رواية احببت متزوج(حقيقية)

#احبـبـت_متـزوج(حـقـيـقيـة)”❤
الـبـارت(3)

——————————————————–
لايـك قـبل مـا تقـرو✨

——————————————————-
سارة:ووووه بنغرق شكليي يا احمد
احمد:اهو جيتك هي
دفه محمد وجي هو لسارة
احمد(بصوت عالي):ومن الحب ماقتل?
فنص فيه محمد?
محمد:اطلعي
سارة:برا ملح بنقعد
محمد:قتلك اطلعي
وقامها ع كتافه قعدت هيا تضرب فيه لعند ماطلعو ع الرملة
سارة:توا من قالك طلعني باردد
مشت سارة للشاليه وقعد محمد يتبع فيها بعيونه لعند ماوصلت ورجع هو للبحر

——————————————————-
طقطق الباب شفت لفوزي?
فوزي:شوفي منو ني تو نخش للدار هذي
انا:تمام
استنيت فوزي يدخل الدار وني الخوف متملكني كلياا
عدلت نفسي وفتحت الباب لقيتها سارة
انا:مش كنتي في البحر مـع محمد واحمد?
سارة:خوك الخرا طلعني
انا:اهاا
سارة:كأن في ريحة بارفان رجالي صح?ولا ني تهيألي?
انا:ااه هههه لالا انتي تهيألك شكله
سارة:اهاا اوك بندخل ناخد شاور ني
كيف كانت بتدخل الدار اللي فيها فوزي ع طول جيت قدامها
انا:لالا تدخليش هني
سارة:ليش?
انا:ااه هكي
سارة:اسمعي من اول ما دخلت وانتي مش ع بعضك احكي شن فيك
تنهدت وقعمزت ع الصالون
انا:فوزي في الدار
سارة:نهارك الاحرف توا كيف بديري قدام اهلك وناسك طيحتيلهم راسهم?
سمعنا ضحكة فوزي من ورا الباب
انا:فهمتي غلط يا حمارة?جي يحكي معاي بس
سارة:غرام ني توا بنطلع نشوفلك الوضع ولما نكلمك معناها قوليله يطلع
انا:تمام
طلعت سارة وني مشيت فتحت الباب ع فوزي
قرب من عليا لصقني ع الحيط
فوزي:طلع اسمك غرام?
انا:باعد?
همسلي فـي وذني
فوزي:نحببك
جمدت في مكاني من انفاسه الدافية??
دخلت علينا سارة
سارة:اصطغفر الله?هيا كان بتطلع يا باشا
ضحك فوزي ع جنب
اويلي من ضحكته??
طلع فوزي واستلمتني سارة
سارة:احكي شن درتو?
انا:مادرنا شي?
طلعت من الشاليه ولحقتني سارة
——————————————————-
سماهر:هذا كله عند صاحبك?
انا:اي
سماهر:به بنمشي للبنت نتعرف عليها كساد
انا:تعالي نمشي معاك نتعرف ع خوتها
سماهر:به تعال هي
——————————————————-
قعمزت مع سارة وماما وبابا وعصام وخالتي وجو احمد ومحمد من البحر
محمد:شنج يا زول
سارة:صكفمك
محمد:??
لقيت فوزي جاي مع مرته ناحية طاولتنا قلبي انقبض وخفت والتوتر كان واضح عليا حتى سارة انتبهت!
سماهر:اهـلا كيف الحال
انا:اهلا سماهر
سلمت عليها بعدين سلمت ع اهلي وحكيتلهن كيف تعرفنا اما خوتي وبابا مشو مع فوزي وقعدو يهدرزو
سماهر:اا بنسالك غرام
انا:اسالي
سماهر:منين واخدتيه عطرك
شميته ولقيته بارفان فوزي عالق فيا?عرفتها انها شكت
انا:اااه مشعارفة ني بارفاني شانيل بس البارفان هذا رجالي،شكلها علق فيا من خوي امبكري
سماهر:اهااا
قعدت نتفادى في نظراتها ليا
قعدنا نهدرزو لليل
بعدين الكل دخل رقد ما عدا ني وسارة قعدنا مقعمزين ع البحر نحكو
سارة:بدي متغير علياا!
انا:قتلك من الاول ما يحبكش
سارة:بس ني نحبه
وقعدت تبكي حطيت راسها ع فخدي وقعدت نمسح ع شعرهااا لعند ما حست نفسها بترقد ناضت
سارة:ني بندخل نرقد
انا:تمام شوي ونلحقك
دخلت سارة وقعدت بروحي
حسيت بايدين غطو عيوني
انا:فوزي?
فوزي:عيون فوزي
جي قعد جنبي
انا:عرفتك انت
فوزي:نحببك وربي
انا:ما ننكرش ان نبادلك نفس الشعور بس مانقدرش
فوزي:وعلاااش
انا:انت متزوج وبصغارك مستحيل نهدم حوش ني
فوزي:تي هو هكي ولاهكي مهدم واول ما تزوجنا قلتلهااا بيجي،يوم وناخد اللي نحبها وهيا رضت
انا:كيف رضت?
فوزي:نحكيلك بعدين المهم امتى مروحين?
انا:غدوا
فوزي:معاش بنشوفك?
انا:اي وانتم?
فوزي:بعد غدوا
انا:اهاا
قرب مني اكثرر لعند ما حط فخده ع فخدي
فوزي:وشن نفهم توا تحبيني او لا?
انا:?باعد
فوزي:مانيش مباعد لين نسمعها منك
انا:فيش
فوزي:ملا تحملي
قعد يقرب اكثر واكثر وني خفت خوتي ينوضو
حطيت ايديا ع وجهي
انا:خلاص نحبكك نحبكك
فوزي:احييه بالكركدييه
انا:ههههههه مهبول باعد
وقفت وكيف بنمشي مسكني من يدي
فوزي:هذا رقمي سجليه عندك
انا:امبه
طاحت توكة شعري وانفتح كله وكان للركبة طوييل هلباا
فوزي:محححلاااااه ني نقدرش نقاوم راه
انا:ههههههه
كيف بنمشي ناداني
فوزي:غرامي
شفتله وكنت ننظرله في نظرة كلها حب?
فوزي:من اليوم اسمك غرامي❤
ابتسمتله ومشيت للشاليه بتاعنا وني فرحانة ع الاخر حلو شعور الحب
حطيت راسي ع المخدة وغمضت عيوني ومشيت في النوم?
——————————————————-
جـي الـصبـاح?
قعدنا نلمو في حاجاتنا بنروحو
انا:سارة
سارة:ها
انا:نبي نمشي نودعه غطي عليا
سارة:به امشي فيسع
مشيت للشاليه بتاعه طقطقت الباب فتحتلي مرته
سماهرر:اهلا غرومة
انا:اهلين جيت نسلم عليك ماه بنروحو
سماهر:حبيبتي اصبري شوي نحطلك من الحلويات
انا:اممبه
مشت هيا للمطبخ وني قعدت ندور فيه كان طالع من الدوش وخصلات شعره طايحين ع وجهه ولحيته البيضة
المبلولة?كنت ذايبة ع الاخر
فوزي:بتروحي?
انا:اي?برا مرتك تشوفنا توا
فوزي:نحبك
انا:نموت فيك❤
باسني ع خدي ومشي وني كنت مصدومة منه?
سماهر:تفضلي حبيبتي
انا:تسلميلي يارب
سلمت عليها ومشيت ركبت السيارة ومشينا للحوش
——————————————————
سماهر:اسمع كساد خلينا نروحو اليوم
فوزي:مية مية تو نكلم الراجل بتاع الشاليه
مشي فوزي كلم الراجل ولمو حاجتهن وطلعو
——————————————————-
روحت خالتي وبنتها لحوشهن
وحني لحوشنا
نزلنا من السيارة قعدو هما يلمو في الحاجات وني ع طول مشيت لداري خديت شـاور
طلعت من الحمام “يكرم القارئ” وني لابسة الديشمبر اتذكرت رقمه سجلته باسـم “لـطـف الـلـه”❤
درتله رنة وعاودلي هو
انا:اهلا
فوزي:غرامي❤اهلين
انا:كيف عرفتني?
فوزي:صوتك نميزه بين الفين صوت❤
انا:امم شدير
فوزي:روحنا حتى حني وكيف اتكيت
انا:ملا نخليك ترتاح
فوزي:راحتي معاك يا ام عيون عسليات❤
انا:نعرفش نرد ع الكلام الحلو راه?
فوزي:عادي حتى جافة راضي بيك
انا:??
فوزي:احكيلي عليك
انا:شن نحكي
فوزي:احكيلي ع عمرك وحياتك وكم مرة حبيتي
انا:ني نقرا اخر سنة ليا في الصيدلة طبعا عيلتي تعرفت عليها انت والحب ولامرة حبيت لان نخاف هلبا من خوتي وهلبا جو خطبوني بس رفضت لان نبي نكمل قرايتي قبل بعدين نفكر في الزواج
فوزي:اسمعي ني بنفوت شهر ونجي نخطبك
انا:من بيجي معاك?
فوزي:امي واختي
انا:كم عمرك انت?
فوزي:36
انا:بس يبان عليك اكبر
فوزي:هموم الدنيا ع راسي لين كبرتني
انا:اهااا
فوزي:اي❤غرامي توا بنسكر سماهر جت ونبيهاش تسمع توا ديري بالك ع روحك
انا:حاضر وحتى انت بيبي
سكرت من عليه وحطيت الفون ع قلبي وضميته ليا وني مبتسمة
——————————————————-
اول ما سكرت عليها سجلت رقمها باسـم”غـرامـي”
لقيت،سمماهر جت
سماهر:نسمع فيك تحكي مع من كنت تحكي
انا:صاحبي اتصل بيا
سماهر:اها نديرلك شي تاكله?
انا:لالا فوتي بنرقد توا طفي الضي
سماهر:به
طلعت سماهر سكرت الضي وني غمضت عيوني ورقدت
——————————————————-
جـي المغرب سمعت باب الحوش يطق
فتحته
انا:?
#يتبع✍