رواية احببت متزوج(حقيقية)

#أحبـبت_مـتـزوج❤”حـقـيقيـة”
بـقلمـي✍أيــات صـالـح”
الـبـارت..(11)
____________
ركبت ني وسارة كنا متكنطين هلبا من تصرف عصام
سارة:واخدها بالغصب?
شفتلها وما كانش عندي مهرب من السؤال غمضت عيوني بـ معنى إي”
سارة:به وعلاش هيا قبلت?
انا:تحبه
سارة:وشن طعمة الحب هذا?اللي بلا كرامة انصحيها انتي
انا:بعدين تقول خوها قالها تقول هكي وتفهم غلط هيا تفهم وبكيفها حاجات زي هذي نقدرش ندخل فيها
سارة:ربي يعينها لو ني دارهالي حبيبي تي وحقربي معاش يشوف وجهي
انا:يلا نبوش نكد توا تعالي ننزلو نديرو عشاء حلو?
سارة:هي?
نزلنا ني وسارة دخلنا المطبخ
سارة:اوف شن نديرو?
انا:شوفي بـ نديرو بيتزا وطاجين وكيكة باردة وسلاطة جزر ساد?
سارة:اي ساد خلاص ني الطاجين والكيكة وانتي السلاطة والبيتزا
انا:تم هي
لفيت شعري فوق وبديت ني وسارة
::::::::::::
كنت قاعد نتصفح ع الفيس والصغار جنبي سمعت فون سماهر يرن وسكت بعدين نضت للدار سمعتها تحكي في الفون
سماهر:افهم خلاص اللي بيني وبينك تم من زمان وبه اللي لقيت راجل يستر عليا
……:……..
سماهر:اوووف خلاص باي
سكرت الخط تلفتت لقتني ني قدامها
سماهر:ااا ا
انا:هو صح?سعيد?
سماهر:اي وقال يبي البنت يشوفها
انا:تعرفي يا سماهر ورب العزة نلقاه هني لما نعجنك انتي وياه ونلوحك معاه تفكريش تعطيه النعتة ورقمه احظريه&%$$ فهمتيي
سماهر:فهمت?
شفتلها نظرة اشمئزاز وطلعت للصالة سمعت الباب يطق
انا:تو نفتح ني بري اغسلي وجهك انتي
نضت فتحت لقيتها امي
انا:اهلا يام خشي
دخلت وهيا واضح على وجهها متعصبة
نجاة:كلمت ام الفصعونة وقلتلها الخميس هذا الفاتحة والعرس بعد اسبوعين بس من الاول رفضت لكن قلتلها نبوه بسرعة حني وافقت
انا:كويس?
نجاة:متأكد تبيها?
انا:يام الفرحة ما شفتهاش الا معاها وضحكتي ما طلعت الا معاها شوفي لـ عيوني يام شفتي اللمعة هذي!!هذي ما لقيتها الا معاها يام نبيك تحبيها زي بنتك بالزبط نبيكش تجرحيها
حطت ايدها ع يدي وابتسمت
نجاة:توكل ع الله وليدي وانشالله مايصير الا اللي خاطرك فيه
ناضت طلعت من الدار شفت وراي لقيت سماهر وعيونها مضببات من الدموع
خديتها من يدها وقعمزتها جنبي وهيا تشهق
انا:توا علاش البكي والدموع هذوم?
سماهر:كان خاطري نعيش زي غرام عيلة يحبوها وواحد يحبها وناويها بـ الحلال كان خاطري نحب وننحب
انا:ماه انتي حبيتي ومن كثر ما استعجلتي جبتي صغار قبل عرسكم??
سماهر:افهم والله ما غلطت معاه اللي صار كله بعد الفاتحة وانت فاهم غلط هو بعدين سيبني نعرفش السبب حتى
انا:جيبيلي اثبات واحد ان صار قبل الفاتحة?!وبعدين يصير رأي تاني وتوا نوضي هيا
مسحت دموعها وناضت وهيا تمتم وعارفه كله اللي دير فيه تمثيل
::::::::::::::
كملنا طبخ ني وسارة قعدنا ع الطاولة تعبانين
سارة:اوووف جيت بـ نغير جو لقيت روحي نعاني
انا:عادي?
اتذكرت محمد يبيني نحددله موعد مع سارة
انا:ااا سارة ترا بري ورا الحوش شوفي الكناسة”حشاكم” قاعدة او لا
سارة:هذا اللي مزال هو
انا:وراسك
سارة:اوووف به
ناضت سارة وني رنيت ع محمد
انا:حموده سارة مشت ورا الحوش برالها بسرعة
محمد:يسس هي هي
سكرت من عليه وني نضحك اتذكرت فوزي بعتله مسج فيه (استاحشتنيش?)
شوية ورن عليا اطمنت ان مافي حد ورديت عليه
انا:زعلانة راه
فوزي:عيوني ني يزعل الكون كله الا انتي?خيرها حبيبي
انا:كلمتنيش
فوزي:عندي ليك مفاجأة
انا:شنو?
فوزي:فاتحتنا الخميس وعرسنا بعدها بـ اسبوعين?
انا:نعممممممم
فوزي:?خيرك طرشتيني
انا:اسبوعين شن بندير فيهم نبي جلسات للبشرة وعناية ودبش والخ…
فوزي:انتي تهبلي هكي مش محتاجة لا عناية لا شي عاجبتيني?
انا:بجد?
فوزي:اي
انا:حليلي تحشمت راه
فوزي:حليلي من الـمتحشم ني
(وكالعادة ضحك عليا بـ كلمتين خلاني نوافق?)
::::::::::::::::::
طلعت سارة لقت الكناسة”حشاكم” مهناش كيف بترجع الداخل طلع محمد ودفها ع الحيط وجي قدامها
سارة:شش ش شدير?
محمد:علاش التجاهل هذا
سارة:تجاهل شن
محمد:ترديش ع مكالماتي وتبيش تكلميني بكل
سارة:وعلاش بنكلمك انشالله وبنرد عليك
محمد:افهمي يا حمارة
سارة:مش حمارة ني?معاش تقولهالي
محمد:حمارة وستين الف حمارة
سارة:برا اقلب وجهك
كيف جت بـ تمشي التوت رجلها وطاحت
سارة:ااااي?
جاها محمد يجري
محمد:خيره شنصارلك?
سارة:رجلي رجلي?
محمد:من وين
سارة:هني?
شد رجلها من مكان الضربة وباسها❤
انصدمت فتحت عيونها فيه?
سارة:شش ش شن اللي د درته توا?
حط صبعه ع خدها وقعد يحرك فيه
محمد:تنحى الوجع
سارة:اا ا اي?
نحت رجلها بـ طريقة سريعة مع انها قاعدة توجع فيها
محمد:سارة
سارة:شنو
محمد:نحبك
سارة:كييييف?
محمد:شنهوا اللي كيف نحبك!
سارة:بس ني وانت…..?
محمد:عندك وقت طوييل تفكري فيه بـ راحتك توا نوضي خشي هيا
شبحتله ودخلت بدون كلام ركبت لداري فوق وهيا متوترة
حط ايده وراه راسه وابتسم
:::::::
كملت مكالمتي وطلعت البرا لقيت محمد
انا:شنصار
محمد:اعترفتلها وتوا بنستنى ردها
انا:انشالله خير وغف…
قطع عليا
محمد:ناسيها من زمان خلاص توا هيا مرت خوي
انا:الكلب عصام حرام فيه الحفلة فوتها راه
محمد:تي اي معاش دايرهاله
انا:خش توا العشاء قريب يوتى
محمد:به هي
دخلت ركبت لـ داري لقيت سارة
انا:يا ولهانة انتي انزلي ضمي معاي المطبخ
سارة:متفقة معاه صحح?
انا:يس??
سارة:بري قدامي لا نعطيك بوكس توا
انا:به?
نزلنا ضمينا الـمطبخ وطلعنا وتينا العشاء حطينا للرجالة بروحهن والنساوين بروحهم لكن في نفس الصالة
عصام:محلااها السلاطة من دايرها
انا:ني
محمد:تي الطاجين تحفةة
سارة تحشمت ونزلت راسها
انا:سارة داراته?
محمد:حلو زي اللي داراته
بابا:تحشم ع وجهك وكول ولا انتلف لـ دارك
محمد:به يا حويج?
كملنا ماكلة قمنا ني وسارة الماعين غسلناهم وحطينا الكيكة الباردة مع عصير فراولة مثلج?
ماما:خطرها كلمتني نجاة ام فوزي الفاتحة الخميس هذا
بابا:ع بركة الله ملا ابدو من غدوا تشرو
ماما:اي تمام
سارة:الله بـ نبدا بنت خالة العروس?
محمد:عقبال ما تحطي صورتك في الفيس انا العروسة
بابا:به نوض من قدامي لا نخليك انت العروسة توا?
كلنا:?????
محمد:به?
ناض من جنبنا وسارة تحشمت ناضت وني قمت الماعين لحقتهاا
انا:سارة شن بتوافقي ع محمد?
سارة:تو تعرفي بعدين اتصلي بيه قوليله بنجيه للدار بنكلمه
انا:الدار مرة وحدة اهدي شوي
سارة:واطية?
انا:تو نكلمه??
كلمته وفرح
الكل رقدو وطلعت سارة لـ محمد وني رنيت ع فوزي
:::::
طقطق
محمد:ادخلي
دخلت سارة
سارة:?
#يتبع