احببتك من دون علمك
الحلقة : 21 ..
من رواية : احببتك دون علمك …
__________________???
عند رواسي …
كيف بتفتح الباب وقفها صوت سمية ..
سمية : وقفي
رواسي : تلفتت اللخلف ..
منار : امي باللهي عليك خليها تدخل محمد بضيع منا ياامي نترجاك خلي رواسي تخش …
سمية : طنشت منار
وقربت من رواسي ..
بندم واضح …
اني اسفة يارواسي سامحيني غلطت في حقك هلبا
وجرحتك انتي وعيلتك بدون لانحس علي نفسي ..
رواسي : ببتسامة
حطت يدها علي كتف سمية ..
مسمحاتك ياخاله خلاص توا لي فات مات خلينا في الحاضر لي احني فيه ..
سمية : حضنت رواسي
ولله اني غبية ضيعت انسانة زيك وصحيتي يابنتي بارك الله فيك واني اسفة مرة تانية …
منار : بكت لانها حست ان امها تغيرت لاحسن
حست انها رح تكون قريبة عليها ورح تحس بيها
زي اية ام .
مشت تجري وحظنت امها وقعدت تبكي
رواسي : تعاطفت مع الموقف وقعدت تبكي
بعدين فتحت الباب وخشت …
شافت منظر محمد كيف راقد قعدت تتألم لمنظره
رجلة متعلقة وحالته حاله …
حاولت تتمالك نفسها وقعدت تتكلم معاه وهوا ساكن مش حاسس بشي في سبات ..
وتحكي علي شن صار فيها من بعده قعدت تحكي علي معناتها من بعد لا سيبها …
حست بحركة بس منتبهتش للوضع ..
ومزالك تحكي علي معناتها وتبكي علي حالها …
محمد : بصوت ضعيف رواسي …
رواسي : فاقت من شرودها بخلعه قعدت تشوفله ومش مصدقة ..
محمد : بصوت مخنوق وتعبان ..
اني اسف يارواسي ظلمتك معاي …
رواسي : ناضت بدون كلمة طلعت تجري وتعيط
منااااار يامناااار
منار : من الخلعة بدت تمشي وطيح
سمية : حطت يدها علي قلبها ومشت تجري
ياربك استرها يارب مايصير شي في ولدي يارب لطفك …
رواسي : طلعت من الغرفة الحقي
محمددد يامنار
منار : بخلعة وعيونها مفنصات خيره محمد
سمية : احكي خيره ولدي وبخضة
ومشت تجري للغرفه
رواسي : تبتسم بفرحة
الحقي ناض خوك ناض يامنار
منار : من الفرحة بدت تنقز وتعيط وتحضن في رواسي وتشكر فيها ..
طبعا اللقطة هادي تصير ياجماعة ..
الانسان مرات من حالات الحزن او الضغظ المفرط يبدأ الدماخ مش مستوعب لي قاعد يصير فايدخل في غيبوبة ومش رح يفيق منها صاحبها الا بعد مادماغه يبرمج الشي هذا يارب وصلت الفكرة ..
رواسي : توا اني هكي تميت مهمتي ..
منار : بجدددد شكرا كنت واثقة انك الوحيدة لي رح تقدري اطلعي محمد من الحالة لي كان فيها
رواسي : بشبه ابتسامة ..
ولو حبيبتي هي توا نستاذنك اني ماتبي شيء
منار : اذنك معك سلامتك بس حبيبتي
رواسي : مع السلامة
وكملت طريقها …
طلعت برضي وراحة نفسية ..
________________????
عند صقر مقعمز علي صخرة ويتفرج علي شط البحر
البحر مكانه المفضل لي ديما يشكي في همومه فيه
وقعد لفترة طويلة وهوا مقعمز في نفس المكان
ويفكر في نفس الموضوع …
هل موافقتي كانت صح ولالا …
بس في الاخير اقتنع ان هذا هوا الصح …
اقل شيء يكون ضميرة مرتاح ويكون كالعادة هوا الاحسن …
حس بفونه يتصل …
صقر : الووو
رواسي : بفرحه الووو حبيبي
صقر : اهلين حبييتي كيف حالك
رواسي : الحمد الله بخير ولله ..
بنقولك علي خبر ..
صقر : ان شاءالله خير
رواسي : محمد فاق من الغيبوبة
صقر : بخنقة
اممم باهي الحمدلله
رواسي : حست علية مضايق
اية علي الاقل ضميري يرتاح ..
صقر : اية ..
رواسي : نحبك يامجنوني قولي ماتبيش تشوفني
خوي اسامة بيرفعني للكافي شن رايك تجي نشوفك
صقر : واني نحبك حبيبتي خليها مرة تانية
حاسس روحي مضايق وحاب نكون بروحي
رواسي : ماشي تمام نستاذنك توا نخليك براحتك
واسفة علي الازعاج
صقر : حس بذنب ..
حبيبتي
رواسي : بغضب
نعم
صقر : ارجوك تفاهمي موقفي اني مضايق وقريب نتفجر ..
رواسي : واني زعلانه منك وقريب نتفجر تعرف ليش
صقر : ليش
رواسي : لانك ماتبيش تفتح قلبك وتحكليلي شن مزعلك باش اني وياك واحد ولا كلام بس
صقر : نشهد بالله انك زي نفسي
رواسي : خلاص معنها احكيلي شن مضايقك
مع اني عارفة لكن نبي نسمع منك طلع لي في قلبك كلة ..
صقر : يارواسي اني مضايق لاني نحبك ونبيك ليا اني وبس مانبي حد يشاركني فيك ..
يلي قهرني اكثر انه يحبك ويفكر في نفس تفكيري
بصوت عالي وغيرة واضحه ..
اني بس يحق لي نحبك
اني بس لي نقول رح تكوني زوجتي وام صغاري وحبيبتي مانبي حد ياخد مكاني مانبي حد يتخايل انك رح تكوني ملكة لاني راجل عربي اصيل نغار علي حاجتي نغار علي حرمتي فهمتي عليا انتي ليا اني وبس ..
رواسي : بفرحه
ورح نكون ليك انت وبس صدقني
صقر : انتي ليا بس يفكر فيك كا زوجة يارواسي
واني مقهور من الشي هذا …
مانبي حد يفكر فيك الا اني ..
رواسي : بحب
عندك الحق بس اني نحبك انت وبس
ورح نكون زوجتك انت وبس ..
معدش تفكر في الموضوع هذا هلبا علي خاطري
صقر : بستسلام عارف ولله عارف ..
وحاضر ياحبيبتي رح نحاول …
و رواسي حاولت تغير مزاج صقر وفعلا نجحت
وبدت تهدرز وتضحك …
___________________???
عند احلام ناضت الصبح بكري …
قعدت تبكي علي حالها تبكي من وجع قلبها …
علي خشت علاء ..
شافها منهارة بكي وجعه قلبة عليها ..
علاء :
حبيبتي خلاص معدش تبكي دموعك غالين
احلام : مزالت تبكي ومن القلب
علاء : قرب منها وحصنها وقعد يطبطب عليها
خلاص حبيبتي امسحي دموعك ..
احلام : شدت في حضنه اكثر وقعدت تبكي وتضغط علي كتفه ..
علاء : صمتتتت
مخليها اطلع مافي قلبها ..
احلام : قعدت قريب نص ساعة وهيا علي نفس الحالة تبكي …
حست علي روحها وحولت من حضنه وقعدت تمسح في دموعها ..
علاء : بأبتسامة ..
هااا خلاص طلعتي لي في قلبك ..
احلام : عينها دمعت تاني ..
علاء : خلاص خلاص حبيبتي معدش تبكي ولله تقطعي فيا الحق
احلام : سكتت
بصوت مبحوح وتشوف لي تحت اني اسفة
علاء : علي ؟؟
احلام : علي كل شيء ..
علاء : مافيش حاجة تتأسفي علي خاطرها حبيبتي
وبعدين متخافيش البيبي رح نجيبوا غيرة
احلام : بحزن
يعني معدش عندي بيبي
علاء : ان شاءالله ربي رح يعوضنا خير منه
بنقولك علي خبر اني امس كلمت بوك علي الفرح
احلام : بحزن اية
علاء : ورح يكون
الشهر الجاي ياقلبي يساعدك
احلام : يساعدني ..
علاء : خلاص معناها مبروك عليك اني
احلام : واني
علاء : خلاااص حبييتي انسي لي فات وخليك زيني
اني حبيبتي عندك ثقة في الله كبيرة ..
احلام : حاضر ورجعت تبكي بس كلامة كان كان
يقتل اني مجروحه ياعلاء
علاء : شد يدها
واني شن ندير معاك اني رح نداوي جروحك
معدش تزعلي روحك حبيبتي
احلام : ربي مايحرمنى منك
انت الشي الحلو في حياتي مع اني مانستهلش
علاء : ولا منك بس معدش تقولي مانستهلش بالعكس تستاهلي كل خير بس انتي مالقيتيش من يقولك انتي غالطة او انك ماشية في الطريق الغلط بالعكس تلقي الا لي يقولك انتي الصح وكل مرة تتمادي لن جيتك اني وطلعت من المستنقع لي كنتي فيه ….
احلام : تشوف بحب لي علاء
بجد شكرا علي وجودك في حياتي
علاء : انتي لي شكرا علي انك سرقتي قلبي وعيشيني شعور الحب ..
احلام : نزلت راسها بخجل ..
__________________????
صفاء مقعمزة في الجردينة وتستني
سمية : السلام عليكم
صفاء : وعليكم السلام
سمية : حضنت صفاء بدون مقدمات
صفاء : قعدت تبتسم ..
وحضنت اختها اني اسفة قسيت عليك بالكلام
سمية : بحزن بالعكس
صح كلامك كل شيء صار بسببي …
صفاء : لا غالطة لكن مرة تانية ماتغلطي بالعكس خليك قريبة من صغارك اكثر للعلم شايفة بعدك علي بنتك ومنار متحسسة من الشي هذا بس مش قادره تتكلم حافظي علي بنتك خير ماضيع منك ..
سمية : خافت وحست كلام اختها صح ..
ان شاءالله ولله حق ماعمري كنت قريبة من ولادي
وكنت قاسية عليهم هلبا ..
صفاء : صلحي من نفسك وخليك قريبة منهم
انتي قداش عندك هما زويز ..
سمية : طمنيني كيف حال شدي
صفاء : بأبتسامة ..
الحمد الله تحسنت علي الاول بهلبا الحق
سمية : سامحيني يااختي علي داره ولدي في شدي
ولله اني نادمة ومحمد طالب السماح ..
صفاء : لكل شيء قسم ونصيب ..
شدي اكيد رح تسامح محمد مع الايام مسألة وقت بس …
سمية : صحيتي لانك تفهمتي الموقف سامحيني ولله حاسة بالذنب راني
صفاء : بنقولك علي شيء بينا تمام
سمية : تمام
صفاء : ####
سمية : يعني الدكتور طلب يد بنتك
صفاء : اية سمعته يكلم في صقر ان اول ماتصح شيء رح يطلب يدها رسمي …
سمية : ولله انك طمنتي قلبي وريحتي ضميري
شوي
صفاء : واني حاسة بجدبيتها ليه
لان مرات تقعد تسأل في الممريضات فهمتي عليا
وكم مرة نشوف فيها سرحانة ..
سمية : يارب يكون حق كلامك ياصفاء
صفاء : ان شاءالله
سمية : سامحيني مرة تانية
صفاء : المشاكل تصير في كل مكان وانتي اختي
واني مانبيش نخسرك …
سمية : بنقولك سهام شكلها مش ناوية علي خير
صفاء : دواها عندي
اني عارفه كل شيء راني اختكم الكبيرة وفاهمه عليكم زين زين ..
سمية : الله يطول في عمرك ياغالية
صفاء : وعمرك ياروحي هيا تعالي نشوفوا الشباب شن صاير فيهم ..
سمية : هيا
____________________????
مروان علي الفون
انت في اية قسم قتلي اي اي خلاص تمام ..
بعد وقت ..
مروان : السلام عليكم
محمد وفتحي : وعليكم السلام
مروان : سلم علي فتحي حمد لله علي سلامة محمد
فتحي : الله يسلمك ماقصرت
مروان : سلم علي محمد
حمد لله علي السلامة
محمد : الله يسلمك صاحب واجب الله يبارك
مروان : عيب عاد
المهم كيف حالك توا قعد يدور بعيونه علي منار
فتحي : حس عليه قعد يبتسم ..
محمد : الحمد الله بخير ولله
مروان : يارب دوم بخير
قولي شن موضوع العلاج الفيزيائي توا ..
فتحي : بيطلع للخارج ان شاءالله
مروان : ان شاءالله غير خير ..
حصلتوا دكتور كويس
فتحي : علي حسب علمي في كندا في دكتورة ممتازة الكل شكرهالي …
محمد يتفرج عليهم وخلاص …
يتأمل في مروان حس عليه فيه شبة لي رواسي
قعد مسبوه فيه …
مروان : حاس بالوضع وتوثر
??
فتحي : اي هوا هذا
مروان : ان شاءالله خير يارب
وقعد يدور بعيونه تاني
وشاف معشوقته كيف خاشة وفي يدها جايبة اكل من الكافيتريا شكلها ..
منار نصدمت لما شافت مروان قدامها بس حاولت تتصرف طبيعي وكله تحت نظر فتحي …
محمد مزال مسبوة في مروان ….
مروان : ????
منار : متحشششمة السلام عليكم
الكل رد السلام
مروان : المهم شافها ..
ناض هي نستاذنكم يا عيلة
محمد : مزال بكري خليك
مروان : ? مصح الله وجهك كليتني بعيونك
ياربي هذا مخنث ولا كيف وربي خفت من نظراته ..
لالا هوا هدكة عندي ماندير نستاذنكم بصحة هي سلام ..
سلم وطلع وعيونه ???
علي منار …
فتحي يتفرج ويبتسم بصمت …
في شن يفكر زعما …
??????????
شن بصير تابعوني …
نبي نقوقعاتكم …
نحبكم ..
الكاتبة : ÉMåñ Ålbåshå
?????