احببتك من دون علمك
الحلقة : 16 ..
من رواية : احببتك دون علمك …
_________________???
شدي : يابنت عيشي اللحظة صدقني صقر
مضايق منك انك ماحكيتيش مش لانه خسر ثقته فيك ..
رواسي : بحزن
مضايقة وربي ياشدو فرحتي مش كاملة من جهة خوي مطنشني ومنها خالاتك خربوا كل شيء حلو
ومنها صقر زعلان ولله هلبا عليا الضغط
شدي : هونيها تهون ياقلبي ..
رواسي : ان شاءالله خير وخلاص شن بندير
شدي : جبدت رواسي
يلا الساعة هادي احدفي كل شيء وراك
وافرحي وعيشي اللحظة ..
رواسي : انتي مهبولة للعلم
شدي : نعرف ..
انظموا البنات لرقص واماني وايناس
وبدت المنافسات ..
وام رواسي وام شدي يتفرجوا ويضحكوا
رواسي نست همها وغيرت جوها مع بنات عمها
وشدي ونسون خوتها …
كان جوووهم خياااال …
تمت الحفلة علي خير الدوا وصلت للراجلة بس طنشوهم وقالوا نسون و تفاهموا في بعض
????
طق طق طق
رواسي : منوووو
نفتح الباب ومد راسة ممكن ندخل
رواسي : بخلعه مروان اي اي خش
مروان : خش لدار كيف حالك اليوم
رواسي : عيونها معبيات دموع
بخير
مروان : قرب منها وحضنها
رواسي : تفجرت بكي
مروان : قعد يطبطب عليها خلاص يالمجنونه
سادك بكي …
ومبروك ياعمري ماشاء الله طالعه تهبلي بكري
رواسي : معدش زعلان مني
مروان : هوا اني نقدر نزعل منك اصلا
ماكنتش زعلان منك زعلان لاني معدش بنشوفك
وقعد يمسح في دموعها
رواسي : بدلع
معدش تقول هكي بعدين كيف شفتني بكري
مروان : قام حاجب سرررر
رواسي :
هيااا قولي ????
مروان : يانفاخه شفتك لما سلمتي علي بوي
كنت غادي بس انتي مش منتبها ..
رواسي : اهاااا
???
مروان : اكيد تعبانه قولت زعلتك هلبا خلي نجي اراضيك .
و توا تصبحي على خير
رواسي : شكرا
وانت من اهلوا
مروان : سلام ياهبله
رواسي : ههه سلام
شدت فونها بحزن بعتت مسج
بس مافيش رد …
___________________???
شدي اول ماروحت ركبت لي غرفة صقر
صقر : حدف روحه علي السرير
بتعب من التفكير …
قعد يفكر في محمد الكلام متناقد
معدش عرف الحق وين …
وقرر يسأل محمد علي الماضي …
بعدين غير رائيه …
صقر خلي ثقتك كبيرة في حبيبتك
اي صح اني واثق في اختياري …
بس قرصة ودن مش اكثر باش وحكيلي في الجديد كل شيء …
بس ولله استحشتها المعفنه اخخخخ ياقلبي
منها وخلاص مش قادر نقسي عليها ولله …
قطع تفكيرة …
_ طق طق طق
صقر : تفضلي
شدي : اسفه علي الازعاج بس
الموضوع ضروري
صقر : شاف لي اخته بحزن علي حالها
نعم ..
شدي : اني عارفه انت شن قاعد تحس وحتي اني حسيت بنفس احساسك لكن بنقولك رواسي تستاهل كل خير حرام تظلم نفسك وتظلمها معاك
عيش اللحظة معها حرام ولله لو شفت شكلها بعد لاطلعت لاكنت رجعت وطيبت خاطرها
رواسي تحبك ياصقر واني كنت نعرف كل شيء وقولتلها الافضل انك ماتحكيش وتخلي كل شيء للماضي وماكانتش تعرف ان محمد ولد خالتي
الا الفترة هادي ..
صقر : بهدوء اطلعي برا
شدي : اوكي بس خلي كلامي في راسك
لو ضيعتها انت الخسران مش هيا
وطلعت
صقر : شد راسه بيدة
شاف مسج رواسي تعود من الشيطان وسمع كلام اخته مش رح يخسرحب حياته علي خاطر ماضي
اتصل بي رواسي
رواسي : بصوت مبحوح من البكي
الووو
صقر : وجعه خاطرة
الووو حبيبتي
رواسي : سمعت كلمة حبيبتي
تفجرت بكي
صقر : خلاص ياقلبي اهدي
مافيش داعي للبكي هذا كلة ..
رواسي : صدقني مش قصدي ندس عليك اية نقطة
بس بس
صقر : خلاص انسي حبيبتي معدش ادوري خلي الماضي للماضي اني قولت من قبل مايهمش
الماضي بس يمكن لاني تعودت علي صراحتك هذا ليش زعلت ..
رواسي : تمسح في دموعها
جد
صقر : جد ولله
رواسي : مش رح تسيبني
صقر : ولا حتي في احلامك
معاك طول العمر ..
رواسي : ????
صقر قعدت يجاكر فيها
رواسي تضحك عليه ..
ورجعوا زي الاول وافضل
_________________???
محمد فرحاننن سعيد علي الاخير
واخيراااااا رح يرجع حب حياته …
خش علي اخته اعطيني فونك
منار : بخوف علاش
محمد : قتلك هاتي اني
منار : مدت فونها هاااك
محمد : شوية ونجيك
منار : افففففف منه
ياربي مايشوف كلامي اني ومروان
محمد : خش علي سجل المكالمات
بعت مسج لي رواسي …
منار : وين فوني …
محمد : خدي منها الشفرة هاك فونك
والشفرة نبيها
توا انتي استعملي الشفرة هادي حاليا
منار : فنصت عيونها علاااااش
محمد : مافيش داعي لاسئلة الزايدة
وديري لقتلك عليه
منار : بستسلام
ماشي هات الشفرة
محمد طلع ومعاه الشفره
ركبها في فونه …
وقعد يبتسم بحب خبث لي فكرته
لي يفكر فيها …
___________________???
احلام وصلت للحوش قررت قرار ورح تنفذة
قعدت تتصل بي علي ..
مافيش رد نهائي بعد
13 اتصال
رد
علي : بملل الو شن تبي
احلام : ببكي اني حامل ياعلي
علي : ههههههههههه يا####
تبيني نصدق ان البيبي مني بري شوفي روحك مع مني غلطي وحملتي ياماما اني عقيم
احلام : ولله منك مافي حد قربني غيرك
علي ارجوك خلينا نرجعوا لبعض ونصلحوا كل شيء
علي : بسسسسس سادك رغي دوا
و بعدين اما غلطة تحكي عليها انتي سلمتي روحك بأرادتك مافي حد ضربك علي ييدك
احلام : تبكي والحل يعني
علي : الحل بري شوفي مع من غلطي
تاني واني مستحيل ناخد وحدة رخصت روحها
لتريس
احلام : ببكي نترجاك تزوجني شهر بس وطلقني
مانبي منك شيء غير استرني الله يسترك
علي : واضح عليه سكران
انتي يال##### كان مزال تتصلي بي####
الما ندير فيك ال####
احلام : سكرت الخط وخشت في نوبت بكي
علي حالها …
اني جبته لي عمري اني نستاهل الموت
اني وطيت راس اهلي انيييي السبب
اني رخيصة ورخصت روحي
كنت غالية نظيفة عفيفه خليتهم يدوسوني
اخخخخ ياربي سامحني علي افعالي
ياربي كنت ظالمه ومتكبرة وشايفة روحي علي خلقك في الاخير نهايتي اسود من السواد
جبته لي روحي ليش بس ليش درت هكي
في روحي ظلمت نفسي وشرفي واهلي معاي
وتبكي بالعبرة علي حالها
بس بعد شنو
????
________________???
اسامة متكي علي فراشة ويضحك
ويشوف لي فونه بحب …
وقرر يسأل رواسي عليها لان واخيرا
عرف اسمها …
اسامة : اخخخخ حتي من اسمك حلو
ولله هبلتيني ياشدي يعطيك السلامة
مروان : ههههه لي واخد عقلك يتهني بيه
اسامة : ولله خداته ياراجل
مروان : بعباطة ..
قول ولله
اسامة : بستغراب
ولله علاش
مروان : يضحك بغباء لان حتي اني عقلي مسروق
اسامة : اقسم بالله مريض انت
باااهي
مروان : عارف روحي مريض بمرض فتاك ويسمي بأسم الحب
اسامة : ههههههه
الله يصبر مرتك عليك
مروان : اخخخخخ ياحظي غير نتزوج بس
معدش نبي نصبر
اسامة : اعوذ بالله
ونبي خلي نرقد خيرلي من وجهك
لي يجيب الهم ..
مروان : هي هي قال يبي يرقد قال الليلة لصباحي ياروح امك يلا احكيلي من لي خدت عقلك
ويرقص في حواجبة بخبث
???
اسامة : يسهوان
بدي يحكي بحب وماشي الاخ يخرط
???
مروان : بأنفعال
اقوواااا عليهم ياوحش
اسامة : وحش في عينك
وتوا دورك احكي …
مروان : يحكي بحب
ولله يالغالي لصار #### …
اسامة : طلعت مش هوين
ولله ..
مروان : حاط رجل علي رجل ريت ولا نعجبك
ياغبي واشحط روحك وبرا كلمها مدامها مضروبة
وطايح في دباديبها ..
اسامة : خلي نشوف اختك بالاول وبعدين
ساهل نبي نعرف شن موضوعها وان شاء الله خير
مروان : رايك المهم
اني توا نستاذنك عندي ماندير
اسامة : قصدك بتكلم الحب
????
مروان : فضايحي انت للعلم
اسامة : زابطك ياكلب
مروان : خليك في رقم غريب يتصل
الووو
منار : الو مروان
مروان : مناار
منار : اي رد بالك تتصل علي رقمي
راهوا عند خوي كلمني علي هذا
مروان : ماشي تمام اني شوية ونكلمك
منار : تمام
مروان سكر منها ..
هيا ماتبي شيء
اسامة : سلامتك منور
مروان : ماشي تصبح
اسامة : تصبح
_________________???
سهام : افففففف منها البنت هادي
مش عاجبني حالها بكل
كل يوم احرف من يوم
غدوا توا نشوف خير بلوتها
_____
سمية تغلي مع بعضها
اني تضربني قدام الناس ولله الما تندمي ياصفاء
حشمتني يحشم حالها كله في جرت الحربة
هادي
راجلها ?
خيرك يامرا ترحي مع بعضك
سمية : ارقد مافي شيء
ترااا خليني في حالي
فتحي : تصدقي الحق فيا نسأل فيك
وغطي روحه ورقد …
سمية : طلعت من الدار بغضب
وحقد وقهر …
?????????
اليوم التالي …
رواسي ناضت بسعادة صبحت علي العيلة
وجوها جميل ..
فتحت فونها لقت مسج استغربت في محتوي المسج
بس فرحت علي الاخير وسكرت الفون ..
وشدتها هدرزة مع العيلة ..
____________________???
شدي ناضت بحزن علي حالها ..
امس لليل كامل تتصل بي محمد مايردش عليها
توضت وصلت وقعدت تدعي
خلاص ملت من الوضع لي هيا فيه
بس في نفس الوقت خايفة تخسرة لانها تحبه
بدلت ملابسها ولبست توته خفيفه
وحطت من برفانها
فتحت فونها شافت المسج فرحت علي الاخير
وقعدت تضحك زي الختشة
????
_____________________???
شن بصير تابعوني …
نلقي تفاعل قوي انزل الحلقة الاضافية
بس بشرط يوصل
500 تعليق
ولله تعبت من بكري نكتب راهوا
عيوني بينضربوا ??
الكاتبة : ÉMåñ Ålbåshå
???