رواية احببت مجنون

الحلقه السادسه
بعد ماقفلت رنا التلفون مع منصور خلصت النسكافيه بتاعها وراحت على اوضه رامى دخلت كانوا الممرضين خلصوا اول ما دخلت لقيت انسان تانى رامى الأول شعره كان طويل ودقنه كانت ملامحه ضائعه بس دلوقتى لا دخلت رنا شافت رامى كان وسيم اوى ملامحه حلوه بس باين عليه الضعف والتعب
قليه الحيله كسره النفس
رنا : ماشاء الله بقى انسان جديد الله ينور عليكوا
سعيد : شكرا ياد.رنا احنا ماعملناش حاجه احنا خلصنا وهنبتدى نعمل التمرينات
قربت رنا من رامى وكلمته بصوت واطى اوى عشان الممرضين
مايسمعوش
رنا : ماكنتش اعرف انك حلو اوى كده عارف انت لو فى كليه أو فى شغل كان البنات اتجننت عليك
أمرت رنا الممرضين أنهم يبدأوا فى عمل التمرينات وفضلت هى واقفه بتبص عليهم وتعدل عليها لما يغلطوا
شويه فضلت كده لحد اخر النهار
وبعد ماخلصوا
طلبت من الممرضين أنهم ينيمو ا رامى على السرير
د.رنا : كويس كده النهارده ياله نيموا لأنه تعب اوى النهارده
محمد : حاضر ياد.رنا
د.رنا : من بكرة بدرى تكونوا هنا انا مش هعرف أجى بدرى بكرة انا هناقش الرساله بتاعتى واكيد هاجى متأخر خدوبالكم منه
وحاولوا تاكلوا ومتنسوش التمارين
واه اتعاملوا براحه بلاش الطريقه اللى انتوا عرفنها
سعيد : متقلقيش يادكتور ومبروك مقدماً
رنا : يارب
خلصوا وطلعوا كلهم وقفلوا الباب ورنا زى مايكون مش عايزه تسيبه خالص
روحت رنا ودخلت سلمت على اخوها وايمان
رنا : السلامه عليكم ورحمه الله وبركاته
مصطفى : وعليكم السلام ياحببتى عامله ايه
رنا : الحمد لله بخير
ايمان : احضرلك العشا ياحببتى شكلك ماكلتيش حاجه خالص
رنا : لا ماليش نفس انا هدخل ارتاح جوه انتوا عارفين هناقش الرساله بكرة عن اذنكم
دخلت رنا اوضتها دخلت على الحمام تاخد شاور
وفى الوقت ده مصطفى وايمان كانوا بيتكلموا
مصطفى : أحوالها مش عجبانى خالص من يوم ماعرفت رامى وهى اتشقلب حالها
ايمان : عندك حق انا كمان ملاحظه كده
مصطفى : مونمون حبيبى ممكن تدخللها اكل
ايمان : حاضر ياحبيبى
مصطفى : ربنا يخليكى ليا وميحرمنيش منك ابدا
وراح باس ايديها وهى مسحت على وشه بايديها
مصطفى : خدى بالك منها
ايمان : جرا ايه ياحبيبى انت هتوصينى على اختى
مصطفى: لا ياقلبى انا عارف انتى بتحبيها قد ايه
ومتتاخريش عشان احم نكمل موضوع الصبح
قامت ايمان وعملت لها شويه سندوتشات وشاى بالبن كانت خرجت رنا من الحمام خبطت ايمان
ايمان : انا عملتلك حاجه خفيفه كده عشان تتعشى
رنا : ربنا يخليكى بس انا بجد ماليش نفس
ايمان : وبعدين مفيش حاجه اسمها ماليش نفس
انتى عندك يوم طويل بكرة
مالك يارنا انا اول مرة اشوفك كده
ضعيفه طول عمرك قويه وشجاعه
طلعى اللى فى قلبك ياحببتى عشان ترتاحى
اترمت رنا فى حضن ايمان وكانت منهاره وبتعيط جامد
ايمان : أهدى ياحببتى أهدى عشان خاطرى كل ده عشان رامى
انتى ……… اوعى تكونى فعلا بتحبيه
رنا وهى بتمسح دموعها
رنا : مش عارفه بس انا ببقى عايزه اشوفه اتكلم معاه مش عايزه اسيبه وانسى قلبى بيوجعنى عليه لما بشوفه كده
ايمان : ياحببتى ده اسمه حب يارنا بس رامى انسان مش واعى يعنى ممكن يخف وممكن لا
وبعدين ده قاتل ياحببتى
رنا : لا أن شاء الله هيخف وهو مظلوم وهيثبت براءته
ايمان : يارب بس ممكن تغسلى وشك وتيجى تاكلى انتى عندك يوم طويل بكرة
رنا : حاضر ياايمان
قامت رنا غسلت وشها وجت وبدأت تاكل غصب عنها وشربت الشاى طلعت ايمان ونامت رنا
قامت تانى يوم كان مصطفى وايمان واخدين اجازه عشان
رنا هتناقش رسالتها
وفعلا راحت رنا وناقشت الرساله ونجحت وحصلت على الدكتوراه وكانت مبسوطه اوى
مصطفى : مبروووك يارنوش
ايمان : مبروك ياحببتى الف مبروك
رنا : الله يبارك فيكم انا فرحانه اوى
سلمت رنا على دكاترتها وزمايلها واخدهم مصطفى وعازمعم على الغدا برا
طلعوا واتغدوا واتفسحوا باقى اليوم والولاد أصروا أنهم يروح
الملاهى وفعلا اخدهم مصطفى وقضوا يوم جميل جدا
فعلا رنا كانت محتاجه تفصل شويه عشان تعرف تفكر وكانوا مبسوطين جدا
تانى يوم قامت رنا ونزلت بدرى جدا قبل ماحد يصحا
راحت على المستشفى
دخلت مكتب د.ابراهيم سلمت عليه وبارك لها وطلعت قبلت علا اللى وقفتها هى كمان وباركت لها
علا : حببتى يارنوش مبروووك ياقلبى
رنا : الله يبارك فيكى شدى حيلك وانت تناقشى رسالتك بسرعه
علا : يارب يارنا ادعيلي قوليلى رامى أخباره ايه
رنا : مفيش جديد اهه ربنا معانا أما اروح اشوفه
وسابتها ومشيت راحت على اوضه رامى لقت الممرضين بيعملوا تمارين
رنا : صباح الخير ايه الاخبار النهارده
محمد : صباح النور يادكتور مبروك على الدكتوراه
رنا : متشكرة اوى
محمد : للاسف مش راضى يأكل مننا
رنا : اوك انا هجرب معاه
فتحت الستائر واكلت رامى الجيلى تانى وفضلت حوالى ثلاثة شهور كل يوم تعمل كده مع رامى
وفى يوم استجاب رامى للاكل وبقى بيبلع لوحده وديه حاجه فرحتها اوى وفى يوم كانت بتتكلم مع محمد وسعيد
رنا : الحمدلله رامى بدا يبلع لوحده والمعده بدأت تشتغل
سعيد : وده معناه ايه
رنا : ده معناه انى المخ بدأ يستجيب الحمد لله
عشان كده انا عايزاكم توقفوه وتبداوا تمشوه
محمد : بس يادكتور هو هيعرف يمشى
رنا : هو اساسا كان بيمشى والمشى حاجه مابتتنسيش
عشان كده هنبدا نخليه يمشى تمام
وفعلا قام محمد وسعيد ووقفوا بس هو طبعا أطرافه مرخيه خالص وبدأت رنا تحرك رجليه واحده واحده وفضلت كده فطره لحد ماحصل اللى ماكنتش متوقعه خالص