رواية احببت متزوج(حقيقية)

#أحـبـبت_مـتـزوج❤”حـقـيقيـة”
بـقـلمـي✍أيــات صـالـح”
الـبـارت…(15)
_____________
كيف بنركب السيارة سمعت اسمي
سماهر:غرام
تلفتت لقيتها هيا?مانكذبش عليكم بجد خفت منها نتوقع ديرلي اي فضيحة عادي
فوزي:ش…
كملش كلامه شديت في يده وشفتله بـ معنى خليني نحكي ني
انا:نعم
سماهر:مبروك
انا:الله يبارك فيك?
سماهر:ربي يذوقك من نفس الكأس اللي ذقت منه
انا:انا لو ربي ذوقني من نفس الكأس بتاعك عندي حوش اهلي وعزوتي يستقبلني?باي
ركبت السيارة ني وفوزي وحسيت ان خديت حقي منها وكفاية!!!
حط يده ع ايدي وابتسملي
فوزي:الليلة ليلتنا نبيش اي شي يخربها
انا:شي اكيد يا عمري?
فتحنا اغاني ودرنا جو طبعا صحابه قعدو ورانا ويسطربو وجو مستحيل ننساه ههههههههه
وصلنا للحوش نزلنا
فوزي:ادخلي بـ رجلك الايمين ياعمري
انا:انلا نبيك تقيمني?
فوزي:جو اتراك ملا??تي خشي هيا
انا:تففففف
دخلنا وني دروحني زعلانة منه?
فوزي:خيره الحلو زعلان
انا:نننننن
فوزي:توو نقيمك لـ دار النوم”وغمزلي”
انا:سخيف?
فوزي:?
قعد يوري فيا الحوش خلي نوصفه ليكم✨”
اول ما تدخلي للحوش تلقي ممر طويل وواسع يقابلك تمشي ع الايسار تلقي الصالة”دار المعيشة” كبيييرة طبعا صالون ع البيج دايره وع الصالة في مطبخ مفتوح زي البار
ولما تمشي للايمين تلقي مربوعة للضيوف مسكرة
الدور الثاني
اول ما تركبي فوق ع الايمين تلقي جناح فيه دار نوم بتاعنا وحمام جنبها
واول ماتركبي فوق ع الايمين في دار مسكرة رح تكون دار اول بيبي لينا❤
وبس❤?
دخلت الدار بـ نبدل وهو يستنى البرا
نحيت الفيللو والطرحة ومسحت الميكاب كله ولبست روب الدخول ابيض قصيير وخليت شعري مفتوح ودرت كريم ترطيب لـ وجهي بس نبيش مكياج❤ودهنت جسمي باللوشن طبعا”وبخيت بارفان وطلعت
فتحت الدار وطلعت لقيته مجهز عشاء وشموع?
اول شي توضينا وصلينا مع بعض❤
فوزي:نبدل ونجيك?
انا:امبه
دخل بدل وني قعدت نشوف للماكلة ومش متحملة نبي ناكل توا?
طلع لقيته لابس شورط بس?تحشمت في البداية بعدين قعدنا ناكلو ومرة مرة يحذفلي في كلمات حب وغزل?
كملنا ماكلة دخلت فرشيت سنوني بسرعة وطلعت للدار لقيته يستنى فيا?قعمزت جنبه ع السرير شد يدي
فوزي:تصدقي اول مرة نحس بالفرحة هذي هذا وين حسيت روحي عايش بجد انتي يا غرام رديتي فيا الروح والله مش مصدق❤
حطيت ايدي ع لحيته
انا:حبيبي انت بـ اذن الله حياتنا كلها رح تكون حب ودفئ اهم شي تقعد بيننا ثقة كبيرة
فوزي:ثقتي فيك اكبر من كل شي
باسلي يدي وقرب من شفايفي و…….
خلاص وين ماشيين??خلوهم بروحهم??
:::::::::::::::
سارة:اااخ تعب
غفران:بكل بـ نمشي لحوشنا ني بوي يستنى
مشت غفران روحت وعصام ركب لـ حوشه اللي بانيه فوق عشان يرتاح من دوشة البنوت
روحو الكل من الصالة لحياشهم ع طول الا ماما وسارة وخالتي
ماما:اخخ خلت مكانها بنيتي
خالتي:هذي سنة الحياة
سارة:لكن اللي خداته راجل والله حتى ايمين وايسار شافش بكل لاهي فيها هيا بس
خالتي:اي والله عجبني
ماما:هيا فرشو وارقدو
حطو فراشات ورقدو ما عدا سارة كانت تتقلب وخلاص
خدت مخدتها ومشت لـ داري فتحتها ورقدت ع السرير وانفتح الباب لقاته محمد?
سارة:اطلع برا شدير?
محمد:تي اسكتي?
سكر الباب بالمفتاح وخلاه في الباب وجي لسارة
محمد:زيدي غادي بنرقد معاك
سارة:قهايرك
محمد:تي زيدي?
وزادت سارة ع اساس عندهاش نية????
جي جنبها وتغطو بـ غطاء واحد
محمد:اي ضايقتكش ميسم اليوم?
سارة:لالا تعرف فوزي لما رقص مع غرام يهبلوووو
محمد:رقص معاها?
سارة:ريلاكس بيبي ديرش جو الحامق توا راجلها هو وحلالهاا بلا جو
محمد:اممبه
زاد قرب عليها
محمد:كان ني متت شديري
حطت ايدها ع فمه وقامت عيونها فيه
سارة:تي معاش تحكي هكي نبيش نعيش من غيرك الموت ارحم?
خداها في حضنه وهيا دفنت راسها في صدره
محمد:حاضر روحي
قعدت في حضنه لعند ما رقدت شافها رقدت قعد يتأمل فيها شاف شفايفها طبع عليهن بوسة ورقد??
:::::::::::::::::
نضت الصبح فتحت عيوني لقيت فوزي راقد جنبي ابتسمت ونضت بـ كسل حكيت عيوني ودخلت الحمام”يكرم القارئ” دوشت وطلعت لابسة الديشمبر دهنت جسمي بـ اللوشن ولبست شورط جينز وكناتيرا زهرية??
وسرحت شعري طقطق الباب
انا:منو
وداد:ني جبت الفطور
لبست بتاع الصلاة وفتحتلها
انا:اهلا وداد
وداد:صباحية مباركة يا عروسة ههههههه
انا:صباحك عسل تفضلي خشي
وداد:لالا ولد عمي يستنى البرا غير جبتلكم الفطور بس
انا:تسلميلي،يارب
وداد:شن تهنيتي?
انا:اي?
وداد:روروروروريييي
خذيت منها الفطور وسكرت الباب طبعا كانو هما بعاد علينا بـ مسافة بسيطة
نحيت بدلة الصلاة وحطيت الفطور ومشيت لـ فوزي
قعدت ع السرير وقعدت نخربشله في لحيته عشان ينوض??
فوزي:امممم
انا:نوض حبيبي الفطور جاهز
فتح عين وحدة وجبدني ليه
فوزي:خيرك كل يوم تحلاوي انتي
انا:ههههه ماه كل مانشوفك نحلاو فهمت كيف
فوزي:ذبت راه
انا:تي نوض هيا?
ناض فوزي وخدي المنشف ودخل الحمام “يكرم القارئ” عشان ياخد شاور
طلع من الدوش لبست سروال اسود وفيه خطين بيض ع الجنب وتيشيرت ابيض وطلع للصالة
فوزي:من جابه الفطور
انا:وداد
رن فوني لقيتها ماما رديت عليه
انا:اهلا ماما
ماما:اهلينات حبيبتي والله مخلية مكانك
انا:ههههه نجك ليا
ماما:شنو غرومة تهنيتي?
انا:اي?
ماما:روروروروررييي
انا:طرشتيني?
ماما:هي نعطلكش ني عندك محضر بعدين
انا:باي
سكرت من عليها وكملت فطوري قمت عيوني في فوزي نلقاه يشوفلي
انا:خيرك?
فوزي:نتأمل في حلاوتك
انا:هههههه??خجلتني
فوزي:حليلي تعالي هني
اشرلي بـ يده ع رجله
جيت قعمزت ع رجله وقعد يوكل فيا ومرة مرة يحذف بوسة?
::::::::::::
ناض محمد قبل مايفيقو الكل وطلع لـ داره وهو فرحان❤
::::::::
كملنا فطور قعدنا قاعدين نتغزلو في بعض طول الوقت لين جي وقت المحضر?
مشيت للمزينة طبعا لبست البدلة الصغيرة ودرت المكياج وطلعت نهبل?
خديت لقطات وبعدين اتصلت بـ فوري جي خداني ركبت السيارة
فوزي:قيمي الخمار وريني
قمت الخمار وشافني
فوزي:مشالله تبارك الرحمن❤يخليك ليا
انا:?❤وليا،يارب
كمل سواقته وقعدنا نهدرزو لين وصلنا لـ حوش اهله لقيت الحوش معبي طبعا زحمة واهلي موجودين فيه اغلبهم”
دخلت بالشوية والكل قعد يزغرط وانصدمت لما جت عيني في…
#يتبع