احببتك من دون علمك
الحلقة : 17 …
من رواية : احببتك دون علمك …
______________???
رواسي : تتصل بي منار …
هادي وينها وصلها مسج مشت للمكان المنشود وبعتت مسج لي منار تسأل فيها هيا وين بزبط
وصلها مسج علي اساس تقعد في نفس المكان
لن تجيها ..
رواسي ?
تتكلم في الفون ..
شدي : وينك يازفته انتي التانية
رواسي : اني مقعمزة نستني في القردة
لي توا ماوصلتش ودرهت كبدي بمسجاتها
لي زي وجها ..
??
شدي : ههههه وحتي اني ماتدرش عليا
خلاص اني شفتك من بعيد اني جاية حبي
رواسي : اوك حبي
وسكرت الخط وقعدت تلعب بفونها
تبعت في مساجات لي صقر وتبتسم
???
تسمرت في مكانها من الصوت لي سمعاته
قامت عيونها وكانت الصدمة ان محمد واقف
قدامها …
محمد : بأبتسامة وفرحة
مساء الخير رواسي
رواسي : بصدمةةة
محمددد
انت شن جابك اهني
محمد : رواسي اسمعيني باللهي عليك
ولله اني نحبك نبيك ومستحيل رح نخليك لي غيري
شدي واقفه خلفهم تسمع بصدمة
حاولت تبعد بدون لا يحسوا عليها وقفت في مكان بحيث تسمعهم وتشوفهم وهما لا
رواسي : بكره وقرف
واني مانحبكش ومانبيكش
خلاص كل شيء انتهي بيني وبينك
بمعني انت مجرد ماضي وخلاص انتهي
ولو سمحت احترم نفسك واحترم خطيبتك
لي تحبك وتبيك وصايناتك
حبها وصونها لانها تستاهل كل خير عيب عليك ولله
طلعت احقر من الحقير لاسف وللهي
محمد : بخنقة
رواسي اني شدي ولله العظيم ماقدرت نحبها زيك انتي مش قادر نحب من بعدك يارواسي حسي بيا
كل شيء صار بسبب امي
اني مظلوم يارواسي ولله ماقدرت ننساك بكل
بالعكس حبيتك وكل يوم نزيد نحبك اكثر
واكثر مش بيدي ولله
رواسي : خدت شنطتها تعرف انت ماتستاهلش حتي نتكلم معاك اصلا من اساسا …
محمد بخبث ونذاله شاف صقر جاي من بعيد
شد يد رواسي وقربها منه غصب
رواسي : بخلعه
سيب يدي يالحقير سيب
الناس مستغربين
محمد : ضاغط علي يد رواسي بالقوي
شدي : تبكي بقهر علي حالها
حطت يدها علي فمها بصدمة كبيرة
محمد : دار روحة يضحك وجوا حلو وشد خدود رواسي وعلي صوته بحيث يسمعه صقر
علاااش
حبي زعلانه مني هااا
صقر : شافهم وسمع الكلام جن جنونه
وهبللللللللل
رواسي : بعدت يدها بكره
حول من عليا خير مالم عليك الناس
يلي ماتستحي علي وجهك كيف وتتجراء وتمد يدك وتلمسني يالوسخ …
صقر ..
جيي يجري وضرب محمد بكس ونزل فيه ضرب
يالوسخ يالنذل ..
محمد : يمسح في فمه بحقد ..
ولله ياصاحبي لاني نحبك ونبي مصلحتك وريتك حقيقتها مش اكثر ياصاحبي صدقني هيا حاولت تغريني اكثر من مرة ..
رواسي : بصدمة
من لي قاعدة تسمع فيه صارلها ستك معدش عرفت حتي تتكلم وحتي الكلام هرب لما شافت الضرب والكلام زاد صدمها اكثر واكثر ..
صقر : بخيبة امل
_ تصدق انك عيل ومش راجل يا بوفته
محمد : جاي بيتكلم نصدم بشوفت شدي
قدامه ..
شدي : طلعت من خلف الغرسة وعيونها
دموع دموع نحت الدبله بأنهيار وحدفتها علي وجه محمد
انت انسان ماتستاهل حبي ليك ولا ثقتي فيك
ولله خسارة فيك كل شيء حلو بنيته معاك
ومشت وخلاته
رواسي : حطت يدها علي راسها
بصدمة معدش قادرة حتي توقف
وقعدت غير تبكي بصمت …
صقر شد يد رواسي وجدبها
بقوي يلا قدامي …
محمد مسح وجها من الدم
صدقني مش رح تكون ليك ياصقر رواسي ليا اني
والايام بينا …
صقر : في احلامك بس
ياعيل تصدق نيتي الصافية غلبت نيتك السودة لي زي قلبك …
ومشي وجدب رواسي معاه
رواسي تتحرك زي الدمية ..
محمد : حط يده علي راسه
خربت كل شيء بس هيا خاربة خاربة رواسي رح تكون ملكي غصبا علي الكل ولو كان نفتح جبهة علي خاطرها ..
__________________???
احلام ناضت الصبح صلت فرضتها
وقرت قرانها استغفر الله
وطلبت التوبة من ربي …
شافت فونها يتصل رقم غريب
ردت ..
الووو
علاء : الو احلام
احلام : الووو
بستغراب من معاي
علاء : اسمعي اني رح نبعتلك مسج باللهي عليك اقري وبعدها نقولك اني مني
احلام : ماشي وان شاء الله خير
علاء : عجبة ردها
سكر وبعت مسج علاش هوا سيبها
وشن كان السبب وكل شيء كان خدعه
طبعا احلام كانت تحب علاء مووت
بس اكتشفت انه يخون فيها ومع صديقتها
بس كان كل شيء ملفق من صاحبتها لانها حاطة
عينها علي علاء …
احلام نصدمت وكرهت كل شيء وبدت تنحرف وتكلم في الشباب وبدت شايفة روحها علي الكل
لانها شايفة انها لو تواضعت رح تنداس وتكون هيا الكرت الخاسر …
وامها تشجع فيها علي الانحراف
والتكبر والتعالي …
شافت المسج مع الاتباثات قعدت تبكي
تبكي علي نفسها لانها هيا الضحية في كل المواقف
علاء يتصل بيها مرة تنين ثلاثه
بس مافي رد
احلام منهارة بالكامل
حست روحها زادت تحطمت اكثر
…
علاء عاود الاتصال تاني وثالت ورابع ..
احلام : ردت بأنهيار
الووو
علاء : احلام اني نبيك ونبي نجي نخطبك
مستحيل تخش حوشي مراء غيرك
احلام : صدقني مش رح ترضي بيا ياولد الناس دور غيري اني مش ليك ..
علاء : بالعكس رح نحبك بكل ميزاتك وعيوبك
اني نبيك وشاريك ومش رح نخليك لغيري ..
احلام : بس اني اسفة مش رح نقدر نرضي
نظلمك معاي
علاء : علاش شن في احكلي شن صاير
احلام : نحكيلك قصتي ورح تشوف بعينك انك رح تسيبني هه
علاء : بحب احكي يااحلام
احلام : اني ……….
….
علاء : مصدوم
احلام : قتلك اني مش من ثوبك
هي مع السلامة ..
علاء : اني غدوا رح نجيب اهلي
ورح ناخدك المهم اني نحبك ونبيك
المهم ندمتي وتوبتي لي ربي وعرفتي غلطك
احلام : ببكي مانبيش الشفقة ارجوك
خليني نعيش وحيدة افضل
علاء : مستحيل نسيبك بعد لالقيتك
دورت عليك مش شوية وفي الاخير لما لقيتك تبيني نسيبك في احلامك بس
احلام : تبكي بحزن
اني اسفه
علاء : مافيش داعي لاسف
بس البيبي كيف بصير فيه
احلام : بحزن مش عارفه
علاء : خلاص اربوه مع بعض
ونكون اني بوه
احلام : ان شاء الله
وشكرا بجد
علاء : نحبك مش بيدي يابنت الناس
واني لي سيبتك واني لي نستاهل هادي ضريبة
اهمالي ليك
احلام : الغلط مني
???
بس الحمدلله رجعت لي احضان الرحمن
ورتحت
كنت بعيدة علي ربي لاسف
وهذا سبب كبير في انحرافي بسبب
بعدي علي الله
????
_________________????
منار : الو مروان …
مروان : بنقولك يابنت اني اليوم كلمت بوك علي الخطبة
منار : اي به
مروان : وقالي جيب الاهل وحاضر
منار : بحزن مروان حبيبي ممكن تأجل الموضوع
لي القدام شوية
مروان : علاش عيوني
منار : ممكن تأجلة بس لي وقت
ارجوك .ظ
مروان : حاضر حبيبتي
من عيوني توا نعتدر من بوك ونقولة صارلي ظرف وخلاص
منار : بجد شكرا حبيبي
مروان : ولو حبيبتي
ومتاكد في سبب بس مش رح نضغط عليك
اوك
منار : اوك
___________________???
عند شدي مقعمزة في السيارة وبجمود
تام
رواسي : منهارة مش قادرة تكلم شدي نهائي
وخايفة من ردة فعل صقر ..
حست روحها مخنوقة ومعدش عارفه كيف تتصرف فضلت الصمت ..
صقر وصل شدي للحوش …
ومشي بي رواسي علي شط البحر …
____________________???
اسامه : اليوم ضروري نكلم رواسي
ونسأل علي صاحبتها يمكن تكون مرتبطة
اي صح ضروري نسألها
وقعد لاهي بخدمته …
شن بصير تابعوني
يلا نبي توقعاتكم …
شن بصير ..
الكاتبة : ÉMåñ Ålbåshå
نحبكم ..