احببتك من دون علمك

الحلقة : 6

من رواية : احببتك دون علمك ..

____________________

صقر رقد وهوا فرحان علي الاخير ..

…..

اليوم التالي في الكلية …

رواسي : يابقرتي واخيرا شفتك
????

شدي : ههههه حضنت رواسي
اي ولله ياعمري واخيراااا ..

رواسي : ???
احكيلي شن الحل يابقرة
امس مارقدتش بساهل

شدي : بتهرب من رواسي
ايه حقت جبت صور بياني امس طلعوا الصور
وقولت انتي اول وحدة تشوفهم ..

رواسي : نست كل شيء

جددددددد
وريني حبي خلي نشوف من احلي
ههخخخ مش رح نجامل ..

شدي : شوفي الصور علي راحتك ونبي
ذوقك يالحب اما احلي بدون مجاملة علي قولتك ..

رواسي : اكيد حبي احلي
وتعالي جاي انتي وين ماشية

شدي : نشري امياة
وشوية حاجات ونجي

رواسي : شادة الكتالوك في يدها ..
اوك بري بسرعه وتعالي باش نعلق علي كيف كيفي ..

شدي : وسخه ههههه
ومشت ..

رواسي : هخخخخ خلي نشوف قريد
شدوووو كان تسمعني بس الما تنتفني

فتحت اول صورة نصدمت
قعدت تقلب في الصور بصدمة ..

حطت يدها علي فمها بصدمة
مستحيل ياربي غمضت عيونها
تهدي اعصابها …

بس صاحبتي تحبه ومرتاحه
مش رح نخرب عليها

شدي : جاية من الكافتيريا .
مستغربه في منظر تعابير وجه رواسي
وحركاتها الغريبة ..

رواسي حبي خيرك

رواسي : لالالا لا شيء ياقلبي
سكرت الكتالوك ماشاءالله حلوين مع بعض

شدي : رواسي خيرك كلك علي بعضك مش تمام
شن ماعجبوكش الصور ولا كيف

رواسي : حاولت تتمالك نفسها
لا بجد طالعة تهبلي ياروحي
انتي احلي بهلبا الحق ..

شدي : رواسي اني اختك مادسي عليا شيء
نعرفك زي نفسي شن صاير

رواسي : شدو حبي خيرك مافي شيء
وصدقيني لاقين علي بعض بشكل يجنن

شدي : حولي مش رح نخليك
تضحكي عليا بكلمتين وتفوتي عليا

قعمزت وربعت رجليها ويلا توا احكي شن صاير ..

رواسي : صدقيني مش رح يعجبك كلامي
ياشدو

شدي : واني حاسة اصلا يلا
احكيلي شن صاير

رواسي : شدو حبي توا خلاص الماضي
وفات ومشي صدقيني مافيش داعي نفتحوا مواضيع فاتت ليها وقت …

شدي : فهميني رواسي حبي مش قادرة
نفهم عليك

رواسي : سؤال وبصراحه
انتي مرتاحة مع خطيبك صح

شدي : الحق مرتاحة

رواسي :

تحبي هلبا صح

شدي : ونموت فيه تصدقي امس بس ماكلمنيش قريب هبلت ورقدت زعلانه منه

رواسي : الله يهنيكم ياعمري ..
خطيبك يشبه لي محمد لي كنت نكلم فيه
هذا كل الموضوع ..

شدي : بشك وخوف

قصدك هوا مش يشبهله صح
رواسي بليز مادسيش عليا

رواسي : هزت راسها بمعني اية
وشدت يد شدي

انتي اختي قبل لاتكوني صديقتي لو تحبيني حق وتتمنيلي السعادة طلب بس

شدي : بغصه
عيوني ليك ياعمري

رواسي : رد بالك تخسري محمد
انتي وهوا لايقين علي بعض صدقيني
حرام تخسرو بعض

شدي : صدقيني بعد اليوم صعب نقعد معاه
وانتي عندك مشاعر وتحسي واني مستحيل
مستحيل وسكتت بتبكي ..

رواسي : بضحكة
اية صح كلامك خوك لعب بمشاعري
وخلاني الليل كله نحلم بيه وسخ زي اخته

شدي : مسحت دموعها بفرحة
جد يعني انتي نسيتي محمد
ومعدش تحبي متاكدة رواسي

رواسي : بفرحة ولله جد ياعمري
تعرفي اني زعلت خايفة انك تسيبي محمد
لااكثر ولا اقل وبعدين الدنيا نصيبات
وانتي تستاهلي كل خير

شدي : تبكي وحضنت رواسي نحبكككك
يامجنونتي انتي غالية عليا ولله ..

رواسي : واني نحبك ولله ياعيوني ..
الله يهنيكم مع بعض ياعمري سامحيني لاني كنت رح ندس عليك

شدي : تمسح في دموعها بطفولية
كنت رح نزعل منك بجد ..

رواسي : ههههه سوري ياقلبي ..
اي شن الحل مع خوك كيف ننسئ قولتي
الوصفة يااختي ..

شدي : هههههه
ياهبله خلي كل شيء في وقته حلو
وانتي ديما مستعجلة …

رواسي : افففف
ولله خوك زودها معاي هلبا الحق

شدي : اويلي اناااا
علي العشقان

رواسي : تفففف عليك هيا مجرد
مشاعر ورح تمشي مع الوقت يالحب بعدين خوك مايعرف شيء عليا يعني حب من طرف واحد او بمعني اعجاب …

شدي : تضحك بكتم صوت
ومن قال اصلا من طرف واحد …

هههخخخ

رواسي : طنشتها وتاكل في الشكولاته

????
___________

عند صقر ومحمد في الكافي ..

صقر : ههههه ولله هبلت ياصاحبي
في جرتها ..

محمد : هههه بنت امها خلاتك تجري وماتدري

صقر : صحه ليها ولله ..
تعرف اليوم بروح بي البقرة خطيبتك باش نشوفها
من بعيد ..

محمد : ههههه الله يعين
شن رايك حتي اني نمشي ونشوف خطيبتي
لي مهبلتني ???

صقر : تحلم ياروح امك عندك سيارتك
امشي براحتك ..

محمد : بنمشي معاك غصب هي

صقر : هههههه
من يومك نذل تصدق …

محمد : طالع لي ولد خالتي وراثة يااخي
اسمع امتي بتمشي

صقر : كيف بيتكلم ..

البنت : عفوا ممكن شوي من وقتك

صقر : شاف للبنت تفضلي اختي اية خدمة

البنت : بمياعة بصراحه انت طرف هلبا
وعجبتني شن رايك يعني لو نعطيك رقمي
ومش رح تندم

صقر : يشوفلها بتقزز
اني مش بتاع المواضيع هادي
عندي اخت ونخاف عليها وبعدين اصلا خاطب

البنت : هههههههههههه
قلبت الكافي بضحكتها قصدك تبيني نصدق كلامك
وحطت الورقة ومشت وقعدت تأشر
بمعني نستني في فون

محمد : يشوف زي الاهبل ومش مصدق

صقر : لونه تغير كل العيون عليه
قعد يهزب فيها ليه ليه

محمد : ههههههه
ولله ياعليك حالة وخلاص البنات ضاعوا
في جرتك

صقر : اقسم بالله ضاعوا من عند ربي قلة رباية
ومطيحني فيهم الخلايق هدوم اني

متعصب الاخ

محمد : ههههههه
ولله كان منظرك تحفه وانت تهزب بصوت واطي

صقر : و تعرف انك وسخ وناض بغل

محمد : هههههههه
غير بشوية طيرت الدنيا معاك

صقر : ياريت اطير معاهم وتفكني من وجهك
مش عارف اختي شن لي حببها فيك

محمد : الزين هذا كلة وتقول شن حببها فيا
يخسسسس عليك نحسابك بتمدح ولد خالتك
طلعت نذل

صقر : ياسبحان الله ديما معبي دوة
الله يصبرك ياشدووو ياقلب خوك

محمد : هههههههه
افتح السيارة وانت ساكت ..

صقر : بناخد حبوب صداع بجد
تقول بوزنان ..

محمد : فنص عيونه القدام
يلي ماتستحي اني بوزنان

صقر : اي الحق وحاس روحي ظلمت البوزنان
ونبي نتأسف منه

محمد : حدف صقر بالميدالية
جد حقير وشد فونه يبعث في مسج لي شدي

صقر : مش مصدق قصدك تحشمت علي وجهك وسكتت

محمد : مش معاااه نهائي

صقر : نكلممم فيك يازفت

محمد : بخلعه هاااا شن تبي ياخرا
تكلمنا ماعجب سكتنا ماعجب شن تبي هااا

صقر : بشوي يهد شيطانك ان شاءالله
وانت نصرعت عليا تقول متخلف

شدوها ناقر ونقير وهدرزة
في الاخير

_________________

شدي : بعتلي مسج علي اساس يصالح فيا

رواسي : حاسة بشوية زعل علي روحها
بس لعيون صديقتها كل شيء يهون ..

عاتبي شوي وبعدين سامحي

شدي : بعتتله مسج عتاب
وشدتها هدرزة مع رواسي

رواسي : اففففف الباص مش رح يجي
اليوم تصدقي ..

شدي : خلاص اني اروح بيك يالحب

رواسي : لالا ياقلبي توا نكلم حد من الشباب يجيني
وبعدين باش علي اساس بنت خالتك بتحول معنا ولا مصارش …

شدي : بتروحي معاي ونتهي الكلام
وبنسبة لي منار توا اروح نشوف شن صار معها
انتي تعرفي خالتي كيف طبعها صعب
هلباااا

رواسي : بجد صعبة وظالمة مع احترامي

شدي : بأسف
بجد اسفة يا رواسي ماكنتش نبيك تاخدي اية فكرة غلط علي عائلتي بس لكل انسان وطبعة

رواسي : اي ولله اصلا اني نسيت كل شيء
انتي الله يعينك يالحب

شدي : اية حقة ماحكيتلكش شن صار مع صقر اخر مرة مع بنت خالتي

رواسي : بفضول
احكيلي شن صار ..

شدي : …..

رواسي : بغيرة وناااار
بجد حقيرة كيف قدرت تتصرف هكي
يناري علي خالتك اكيد زعلت وامك كيف تصرفت في موقف زي هكي

شدي : بجد كان موقف صعب
وردة فعل امي كانت مع خوي صقر لانها عارفة طبع احلام بنت خالتي لو تبي شي توصله لو بالغصب

رواسي : بحقد
توصل عينها الوسخه هادي

شدي : هههههه
غير وين المطافي بس النيران حرقت
الدنيا ..

رواسي : تحشمت
هههههخ وسخه تففف

شدي : هزت كتفها
سمعت فونها خوي صقر يتصل عمره طويل

رواسي : ههههه
افتحي المايك ..

شدي : اوك حبي هههه

الووو صقور

صقر : كملتي ولا مزال

شدي : كملت

صقر : اطلعي معنها

شدي : اوكي بس بنقولك بنوصل صاحبتي
بالاول اوك ..

صقر : اوك بس من فيهم .

رواسي : تحشمت وقعدت تأشر توا نتصل بي خوتي

شدي : مطنشتها
رواسي

صقر : بفرحه
نستنا فيكم معنها

شدي : هههه اوك حبي

صقر : قعد يواسي في روحة
ويبخ في برفانه ويساوي في شعره …

محمد : غير لا ولله

صقر : الحب يالحب بنوصلها
وسعيد الاخ

محمد : وانييييي نقول خيره تقول ركبه عفريت هههه

صقر : طنشه ..
???

جت شدي ورواسي

محمد مش منتبه لي رواسي شاف شدي لان رواسي جت من الطرف التاني بحيث يشوفها صقر لكن محمد لا …

صقر : ?????

رواسي : شفاته قريب هبلت وقلبها طبول طبول
????
نست ام محمد وسنينه

شدي : شافت محمد وجعها قلبها
لكن بعدين ضحكت في وجها من بعيد
قررت رح تنسي الماضي ..

اصلا مش رح تقدر تفسح لان الكل رح يزعل وغير انها تحبه موووت ..

ركبوا الكل ومافي حد منتبه سواء من رواسي ولا محمد …

شدي الوحيدة لي فاهمه كل شيء
وفرحت علي الاخير لما عرفت ان رواسي مش وعطه اية اهتمام سواء لي صقر وخدودها الموردات
وخوها لي قريب يخترق المرايا

?????

________________

عند منار …

بدت حكم كل وقتها هدرزة علي مروان
مروان فرح علي الاخير لما عرف انها بتمشي نفس كلية اخته …

مروان : حبيبتي بالك محتاجه حاجة ومتحشمة تقوليلي …

منار : حضنك

مروان : مش منتبه لي كلمتها
شن قولتي

منار : قلبك

مروان : سمعها قعد يبتسم

قلبي كله ليك ياعمري
اني كلي ليك اصلا مش قلبي بس

منار : بخجل
ربي مايحرمني منك ياعمري
نحبك حياتي

مروان : واني نموت فيك
اسمعي يابنت الرومانسية هادي كلها هلبا علي قلبي المسكين ..

منار : ههههههه بدلع
حراااام عليك بلعكس شوية في حقك ياحياتي انت

مروان : بدي يصفق وغني في اغاني مضحكة

ومنار ميتته ضحك عليه وعلي جوه المرحي
لي ديما يخلي فيها تضحك رغم وحدتها
بس معبي كل وقت فراغها ..

وتحمد في ربي بوجودة في حياتها

مروان : حبييتي كلمتي المامي
اني نبي نتقدملك ولا مزال

منار : الحق مزال لكن رح نحاول
نكلمها وان شاء الله خير

مروان : خير ان شاءالله
اني نقولك علي حل احسن شن رايك

منار :

شن بصير تابعوني ..

شن ردت فعل محمد لما يعرف لي كانت مع شدي حبيبته السابقة ….

وكيف بيتصرف مع صاحبه المجنون رواسي

وصقر لو عرف هل رح يتخلي علي رواسي
والا رح يزيد يتمسك بيها

وشدي كيف رح يبداء تعاملها مع محمد
وهل رح تصارحه ولالا …

وشن الحل بتاع مروان
وهل رح يخلي امها توافق ولالا ..

الكاتبة : ÉMåñ Ålbåshå

نحبكم …