احببتك من دون علمك

الحلقة : 20

من رواية : احببتك دون علمك …

________________???

احلام وصلت للكافي

علاء : مقعمز يستني فيها

احلام : تبتسم لانها شافت علاء بس تلاشت ابتسامتها لما لقت علي قدام وجها ..

علاء : شافها ابتسم بنفس الابتسامة
بس لما شاف الطرف التاني يناشب في احلام
رقتله علي الاخير

احلام : بصد
حاولت تبعد من قدام وجه علي
بدون حتي لاتكلمة او تحط عينها في عينه

علي : بنذالة
وين الحلوو مسكر فونه
شكله في غيرنا خدي مكانا …

علاء : جي طيارة وبندفاع وصوت عالي
ان شاءالله خير خوي تفضل تبي حاجة

علي : شاف لي احلام شبحة استصغار

هه زي ماكنت متوقع اكيد رح ادوري حد غيري يمتعك و

علاء : سمع الكلام انهار ونزل علي علي ضرب
بحقدددد

علي : يضحك من القلب
شكلة واخد حبوب
???

احلام : ترعش مع بعضها

علاء باللهي عليك خلاص
شدت في اول طاولة قدامها من الخوف

الناس جت تجري وتحز فيهم
وعلاء مش مسيب كلام علي مزال يدور في راسه

الناس شدوهم الزوز وكتفوهم بحيث علاء معدش يقدر يضرب علي …

بس علي حب يقهر علاء
وبخبث

علي : هههههه تهني بالمستعمل ياحلوو
صدقني فيها هلبا ميزات حلوة ورح تعجبك
وغمزلة وفهمك كفاية ..

علاء : ظلمتتتت قدامه
وبدي يسبسب ويدف في الناس بعصبية مفرظة

وفعلا قدر يفلت من يدهم ونزل في علي من جديد
ضرب

احلام : ولت ترعش مع بعضها وتبكي بالصوت العالي من وجع قلبها من الكلام لي تسمع فيه وخوف من المنظر لي قدامها ..

كان كلام قاسي بمعني الكلمة
بس المنظر اسواء

حست بسيل دم من بين رجليها
زاد خوفها وبدت تعيط بأسم علاء بصوت عالي

علاء من الخلعه تلفت التالي وشافها كيف ترعش وخايفة نسي كل شي و جاها يجري بخوف ..

وعرف انها ???

طنش كل البشر وشالها وطلع يجري بيها لعيادة خاصة موثوقه …

علي مرمي علي الارض ويبكي ويضحك
والكل متأسف علي حالته المزرية ..

_____________________???

صقر : ياراسي اسمعيني لاخير

رواسي : بخوف
باهي حاضر

صقر : لي صار عارفه ولله ماهوا شوي لا عليك ولا عليا حتي اني يابنت الناس ..

رواسي : عارفه الكلام هذا

صقر : اني برغم من كل شيء صار قلبي ابيض وواسع ومانتمني لي حد الاذي بلعكس نتمني الخير
وكان نلقي نساعد الكل …

رواسي : اي ولله نعرف الكلام هذا شن بتعلمني فيك
ياصقر

صقر : عارفك تعرفيني
يارواسي اني كلمتني منار وطلبت مني خدمة
واني مابيتش نوافق قولت نخليك انتي صاحبة القرار …

رواسي : بستغراب
قرار شنو

صقر : محمد في غيبوبة ولو مافاقش منها بعد ثلاته ايام رح يعيش مقعد لباقية عمره ..

وضروري يفيق منها باش يخضع للعلاج الفيزيائي ويتجبر الكسر ..

رواسي : اية به يس اني مش فاهمه شن دخل
محمد في نص كلامنا ..

صقر : غمض عيونه لانه الموضوع بضغط باش رضي
لان منار قعدت تبكي وتترجعي فيه …

__ يارواسي منار ترجتني نكلمك بموضوع محمد
لانها عارفه لو كلماتك شخصيا رح ترفضي

رواسي : حالت صمت

صقر : بصوت تعبان
اني رح نخلي القرار ليك يارواسي

رواسي : بتفكير ..
اني موافقة

صقر : اني اسف يارواسي كنت نتمني مانحط في موقف زي هذا بس ولله اني بروحي وضاغط علي نفسي بسيف ..

رواسي : اني مستحيل نتمني الشر لي غيري
والتنازل ضروري منه صح غلط في حقي وهلبا بس مع هذا مش رح نرضي الاذي لغيري .

صقر : ربي مايحرمني منك ياغاليتي

رواسي : ولا منك ياقلبي
امتي نكلم منار

صقر : اني توا عندي ماندير انتي كلميها وشوفيها
وان شاء الله خير

رواسي : ماشي تمام دير بالك علي روحك

صقر : عندي من يدير باله عليا
???

رواسي : نحبك مجنوني هي باي

صقر : وحتي اني هي سلام

وسكر الخط ..

________________???

سمية : مشت لي العيادة لانها سمعت ان شدي مريضة ..

صفاء : شافتها طنشتها ..

سمية : بندم
اني اسفة يااختي سامحيني ولله الحق عليا اني
كنت السبب في كل شيء

صفاء : علي شن بنسامحك مثلا
علي انك خربتي حياة ولدك شوفي بسبب غرورك وتكبرك ولدك وين اليوم

شوفي حال بنتي شن صاير فيها ولا تحسابيني مش عارفه شن صاير راني نعرف كل شيء بس نقول خواتي عيب تحشمي علي روحك ياصفاء

بس لليوم وكافي سكتت بما فيه الكفاية
دمرتي الكل انتي والسوسة التانية

ورح تلقوني في وجهكم من هكي وجديد
وندمك خليه عندك لان خلاص معدش ينفع الندم

ومشت وخلتها ..

سمية : قعدت تبكي لان كلام اختها كله صح في صح
خشت لي غرفة شدي ..

وشافت حالة شدي قعدت تبكي
لانها هيا السبب فعلا لو عطت ولدها من البداية فرصة انه يعيش مع اختيارة رهوا ماصار هذا كلة

وطلعت بحزن ومشت لي ولدها في المشفي
من ثلاتة ايام وهيا في المشفي وحالتها بالويل ..

فتحي متقطع بين الشغل وبين
وبين حالة ولدة لي تخوف ومش مستقره

__________________???

عند احلام ليها قريب ساعتين وهيا في الحجرة

علاء ماشي جاي ماشي جاي
وام شدي من بكري تتصل وخايف يرد عليها يعرفوا شن صاير وتصير مصيبة كبيرة ..

طلع الدكتور من الحجرة ..

علاء : بخوف
شن صار يادكتور

الدكتور : ولله لاسف خسرنا الجنين
ربي يعوضكم فيه خير

علاء : مش مشكلة المهم طمني علي زوجتي

الدكتور : الحمد الله حالتها بأفضل مايكون

علاء : يعني نقدر نطلعها اليوم

الدكتور : بصدمة
مستحيل تقدر تطلع وهيا بالحالة هادي

علاء : بخلعه علاش

الدكتور : هادي حالة مرضية ووو

علاء قعد يتصل بي صاحبة بما انه مالك المشفي وفعلا كلمة وطلب منه خدمة واكيد صاحبة مرداش

بعد وقت جت سهام تجري بخوف علي بنتها
وحالتها حالة

سهام : وين بنتي

علاء : في الحجرة ياخالة

سهام : قعدت تبكي
شن كليتي يابنتي باش تسممتي بطريقة هادي
وقعدت تالمس في راس بنتها ويدها تشوف فيها منفخه ولالا ??? ..

علاء : عادي تصير ياخالة وضروري تقعد في العيادة يومين او ثلاته

سهام : اية اكيد بنتي ضروري تقيم صحتها
اكيد عوينه وضرباتك يابنيتي ..

علاء : واخيرا ارتاح ان الامور مشت علي خير
استاذن وطلع …

سهام : قعدت مع بنتها وقت وبعدين روحت لان العيادة ممنوع مرافق هكي نظامها …

واب احلام مش عارف شيء اصلا
لانه مسافر لية يومين ..

علاء قعد يفكر في كلام علي وقريب يتفجر بس مع هذا مستحيل رح يفرط في حب حياته بعد لا حصلها

مستعد يدير المستحيل علي خاطرها
وواجعه خاطره ان علي وصل فيها بطريقة مش حلوة ..

واحلام مزالت تحت تأثير المخدر
???

_________________???

صقر مقعمز في الشغل ويفكر في كلام منار
ومش متقبل فكرة رواسي تمشي لي محمد

وتحاول وفيقة من الغيبوبة ..

حاسس بغيرة قاتله ..
بس مع هذا يحاول يتمالك اعصابة ..

في الاخير ناض بغضب وطلع من الشغل

_____________________????

رواسي : اني جيت انتي وين

منار : اني شفتك خليك في مكانك

رواسي : حتي اني شفتك

منار جت بسرعه وحضنت رواسي
بجدددد شكرا شكرا شكرا
صدقيني مش رح ننسي معروفك طول عمري

رواسي : تسلمي مش بينا عيب عليك
بتوثر ممكن هيا ..

منار : شدت يد رواسي هيا ..

قدام غرفة محمد رواسي شافت لي شدي بمعني متاكدة

منار : اشرة بعيونها بمعني متاكدة

رواسي : كيف بتفتح الباب وقفها صوت

…….

____________________???

عند شدي ..

شدي : تبكي ومنهارة ..

اسامة : السلام عليكم

شدي : مش معاه اصلا

اسامة : خش شاف المحلول وخدي كرسي
وخلاه يصدر صوت جذب انتباه شدي

شدي : قعدت عيونها معلقات في اسامة

اسامة : توثر شوي
بس تمالك نفسة ودقات قلبه ..

وبدي يكمل في باقي القصة

وشدي : منتبها معاه بكل حواسها

اسامة : وقف علي نقطة اكثر تشويق
من الاول …

و بعدين بدي يحكي علي نفسة ..

شدي : مركزة معاه

اسامة : قعد يحكي علي مواقف صايرة معاه
احيانا تكون مضحكه …

وشدي : مرات تضحك ومرات تتأثر
ونست همها معاه

اسامة : بخبث قعد يحكي في قصة
صداقة وحب الصداقة لي بعض

شدي : ادكرت رواسي علي طول
وقعدت قلقانه كيف نستها وماكلمتهاش
كل الفترة لي فاتت

اسامة : حس انه وصل لمبتغاه
استاذن وطلع …

شدي : قعدت تفكر في كلام اسامة
وشوي شوي نسحرت فيه جاذبيته ..

اسامة فرح علي الاخير لانه خلاص حكم
وصل لي هدفة …

__________________???

سمية تتمشي وتفكر في الكلام لي قالته لي اختها حست روحها غلطت في حق اختها …

يعني هيا كل الموضوع تبي تحسسهم بندمهم
وتعطيهم درس …

لانها انسانة متواضعة وتحب التواضع
وخواتها زاد التكبرهم عند حده ..

وقعدت تتمشي وتتمشي لن وصلت
لحل اقتنعت فيه بينها وبين ضميرها ..

?????

مروان …

ياعمي فتحي مادور شيء انت توا خليك مع ولدك وعيلتك لانهم محتاجينك واني رح نستلم الشغل ..

فتحي : بأرهاق واضح
بارك الله فيك ياولدي ولله انك ولد اصل
الله يبارك عليك

مروان : فيك بارك الله عيب عاد انت زي بوي

كالعادة بروحه المرحية
وبعدين مش تنسي انت نسيبي وضروري نديرو الواجب باش ترضي علينا بعدين وقعد يغمز ..

فتحي : ببتسامة
وللهي ماهوا واخدها غيرك غير تهدي الاوضاع
وهيا ليك ..

مروان : هههههم ولله متقصر ياغالي
هيا توا انت بري شوف روحك والشغل انسي معدش تجي لن الامور تتصلح ان شاءالله

فتحي : ان شاءالله وسامحني ياولدي متعبك معاي

مروان : الرجال لبعضها يابوي ..

فتحي : الله يعزك ياولدي

ومشي …

مروان حدف روحه علي الكرسي ويفكر في معشوقته ليها وقت ماكلمتاش بس عادرها

وقعد فرحان لانه كسب بوها يعني هكي رح ياخدها وبساهل …

______??????_____

شن بصير تابعوني …

مش رح انزل الحلقة التانية لن نلقي تفاعل قوي
وهيا زي كل مرة نبي توقعاتكم ..

رواسي من بيوقفها …

وسمية شن القرار لي اتخداته ..

وشدي شن بصير فيها زعما ..

واحلام هل علي رح يسكت ولا رح يدر شي خارج التوقعات ..

يلا اعطوني رايكم لانه يهمني …

الكاتبة : ÉMåñ Ålbåshå

احبكم ولله ..

error: