رواية احببت متزوج(حقيقية)

#أحـبـبت_مـتـزوج❤”حـقـيقيـة”
بـقلمـي✍أيــات صـالـح”
الـبـارت…(17)”
____________
فتح فوزي الحوش ودخل شم بارفان رجالي ومش نفس بارفانه!!!
سمع دوشة طالعة من الدار قعد يمشي بالشوي عشان يشوف من فيه دخل للدار لقي شاب يفتح في دولاب غرام ويطلع منها في روب!!!
فوزي:يا كلب يا&%$#??
شد وطاح فيه ضرب لـ عند ما الشاب فشل ووجهه كله قعد دم
فوزي:احكي شن اللي كنت دير فيه هني وروب مرتي شن يدير عندك
الشاب:هههههههه مرت قهرتك هذي الليلة عندي وبناخد الروب عشان تطرحلي بيه
فوزي معاش قدر يشد غضبه وغيضه وزاد في الضرب لعند ما اغمى عليه الشاب
دهش فوزي وقعمز ع الارض داهش وحاس بـ نفسه تعبان انصدم من اللي شافه ومن اللي قاله الشاب!!!!!
ناض مسح الدم ونظفه وقام الشاب ربطه ع الكرسي
فوزي:الو محمد
محمد:اهلا يافوزي
فوزي:بالله تعال للحوش بسرعة وراسك
محمد:انشالله خير
فوزي:غير تعال بس
محمد:جاي هي
سكر من عليه ومحمد ركب سيارته ومشي
وصل محمد لـ فوزي طقطق وفتحله وانصدم محمد من اللي لقاه مربوط
محمد:هذا منو?
فوزي:والله ما عارف دخلت للحوش لقيته في الدار ياخد في لبس النوم بتاع غرام ضربته وسالته قتله شندخلك في لبس مرتي قالي مرت طياح سعدك الليلة بت تطرحلي هيا وضربته لين اغمى عليه
محمد:تطرح قهرته اختي مستحيل هكي وواثق منها?
فوزي:خيرك يا محمد تحسابني شاك فيها ني?تي هذي مرتي راه ولما خذيتها خذيتها وني واثق انها بـ تصونني لانها طالعة من حوش فيه رجالة ني مش غبي عشان نصدق كلامه بس نبي نفهم الغرض منه?ومن يكون اصلا ومنين يعرفنا
محمد:والله تحير يراجل حتى شهر ما سكرتوه انتم
تضايق فوزي وحط ايديه ع راسه ويفكر
محمد:برا توا روح بـ غرام وني هذا تو نرفعه للاستراحة ونبعتلك العنوان ونتفاهمو معاه غادي ورد بالك تحكي لـ غرام
فوزي:مية مية هي
طلع فوزي ركب سيارته ومشي لـ حوش اهل غرام ومحمد قعد يقيم في الشاب لـ عند ما حطه في صندوق السيارة وركب ومشي للاستراحة”
:::::::::::::::::::
وصل فوزي لـ غرام
فوزي:ايوا اطلعي هيا
انا:مزال بكري
فوزي:خلاص جيت ني
انا:به سلم ع اهلي
فوزي(بـ عصبية):قتلك تعالي خلاص توترينيش
خفت منه ومن نبرة صوته الحادة وحسيت بـ نفسي رح نبكي بس مسكت روحي
انا:امم تمام
سكرت من عليه وسلمت ع اهلي وطلعت”
ركبت السيارة من غير اي كلمة وني نشوف قدامي بس المشكلة مش هني المشكلة ان فوزي ما عبرنيش بكل!!!!وكمل سواقته ولا كأن
وصلنا للحوش نزلنا فتحلي الباب وكان بـ يطلع
انا:فوزي
فوزي:نعم
انا:خيرك هكي تحكي شن صاير
فوزي:ما خيرنيش
وكيف بيطلع شديته من يده
انا:ليش تكذب عليا احكيلي
فوزي:قلنا شي خلاص
دفني لـ عند ما طحت وطلع!!!خنقتني العبرة من تصرفه معقولة الانسان الوحيد اللي حبيته يعاملني هكي من غير اي سبب مقنع وما سكرناش حتى شهر من زواجنا?
بدلت حوايجي وقعدت نبكي ع الصالون لـ عند ما خداني النوم ورقدت من غير مانحس!
::::::::::::
فوزي:اهو وصلت ني هي
درس سيارته ونزل
فوزي:وينه ناض?
محمد:اي ناض تضرباش نبوه نايض حني
فوزي:به
دخل فوزي ع الشاب وهو قريب يقتله
فوزي:احكي من باعتك
الشاب:مانعرفش ني اختي قاتلي صاحبتها قاتلها تبيني ندير هكي وني خديت الفلوس ودرت المطلوب بس
فوزي:به يا حلو اختك هذي منو صاحبتها?
الشاب لاحظ ملامح الغضب بتاع فوزي اللي ممكن في لحظة تنهيه!
الشاب:مم م ما نعرفش والله
فوزي:اتصل بـ اختك توا قدامي
الشاب:بب به
طلع فونه واتصل بـ اخته
::::::::::::::::::
سمر:شنو نقولهم موافقة
سارة:اي خلاص اصلا نبي نكمل قراية برا ونحضر ماجستير برا ونعيش مرتاحة
سمر:بس يا بنتي الراحة مش فلوس!!
سارة:اممبه المهم قوليلهن موافقة
ناضت سارة لـ دارها ومتأكدة ان قرارها صح100%
:::
عصام:اي حبيبتي الشهر جاي عرسنا
غفران:مش مصدقة❤?
عصام:تعرفي ندمت ع كل شي درتهولك
غفران:خلاص كله قعد ماضي معاش تحكي فيه
عصام:بـ تحكيه لـ صغارنا
غفران:لا وخاصة بنتي
عصام:ليش?
غفران:تقعد بعدين زي الهبلة وتصدق ان الكل زيك ويفوتها لكن بعدين يخطبها غصبا عنه ويرجع يحبها والخ..
عصام:غصبا عني صار
غفران:حاجة زي هكي??
عصام:قردة??
:::::::::::::
ساجدة:ايوا يا خرا خيرك تردش امبكري
الشاب:سمعتاش
ساجدة:المهم طلعت من الحوش قبل مايجي راجلها لان صاحبتي قاتلي طلع من عندها
فوزي انصدم وكأنه عرفها
الشاب:اي طلعت اسمعي صاحبتك كيف عرفت ان طلع من عندها
ساجدة:تي ماه راجلها وتزوج عليها قبل اسبوعين يمكن او اسبوع ونص
الشاب:ااا ا به
سكر من عليها وشاف لـ فوزي اللي ملامحه ما تبشرش بـ خير
فوزي:الحقيييرة تستغفل فيا رح تشوف
وكيف كان بـ يطلع ناداه الشاب
الشاب:ني عندي قراية وبوي ميت ني نعاني في الحوش وراسك طلعني من هني سامحني
فوزي:اخرلك مرة
نحاله الرباط وطلع يجري الشاب
فوزي:خلاص كله نحل ومنور والله
محمد:ولو واجبي هذا وكان بـ يضر اختي
فوزي:بالله ماتحكي شي للعيلة خليها بيننا
محمد:مية مية تبي حاجة?
فوزي:سلامتك
محمد:هي نستأذن
مشي محمد ركب سيارته وبـ مجرد ما ولعها اتذكـر سارة وكلامها حس بـ عينه بتدمع ولع الراديو جت ع اغنية..
موجوع قلبي
والتعب بياا
من اباوع على روحي
ينكسر قلبي عليا
تعبااان وجهي
ودموعي قهرتني
دنيا شلت حال حالي
وبـ حياتي كرهتني
كرهت الحب
ما اريده دمرني
طيب واني ادري طييبي لهالحال وصلني?
سكر الراديو وحس بـ نفسه مخنوق
واتصل بـيا
نضت ع صوت الفون يرن شفته لقيته محمد
محمد:اهلا غرام
انا:اهلا حموده شج
محمد;كويس فاضية نجيك،شوية?
انا:اكييد تعاال
محمد:ماشي هي
سكر الفون وولع السيارة ومشي
ما كانش حاب يمشيلها وهيا عروس قاعدة لكن ماشافهاش عند اهله اصلا ومضطر انه يحكيلها
وصل طقطق وفتحتله
انا:حمودي اهلا تفضل خش
دخل سلم عليا وقعمزنا درت قهوة وجيته
انا:احكيلي واضح عندك كلام
محمد:مشعارف من وين نبدا
انا:احكي
محمد:……
وقعد يحكيلي وني مصدومة في سارة مستحيل تكون هيا!!!نعترف انها بنت خالتي بس نوعا ما كانت لعوبة يعني تثبتش ع واحد بس مع هذا حبيتش ندخل بينهن لان في النهاية حياته وهو ادرى بـ مصلحته
انا:ما دورش وخيي تلقى الخير منها واللي تحبك لانك انت مش تحب فلوسك او شكلك ومداما هيا هكي تفكيرها احمد ربك ان ما تورطش فيها راك تتعب بعدين وماتنساش عسى ان تكرهو شيئا وهو خير لكم
محمد:رسمي كلامك وني راضي وما وصلتش فيها بـ كلمة
انا:ايواا هكي خوي العيبة تطلعش منهه
محمد:خيرك واضح عليك كنتي تبكي?
انا:لالا يمكن كيف نايضة من النوم
محمد(بـ استغباء):ملاا وين فوزي
انا:قال عنده شغل ضروري تو يرجع
محمد:ملا نعطلش عليك ني بـ نمشي
انا:اقعد تعشى
محمد:مرة تانية هي توصي ع حاجة
انا:سلامتك
طلع محمد وسكرت الباب وحسيت بـ نفسي مضايقة اول ما تفكرت تصرف فوزي امبكري!!
انفتح الباب ودخل فوزي
انا:?
#يتبع