رواية احببت مجنون

الحلقه العاشره
روحوا البنات علا ورنا كل واحده على بيتها
دخلت رنا على أوضتها بتفكر فى كلام علا وياترى صح اللى علا بتفكر فيه ولو نفذوه هينجحوا ولا لا
ولو فعلا هربوا اكيد هيأثر على مستقبلهم
افكار كتير وكلام كتير بيدور فى دماغها ومش قادرة توصل لقرار يريحها وميبعدش رامى عنها وتقدر تكمل علاجه
اخدت شاور وتوضيت وصليت ودعيت ربناةكتير بدموع مليه وشها
طلعت قعده على سريرها متوترة وقلقانه
ونفس الوقت خايفه ومرعوبه ليغلطوا او حد يشوفهم
وكمان خايفه على اخوها ونفسها تقوله بس هى عارفه أنه مينفعش لأنه ظابط وضميره ميسمحلوش يوافق على حاجه زى كده قررت انها تقوم تقعد معاهم شويه معاهم لأنهم هيوحشوها اوى قامت وطلعت تتعشى معاهم
مصطفى : ايه يابنتى هتفضلى قافله على نفسك كده
رنا : ليه بس كده ما انا اهوه وهتعشى معاكوا كمان
اهلا اهلا حبايب عمتو اللى مصحيكم لحد دلوقتي
التوؤم : بابا واحشنا وكان عندنا هوم ورك وماما قالت اتعشو مع بابا وانتى كمان ياعمتو مبقتيش تقعدى معانا ولا تلعبى معانا خالص احنا زعلانين منك اوى
رنا : لا لا كل الا انتوا انا مقدرش على زعلكوا خالص هنتعشى ونلعب مع بعض كتير اوك
التوؤم : اوك
مصطفى : ياسلام بقى كده هطلع منها انا بقى
رنا : لا طبعا احنا مانقدرش نستغنى عنك ده انت حبينا كلنا
مصطفى : ماشى يابكاشه كلى بعقلى حلاوة
ايمان : حببتى يارنوش يالا علشان العشا جاهز
رنا : اوك يالا حبايب عمتو نتعشى سوا
قعدوا كلهم واتعشوا وبعد ماخلصوا عشا فضلت يرغوا كتير
مع بعض ولعبت مع الولاد شويه وبعد كده دخلت اتوضه وصلت قيام الليل وفضلت تدعى ربنا كتير ونامت
تانى يوم قامت وهى كلها نشاط فطرت وباست ايمان واخوها وحضنتهم مصطفى استغرب منها اوى ومن تصرفاته مش من عواديها تحضنهم قبل ماتتزل
وهى ونزل له اشترت تلفون جديد وخط جديد
راحت على المستشفى غيرت هدومها ولبس هدوم المستشفى
راحت على اوضه الدكاترة مكنش فى حد خالص نسخت كل حاجه من على تلفونها القديم على الجديد دخلت علا سلمت وباستها وقعدت معاها يتكلموا
علا : عامله ايه
رنا : متوترة وقلقانه وخايفه من امبارح
علا : بدل ما انتى تطمنينى هطمنك انا ماتقلقيش اكيد منصور مرتب كل حاجه
رنا : انا متاكده من كده خلى بالك قبل متتصلى بيهم انى مفيش حد موجود والممرضه نايمه اوعى تنسى تحطلها المنوم
علا : متقلقيش انا حافظه كل حاجه خليكى انتى طبيعيه خالص
رنا : ماشى هقوم بقى الف على الحالات بتاعتى وادخل لرامى شويه
علا : اوك نتقابل على الغدا فى الكافتيريا
رنا : اوك
مشيت رنا راحت لفت على الحالات بتاعتها ودخلت لرامى
لقت الممرضين بيحاولوا يمشوا وهو فعلا بدا يستجيب
رنا : هايل هايل يا رامى ماشاء الله وهو عامل ايه النهارده
محمد : تمام يادكتوره بس مرديش ياكل من أيدينا خالص
رنا : طب هات الاكل وانا هاكله
محمد : حاضر يادكتور ه ياريت الا ده من امبارح ماكلش حاجه خالص
قربت رنا من رامى وفضلت تبصله وهو كمان عينه عليها
رنا : ماكلتش له كده انا هزعل منك لازم تاكل كويس
عشان عايز تخف بسرعه
دخل محمد بصنيه الاكل عليها عسل النحل ومربى وجبنه وعيش فينو وزبادى اخدت رنا الصنيه وشدت كرسى وقعدت قدامه وطلبت منهم يمشوا خرجوا وهى بدأت تأكله
رنا : عارف عمك عايز ياخدك من هنا
بس انا مش هسمحله ابدا
وهقف قدامه لحد اخر يوم في عمري
انت متعرفش انت بقيت بالنسبالي. ايه
خلصت رنا كلام واكلت رامى كل الاكل
رنا : الحمد لله هقولك على سر وقربت منه انا وانت من النهارده بالليل مش هنصيب بعض خالص
سندت ضهرها شويه ونزلت دمعه من عينها مش ممكن ملاك زيك يعمل كده انا بحبك اوى يارامى ياريتك حاسس بيا ياريت
قادر تفهمنى وتحس بمشاعرى
انا فضلت سنين بقف كل يوم قدام باب اوضتك
وانا فى الكليه ولما خلصت عمرى ما خلفت يوم
وان شاء الله ربنا يقدرنى وقدر اوقفك على رجلك تانى
حتى لو محستش بيا ومحبتنيش زى ما بحبك
مش مهم انا اهم حاجه عندى تخف وتثبت براءتك
خلصت رنا يومها بس قبل متمشى طلبها دكتور ابراهيم تروحله وقبل ماتمشى عدت عليه
د.ابراهيم : تعالى يا رنا عامله ايه
رنا : الحمد لله يادكتور بخير
د.ابراهيم : ورامى حالته أخبارها ايه
رنا : الحمدلله استجاب للعلاج بشكل هائل
احنا بقالنا ٣ شهور وديع فترة صغيره يعنى بياكل وبيمشى على بسيط
د.ابراهيم : الحمد لله ياريتك تقدرى تكملى معاه
رنا : يعنى ايه مش فاهمه
د.ابراهيم : للاسف عمه هيجى بكرة ياخده عشان ينقله مستشفى تانيه
رنا : هو ايه اللى بيحصل ده ديه مهزله الراجل ده معندهوش قلب
د.ابراهيم : احنا مانقدرش نعمل حاجه لأنه تحت وصايته
رنا : حسبى الله ونعم الوكيل فيه
د.ابراهيم : معلش يارنا
رنا : وانا ايه المطلوب منى دلوقتى
د.ابراهيم : تعملى تقرير بحاله رامى
والمرحلة اللى وصلتيه فيها معاه
عشان يكملوا بعدك
رنا : وتفتكر حضرتك أنه لما ينقلوا مستشفى
تانيه هيسمح لهم يكملوا علاجه
د.ابراهيم : والله مش عارف بس احنا بنعمل اللى علينا
والباقى بايد ربنا قادر يحنن قلب عمه عليه
رنا : حاضر يا دكتور أن شاء الله التقرير هيكون بكرة الصبح على مكتبك قبل ماينقلوا من هنا
انا هستأذن بعد اذنك انا خلصت شغلى
د.ابراهيم : اتفضلى يارنا
طلعت رنا واتصلت بمنصور وحكتله وقبلت علا وقالت لها
طلب منها منصور انها تمسح اى مكالمه هاتفيه بينه وبين منصور وتركب عربيتها وتمشى وهو وراها وفعلا ركبت رنا وفضلت ماشيه
وطلعت على الصحراء فى حته مقطوعه وقفت ووقف منصور نزلت وسابت شنطتها وقفلت تلفونها وكسرته وجمال بدأ يكسر فى زجاج العربيه والاكصدام وهى مصدومه سابوا البيبان مفتوحه وركبت مع منصور وفضلوا واقفين لحد ماالدنيا ليلت مشيوا وراحوا على المستشفى فضلوا واقفين لحد مالساعه بقت ٢ بعد نص الليل
جوه فى المستشفى شافت علا الممرضه المسؤوله عن الدور اللى فيه رامى بتعمل نسكافيه ومن غير متاخد بالها حتطلها من منوم جرعه محترمه تنيمها لتانى يوم وفعلا شربته الممرضه وحست بالنوم قعدت على الكرسى وسندت على المكتب قدامها ونامت
مسكت علا التلفون واتصلت بمنصور اللى دخل على طول من الباب الورانى وكان معاه جمال ورنا دخلوا من غير ماحد ياخد باله لبسوا زى الدكاتره وطلعوا لحد الدور اللى فيه اوضه رامى كانت الممرضه نايمه وعلى باب الاوضه المقفوله بتاعت رامى الحارس وكان نعسان ضربه جماله على رأسه اغمى عليه ووقع على الارض ونزف دم علا ورنا خافوا
علا : يالهوووى هو مات ولا ايه
رنا : انت تقلت ايدك عليه اوى راجل شكله مات
وهنروح فى داهيه
منصور حس نبض الحارس ولقاه لسه عايش
منصور : الراجل عايش ياله بسرعه قبل محد يشوفنا
ونروح كلنا فى داهيه بجد
رنا : حاضر حاضر علا خدى بالك لحد يعدى
علا : متقلقيش انا واقفه زى الاسد
كله فدا عيون استاذ رامى ومن…..
اتكسفت علا ومكملتش
ودخلوا اخد رامى شاله جمال على كتفه وطلع بيه
طلعوايجرى بيه وخرجوا من المستشفى
من غير محد ياخد باله
نزلت علا تودع صاحبتها ودموعها نزله
علا : خلى بالك من نفسك وطمنينى عليكى علطول
رنا : حاضر ياحببتى وانتى كمان هاه خدى بالك
من نفسك ولو مصطفى. سالك على حاجه اعملى عبيطه
فاهمه اوعى يحس بحاجه ليهد كل اللى عملناه
علا : حاضر يارنا متخافيش انا لا أرى لا اسمع لا اتكلم
رنا : مع السلامه
علا : مع السلامه ….. رنا ابقى كلميه عنى
رنا : ههههه ماشى
ركبت رنا وجمال ومنصور ورامى العربيه وعلا اخدت رقم تلفون
رنا الجديد عشان تبلغها كل حاجه بتحصل ورجعت على المستشفى
تانى ولا اكن حاجه حصلت مشيوا بالعربيه وسافروا الصعيد