احببتك من دون علمك

الحلقة (3) ..

من رواية : احببتك دون علمك …

……………….

رواسي : شافت لي ايناس ..
بمعني شن صاير ..

ايناس : شافتلها بمعني مافي شيء مهم

طلع الدكتور وطمنهم ان السكر نزل نسبيا وحالتها تحسنت والخروج غدوا ..

رواسي : حمدت ربي ..

طلبت تقعد مع امها في المشفي بس الكل رفض
اطرت تروح دارت دش علي السريع بدلت ملابسها وتكت علي سرير ..

ورجعت بمخيلتها للخلف ? ..

شافت شاب كلمة وسم في حقة شوية طول وعرض وعضلات ولحية مرسومه ..

/ يكون اخ شدي ..

اول مادخت لي صديقتها كان معاها خوها يصور معها وكان لابس سروال رسمي بيج مع بلوزة مخطاطه ابيض في الابيج وفاتح اول بطمطين وطالعه معاه تحفه …

شافته رواسي بس هوا لا علي حسب علمها لانها طلعت من الغرفه علي السريع ولما طلع خوها خشت لي صاحبتها ….

……

تتكلم بروحها زي الختشة
وتلعب بشعرها بيدها ..

رواسي : متوقعتش خوها جميل لي درجة هادي ماشاء الله الحق وامها طيوبة وحبوبة ..

اففففف
تمنيت نشوف خطيبها المجنونه هادي يارب يدوم عليك السعادة ياشدو ..

وقعدت تفكر فب الماضي تنهدت ..
وحمدت ربي ورقدت ..

……….

اليوم التالي ….

روحت ام رواسي والحمدلله حالها احسن مايكون ..

والناس سمعت
وبدت تجي وتحمد علي السلامة ..

???

شدي ? : ههههه سادك هبل يامجنونه زيدي اوصفيلي الحوش كويس لاني دخت بعض الشيء ..

رواسي? : هههه انتي الهبلة ..
وبدت توصف ..

شدي : اوكي تمام هكي زبطه ..

رواسي? : اوكي حبي نستنا فيك نورتي

شدي? : الله ينور عليك يارب اسمعي اهم شيء نسون خوتك قعدات ولا …

رواسي? : بخبث اية موجودات ليشششش

شدي? : هههه مليح بكل خاطري نتعرف عليهم

رواسي? : ههخخ
خلاص ياعيوني غير اوصلي بس رح نعرفك عليهم

شدي ?: اوكي باي ياعمري

رواسي? : باي ياروحي ..

ووصلت شدي وامها …

شدي ?: افتحي الباب يااخت ..

رواسي? : حاضر ياطقة ..

فتحت رواسي الباب سلمت علي رواسي وامها
ورحبت بيهم كانت تحساب ان شدي هيا لي تسوق تفجاءة بي خوها هوا لي وصلهم ..

نادت خوتها يستقبلوا ..

دخلت قعدت تهدرز مع ام شدي
وبعدين مشت للبنات ….

ام رواسي حبت ام شدي وختدهم الهدرزة
مع بعض ..

شدي : نعجبت بأسلوب نسون خوتها وخوفهم علي رواسي وحبهم ليها ..

…..

اماني : بمرح
ولله ياشدو حبيتك من قبل لانشوفك علي ماتحكيلي عليك رواسي ..

ايناس : ولله وحتي اني نفس الشي وبدات مغامراتكم ههههه دكرتوني بأيامي قبل اني واماني
?????

اماني : فضحتينا خلي الطابق مدسوس يابنت

رواسي : هههههههه
طلع حق ربي ??? ..

شدي : واني حبيتكم ولله وشدتها ضحك عليهم وخاشه معاهم في الحديث كأنهم يعرفوا بعض من سنين ..

اماني : باش تعرفي بس
ههههههه بدات خوتك الله يبارك مش مقصرين
كل يوم ناطين عندنا في الكلية ..

رواسي : ههههه خيرلك يابنت
خلي خوتي في حالهم

ايناس : خوتك لي يقدرهم بس
يجي يحاسبني ??

شدي : تضحك عليهم منظرهم
كيف متحمسات للحديث يضحك

………

نمشوا ..

عند الشباب في المربوعه ..
تعرفوا علي بعض وطلعوا معارف ..
معرفه قديمة بس من بعيد لي بعيد ..

وشدوها هدرزة ..

صقر ( اخ شدي ) : ولله ياشباب اني توا نستاذنكم
لان وراي شغل وان شاءالله الف لابأس علي الوالدة واي خدمة تفضلوا اني موجود ..

عبد الرحمن (اخ رواسي) : اذنك مع الله يزيد فضلك وانت نفس الشي اية خدمة تفضل ماعليك بأس ياصاحبي ..

مروان( اخ رواسي) : ولله ماتقصر بارك الله فيك وعاودها عاد

صقر : ان شاءالله باذن ..

ايمن (اخ رواسي) : كيف خش لي المربوعه وفي يدة سفرة فيها اكل ..

ولله ما طالعها لن تاكل معانا واني حلفت …

صقر : الله يكثر خيركم يارب علاش حالف بس
ولله مشغول ..

ايمن : كيف عاد جيت ولا ضروري تتغداء معانا
الاكل شن بياخد من وقتك هلبا كلها علي بعضها
ربع ساعة

صقر : باهي يا مروان كلم العيلة قولهم بعد الغدي يطلعوا ..

ايمن : ان شاءالله هي وطلع …

……..

عند البنات شادينها هدرزة وبصارة ..
جت سفرة الغدي ..

رواسي : هههه شدو ذوقي عمل ايدياتي

شدي : ياااي بزين ولله قداش ليا خاطري فيه
جي في وقته هههه

رواسي : باش تعرفي ان اني حاسة بيك ..

تسمع في خوها ينادي عليها استاذنت ومشت لي خوها مروان …

عند مروان ..

جاته رواسي : ايوا نعم

مروان : بعد الغدي قولي لي العيله يطلعوا لان خوهم مستعجل ..

رواسي : اوكي ياروحي ..

مروان ابتسم علي كلمت اخته و مشي ..

………

عند الشباب ..

صقر : اوووو الله يبارك نبي نغسل يدي مدامه بزين مش رح نقول لا الحق

ايمن : تعالي هي تفضل الحمام من اهني ..

صقر : خش لي الحمام يغسل في يده ..

حشاكم ..
……………..

عند رواسي كيف بتخش شافت الاحدية مش متساوية قررت تساويهم علي السريع وتخش
مدام الرجاله يتغدوا ..

صقر : وهوا طالع شاف ملاك تساوي في الاحدية
يراقب في كل حركه ومنتبه لي ابسط حركه تصدر من رواسي …

كملت رواسي وكيف بتخش حست بظل واقف تلفتت ومالقت حد استغربت وخشت …

………..

عند الشباب ..

هيا سموا وبدوا اكل ..

ايمن : يكلم في خوه بصوت واطي من مطيب اليوم

مروان : قام حاجب رواسي علاش .

ايمن : لا بس كان عندي احساس انها هيا بس تأكدت بس ..

مروان : ههههه انت ماليكش حل ياراجل كول وانت ساكت فضحتنا ..

اب رواسي ( قولت من طيب الغدي ياولدي) ..

مروان : وقفت القمة في حلقة وبدي يكح
شرب امية علي طول

ايمن : علي اساس بيرقعها الشغالهطيبت اليوم

الاب : غريبه تطيبها قريب لي رواسي بنتي

ايمن : تزرق وبدي يصرف اي اي ماقتليش يابوي
وبدي يسأل في اسأله غبيطة ..

كان يسمع فيهم وبتسم علاش
مش عارفه …

صقر : كمل اكل بسم الله ماشالله سفرة دايمه يارب

مروان : الله يبارك فيك ان شاءالله ..

صقر : بمكر
الشغاله نبي رقمها البزين تبارك الله

ايمن : تزرق مع بعضة ..
ماتت

صقر : كاتم ضحكته علي منظر ايمن ومروان
لي يضرب في جبهته ..

كيف ماتت ..

ايمن : ههه قصدي اكيد روحت لان من طبيعتها اطيب وتروح طول كان حصلت الرقم من العيلة توا
يوصلك من العيلة ..

صقر : كاتم ضحكته ..
نستني فيك ان شاءالله .

لعب بأعصابهم ???

طلعوا النسوان بعد الغدي …

………..

رواسي : الحق جوهم عسل

ايناس : صاحبتك هادي دمها عسل

رواسي : اية ولله هوا غير عسل ..

اماني : هههه وحني جونا عسل
????

رواسي : ههههه اكيد بدون شك ياعيوني
حني النحلة بحد ذاتها

ايناس : غير اهدي ياعبد الواثق …

رواسي : هههههه تحمست شكلي دوروش
احححح الحمدلله خوتي جابوا شغالات يساعدوا
كان هذا رانا هبلنا بجد

اماني : اية ولله الحمدلله ..

رواسي : اني بنرقد نرتاح شوية و مشت

ووووووو

اماني ايناس شدوها هدرزة

شافت امها وطمنت عليها
وخشت لي دارها ترتاح

ومشت بمخيلتها تاني لي اخ شدي (صقر) ..

وهيا طالعه تساير في رواسي وامها
جت عيونها في عيون صقر ..

نصدمت وخشت طول تجري اداخل
وشدي الشماته ضحكت من القلب علي شكل رواسي

فاقت من مخيلتها ..

قعدت تضرب في خدها رواسي اصحي انتي طالعه من تجربة فاشله رواسي رد بالك تفكري تحبي تاني
لالالالا مستحيل ياربي مانبيش نتليع تاني ..

وغمضت عيونها وقعدت تبكي ..

…. …… …. . ….

في مكان تاني ..

وصل امه واخته لي الحوش

ومشي لي صاحبة العزيز علي قلبه ..

صقر : جيتك يالغالي ..

محمد : زدت عطلت شوية تاني مزال بكري ولله ..

صقر : ههههه الله غالب مش بيدي هادي خطيبتك
وخالتك ..

محمد : مدامه فيها خطيبتي والخاله سامحتك

صقر : ههههه مصلحجي طلعت يامسخ

محمد : حتي هيا الكبيدة ..

صقر : احم احم تحشم علي وجهك ياراجل اني قدامك

محمد : خاف محمد من صوت صقر الجدي

صقر : شاف منظر محمد معدش قدر يشد روحك
وتفجر ضحك

محمد : اقسم بالله نذل باهي

صقر : عندك الحق ماشفتش منظرك ..

محمد : ههه حكم الظالم ..

صقر : محمد قاعد تفكر فيها

طبعا صقر يعرف كل شيء علي محمد بس مايعرف شكل رواسي ومن تكون ووو ..

محمد : وحدة خاينة زي هادي مالياش الشرف اني نفكر فيها ..

صقر : ……

محمد : المهم احكيلي شن شكلك مش ناوي تتزوج
وتفكنا منك ..

صقر : بغموض
قريب ان شاءالله

محمد : لاه لاه لاه من امتي الكلام هذا
احكيلي يامسخ بتفصيل ..

صقر : ضحك علي صاحبةصاحبة
علية ضحكه فضيعه يابنات ? ..

محمد : غير هيا لان بجد مش مصدق انت لي كنت تقول اني مستحيل نحب طلعت تحب وتتعمشق يامسخ ومن ورايا زايدة ..

صقر : تحنح بصوته الرجولي ..
وبدي يحكي علي معشوقته لي خدت عقله من اول نظرة ..

محمد : من دون ارادة منه مشت مخيلته لي رواسي
بس تعود من الشيطان ورجع للواقع …

صقر : لا يزال يحكي علي معشوقته بس بكل خير
وكلامه كان عن مدي حبه ليها مع انه شافها لي لحظات ومايعرف شيء عليها ..

محمد : الله يهنيك ياغالي ولله تستاهل كل خير
ويارب نشوفك عريس ..

صقر : تنهد من القلب يارب ياصاحبي ..

محمد : ههههخخخ لا انت خلاص ضعت

صقر : نشهد بالله ضعت ..

وشدوها هدرزة علي الخدمه والحاجات هادي ..

عند شدي وامها (صفاء) ..

شدي : الله يامامي خالتوا بتجي

صفاء : اية نظمي روحك لان انتي عارفه خالتك مايعجبها شي مش عارفه علي منو طالعه هيا وخالتك التانية

شدي : الله غالب ياامي طبع ومشي فيهم ..
مع ان منار بنت خالتوا طبعها مش زي خالتوا

صفاء : فعلا كلامك اوكي ياشطورة توا نظمي روحك بسرعه ..

شدي : اوكي مامي

علي خشت صقر …

صقر : السلام عليكم

صفاء : وعليكم السلام
تعالي جاي نبيك في كلمتين

صقر : تفضلي ياغالية

صفاء : بنقولك شن رايك في صاحبة شدي
ولله ادب واخلاق وجمال الله يبارك ..

صقر : خلاص لي تشوفي ياغالية بس اجلي الموضوع شوية ..

صفاء : جد ياصقر ياعني موافق انك تخطب
رواسي …

صقر : اية ياغالية البنت واضح ان خوتها ماشالله
ويشرفني نسبهم بس مزال الوقت وديري لي تشوفيه ..

صفاء : فرحت علي الاخير خلاص اني نكلم امها
مجرد كلمه بس ..

صقر : لي تشوفي ان شاءالله ..

صفاء : ان شاءالله ..

……………………

عند خوت مروان وايمن وعبد الستار وعبد الرحمن اسامة …

ايمن يكلم في مروان

ايمن : تي تعرف وحق الله تزرطت تزريطه تخوف

مروان : ولله احساسي ان مفضوحين وبوك ختمها
والعم صقر مش مقصر

ايمن : ياراجل تحشمت علي الاخير ..

مروان : قعد يضحك علي منظرهم

ايمن : رقتله وناض من جنبة ..

مروان : غير ااهدي يازعول ..

ايمن : طنشة وقعمز يهدرز علي خوته التانين ..

……………………....

شن بصير تابعوني

الكاتبة : Eman Albasha