احببتك من دون علمك

الحلقة : 14 …

من رواية : احببتك دون علمك …

الكاتبة : ÉMåñ Ålbåshå

_________________

وطلعت من الحجرة وقعدت تتمشي
وتشوف في المرضي شافت طفل صغير يجري جذبها جماله الملفت للنظر وشافت دكتور يجري جرته قعدت تضحك علي المنظر …

فجاءة الطفل جي جنبها …
خالتوا خالتوا هيا نهربوا من اهني بسرعة

شدي : بلطافة

نزلت لي مستوي الطفل
علاش حبيبي تبي تهرب من اهني

الطفل : بزعل
يبيو يدرولي الاحية في يدي ..

شدي :
اكيد لانك انت مريض صح

الطفل : يقوس في شفايفة بزعل
اية اني مريض

شدي : خلاص ياروحي انت بطل
ضروري تاخد ابرة باش تولي بطل قوي

_ شن اسمك ياحلو

الطفل : اسمي براء
بس اني نخاف بروحي تعالي معاي

شدي : ناضت وشدت يده
هيا تعالي ياحلو يابطل

الدكتور : يتفرج عليهم وساكت يتأمل فيهم
???

شدي : بأبتسامة ..
توجهت لدكتور هيا و الطفل

اسفة يادكتور البطل الشجاع يبي يضرب الابرة من دون خوف ..

الدكتور : بنفس الابتسامة
ماشي شكرا اختي ..

شدي : بخجل من الطرف المغبر لي قدامها
_ ولو العفوا ..

الدكتور : هيا يابراء

براء : بعناد
لالالا مش رح نضرب الابرة بدون الخالة

شدي : شافت لدكتور
من بعد اذنك اكيد هل بأمكاني نتواجد معاه

الدكتور : اية بأمكانك اشر بيدا طبعا تفضلي

شدي : شافت لطفل بحب ولطافة ..

براء : ببراءة مفرطة
خالة شن اسمك انتي

شدي : اسمي شدي يالعسول
وقعدت تلعب في شعره بيدها

براء : اييييي شعري لااا
توا اني هكي بنولي مش جميل

شدي : بعفوية
هههههههه ولله انك عسووول
وتجنن نزلت لتحت وعطاته بوسة ..

كله تحت سمع الدكتور ويبتسم لي تصرفاتهم بس بدون لاتحس علية شدي ..

واخيرا وصلوا للغرفة ..

شدي : تتفرج علي براء بزعل علي حالة

براء : مغمض عيونه بخوف

شدي : استغربت
وين اهله بس ماحبت تسأل
تحشمت من سؤالها يمكن يكون محرج او شيء من هكي …

لقت عيونها تلقائيا تمشي لدكتور الطرف هلبا
وقعت مسبوها فيه ..

ومش حاسة بروحها اصلا
?????

في خاطرها

الله يبارك علي الجمال ماشاء الله
هههه لما بنتوحم بنجي نتفرج عليه
يمكن نجيب طروف زيه
????

استغفرالله شن قاعدة نقول اني شكلي ختشت
والمشكلة مش اهني المشكلة انها قاعدة مسبوها فيه
زي المطرشة

????
__________________________

احلام : قررت تمشي للصيدلية الخارجية
وفعلا مشت …

لقت شخص قدام وجها …

علاء : انتي احلام صح

احلام : انصدمت بوجودة بس صداته لا غالط
مانيش احلام

علاء : لا اني متاكد انك احلام
ممكن تعطيني من وقتك شوية

احلام : لا اكيد
ولو سمحت ممكن تمشي في طريقك

علاء : احلام حسي بيا يا احلام راني نحبك
واني مظلوم صدقيني

احلام : واني مانحبكش نكرهك ممكن تمشي من قدامي خير مانحشمك قدام الناس ..

علاء : رح تكوني ليا صدقيني وغرورك مش رح ينفع معاي

احلام : بحزن واضح
اني مش ملك حد ممكن تبعد من عليا

علاء : سكت لانه لي اول مرة يشوف الحزن والانكسار منها ??

احلام : كملت طريقها خدت بندول ومضاد
وقعدت تسمع في الدكتورة بتاع الصيدلة تهدرز مع صديقتها علي اعراض الحمل …

نصدمت من لي تسمع فيه كله صاير معها طلبت تحليل حمل وحطاته في شنطتها وخايفه موتتت من لي قاعدة تفكر فيه يكون صح …

غمضت عيونها بحزن وطلعت
شافت علاء قدامها طنشاته ومشت …

________________________

عند صقر …

فتح السيارة تفاجاء ان محمد مش موجود
اتصل بيه اكثر من مرة بس مايردش عليه …

زاد نشغل عليه اكثر …

محمد : مقعمز علي شط البحر ومهموم
مضايق يشوف في اتصال صقر ومش قادر
يرد عليه …

صقر : طال الانتظار في الاخير قرر يمشي
حرك سيارته ومشي

محمد : بعد وقت
بعت مسج لي صقر وطمنه فيه ..

صقر : شاف المسج ارتاح
واتصل بي نور العين يطمن عليها وصلت ولالا

اخخخخ حتي هيا الكبيدة

___________________

عند شدي

الدكتور يكلم فيها وهيا مسبوها فيه
ومش منتبها الاخت ..

الدكتور : للمرة الالف

_ عفوا يااختي

شدي : واخيرا حست علي روحها
اسفة كنت مش منتبها بجد اسفة وطلعت طيارة بخجل …

الدكتور : قعد يبتسم لتصرفاتها
عجباته البنت وبقوي

شدي : طلعت متحمرة مع بعضها من اللقطة
تحشمت بقوي ..

حست بفونها يتصل …

قعدت تهدرز علي منار وتتمشي ومستمتعه
بالحديث ..

____________________________

منار : سكرت الخط قعمزت علي زيانتها
وتتكلم مع روحها ..

الحمد الله حسيت ان محمد تعدل علي قبل
وحس علي روحه واخيرا رح ينسي الماضي

هههههه ولله وطلعت رومانسي يامحمدووو
واني خايفة وقلقانه وهوا طلع ورود ولقطات
الاخ ههههه

الله يهينك يارب

حطت برفانها لي تعشقة نزلت تحت

_________________________

روحت احلام للحوش مع اهلها والاب الحمد الله صحته بخير واخيرا قررت ادير التحليل …

وفعلا دارت التحليل
وقعدت تستني في النتيجة …

بدت ترعش مع بعضها لا ياربي
شافت التحليل نهارت وقعدت تعيط
وتنذب في حظها الاسود

لالالالا
مستحيل يكون صح

وقعدت تبكي بقهر لليل تام

____________________

تمت فضانية والامور مشت علي خير …
مزال علي البيان يوم …

رواسي : تبكي يابنات قاعد يتجاهل فيا

اماني : علي اساس تصبر فيها
توا يرضي

ايناس : فوتي توا يولي بروحه

رواسي : لكبيدة راهو يابنات

ايناس : وشن قولنا احني مثلا

رواسي : مسحت دموعها وبدت تحط في راسها بعباطة

_ لالا شيء

اماني : الخوف يعيش ياكبدي
????

رواسي : الحق خفت منها
ههههههههههه

ايناس : وبدات منظري بكرشي الشبرين
اطلع طول ???

اماني : مقدمها كلمة اطلع طول

ايناس : اشبح مادورت الا الكلمة اطلع طول
شن واجعك ياحظي

رواسي : هبلتوا يغبر فيكم

نزلوا فيها ???

________________________

محمد كل مرة يدبل وشدي حاسة بالشي هذا
وبدت تحس في روحها شيء تقيل علي محمد

بدت تنهار بس مزال متمسكة بيه
حاطة في راسها انها رح تحافظ علي حب عمرها
ومش رح تستلم بساهل و رح تخلي يحبها زي ماتحبه

?????

_________________________

فات اليوم بسرعه واليوم خطبة
رواسي مشت للمزينه وطلعت تحفة …

كل العيلة تلمت العمات والخالات والصاحبات
والكل تبارك الرحمن قايم بالواجب من كل النواحي

عوالة الله يبارك …

وبعد وقت جو اهل صقر بي خالاته
طبعا ماعنداش عمات عمام بس …

سمية : حاسة روحها جاية من قبل للمكان هذا
وتشوف بنفس النظارات بتعالي ..

سهام : نفس الشي مش عاجبها لي قاعد يصير
بس ماعندهاش الجراءة وتتكلم

احلام : جاية بسيف وحاسة روحها متحطمة من جميع النواحي ..

صفاء : عاجبها كل شيء وتهدرز مع ام رواسي
ومطنشة خواتها لانه مش عاجبها تصرفاتهم

المهم كانت الضيافة افضل مايكون

رواسي : جت وقعمزت مع العيلة

سمية وسهام نصدموو من كونها نفس البنت

سهام : تنخص في سمية

مش هادي نفس البنت لي يبها ولدك محمد وميت فيها ولالا

سمية : هيا وراسك بس كيف صار هكي

سهام : مش عارفه ولله
قوليلي باش البنت صلعه كيف صار هكي

سمية :
زعما تكون مدايرة بروكة وتكدب علي اختي

سهام : تتوقعي كل شيء …
تصدقي ناس رخيصة زي هادي تتوقعي كل شيء منها

سمية : الما نفضحها الكلبة هادي دار روحها
بتضحك علينا وعلي اختي توا تشوف …

رواسي مقعمزة مع شدي وتضحك
وجوها جميل ونظمتلهم منار …

وتلموا بنات العم …
صقر بيدخل يلبس رواسي الدبلة
?????

سمية : تبتسم بخبث

سهام : هذا وقتك ياسمية خلي صقر ياخد بنتي احلام احلي منها ..

سمية : اي ولله بنت اختي اولي بيه

سهام : شافت روحها وخلاص ختمت ان احلام بنتهت لي ولد اختها ..

ناس مريضة وربي …

_________

منار شافت المسج بدت تبتسم زي الهبلة
وقررت تمشي لدار الدورج …

مروان : بحب الله يبارك علي الزين

منار : بخجل شكرا

مروان : حطي عينك في عيني
خلي نشبع عيوني بالعسل

منار : بخجل قامت راسها

ونهبلت في شكل مروان محلق وراسم لحيته
وطارح اخر طرحة ..

_____________________

الدكتور مقعمز وعقلة في مكان تاني
يفكر في لي خدت عقله بعفويتها …

شن بصير تابعوني …

نبي توقعاتكم …

الكاتبة :ÉMåñ Ålbåshå

error: