبة
عماد.. غزل حامل
عمتي?.. تبصر ولا
عماد.. في بصارة يام في المواضيع هاذي
عمتي??.. مبارك عليك ياوليدي مبارك يابنيتي ربي ينوضك بخير ويتمملك بخير…. امنية يا امنية تعالي
عماد.. وينها ليا مدة معش شفتها
عمتي.. مش عارفة خيرها حابسة روحها في دارها لاتطلع لاتاكل وين نكلمها تقول توتر امتحانات
عماد.. نمشي نشوفها
انا.. لا عماد خللي نشوفها انا مرات انت تتحشم منك
مشيت لأمنية طقيت طقيت مافتحتش خفت عليها ومانبيش ندير دوشة في الحوش فتحت الباب وكان مش مسكر بالمفتاح الدار كانت تخنق من الريحة شكلها شهرين مش متهوية ومظلمة وحايسة مشيت فتحت الروشن وخش الضي وتلفتت عليها وجتني صدمة من منظرها
كانت شبه ميته صفراء شاحبة فمها ابيض متشقق وعيونها هالات ارهاق كانت تشوفلي ودموعها ينزلوا
انا.. موني خيرك شن فيه انادي عماد يجي يعاينك
شدتني وكان صوتها مبحوح دوب ماطالع
امنية.. لا ماتكلمي حد
انا.. امنية ماتخوفينيش عليك
امنية.. انا كويسة ماتخافيش
مشيت طلعت للمطبخ من غير مايشوفوني جبتلها مية شربتها وغسلتلها وجهها
انا.. تعرفي يامنية ماتحكيليش شن القصة لما انادي خوتك يجوا يعاينوك او يديرولك راي
امنية معش قدرت تمسك نفسها شدتني وبدت تبكي كانت تذكي بأقوى صوت لدرجة جو عماد وعمتي يجروا
عماد.. شن صاير امنية خيرك خيرك شن فيه
عمتي.. بنيتي بسم الله عليك خيرك
انا فهمت ان امنية عندها مشكلة ممكن تكون عاطفية
.. مافيها شي خلوها معاي بس
عمتي.. عماد ارفع عاينها
انا فنصت فيه وغمزت لعمتي ان عماد مش لازم يعرف وهي فهمت
عمتي.. تعالى وليدي خليها لو ماتحسنتش ارفعها
طلعوا وجيتها
انا.. امنية شن صار احكيلي انت مش مريضة شن صايرلك
امنية بعد ماشربت بدت تصحصح.. مافيا شي خليني بروحي
انا.. انت غالطة مع حد
امنية.. ? لا اعوذ بالله شن تحسابيني
انا.. باهي هي احكيلي اعتبريني اختك ومش حاتندمي حانساعدك وحنسترك وعد مني بس احكي ماتحرقيش قلب امك عليك
زادت امنية في البكاء وكانت اطلع في اللي داخلها كله وامها وعماد يغلوا برا
عماد كان معصب ونار تطلع منه فكر ان اخته تحب وضاحك عليها حد وماسك نفسه بالغصب
هدت شوي وبدت تحكيلي وتقطع قلبي عليها كانت تحكي بحرقة
أمنية.. علاش هكي ياغزل علاش من اول مرة شفته نقلبت حياتي مش شايفة غيره حبيته من وسط قلبي وروحي عشقته تخليت على لبس البنطلونات ولبست عبايات على خاطر هو يحب هكي تعلمت نطيب لان يحب البنت الفالحة تعلمت نسمع اغاني ام كلثوم البايخة لانه يحبها تمنيت نكون ليه في الأخير نطلع مش محترمه ومايشرفاش ياخذني علاش على خاطر حكيت معاه نت شن المشكلة انا درت هكي لأني نحبه لاني كنت شايفاته ومش شابفة غيره ???? غزل ساعديني نبي ننساه نبي نكرهه هو مايستاهلش حبي نبي نكرهه لاني نحبه ????
انا تقطع قلبي وبديت نبكي معاها.. حبيبتي انت صغيرة ومليون حد يتمنى منك نظرة اذا هو ماعبركش غيره يشوفك ملكة ماحد يستاهل اديري في روحك هكي انت هنا قاتلة روحك وهو عايش حياته شن بتحصلي
اقتنعت امنية بكلامي وبدت تهدا وترجع لوعيها وانا قعدت نزن عليها عليه وعماد كان بيطربق وامه تشوفله وخايفة
امنية.. صحيتي غزل كنت محتاجة نفضفض وريحتيني هلبا
انا.. هذا واجبي اعتبريني اختك واللي بيني وبينك يقعد بيني وبينك مستحيل يطلع ووقت ماتحتاجيني تلقيني جنبك ومعاك
امنية☺️
انا.. توا تعالي شن بنقولوا لعماد اكيد فكر في حاجات غلط دماغه مسوس
امنية.. قوليله اي شي انا دماغي مشوش
انا.. باهي بري حممي واغسلي وتعالي كولي خليني نشوف منيوة اللي نعرفها
امنية??
طلعت لقيت عمتي ترعش وعماد يطقطق في صوابعه
انا.. خيركم
عماد.. خيرها شن صايرلها وردي بالك تكذبي عليا
انا.. انت عقلك وين مشى امنية كوية مجرد عركة هي ودكتورة تقري فيها وخايفة ماتنجحهاش
عماد.. متأكدة لان لو نسمع غير هكي مش حاتشوفوا مني خير وطلع معصب
عمتي.. خيرها امنية نعرفها بنيتي مستحيل هذا السبب
انا.. ماتشغليش بالك ياعميمة منيوة زي اختي
طبعا عمتي عجبها موقفي كانت واخدة عليا فكرة اني شريرة وبنشيش عماد عليها
قعدت مشواااار معاهم لين حممت امنية وطلعت وكان وجهها احسن وعمتي ماحبتش تكلمها
امنية.. شن مناسبة الحلو هذا
عمتي.. عماد بيجيه عيل
امنية?.. الف الف الف مبروووك تنوضي عالخير يارب
انا.. يارب
عمتي.. بنيتي ردي بالك تقولي لين تَصلي لل4شهور خاطي امك واختك ماتقوليش خير ماتترزي فيخ بعيد السو
انا.. لالا لالالالا مش قايلة
.
بعد اسبوع
.

كنت مكسدة في الحوش ومعاي منيوة وعماد مسافر مع علي وطارق بيجيبوا بضاعة الكترونات
اتصل بيا يوسف
انا.. اوسيفة
امنية?
يوسف.. وين في حوشك
انا.. يس يس في حوشي
يوسف.. وصلت انا جايك لموضوع ضروري
انا.. باهي تعالى
لاحظت امنية وجهها احمر
انا.. خيرك منيوة
امنية.. لا شي بس بننزل خوذي راحتك مع خوك بعدين توا نجي
انا.. به نرن عليك تعالي بش نشوو الكستناء
جت امنية بتنزل تلاقت معاه في الباب وجت عيونهم في بعض
ناضت عليها هلبا جروح هذا اللي حباته من قلبها وروحها وهو هازي عليه عيونها تعبوو دموع ونزلت تجري وهو مستغرب يوسف كان حاس بشي غريب تجاها لما شافها شي مش مفهوم مش حب ولا اعجاب وتجاهلها ودخل
.
يوسف.. خيرها حماتك
انا.. خيرها
يوسف.. مش عارف بس كأنها مغصوصة وشادة دمعتها
انا.. لا مريضة.. انت شن امورك
يوسف.. لوز اللوز ❤️
انا.. كتير منيح
يوسف.. ? لقيت بنية نبيكم تمشوا تخطبوها.
انا.. نفس هديكا
يوسف.. لالا مش نفسها هاذي شفتها في الجامعة وعجبتني وكلمتها ورفضت توقف عليا بعثتلها مع بنت تانية وخذيت معلومات عليها نبيكم تمشوا
انا.. قلت لباقي العيلة
يوسف.. اي قلتلهم واصلا هما بيلبسوا خطيبة خوك قلت ندير معاه
انا.. الف مبروك ويارب تجيك كيف ماتتمنى
يوسف.. ان شاء الله
.
منى ورحمة
.
رحمة.. كانت غراميات هي وعامر رغم ان فاتحتهم تأجلت بسبب سفرة عماد الفجأة بس هي عندها اسلوب ساحر تخللي الحديد يذوب
منى.. مش عارفة خيرها غزل مختفية لاترد لاشي
رحمة.. مافيها شي في حوشها وامورها مليحة حتى مع عزوز النحس
منى.. شكلي بنمشيلها
رحمة.. اي فرصة تاخذي راحتك معاها خصوصا عماد مش قاعد
منى.. غير نحصلها بس
.
يوسف روح وناديت امنية وكان وضعها مش عاجبني بكل ماعرفتش السبب الجو كان صقع ولعنا دفاية في الليل ودرنا سحلب وكستناء
امنية.. غريبة خوك ماقعدش عندك
انا.. شايش بيخطب
امنية?.. مبروك عليه
فوني كان يرن لقيتها منى مابيتش نرد عليها كان وحمي جاي عليها كارهتها ومانبيش حد يسمع بخبر حملي لان لو وصل عمتي معلومة اني قايلة حاتقلب عليا وانا ماعنديش جهد للمشاكل
.
عماد وطارق وعلي
.
عماد مكسد بروحه وعلي وطارق يهدرزوا على ال❤️
.
طبعا طارق وعلي وعماد صحبة عمر وتزوجوا في نفس السنة بس نساوينهم ماتعرفوش على بعض لان نساوينهم مابوش يخالطوا
جاء علي جنب عماد.. خيرك ماد وجهك بروحك
عماد.. شن بندير
علي.. كلم الكبيدة
جاء حتى طارق.. اي خيرك ياراجل ماشفتكش كلمتها بكل
ناض عماد من جنبهم وطلع بروحه
اللي صاير معاه ان عماد عينه زاغت خلاص وغزل معش معبية عينة يبي يدير علاقة ثانية تكون نزوة وتعدي منها يطير شرهته ومنها يرجع لحوشه بعدين بس كان في شي يمنع فيه ضميره حي
عماد.. وحق لا اله الا الله نحبك ياغزل ومانقدر نستغني عليك
.صورة البنت الدلوعة في المحل بين عيونه هذا الشي اللي خلاه يفوت غزل مش قادر يتصل بيها لانه مش حايتحمل صوتها وعتابها يكلم فيها شات ومسجات بس بعد 3 ايام مروح
ربي يستر ياعماد
.
غزل
كنت حاسة ان عماد مش طبيعي بس مش حابة نضيق عليه خلي يحل مشاكله وحايجيني
هدووووووء ماقبل العاصفة