حائر بين اروقة الارض
الجزء الرابع
يا الله شو صعبة الغربة يا سهى اي مكان من دونك بكون غربة
انا ما كان الا بدي اشتغل و ارجع ابني حالي كرمال نعيش سوا مرتاحين بس راجعلك لو بدها تخرب الدنيا كلها
شو بدنا نعمل ازا وقتا ما عاد صالح للحب صار صالح بس للحرب…
يا ترى شو عم تعملي هلأ يا محلا ذكرياتي معك هي يلي بتهون علي غربتي
سهى: شو دكتور ما ضل حدا بالعيادة يلا لنسكرها
علي : اي احسن هيك بعد هاليوم المتعب بطلعلي اسرق مثلاً ايدك أو نظرة من عيونك
سهى: حبيبي شو هالكلام الحلو هاد و الغزل انا ما بتحمل
علي: هاد مو غزل هاد حب
سهى : بتعرف شو انا كثير بكون مرتاحة و مبسوطة معك
شتقتلك يا نور عيوني هالذكريات هي يلي بتخليني اضل اتنفس وبتعطيني حافز اضل اشتغل و اتعب و مستعد افني حياتي المهم كون معك وهلأ لازم روح على الشغل
__________________________
نهار جديد على سهى ما كانت عارفة شو ناطرها صحيح الحب حلو وانك تحب انسان يعني تحب الحياة بس لما يتقلب حبك لكره لحقد هون المصيبة
بالمطعم …..
مدام ديانا : انا هلأ بدي المدير شو هالمطعم هاد
سهى: خير مدام شو في
ديانا : رحت على الحمام و تركت الشنطة برا طلعت ما لقيت اسوارتي فيها
سمر: مستحيل هالشي اتأكدي
ديانا: فتشت و انا متأكدة تركتها بالشطنة
سهى : شو في
ديانا : اي انتي صح مو كنتي بالحمام
سهى: اي صح كنت بالحمام احمد وقع القهوة علي وكنت عم نظف الثياب
ديانا : لعاد ما في غيرك اخذ الاسوارة
سهى : احترمي حالك يا مدام
هيثم : خير شو في هون
ديانا : في اني نسرقت بمطعمك و ما في غير هالبنت
سهى : فشرتي انا مو بحاجة اسوارة انا الحمد لله شبعانة من بيت اهلي
ديانا : انا بدي اسوارتي بهدوء أو بتحبو اعمل مشكلة و جيب الشرطة
هيثم : طولي بالك مدام مشو معي على المكتب و انتي و احمد
سهى: انا ما اخذت منها شي الله يلعنك يا احمد بس انت والقهوة
هيثم : شو يا احمد خبرني القصة
احمد : راح احكيلك كل شي صار سهى كانت تتفرج على مدام ديانا وقت راحت على الحمام وانا متأكد انها هي يلي أخذت الاسوارة
هيثم : ليه متأكد
احمد : اول شي لأنها هي يلي ضربت فيني
سهى: العمى شو انك كذاب
هيثم : بس سهى
احمد : انا شفتها لما حطت الاسوارة بالخزانة تبعتها
سهى: لهون وصلت معك اي روح شوف الخزانة ما فيها شي
بعث هيثم احمد و كمان معاه سمر لحتى يشوفو الخزانة و بالفعل الاسوارة كانت فيها
سمر يلي اول ما شافت سهى حضنتها مستحيل صدق انك تعملي هيك
سهى: ليه شو في
احمد : هاي الاسوارة كانت بالخزانة
ديانا: انا بدي بلغ الشرطة
سهى: هالشي مستحيل انا ما سرقت شي
هيثم : مدام ديانا ممكن احكي مع سهى بس ثواني و بعدها القرار الك وانتو كمان لبرا
سهى: انا ما سرقت شي
هيثم : انا كنت قدامك وكنت مستعد اغرقك بالمصاري
سهى: عم احكيلك ما سرقت شي
هيثم : الاسوارة كانت بالخزانة و في شهود و المدام رح تبلغ الشرطة كله هاد معناه السجن أو …
سهى: أو شو
هيثم : ممكن اساعدك و اقنع المدام تنسى القصة بس بمقابل تتزوجيني
سهى: مستحيل هالشي ما بقدر اتزوجك
هيثم : خلص لعاد انسجني
سهى : بس انا ما سرقت شي
هيثم : انت غبية راح اطلب الشرطة و صدقيني انتي يلي راح تترجيني لاتزوجك
سهى: السجن علي اهون ما اتزوج حدا غير علي
هيثم : علي يلي تركك و هرب برا البلد
سهى: علي ما تركني و لا تحكي عليه بدك تجيب الشرطة جيبهم
هيثم : ماشي يا سهى
وبالفعل اجت الشرطة و اخذت سهى قدام كل يلي بالمطعم
المحقق ناجي : كيف يعني ما سرقتي الاسوارة كانت معك
سهى : ما بعرف كيف وصلت لعندي بس انا ما سرقتها
ناجي : اي براحتك رح تعترفي بطريقتنا نزلوها لتحت
الو شو اعمل مثل ما خبرتني ولا اخفف العيار
هيثم : لأ شو تخفف بدي تعذبوها لحتى تستوي على الاخير بدي بس اخلص مع اهلها و يجو لعندها دغري توافق
ناجي : تمام مثل ما بدك
بعد اربع ساعات طلعت سهى لعند ناجي ملامح وجها مو مبينة من الضرب
ناجي : والله الشباب مشتغلين شغلهم صح المهم اهلك هون
دخل ابوها و امها لسهى يلي امها وقت شافتها شهقت بصوت علي على منظر بنتهم
ابو سهى : عاجبك هالشي هاد
سهى: بابا انا ما اخذت شي انت عارف بنتك
ام سهى : الله يرضى عليكي يا بنتي وافقي على زواجك من هيثم و الله أنه شب محترم اجى و خبرنا القصة و أنه مستعد يساعدك
سهى : بس يا ماما
ابو سهى : ما في بس القرار الي هلأ عرسك بعد اسبوع
__________________________
يا الله اديه كان في مراجعين اليوم الله يعطيكي العافية
رانيا : الله يعافيك دكتور
علي: ممكن اعزمك على الغذا
رانيا : اي اكيد
طلب علي الاكل و بلش ياكل و عيون رانيا عم بتابع كل حركة إله
رانيا : بتعرف انك رايق كثير و انت عم تآكل
علي: ههههه الكل بحكيلي هيك
رانيا : انت ليه سافرت و وين اهلك
غص علي لما اتذكر اهله و قامت بسرعة رانيا من خوفها عليها اعطتته كاسة مي و قعدت بجنبه
(يا الله ما احلاه عن قريب )
انتبه علي على نظرات رانيا و حس بشو عم بتحس اتجاه قام بسرعة وراح ع التواليت
دخل بسرعة و وقف قدام المراية
(معقول تكون معجبة فيني مستحيل هالشي…طيب لو صح شو اعمل ما بدي اجرحها أخبرها اني بحب ..طيب هيك راح تنجرح اكثر و ما بنسى انها وقفت معي… افضل شي احاول اتجنبها)
رن تلفونه وكانت سهى
علي: عمري و حياتي
سهى(بخنقة):بحبك
علي: وانا كمان بموت فيكي شو مال صوتك
سهى: ولا اشي
علي: كيف ولا اشي شكلك كنتي عم تبكي صار معك مشكلة بالشغل كرمال اتأخرتي
سهى(ببكاء):اي كرمال هيك
علي: خلص يا عمري لا تبكي انا الحق علي لاني سهرتك ما رح خليكي تتأخري بالسهر
سهى: علي
علي: عيون علي
سهى: شتقتلك كتير يا ريتك ما سافرت
علي: عم بتخوفيني صاير شي
سهى: لأ ما في شي دير بالك على حالك المسا بحكي معك
سكر علي الخط و باله مو متطمن حاسس انو في شي
__________________________
ماجدة : شو مالك يا عمري الك يومين عم تسرحي كثير
رانيا : ولا اشي ماما ما في شي
ماجدة : على ماما
رانيا : بصراحة في دكتور اشتغل عنا جديد …. وخبرت امها كل القصة من وقت شافت علي اول مرة
ماجدة: وانتي شو حاسة مشاعره
رانيا : ما بعرف اوقات بحسه مهتم فيني بس اوقات ما بعرف
ماجدة : كل شي بوقته حلو يا ماما اتركي الايام هي تحدد هالمشاعر
رانيا : على خير
عند سهى
سمر: بكفي يا عمري حاجتك بكى ليه ما خبرتي علي
سهى: ما قدرت مستحيل خبره هيك شي
سمر: شو رح تعملي
سهى: ما بعرف بس ما بقدر اجرح علي هو تغرب كرمالي
سمر: بشو عم بتفكري
سهى: رح خفف اتصالاتي بس ما رح اتركه
سمر: بس انتي رح تتزوجي بعد اسبوع
سهى: احكي رح موت بعد اسبوع
سمر: يا عمري انتي بس كمان لازم تتركي علي
سهى: مستحيل انا بموت من دون علي
سمر: كيف رح تقدري تحكي معه
سهى: حكتلك راح قلل اتصالاتي معه
سمر: وازا رجع
سهى: ما بعرف وقتها شو اعمل
سمر: نفسي اعرف كيف صار هالشي
سهى: راح انجن من التفكير وما طلع معي شي كيف وصلت الاسوارة للخزانة
__________________________
هيثم : هاد حقك احمد و انتي كمان ديانا وانت ناجي مشكور يا صاحبي
ناجي : المهم انك استفدت بالاخير يلا سلام لازم ارجع على المخفر
احمد : تسلم ايدك بدنا خدمة تحرز بالاذن انا
هيثم : شو ضل بدك
ديانا: انت عارف شو بدي
هيثم: مو وقته هلأ
ديانا: شو هالتغير انت طول الوقت بدك ولا خلص رح تتزوج
هيثم : لا تحسبيها زواج هاد حساب و لازم يندفع
ديانا: ايوا رح اعمل حالي صدقت بس مبين الحب بعيونك يلا باي
هيثم ( مع حاله) انا صحيح كنت حبها بس هي رفضتني أكثر من مرة و انا ما حدا بقدر يرفضني
لازم تتدفع ثمن هالشي
يتبع