رواية احببت متزوج(حقيقية)

#احـبـبت_مـتـزوج❤”حـقـيقيـة”
بـقلمـي✍أيــات صـالح”
الـبـارت…(10)
___________
انا:شنو??
محمد:اسمعي
انا:هااااا
محمد: عصام الفترة هذي مضايق خلينا نديروله مفاجأة ونفرحوه شوي
انا:اي فكرة حلوة❤امتي اما يوم
محمد:الثلاث هذا
انا:حلو اصلا الثلاث هذا جايتنا سارة بتبات معانا ومنها تحضر الحفلة
محمد:وعلاش بتجي?
انا:بطل برادة ومعاش تناشب البنت كله منك لين خليتها تجي مرة مرة مش زي قبل
محمد:تي به
كملت هدرزة ني ومحمد ودخلت داري رن عليا فوزي
فوزي:كيفها غرامي
انا:عال العال?
فوزي:كويس حبيبي ني توا كيف بـ ندخل للحوش نبدل ونكلمك
انا:تمام عيوني نستنى فيك?
::::::::::
سكرت من عليها ودخلت للحوش لقيت الحوش هدوء شفت جنانن”بنت سماهر” “وقيس ولدها”
شفت جنان قاعد ع الكنبة راقدة والـTV مفتوح
طفيته وغطيت جنان
دخلت الدار لقيت قيس في سريره وسماهر مهناش!!!!
طقطقت ع الحمام
انا:سماهر انتي هني?
سماهر:ا ا ااي
انا:اهاا تمام
بدلت دبشي ودخلت للمربوعة وسكرت الباب ورنيت ع غرام”
:::::::
انا:اووف خيرك تأخرت
فوزي:اسف حبيبتي
انا:عادي بنسالك بيبي
فوزي:اسالي
انا:توا حني وين بـ نسكنو?
فوزي:بعيد شوي ع اهلي شريته الحوش ني ومزال الاثاث نشروه ني وياك
انا:اممبه
فوزي:المهم الخميس هذا الفاتحة راه كلمت بوك وتفاهمنا
انا:يعني الخميس بتقعد حلالي?❤
فوزي:من اول يوم قلتيلي فيه نحبك وني حلالك❤
انا:ودخليش بـ تحكيلي يوم الخميس ع حياتك كلها
فوزي:حاااضر
انا:نحبك
فوزي:نموت فيك
دخلت سماهر ع فوزي نزل الفون بس ما سكرش المكالمة
سماهر:تحكي معاها?
فوزي:اي
سماهر:قاعدين تزوجتوش شن ما عندهاش من يشدها هيا?
فوزي:لا عندهااا من يشدهااا لـ درجة ان نحكو مع بعض عادي وسمحتش لحد يمسها وتحمل منه بالحرام?الفرق كبير وتوا اطلعي وسكري الباب وراك
سماهر:ماشي يا فوزي
طلعت سماهر وفوزي رفع الفون لـ وذنه
فوزي:اكيد سمعتي
انا:اي?
فوزي:ماتعدليش عليها هذي ما تسواش ظفرك حتى
انا:مش معدلة
فوزي:قولي شهر العسل وين?
انا:وين
فوزي:اسبوعين في تركيا واسبوعين في المانيا
انا:بجد?بس هلبا عليك
فوزي:تذكرة بتاع المانيا هدية من صاحبي وبعدين فيش حاجة اسمها هلبااا عليك انتي?
انا:ياحليلي وخلاص
كملت هدرزة ني وفوزي كلها حب وكلام معسل? وبعدين رقدت
_________
نضت الصبح غسلت وجهي وفرشيت سنوني لبست عباية ووشاح خاطريش نطرح?ومادرتش اي شي في وجهي فطرت ونوضت محمد فطر وطلعنا
دخلت للكلية لقيت غفران
انا:غفرونتي
غفران:اهلاا شج
انا:ععسل اسمعي اليوم جايتنااا سارة وبتقعد يومين بايتة عندنا دخليش فيك بتروحي معاي اليوم نمرو ع حوشك ناخدو دبش وتطلعي معاي للحوش
غفران:نشوف ماما قبل
انا:خليها عليا امك
دخلنا للمحاضرة وحضرناها كلها وطبعا محاضرة فوزي كلها نظرات لـ بعض وبس
جي وقت المرواح روح بيا محمد وركبت غفران معانا خدت دبش وامها قالت عادي
وصلنا للحوش
انا:ماماااا
ماما:جيتي
انا:ومعاي غفران
دخلنا للمطبخ سلمت ماما ع غفران
ماما:بنت خالتك شوية وتجي اركبي بدلي وتعالي ساعديني في الغدي وغفران حبيبتي بري ارتاحي انتي
غفران:لا والله ماصارت لما ندير معاكم
ماما:تمام تعالي هي
ركبت ني بدلت لبس شورط تلات رباع اسود لاصق وعليه تيشيرت نص كم زهري فاتح وخليت شعري مفتوح وطلعت
ساعدتهم في الغدي كان كسكسي بالحوت وطبعا غفران زادت عليه مبطن داراته والسلاطة ني?
جت سارة فتحتلها ماما
سلمت علينا وعرفتها ع غفران وقعدنا نهدرزو
سارة:صار خطفتي قلب عصام
غفران:هههههه
سارة:حي عليك كان طحتي في محمد نهارك مغبر
محمد كان وراها وأشر لـ غفران وليا ان نسكتو وني وياها شادين ضحكتنا
غفران:خيره محمد?
سارة:يبدا يتبورد عليك و24ساعة شاد راسك ويتسهوك
غفران:حي هههههههه
سارة:لكن فيه كاريزما والحق طيب♥اطيب واحد في خوته
غفران:شكلك تحبيه?
سارة:مشعارفة
قعد يوخر محمد بالشوي ودار روحه كيف دخل كح
محمد:اححم احمم
سارة:شكارة فححم
محمد:ع راسك?
انا:اهم بيبدو هي
غفران:??
محمد:اي شنج يا سارة
سارة:كان حلو قبل ماتجي
محمد:متاكدة?
سارة قعد وجهها احمر وشكت انه سمعها
سارة:بـ نوض نساعد خالتي
محمد:هههههههههه اهربي
مشت سارة ومحمد شافلي
محمد:بعدين وتيلي معاها موعد
انا:من عيوني?
وتينا الغدي بعد ما روح عصام وبابا واحمد وقعدنا نتغدو
كملو الرجالة وحني جي عصام جايب السفرة
عصام:حلو المبطن مشالله سلم ايدياتك يام
ماما:داراته غفرونة المبطن مش ني
شبحلها عصام من غير مايحكي ومشي وجعتها غفران اللقطة لكن فرحت انه حب اكلها
قعدنا العشية ني وسارة وغفران وجي محمد واحمد وعصام معانا
محمد:نلعبو صراحة او تحدي?
انا:اي عادي
سارة+غفران:هي
عصام:به
احمد:جيبو شيشة
جبنا شيشة وقعدنا ع شكل دائرة كلنا ولفينا الشيشة جت ع محمد واني
محمد:ص او ت?
انا:صراحة
محمد:من اكثر واحد تعزيه فينا
انا:كلكم❤?
لفينا الشيشة تاني جت ع سارة واحمد
احمد:شن حرف الاول من اسم كراشك?
سارة:ميم?
محمد ع طول فهم ان هو❤

قعدنا نلفو ونسالو في بعض لعند ما جت في عصام وغفران
عصام:ت او ص?
غفران:تحدي
هيا كانت متأملة يقولها نتحداك تقعدي يومين هني او نتحداك تبوسيني قدام الكل بس للاسف ما كانش هكي
عصام:نتحداك تروحي توا
كلنا شفنا لـ عصام ووقاحته انصدمنا فيه شفت لـ غفران اللي عيونها كانو مليانات دموع حرجها وخاصة قدام خوته وسارة ومعاش قدرت ناضت ركبت فوق ع طول
انا:حقير انت معقولة
عصام:عادي عطينا تحدي?
محمد:مش هكي عاد تلز فيها عيني عينك
شفت غفران نازلة وشادة شنطتها اللي فيها الدبش ع طول نضتلها
انا:غفران وين ماشية خليك تعدليش عليه
سارة:غفرونة والله انسجمت معاك ني اقعدي وراسك
شبحت غفران لـ عصام بكسرة وردت شبحتلنا
غفران:بـ نفد التحدي باي
طلعت غفران وني وسارة شفنا لـ عصام
انا:طول عمرك هكي اناني
ركبت ني وسارة لـ داري
محمد:بايخة راه البنت تحبك وصايناتك وانت فايتها
احمد:خليه لين تجي بنت امه تربيه
ناضو محمد واحمد وخلوه بروحه وهو مقتنع اقتناع تام ان اللي يدير فيه هو الصح
#يتبع