حائر بين اروقة الارض
انك تتغرب على بلد أجنبي يعني رح تعيش حياة رفاهية كلها مصاري و عز هيك الكل بفكر وأنك رح تصير البنك المتحرك لكل الناس يلي بتعرفهم ….
ما بعرف انو يلي بتغرب بتغرب عن كل شي عن الحياة كلها وما أصعب انك تترك وراك ألم و وجع كمانشمس سابع يوم طلعت على علي و هو قاعد على كرسي بحديقة كل يوم عم يصحى بدموع عيونه وكل تفكيره وين راح ينام اليوم وهو أساساً مو عارف شي بهالبلد…
رمى حمله على رب العالمين و راح يشتري شي ياكله
شفت هالصبية الحلوة كمان اليوم مثل العادة بهاد الوقت بتكون عم تشتري بس يلي ما بعرفه انا ليه مهتم فيها كثير و صرت اعرف وقت جيتها على المطعم و اجي حتى هي كمان عم تتطلع فيني حسيت انها بتعرفني يا الله شو بتذكرني فيكي يا سهى
راح روح احكي معاها مرحبا
_ اهلين
_ممكن أسألك سؤال
_اتفضل
_ انتي مشبهة علي شي لاني بحس انك عم بتراقبيني
رانيا : نعم
على : قصدي انك بنحكي عربي وانا زمان ما سمعت حدا بيحكي عربي هون
ىانيا : ليه انت من وين
علي : من سوريا
رانيا (بحزن): سوريا يا سلام انا ابي من سوريا بس امي اجنبية
علي : اه عرفت ليه بتحكي عربي منيح
رانيا: انا صح ابي سوري بس عمري ما رحت عسوريا ولا شفتها بس بسمع عنها وحزنت كثير للحرب اللي فيها والناس اللي بتمووت و بتهاجر منها
علي( بحزن) : وانا من هدول الناس اللي اتغربت وانجبرت ابعد عن بلدي
رانيا : الله يفرجها يا رب و يرجع يعم الامن و السلام و يرجع كل انسان لحضن الوطن….انت شو بتشتغل هون
علي : ولا شي اساسا ما بعرف شي هون
رانيا : وشو كنت تشتغل
علي :دكتور اسنان
رانيا : شو حلو بتعرف انا بشتغل بالعمارة يلي قبالك هاي كلها اطباء واحنا بحاجة لدكتور اسنان
علي : جد عم تحكي
رانيا : اي جد تعال معي
علي: بس
رانيا : من دون بس
وفعلا طلع معاها على العيادة و بلشت دوام فيها و ساعدتني اني ألاقي مكان اتأجره وأهم شي جبت تلفون
المسا لأول مره من وقت سفري بنام على سرير حسيت براحة كبيرة وانو هلأ بلشت حياتي وراح بلش بتحقيق حلمي مسكت التلفون و رنيت على حبيبة قلبي
سهى: السلام عليكم مين
علي: وعليكم السلام
سهى: علي… علي.. هاد انت
علي: اي انا يا عمري كيفك
سهى(ببكاء) : يا قلبي انت شتقتلك طمني عليك كيف وضعك وكيف السفر وين عم بتنام شو عم تاكل
علي : ههههههه يا عمري انتي وحدة وحدة الحمد لله وضعي كلو تمام بلشت شغل براتب ممتاز يعني سنتين ثلاث و بكون عندك
سهى: بدي استنى كل هالوقت كثير
علي : معلش يا عمري المهم نكون سوا
سهى: المهم كيف شغلك وكيف وضعك بالبلد تعرفت ع حدا
علي: اي في رانيا هي يلي دبرتلي الشغل و البيت و كمان الخط
سهى(بغضب ) :و مين هاي بالله
علي: ههههههه كإنوا في حدا غيران
سهى: سألتك مين هاي
علي:اعطيني بوسة لحتى احكيلك
سهى: ما في بدي اعرف مين هاي ولا بسكر الخط
علي: لأ شو تسكري ما صدقت اسمع صوتك
وخبرها علي للمجنونة قصة رانيا
وقضى طول الليل و هي يحكي مع حب عمره هيك لحد ما غفيو الاثنين
__________________________
اما عند رانيا
كانت قاعدة مع أهلها بس كل فكرها عند علي يلي ما بتعرف كيف هيك ساعدته من دون ما تعرفه
بس في شي جذبها إله طيب عادي اني أساعده شب متغرب عن بلده طيب ليه عم فكر فيه انا هلأ
معقول….. لأ مستحيل كون تكونت مشاعر اتجاه هي بس مجرد مساعدة مو اكثر أساساً انا ما بعرف عنه شي بلكي متزوج
ثاني يوم بالعيادة
رانيا : صباح الخير كيف كانت ليلتك
علي: يسعدلي صباحك يا رب الحمد لله ممتازة وكل الشكر الك
رانيا :ما عملت شي انا تشرب قهوة
علي: ازا من تحت أيديكي اكيد ما بحكي لأ
رانيا : ثواني و بتكون جاهزة
قاعدين عم يشربو القهوة و كل واحد سارح بخياله
علي يلي كان كل تفكيره عند هالمجنونة يلي ضلت سهرانة للصبح و اكيد راحت عليها نومة وما راحت على شغلها)
رانيا يلي شايفة هاللمعة بعيون علي و كل فكرها انو هي المقصودة
__________________________
عند سهى
يلي صحيت متأخرة يا رب الساعة 9 اخ منك يا علي كلو منك بس ريتك تقبر قلبي ما بشبع منك و لا من كلامك
اصحي سهى عندك شغل
وصلت على الشغل مقطوع نفسها
سمر :هيثم بدو ياكي
سهى: صباح الخير بالأول
سمر : رايقة كمان
سهى: حكى معي علي
سمر: جد طمنيني عليه
سهى: ههههه بس لشوف السيد يلي جوا
سمر: ييييييي اي يلا بسرعة
دخلت لعند هيثم يلي اول ما شافني قام لعندي بسرعة
هيثم : فيكي شي صاير معك شي
سهى: ليه شو في
هيثم : ليه اتأخرتي
سهى:اسفة استاذ بس اتأخرت بالنومة
ضرب الطاولة هيثم بكل عصبية خلت سهى على شوي يوقف قلبها و ينزلو دموعها مليون مره حكتلك لا تحكيلي استاذ
سهى: اسفة عن اذنك
هيثم : بدي اتزوجك
سهى : انت عارف اني رافضة
هيثم :مو على كيفك انتي إلي
سهى: انا بعمري ما رح كون إلك
قرب هيثم على سهى يلي دب الخوف قلبها و بلشت ترجع لورا لحد ما ضربت بالحيطة
هيثم : انتي إلي غصب عنك انا ما حدا بحكيلي لأ على شي فاهمة أعطيتك فرص كثير بس خلص خلصو حبي إلك تحول لكره و راح اجيبك لعند كندرتي عم تبكي و هلأ نصرفي من وجهي
طلعت سهى و أخذ هيثم تلفونه
الو اي معك اسمع علي مليح خلص اعمل يلي اتفقنا عليه بكره الصبح بدي كل شي منتهى
معقول ممكن الحب يتحول لكره بيوم من الايام شو راح يعمل هيثم مع سهى