رواية احببت متزوج(حقيقية)

#أحـبـبت_مـتـزوج❤ “حـقـيقيـة”
بـقلـمـي✍أيـات صـالـح”
الـبـارت…(20) والاخـيـر….?
______________
قعدو يضايقو فينا السيارات لـ عند ما انقلبت سيـارتنا!!!!!ومعاش ندري ع روحي”
#بعـد_شهـر……..
فوزي:اووف مر ع غيابها شهر! شهر كامل بعيد علياااا حاسس روحي متقطع من الداخل
محمد:ادعي لـ ربك وانشالله تفوق من الغيبوبة بخير والبيبي يتعوض عادي الحياة قدامكم
فوزي:الغيبوبة ممكن تقعد سنوات راه!!!ني السبب من اول ما عرفتني وهيا مش مرتاحة
محمد:وانت شندخلك سيارات فيها ولاد حرام جو ضايقوكم شن دخلك انت?
سرح فوزي ورفعاته الذكرى لـ هذاكا اليوم….
#فلاش_بـاك?
قبـل اسبوع….
فوزي:سماهر بنمشي للعيادة ني تبي شي
سماهر:سلامتك
فوزي:ومرة تانية معاش تناديني اني مش محرم ليك راه!!!!تبي شي رقمي عندك وقوليلي عليه مش لادم القعدات والجو هذا
طلع وكيف بيركب سيارته اتذكر فونه رجع ركب وماحبش يطقطق وينوض ولده اللي بعد جهد جهيد خداه النوم من الواقع المؤلم!
فتح الباب بـ الشوي خدي فونه من الطاولة وكيف بـ يطلع سمع تهامس سماهر في المطبخ اللي خايفة من صوتها ينسمع!!!قرب من المطبخ وقعد يسمع.
سماهر:تيي اوف خيرك انتي
…….
سماهر:مش قتلك ني تقوليله يضربهم من جهتهاا هيا بالقوية
…..
سماهر:تي اما غيبوبة ني نبيها تمون ونفتك من شرها
……
سماهر:بعدين ينساها عادي ولو ع انه طلقتي بالثلاثة عادي نمشو الشيخ ونشوفو حل
……..
سماهر:هو الايام هذوم قريبة منه ني ودروحني نواسي فيه!
……
سماهر:كان عندك حد تعرفيه غادي اعطيه فلوس وخليه يقطع عليها الاكسجين”
…….
سماهر:تي…..
وما كملتش كلمتها الا وفوزي شادها من رقبتها ويخنق فيها
فوزي:انتي اللي باعتة ولاد الحرام اااااه
شدها من شعرها وكرها لـ الدار جاب طوبو الغاز وسكر الدار وفش كل غله فيها لـ عند ما جسمهاااا قعد دم!
شدها من شعرها وفتح باب الشقة
فوزي:معاش نبي نشوف وجهك هني لا انتي ولا بنتك
لوحلها بنتها وسكر باب الشقة وهيا مش قادرة تتحرم والدم محاوط جسمها!!شافتها خالتها شهقت وقامتها هيا ووداد يمسحولها في الدم بـ دون ما يعلمو بس بعدين قالهم فوزي ولزوها وهيا متكسرة تكسير!!!
#حاليـاا
محمد:ياهوو وين سارح
فوزي:ااه لالا شي
مسح ع راسه بـ عدم قدرة! وناض
محمد:وين?!
فوزي:بـ نمشي للمستشفى نشوفها
محمد:مية مية
ناض فوزي مشي ومحمد دخل لـ الحوش
ماما:شنصار
محمد:ماصار شي
ماما:ااااخ يا بنيتي ربي ينوضك بالسلامة
محمد:غير علاش الدموع بس مش حاجة كبيرة ره
ماما:ماتحسش انت?
محمد:بندخل داري
دخل لـ داره وسكر الباب وحاسس بـ نفسه محروق وعاجز!!!اخته تموت قدامه وهو مش قادر يدير حاجة! اي صح محسس الكل انه مش مدور يحاول يقنع نفسه بان كل شي تمام يين ماهو صاير العكس!!!!
تسطح ع السرير وغمض عيونه سمع امه تنادي نفخ وطلع
محمد:نعم يام
ماما:مش ناوي تتصل بـ خطيبتك?
محمد:ني بروحي مشعارف اصلا ليش مشيتي خطبتاها وبنتك في المستشفى
ماما:خفتها ضيع منك وبنتي ما حد حااسس النار اللي فيا راهي فلدة كبدي
حس بـ نفسه جرحها بـ كلامها جي جنبها وباس راسها
محمد:حاضر رح نتصل بيها يا ست الكل ولا يهمك
ماما:ربي يرضى عليك
::::::::::::::
مقضية يومها كله بكي ودموع صديقتها في المستشفى ومش قادرة دير حل!!!!قطع حبل افكارها رنة فونها شافاته عصام ردت
عصام:خيرك حبيبتي ترديش
غفران:مضايقة
عصام:(تنهد)راه اختي ومن لحمي ودمي واللي تحسي بيه ني نحس بـ ضعفه بس خلي ايمانك بـ الله قوي
مسحت دموعها بـ انامل يدها
غفران:ونعم بالله
عصام:هيا حبيبي نوضي ديري حاجة كوليها تقعديش هكي
غفران:حاضر
عصام:نكلمك بعدين ني هي باي
غفران:باي
سكرت من عليه وناضت لـ المطبخ
::::::::::::::::
وصل لـ المستشفى ركب لـ غرفتها شاف الاجهزة عليها ماقدرش يتحمل كيف بـ يطلع سمع صوتها
انا:م مم..م ماماا
فتح عيونه زين وعرف انه ما يحلمش ارتسمت الضحكة ع وجهه وملامح الفرحة ع عيونه فتح الباب بـ قوة وقال بـ اعلى صوته
فوزي:نااااااااضت يا دكتوووور ناااااضت
جي الدكتور بـسرعة قعد يشوف فيا وفي نبضي دار شوي فحوصات وطلع
الدكتور:الحمدلله تجاوزت مرحلة الخطر وفاقت من الغيبوبة بـ اعجوبة رح نحولوها لـ غرفتها العادية وتقدر تخبر افراد عائلتها بـ الخبر
هز راسه بـ موافقة طلع فونه واتصل بـ محمد وفررح محمد خبر عيلته وعصام لما سمع الخبر حب يشارك فرحته مع البنت اللي بـ تكون شريكة حياته ومش مجرد زوجة!
غفران:بجد?مش،مصدقة
من فرحتها قعدت تبكي وهو فرحان بـ مجرد انها فرحت!
– – –
‏عيُونك نجمِتين يضمها القمّر وقلبي??
Y̶o̶u̶r̶ ̶e̶y̶e̶s̶ ̶a̶r̶e̶ ̶t̶w̶o̶ ̶s̶t̶a̶r̶s̶ ̶i̶n̶ ̶t̶h̶e̶ ̶m̶o̶o̶n̶ ̶a̶n̶d̶ ̶m̶y̶ ̶h̶e̶a̶r̶t̶??
– – –
نضـت الصبح فتحت عيوني بـ صعوبة شفت ضي الشمس عليا ركزت في المكان وقعدت نحاول نتفكر لعل وعسى نعرف اني وين! شفت ع جنبي لقيت عيلتي كلها وفوزي وامه واخته في الحجرة?
انا:اا ا اني وين وش شن صار
فوزي:اوش تو نحكيلك
انا:احكي
فوزي:…….وقعد يحكيلي في كل شي وحتى ان البيبي اللي فرحت بيه مـات!!!
دموعي انهارو ع وجهي وقعدت نبكي بـ حرة! بس ما حكاش من السبب!
انا:بس ليش هكي وشن يبو مننا
بانو ملامح التوتر ع وجهه وقعد وجهه احمر
فوزي:ااا ا مش عارف والله
عرفته ان يعرف ويخبي عليا بس هذا مش الوقت المناسب عشان نحكو فيه!
قعدو يحمدولي بالسلامة وقعدو شوي وام فوزي واخته روحو وعصام وماما واحمد روحو عشان يجو غدوا لان الزيارة هلبا ممنوعة وغفران قعدت للعصر وروحت فوزي بس اللي قعد!
انا:احكي
فوزي:شن بنحكي
انا:عارفة انك عارف من السبب هيا احكي
تنهد بـ قلة حيلة وقعد يحكيلي بـ التفصيل الممل وملامح الصدمة ارتسمت ع وجهي لـ هالدرجة معاش في رحمة قتلت روح وكانت بـ تكمل عليا!!
بس ما بكيتش لان حمدت ربي الف مرة انه رزقني بـ راجل زي فوزي❤
مسكت يده وابتسمت
انا:اللي جاي احلا بـ اذن الله
حضني
انا:ااي
فوزي:اسف اسف نسيت?
انا:هههه عنيف
فوزي:ااااخ شهر كامل وني بلا روح روحي خديتيها انتي والغيبوبة
انا:بجد شهر مصدومة??يلا خديتها نومة حلوة
فوزي:ههههههههه
دخل الدكتور وفوزي قاملي الوشاح ع راسي
الدكتور:كيفنا اليوم
انا:الحمدلله
الدكتور:حالتك كويسة وتقدري تطلعي من غدوا الصبح لو انتي حابة طبعا!
انا:اي نبي نطلع
الدكتور:تمام…تفضل معاي استاذ فوزي كمل اوراق الخروج
فوزي:تمام هي
ناض فوزي والدكتور وني حطيت راسي ع المخدة وسرحت في حياتي….وصدفتي مع فوزي سبحان الله من قال غرام دلوعة هلها تاخد واحد متزوج بـ ولده! تنهدت بس هالمرة تنهيدة راحة طلبت من ربي ان يسرلي حياتي مع زوجي❤
:::::::::::::::::
فـات اسـبـوع…….
فوزي:حبيبي نسافرو
انا:لالا نبي نبدا القراية هو سيمستر واحد مزالي
فوزي:تمام بـ راحتك! تو نمشو غدوا الصبح نشوفلك التسجيل
انا:تمام
قـرب مني
فوزي:كانك زايدة حلاوة صح
انا:اممم زعما?
فوزي:تو نشوفو هي
وقرب ع شفايفي و……….وسادكم?
*
خطب احمـد اخت غفران وانسجم معاها بس ما حبهاش قاعد!!
اما عصام تزوج غفران وجاب منها ولد”
احمد كمل ثانوية ودخل جامعة طبعا!
سارة تزوجت من يومها مشت سافرت بعدين رجعت مطلقة وتفاهمتش معاه وكملتش قرايتها!!!وتوا انخطبت لـ ولد جيرانهم
اني وفوزي❤
طبعا كملت السيمستر وحبيتش نجيب صغار وني نقرا كملت قرايتي وبعدين حملت جبت توأم بنات❤ومتعبيني بكل مع ولد فوزي?
لكن محليين الحوش حق♥?
انا:حبيبي
فوزي:نعم روحي
انا:اممم شنرايك قصتنا نديروها رواية بـ الاضافة لقصص خوتي وقصتك طبعا
فوزي:عادي يا روحي لو هالشي،يسعدك
طبعت بوسة ع،شفايفه
انا:اي احكيلي هي هي من البداية قصتك
فوزي:…..
وقعد يحكيلي في كل شي وحكالي ان سماهر هيا السبب في كل شي!!!!?
انصدمت بس مع هذا ما دارش فرق في علاقتي معاه صح بكيت ونقهرت بس حبي ليه ما تحركش من مكانه……..
#الـنهاية…….❤
————
رسـالـة مـن غـرام:
لكل بنت قاتلي انك خطافة رجالة نحب نقولها ني ما خطفتش حد شن ذنب قلبي لما حب??وزدت اصريت ان معاي حق لما عرفت قصته وقصة زواجه الكئيب انا ما غلطتش وما درتش شي بـ حرام كله بـ شرع ربي وما حرضتاش ع مرته بكل حتى العدل كان يعجبني❤لما قلبي حبه ما استأذنش وفعلا كان معاي راجل وسيد الرجالة نحب نقول لكل بنوتة ما تفرطيش في شخص حبيتيه وحبك ابداا مهما كانت الظروف قاسية!!!
——-
أتمنى تكون الرواية نالت اعجابكم وكنت رسمت البسمة ع وجه كل شخص❤
نتلاقـو في روايـة جديـدة وممتعـة!?تنسـوش تعطـوني رايكـم لانـه يهمنـي!❤نحبـكم….
#أيـات_صـالـح”