رواية احببت متزوج(حقيقية)

#احـبـبت_مـتـزوج❤”حـقـيقيـة”
بـقلـمـي✍أيــات صـالـح
الـبـارت..(5)
___________
انا:?
غفران:خيرك
انا:لالا شي
قعمزت وني مصدومة الدكتوور طلع هو نفسه فوزي كنت نشوفله وهو نفس الشي لما شافني انصدم وملامحه وضحو هـالشي!
كنت مش مع المحاضرة بكل وطول الوقت سرحانة فيه وفي شكله الرجولي وهو يشرح?كـان يهبل بجد
لعند ما تمت المحاضرة
غفران:اووفف هيااا يا غرام
انا:بري انتي تو نلحقك
غفران:اوك
لميت حاجتي ومشيت ناحيته
انا:احمم دكتور
تلفتلي وهو مبتسم ع جنب
فوزي:عيون دكتورك
انا:نحبك?
فوزي:تي بنهرب بيك شكلي?
انا:هههههههه
فوزي:صار تقري هني
انا:اي
فوزي:معناها مراقبة نلقى شي ع وجهك ولا نلقاك تكلمي حتى في زميل نهارك احرف
انا:هههه تغار
قرب عليااا واللي يفصلنا كانت شعرة عض شاربه التحتاني
فوزي:لو ماغرتش عليك ع من بنغار?
انا:بعد به?
بعد من علياا وهو يضحك ع منظري كيف بديت حمرا مع بعضي?
انا:بنمشي تواا باي
فوزي:بااي?
طلعت من القاعة لقيت غفران تستنى
غفران:ساعة معقولة
انا:سالته ع حاجات مش فاهمتهم
غفران:لاحظتك سرحانة
انا:بجد
غفران:توا نفهم منك خيرك بس بابا جي توا باي
انا:اوك باي
روحت غفران وني اتصلت بـ محمد جي وخداني للحوش
خشيت داري وني نفكر في موضوع غفران وعصام صععب زواج عصام رح يسبب وجع في صحبتي ني وغفران ورح يكون فجوة بيننا!!!لازم نتصرف بس ماعرفتش كيف
طلعت للمطبخ لقيت ماما تجهز في الغداء
انا:ماماا
ماما:نعم
انا:في موضوع نبي نحكي فيه معاك يمكن انتي تلقي حل
سيبت ماما اللي في يدها وقعدت معاي ع الطاولة
انا:قبل فترة قاتلي غفران انها مرتبطة ومن سنة تقريبا طبعا ما قاتليش منو وني بحكم ان اكيد مانعرفاش ما دورتش لعند ما اليوم قاتلي ان حبيبي يعرفك وهو قالي تقوليلهاش علياااا بس ني اليوم مضطرة نقولك قلتلها منو هو??قاتلي خوك عصام!!!وقاتلي متغير عليا
ماما:نهار مغبر?
انا:اي يا ماما لو عصام تزوج وضحك ع غفران رح يسبب مشاكل بيني وبين غفران وني الشي هذا مانبيشي
ماما:هذا بعقله الفرخ وكيف يضحك ع بنات الناس هكي
انا:ماما انتي عارفة غفران نية وعندهاش في ذوة الفاضية وهذي اول علاقة ليهاا معقولة مالقاش الا صاحبتي يضحك عليها كيف بندير ني
قعدت نبكي
ماما:والله ماهو صايرة العرس بيقعد محدد لكن العروسة بتتغير
انا:كييف
ماما:البنت صاحبة امها يعني غفران اكيد قايلة لامهاا ع الموضوع ولو عصام تزوج رح نطيح من عين سميرة”ام غفران” وهيا صاحبتي ما نطيح من عينها عشان فرخ
انا:اي اي ديري حل وراسك
ماما:اليوم نحكي مع بوك وهو يكون موجود
انا:خايفاته يزعل مني
ماما:رح نقوله سمعتك تحكي معاها
انا:تمام
ماما:ولا يهمك بري توا انتي ومايصير الا الصح
انا:اوك
طلعت من المطبخ وني مرتاحة نوعا ما
ذخلت لداري واتصلت بـ فوزي
فوزي:اهلا غرامي
انا:رديت بكري وين مرتك?
فوزي:عند اهلها
انا:بجد
فوزي:اي❤
انا:يعني اليوم نسهرو براحتنا?
فوزي:اي يا روحي
انا:اي تغديت?
فوزي:لالا تو نطلب من المطعم
انا:والله ما صارت تو نعطيك طريق حوشنااا وتعال من الباب الوراني نمدلك الغدي
فوزي:مهبولة انتي
انا:اي هيااا
فوزي:هههههههه به هي
انا:مممحح
سكرت من عليه وبعتله الـGPS لعنوان حوشنا
ودخلت المطبخ بالشوي لقيت الغدي قريب يطيب وماما مهناش قويت النار شوية لعند ما طاب خذيت صحن وحطيتله كان الغدي رز مسقي وخديت صحن تاني حطيت في سلاطة وغلفتهم الزوز وطلعت بسرعة للدار عدلت روحي ولبست وشاحي طبعا شوي خصلات واضحة??ومشيت للباب الوراني نستنى لقيته وصل
فوزي:احيييه بالكركديه
انا:هههههههه حلوة هذي
فوزي:شن الغذي
انا:اوصل للحوش وشوفه وهيا باي توا يشوفني واحد من خوتي
فوزي:حااضر باي روحي ادخلي هي
بسته من بعيد ودخلت بسرعة
_______
اول ما شـفتها هيا والخصلات نازلين منها ووجهها البريء ع شوي قمتها وهربت بيها تهبل كلها ع بعضها ولما ما تحملتش جوعي كبرت في عيني هلبااا مش زي مرتي اللي مشت وخلتني بلا غداء وما اتصلتش حتى بالكذب تسأل تغذيت او لا!!!
__________
دخلت ع طول نحيت الوشاح وحطيت راسي ع المخدة وني فرحانة
تغدينااا وقمنا السفرة
وبـ يجو يوسف واهله لبست سروال اسود لامع وبلوزة زهري وميكاب خفيف وشعري خليته مفتوح
جت امه بس!!!!
استقبلتها ماماا وني جبت العصير وقعدت معاها شوي بعدين طلب يوسف مقابلة شرعية!
لبست وشاح اسود ودخلت
انا:السلام عليكم
الكل عليكم السلام
طبعا طلعو كلهم خلونا ني وياه بس
يوسف:شوفي ني شرطي الوحيد الخمار بس والشغل عادي طبعا سواقة ممنوعة
لقيته خاش طول ع الشروط لا كيف حالك لاشي?
انا:اهااا
يووسف:اي?
دخلو خوتي وني فرحت طلعت ع طول بعدين هما روحووو قعدنا في الصالة
انا:مش موافقة راه بكل اسلوبه صاحبك وخاش ع الشروط طول وبعدين شروطه يمشوش معاي
محمد:شن،شروطه
انا:ااا قالي خدمة ممنوع وخمار واهلك مرة مرة مش ديما وجو مطاعم مافيش
محمد:?
بابا:تمام بـ راحتك
ماما:المهم عندي موضوع بـ خصوص عصام
ع طول ني خفت شوي ودرت روحي حولة

انا:اووف كان ع عرسه ما تغيروش الموعد بلييز
ماما:لا مش هكي
بابا:انشالله خير
عصام:شن صاير?
ماما:مش حرام عليك تضحك ع بنت الناس وانت خاطب غيرها???اليوم لما تحكي غرام مع صاحبتها غفران سمعت كل شي والبنت صاحبة امها وني مستحيل نحشم روحي مع صاحبتي اليوم تمشي تفسخ وموعد العرس،يقعد زي ماهو وتاخد غفران
بابا:كيف صح الكلام يا عصام
عصام نزل رأسـه لان تحشم قدام بوه
بابا:هكي ربيتك ني تضحك ع الولية?باش يجي يوم ويضحكو ع اختك?
عصام:تي خيرك يا بوي معقولة ناخد وحدة دارت معاي علاقة
ضربه بـابـا كف ع طول يده”
بابا:كانك مش قد الرجولة ما تسترجلش فاهم مداما عارف روحك مش قدها علاش بادي فيها من الاول ها?
انا:?
بابا:بـ دير اللي قالت عليه امك وانت مسكر فمك وخطيبتك جيبلها اي عذر فاهم ولا ني البنت بوها صاحبي وما نخون صاحبي عشان واحد مش عارف معني الرجولة
ناض بابا وهو متعصب وماما لحقاته تهدي فيه اما خوتي قعدو يهدو في عصام لعند ما ركب لغرفته وكل واحد مشي لـ غرفته
حسيت بالذنب صح بس اكيد اللي درته صح مهما كان هذي صاحبتي
“اليوم هذا بالـذات مستحيل ننساه”
نضت ركبن لـ دار عصام وني خايفة
طقطقت ماسمعتش صوت فتحت باب الدار بالشوية لقيته ع السرير راقد
دخلت وسكرت الباب
انا:عصام
عصام:عارف ان امي ما سمعتكش وان انتي قلتيلها
انا:اي صح بس وربي ما قصدي لكن هذا الصح هذي صاحبتي راه ولما اليوم قاتلي انك حبيبها ومتغير معاها وجعتني لما يجي ولد يكلمها تخش في بعضها وتقعد خايفة منك وتقول لالا وعدته نكلمش ولد بكل
البنت نية راه وحرام اللي كنت بـ ديره فيها خبر زواجك كان رح يدمرها راه
عصام:افهمي افهمي البنت هذي مستحيل نقدر نتعايش معاها تي ما نحبش النوعيات هذوم ني
انا:لما تعيش معاها رح تحبها صدقني
عصام:علاش درتي هكي بس
قربت من السرير وشديت يده
انا:اللي درته ما تفكرش ان نكرهك انت خوي راه خوي الكبير وعزوتي وسندي وتصرفي هذا مجرد ان ني نحبك وخايفة عليك يركبك ذنب هـالبنت!!
عصام:به به خليني بروحي واطلعي
انا:اممبه تمام
طلعت من الدار
الكل اكيد يقول معقولة في اخ هكي كان واحد تاني راه ضربها او ابصر شن دار
خوتي من يومهم هكي طيبين وبحكم ان ني البنت الوحيدة مستحيل في يوم يمدو ايدهم علياا”?
دخلت لـ داري ورنيت ع فوزي انفتح الخط
….:…..
انا:?
#يتبع