حائر بين اروقة الارض

الجزء السادس

صعب قلبك يكون بمكان وانت بمكان، الاصعب وقت تحسي بالحرمان…. وقت تكوني عم تتمني شي ويختفي ويصير حلم…. والاسوا من هيك انك تعيشي واقع عبارة عن سواد
سامحني…. نفسي احكيها بس مو طالعة لا من قلبي ولا حتى قادرة انطقها بلساني
سامحني لاني كنت بدي كون الك وافرح معك… وشوف البسمة مرسومة على وجهك
سامحني لاني خذلتك واليوم عم اتحرك لعند غيرك
سامحني لانو انبعت…. اي انبعت لغيرك وانقبض حق حريتي
بس هاد ما بيمنع انه عقلي وقلبي وروحي ملك الك

دخلت علي ماما كرمال اطلع لعند الناس برا حضنتها وبكيت بكل قهر اطلعت لبرا كانوا عم يطبلو ويرقصوا ويزغردوا
وانا كنت بعالم ثاني كنت عم اتطلع على البيت يلي اولدت وتربيت فيه بكل زاوية فيه قصة و حكاية
أخذت باستنشاق ريحة البيت لحتى اتضل بذاكرتي
أوقفت عن باب البيت عم اتفرج عليه باخر مرة وقف بابا جنبي كرمال ياخذني للصالة
سهى : ليه هيك عملت فيني
ابو سهى:شو كان بدك اعمل تنحبسي
سهى: يا ريتك خليتني انحبس مو احسن من الموت يلي رايحة اله
ابو سهى: هيثم بحبك وانا متأكد راح تكوني مبسوطة
سهى: انا بعمري ما راح اسامحك لاني قتلتني و قتلته
ابو سهى: لمين
سهى: ولا حدا

أوصلنا الصالة و اخذني هيثم من بابا كنت مستغربة الهدوء يلي هو فيه ما كان معطي اي ردت فعل لا فرح ولا كره و لا حقد و لا شي
بس انا ما كان يهمني هالشي لاني صفيت بلا حياة و بلا مشاعر كان بدي احكي بس مع علي

خلصت مراسم العرس و الكل روح على بيته
دخلت على بيتي يلي هو قبري دخلتني ماما على غرفتي و طلعت ضليت قاعدة على السرير و كل تفكيري بعلي اله اربع ايام ما حكى معي صح كنت خايفة عليه بس حمدت ربي اني مو قادرة احكي معه ….
يا ربي كيف راح تصير حياتي من اليوم اخ يا علي حكتلك لا اتسافر خلينا انبلش من الصفر سوا شو عملت بحالك و فيني …
انتبهت على تلفوني عم يرن برقم خارجي و بسرعة رديت
صوته والله صوته ما عاد طلع مني الا شهقات و بكى
علي: يا عمري انتي مالك
سهى: ليه هيك عملت
علي: والله يا عمري صار عندي ظرف و تلفوني ضائع
سهى: انا عم بموت يا علي يا ريتك ما رحت
علي: شو هالحكي عم بتخوفيني انتي
سهى: اي خاف و حس فيني انا انتهيت يا علي
على: شو في
سهى: بدي اياك … بدي نكون سوا حياتي جحيم من دونك
علي: لا عاد تبكي أن شاء الله كل شي بنحل

حسيت في حركة قريبة من الباب سكرت التلفون كامل و خبيته
انفتح الباب و دخل هيثم يلي كان عم يتمايل يمين و شمال وقف قدامي عيونه بعيوني
هيثم: شفتي كيف صرتي بالاخير الي
سهى: بعمري ما راح كون الك
عم يتطلع عليها بنظرة خلتها اتخاف و تتوتر ومليون فكرة سيئة اجت ببالها
قطع حبل أفكارها بصرخة بوجهها خليها ترتعب و تقوم تتخبي بزاوية الغرفة
هيثم(بكل برود): حياتك راح تكون معي جحيم
بس بقلبه (عم بحاول يهدي من حاله و بركض لعندها يحضنها ويحكيلها مو بحبها بس كبرياءه ما بسمح بهيك اعتراف)
صدقيني راح احرمك السعادة حتى ابسط حقوقك ما راح اتحصليها
سهى (بقوة): طول ما انا عايشة على حب علي انا اسعد إنسانة بالدنيا
ما اتحمل هيثم كلام سهى وكمان كان سكران كل كلمة منها عم تتدخل على قلبه بتقطعه مليون قطعة
قرب لعندها بروح المحب يلي ما صدق أنو حبيبته صارت اله و ملكه
بس لما قرب عليها و مسك فستانها و صرخت بأعلى صوت بإسم علي
نار الحقد اشتعلت بقلبه وقرر ما بكون حنون معاها و قرر تعذيبها بطريقته
اغتصبها اغتصب حبها ل علي …. اغتصب حقها كإنثى بإختيار شريك حياتها …

______________________________________
بيوم و ليله حلم عايشين كرماله خلص انهار حياة جديدة بلشت اتعيشها سهى كلها هم و وجع….
يوم كان يوم هيثم معي مليح و يوم كنت اقضيها ضرب و إهانة…..
مرت 6 شهور وانا يلي كان مهون على هالعيشة صوت علي كنت أحاول قد ما فيني ما احسسه بشي و اني مكملة حياتي عادي و وقت ما احكي معه يكون عنده علم إني بكون بالشغل
بعرف هالشي غلط بس انا كان بدي حياتي تكون مع على
ازا هو فكر انو هيك اخذني من حب عمري هو غلطان و كثير كمان علي راح يضل معي بقلبي و بحياتي..
عن أي حياة عم احكي و بلكي رجع علي شو لازم اعمل راح اترك هيثم و ارجعله هو اكيد راح يتفهم وضعي
بس صار يلي ما كانت حاسبة حسابه كانت حامل بالشهر بالثالث
________________________________________
صافن بوضعه والتغير الكبير بسهى ما عادت مثل اول تحكي معاه
معقول بطلت اتحبني طيب كيف وانا بحسها مشتاقة إلى بكلامها
عندي احساس صاير شي بس هي عم بتخبي على
أفضل شي اني ارجع على البلد

فتح الأب توب و دخل يشوف كيف الأوضاع بالبلد بدخلت رانيا لعنده
رانيا :يعطيك العافية شو عم تعمل
علي: رانيا انا انا قررت ارجع على بلدي ما عاد فيني اتحمل هالبعد
رانيا (بصدمة) : كيف يعني
علي:عندي احساس في شي صاير هناك
رانيا:طيب وانا بدك تتركني هون لحالي
علي: رانيا احنا بالأساس ما في شي بينا وانا حكتلك ما بفكر بالارتباط حاليآ وانتي ارضيتي بهاد الشي
رانيا : خلص ما بدي احكي بالموضوع هلأ
علي : لا تزعلي مني انا ما بقدر على زعلك
رانيا : بعرف بس ترجع بلدك راح تنساني بس بدي اتضل متزكر شغلة وحدة بس اديه انا بحبك
علي: لسى ما قررت ارجع بس اتأكدي اني راح أضل بحياتك

طول النهار و رانيا عم بتحاول تكون قوية وما تنزل منها لو دمعة وحدة
علي: ما بدك اتروحي
رانيا : لأ روح انت عندي كم شغلة بدي خلصهم
علي: مع السلامة

رفضت أنها انضل وطلبت الحرية دموع رانيا بكت على الوهم يلي عايشة فيه … على كل لحظة حست انو ممكن علي يحبها …

عماد : لسى ما روحتي
رانيا : لأ
عماد : شبك رانيا اليوم من الصبح هالدمعة بعينك
رانيا : ولا اشي
عماد : انا بعرفك مليح شو صاير معك
رانيا : علي
عماد : شو ماله علي احكي
رانيا : خلص قرر يسافر بس انا متأكدة انو راجع كرمال شي برأسه كإنوا زواج او ما بعرف هيك حسيت
عماد : هدي حالك انتي يا رانيا متمسكة بحبال الهوا بتعرفي من الاول انو علي ما حدا حاط احتمال لو واحد بالمئة انو يحب هون أو يكون أسرة كل همه متى يرجع على بلده هدي حالك و لا عاد تبكي بس بقلبه عم يحكي (لو تعرفي أدبه مبسوط انو علي راح يسافر وخصوصي انو راح يبعد عنك بلكي بتحسي بحبي الك)

_______________________________________
سهى: انا اتعبت ما عاد فيني اتحمل هالعيشة
هيثم : هالعيشة انتي اخترتيها و اخترتي كيف لازم تكون
سهى: انت يلي فرطت علي هالشي
هيثم : بس انا كنت حبك
سهى: الحب مو هيك الحب تبادل مشاعر تفاهم انت عارف اني ما بحبك وبحب علي و مع ذلك اتزوجتني
هيثم: بس علي ما عاد موجود
سهى: انت عارف انو موجود
هيثم : انا هلأ زوجك هالكلام ما اله داعي وما ضل شي لتيجي لمى على حياتنا
سهى : ما في شي راح يتغير
_________________________________________
بعد يومين
رانيا : اتفضل القهوة
علي: يسلمو
رانيا : لساك مقرر اتسافر
علي : احتمال انزل هاليومين بس لازم صفي كل الشغل هون
رانيا : بعرف خبرني الدكتور عادل بس انا صدقني انو وضع البلد مو مليح هالفترة انا برإيي اتأجل سفرتك
علي : ما حكيتيلي ليه عم تسألي
رانيا : ما بعرف بس قلبي مو مرتاح
علي: على شو انو ما تلاقو دكتور غيري
رانيا : لأ مو هيك صدقي بس مو مطمنة على سفرتك
علي: ولا انا متطمن على شي بالبلد بس الي سنين بعيد وصار لازم ارجع احساسي بحكيلي ارجع سرقتني الغربة من بلدي خايف هالغربة تلغي الشي الحلو يلي هناك أو انسي ليه انا هون
رانيا : بس أهدى انت هلأ أن شاء الله كل شي بكون مليح

قلوب راح تتفرق و تبعد …. و قلوب راح تتجمع كيف وشو راح يصير
يتبع