حائر بين اروقة الارض
الجزء الاول
الو كيفك يا عمري شتقتلك
_ وانا كمان شتقتلك
_انا …….. انا خلص مسافر بكره
_…ل..أ…لا…..تر..روح
_كرمالي و كرمالك لازم روح شايفة الوضع
_يلعن ابو الحرب خليك جنبي ما فيني بدونك
_ ولا انا بقدر اتنفس بمكان انتي مو فيه بس لازم أمن مستقبلنا
_ خايفة
_من شو ؟
_من البعد وخايفة هالبعد يكبر اكثر و اكثر و ما عاد شوفك
_لا تحكي هيك انتي راح تضلي العمر كله معي بقلبي و بعيوني و بعقلي انتي رفيقة دربي يلي رح تكون معي بكل خطوة …. لأ لا تبكي يا عيوني انتي
_ راح اشتقلك
_ انا من هلأ مشتاق
_ كيف رح تسافر
_مثل هالعالم تهريب بالبحر
_بس خطر عليك
_على الله ايماني بربنا كبير
هاد كان اخر تلفون مع سهى وانا بالبلد يلي ريحة الموت صارت العطر المشهور ببلدي يلي صارت دمار بس مع هالشي بتضل احلى بلد بعيوني…. بس العيشة صارت صعبة كثير فيها ما فينا نجيب رغيف الخبر خايف اخسر حب عمري كرمال هيك قررت اعمل مثل ما الناس بتعمل هاجر لبعيد كرمال احسن و ضعي و اكيد راجع لاني مثل السمكة ما فيه بلا سهى وبلا البلد…..
بعرف انو الهجرة عن طريق البحر صعبة كثير و كثير ناس ماتوا فيها الصغير قبل الكبير
عرفتكم عن سهى ونسيت حالي انا علي عمري ٢٧ سنة خلصت طب اسنان و كان عندي عيادة جنب بيت اهلي….. اهلي يلي اخسرتهم مثل ما كثير ناس ببلدي خسرو …صاروخ واحد كان كفيل يأخذ الإنسان و الجماد و كل الحياة ….
ما ضللي حدا غير سهى يلي كانت امي و ابي و كل اهلي عوضتني بحبها عن الم فقدانهم و خسارتهم
__________________________
كانت تشتغل عندي بالعيادة يعني طول الوقت سوا حياتنا سوا
سهى : صباح الخير
علي: يسعدلي صباحك يا صباحي انا
سهى: يخليلي اياك القهوة جاهزة
علي(بخبث): ما راح اشرب قهوة
سهى(بحزن ):ليه
علي: جاي نسرين راح اشربها معاها
سهى(بعصبية):سم اللهي ومشيت كرمال تتطلع من الغرفة
هههههههه لك تعي يا مجنونة دخيلو انا يلي بعصب بسرعة
سهى: لو سمحت عندي شغل انا
علي: انا شغلتك بالحياة انا وبس
سهى: البركة بنسرين ام اسنان
علي: تشربيني قهوة و لا اشرب شي ثاني
سهى: لا ثاني و ثالث بعد عني
علي: ما حزرتي …..لوين بدك تهربي لازم اعاقبك كرمال ثاني مرة اتشكي فيني
سهى(بخجل): خلص اخر مرة الجرس عم يرن
علي(بخيبة): رحمك مني الجرس
طلعت سهى لبرا و لقت نسرين
نسرين : صباحوا يا حلوة علي موجود
سهى : لأ مو موجود بس الدكتور علي موجود
نسيرين : هههههههههه ما اخف دمك
علي سامع الكلام من جوا و حس راح يصير مشكلة طلع لبرا حبيبي سهى في مراجعين
نسرين نصدمت و ما عاد طلع معاها الكلام
أما سهى يلي حست بالنصر : الآنسة نسرين وصلت
نسرين : اي تذكرت عندي موعد ضروري برجع بعدين
طلعت نسرين مقهورة وعلي بلش يضحك عليها : ارتحتي هلأ ست سهى
سهى: اي اكيد العمى شو انها غليظة
علي : هاي طارت الزبونة تعي حاسبيني
سهى (بعفوية):هئ ما بدي
علي : اي براحتك هلأ برن عليها يخليها ترجع
سهى: لأ لا لا خلص هاي الحساب
علي : بس بوسة وحدة
سهى(بخجل): بكفي بلا طمع يلي على الشغل
هيك كانت حياتي مع سهى فرح و حب و حياة نسيت انو عايشين بحرب من الاساس كانت الملجأ إلي …
كرمال هيك كان لازم اعمل شي يخلينا العمر كله سوا وخصوصي بعد هاليوم يلي كل شي صار فيه رماد العيادة الحلم يلي عشت من الطفولة بدرس كرمال حققه بثواني صار مجرد تراب …. بس الحمد لله انو ما كان حدا بالعيادة وقتها……
صفيت لا اهل و لا بيت و لا عيادة رحت قعد ببيت عمي بمحافظة ثاني بس كانت خطر لانو القصف شغال فيها
ما كان هالشي بهمني كنت زعلان على شي واحد انو شوفت سهى صارت صعبة كثير و الاتصالات ضعيفة كثير
كنت امشي مسافة طويلة كثير بس كرمال الاقي شبكة اقدر احكي فيها مع سهى
علي: كيفو حبيبي
سهى(ببكاء): يا عمري انت اشتقتلك انت مليح موجوع فيك شي كيف الوضع عندك
علي: ههه يا عمري انتي انا الحمد لله بخير وصرت احسن وقت سمعت صوت الوضع عنا ممتاز
سهى: لا تخبي علي انا بحس فيك
علي: ما في شي بس مشتاق لعيونك مشتاق ضمك
سهى : وانا. كمان اشتقتلك كثير يا كل حياتي انت
__________________________
خلص اجى اليوم يلي صار لازم سافر فيه بس ما فيني روح من دون ما ودع سهى ….
هربت من عشرات الحواجز و القناصين لحد ما قدرت اوصل لعندها رنيت عليها
سهى: لسى كنت عم فكر فيها
علي: بشو يا عمري
سهى: انك قدامي عيوني بعيونك
علي: اممممم وازا كنت قدامك هلأ شو راح تعملي
سهى: راح ارتمي بحضنك
علي: طيب يلا معك دقيقة انزلي فيها يا راح حضني عليكي
سهى: انت هون
علي: راح تخلص الدقيقة
ما في ثواني وصارت حياتي بين ايدي الهم و العتب يلي شفته بالشهر يلي كنت بعيد عنها فيه راح روحي رجعتلي
سهى: شتقتلك… شتقتلك … شتقتلك
علي: وانا يا عيوني
سهى: كيف هيك بتيجي لهون مو خطر عليك
علي(بغصة): اجيت اودعك
سهى(بحرقة و ما عاد طلع الكلام معاها): خلصت نويت
علي: غصب عني
سهى: لا تروح كل شي بتصلح
علي: ما راح اطول بوعدك
سهى: وانا راح استناك العمر كله
علي: تعي بحضني
بس قربت اوصل لمكان السفر رنيت عليها كرمال يكون آخر تلفون بالبلد مع حب عمري
ما قدرت احكي كثير معاها بكاها حرق قلبي بس مجبور اسافر وبعرف ما راح كون مبسوط وانا بعيد بس رح ارجع كرمال ضل العمر كله معها
طريق جديد راح يبدا ما راح يكون هين على علي شو ناطره برا البلد وهل قراره صح