احببتك من دون علمك

الحلقة ( 2) ..

من رواية : احببتك دون علمك

_______________

بنسبة لرواسي كل يوم حالتها لاسواء تمشي للعلاج
وتروح للحوش حياتها كئبة و ممله فوق الازم ..

مش قادرة تصدق ان حب خمسة سنوات تهدم في شهر شهر بس حب غيرها ويصالح في غيرها كانت كل الوعود مجرد اوهام لاغير حب خادم …

بس قسمت انها من بعد اليوم رح تتغير ومش رح تضعف من جديد ..

رح ترجع رواسي المرحيه رواسي المحبوبة
مش رح تستلم بساهل مش رح تخسر نفسها علي خاطر شخص ما يستحق حبها الصادق جرحها وجرح انوثتها …

ناضت حطت سماعاتها في ودنها
حطت ميك اب خفيف ولبست بيجامه فيها رسومات
طفولية بعض الشيء ..

لممت شعرها الخفيف هلبا علي شكل كعكه فوضوية
وطلعت قعمزت مع العيله تهدرز ..

ناضت حست بنشاط غريب ?
خشت للكوجينة بدت اطيب في كيكه
البندق ??? ..

قعدت تفكر انها رح تمشي للجامعه بما انها بدت من اسبوع فات …

ورح تغير شخصيتها ..

كلمت اماني وطلبت انها ترفعها للمحلات …
اماني فرحت علي الاخير …

وفعلا طلعت للمحلات شرت ملابس واحدية واوشحه وعبايات كل خشي خاطرها فيه ..

حبت التغير واقتنعت بيه ..

وفعلا غيرت لوكها في كل شيء حتي طريقة كلامها غيرتها و زادت برزت جمالها كانت صح جميله بس مع هذا مش نظامية في نفسها بشكل كبير يعني حتي لو خلطت الالوان عندها عادي ..

بس توا غير
وعدت نفسها رح تكون سيدة نفسها ..

شرت ميك اب عصري من مجاميعوا خدت عدسات مع انها عيونها تبارك الرحمن بس حبت تغير في الافراح فمثلا يعني ..

الكاتبة : بصراحه اني مامشوش معاي العدسات
ديما متفترشات في عيوني وغير هكي مش عارفه
خيرهم معاي ???? تحب تفهم ادوخ
ديرو الحولة ..

اماني : بصراحه عجبني التغير يابنت ..
ايوا هكي نبيك اني تكوني ديما شيء مميز

ايناس : ياخاينات طلعتوا من دوني
تففففف تفففففف عليكم ..

رواسي : سوري حبيبتي المرة الجاية ..
توا نبي نمشي للكوفير

اماني : علاش ❕❕ ..

رواسي : نبي ندير تنظيف بشرة ..
وتاتوا لحواجبي
????? ..

ايناس : التاتو فوتي مش حلو بما انك بنت بايخه اللقطة لكن تنظيف عندك الحق ديري

رواسي : اني قولت ندير علي الخفيف مش الداكن ويكون ماشي مع بشرتي شن رايكم ..

اماني : بكوميديا
حبيت التغير يابنت بديت اموت انا علي التغير ..

ايناس : مافيش مانع حبي لو عجبني رح ندير زيك ..

رواسي : ههههه وربي مجنونة
اوكي هيا نمشوا يابقرات ..

ايناس : بقرة في عينك
???

اماني : ????

وفعلا مشوا ودارو الزوز التاتو وكان بجد طالع عليهم خيال …

لي دارو التاتو اماني وايناس ??

رواسي فاتته لانه حساته مدامي اكثر ..
نظفت بشرتها بلكامل والعناية بيها ..

ودارت منكير لاظافرها وهتمت بيهم اكثر …
هادي اول لمسة تغير لمسار حياتها ..

الكل روح تعبان ..
والكل راضي علي التغير وكان تغير حلو بجد ..
……..

رواسي : طلعت ملابسها وحددتهم طلعت بلوزة مزيج الوان وسروال ابيض ..
وكانت اللبسة فضيحه وبدات اللبسة في لبستها حلوة علي الاخر يابنات ..

رتبت اللوازم في شنطتها ..

وكل حاجتها منظمة …

علقت ملابسها وغيرت شفرتها ..
وقررت تفتح نت ..

فتحت نت حدفت ايميلها علي الفيس …
فتحت ايميل جديد ..

بشكل هذا تغيرت كليا ..

فاتت الايام ..

وكالعادة رواسي ماشية مع التغير وكانت راضيه علي نفسها بشكل كبير بس مع هذا مش قادرة تنسي حبها
لكن تحاول انها متضعفش ..

في الجامعة ……….

شدي : رواسي يابقرة ..
والله مليت امي تبيني ناخد ولد خالتي واني مش راضية ..

رواسي : ساهله يابنت ارفضي ..

شدي :
رواسي انتي صديقتي من وقت قصير وصدقيني متعرفيش امي كيف طبعها ..

رواسي : فهميني باهي كيف يعني ..

شدي : يعني صعب نرفض من دون سبب ولله تقتلني
بس مع هذا مش قادرة نتقبل اني نتزوج في سني هذا ..

رواسي : كانك علي السبب هذا غيرك بصغارهم ياقلبي ولو ولد خالتك كويس مافيش داعي ترفضي اعطي لي نفسك فرصه يمكن تحبي ياروحي ..

شدي : بتفكير
تصدقي صح كلامك علاش منعطيش لي نفسي فرصه ..

بجد شكرا انقدتيني انتي اروع صديقه ولله ..

رواسي : هههه مجنونه انتي للعلم ..

شدي : خدودها ولو ورديات ..

رواسي : بمكر
لا وللهي غير اهدي ياعم الحاج ..

شدي : شن بندير مش بيدي اني هكي طبعي ..

رواسي : بدت تضحك من القلب ..
مجنونه انتي ولله وبجد طقة ..

شدي : ??
عارفه روحي
اووو بابي جي هي نستاذنك حبي
نتلاقو ..

رواسي : باي حبي واني قريب يوصل الباص
?

شدي : بالك تحبي نوصلك في طريقنا

رواسي : لا ياقلبي الباص خلاص علي جية

شدي : اوكي حبي هي سلام

رواسي : سلام ..

………

فاتت ثلاثه شهور وعلاقة شدي ورواسي كل مرة تزيد
اقوي ….

لي درجة ان شدي مستحيل تجي للجامعه لو رواسي
مش جاية والعكس صحيح ..

صح عندهم قروب بنات بس هدوم الزوز علاقتهم مع بعض قوية واحيانا ينسقوا انهم يلبسوا نفس اللبس

شدي : شافت رواسي جاية ..
جت تجري رواسي حبي تعالي بنقولك علي خبر بالف دينار ..

رواسي : الناس تقول صباح الخير ..
و بعدين هيا احكي حمستيني ?

شدي : ههههه شن بندير احرف منك في الحماس
عموما خطوبتي قربت ..

رواسي : قولي الله .

شدي : الله ولله ..

رواسي : حضنت شدي واخيرا ياحزينه درتي خطوة في حياتك ..

شدي : ولله بجد نشكرك هوا كان يحب بنت وطلعت تخدع فيه وهانت خالتي تخايلي امس فتحلي قلبه لاول مرة ويحكيلي شن صاير معاه ..

رواسي : احكيلي شن صاير ..

شدي : تخايلي كان يحب في بنت وطلعت تكدب عليه مباش يحكيلي في شن كدبت عليه بزبط بس لي عرفته انها جرت بيه وجرحاته بنت الكلب ..

لكن حكالي ان خالتي من البداية مش راضية انها تخطب خارج العيله بس مع هذا خالتي تنازلت لما عرفت ان ولدها يحبها ويبها مشت لعيلة البنت استقبال زباله وهنوها بكلامهم ومخالوا ماحطولها تخايلي انتي عاد تعارك مع امه علي خاطرها وفي الاخير تطلع بنذاله هادي ..

رواسي : وقتنا هذا مافي حد مظلوم ..
وربي يهدي وخلاص وانتي مرة تانية متحكميش علي الكلام الا لما تسمعي من الطرفين هادي نصيحه مني ليك ..

شدي : يمكن كلامك صح
عموما احكيلي قصتك ..

رواسي : هههه قصتي طويلة ويمكن ماتعجبكش

شدي : لالا شكلك متليعه احكيلي شن صاير معاك

رواسي : بدت تحكي في قصة حياتها ..

شدي : بدت تمسح في دموعها ..
هوا حقير وامه احقر منه مدوريش حبي اهم شي انك تتعالجي توا ..

رواسي : الحمدلله علي كل حال …

شدي : في استجابة للعلاج والا مزال

رواسي : الحمد الله كل شيء بدي يرجع زي الاول واحسن ..

شدي : انتي من قبل كان عندك شعر والا من الاول هكي ..

رواسي : ولله كان فيا شعر وطويل
بس فجاءة بدي يطيح وبشكل كبير لي درجة اني بديت نتعقد اني نطلع من دون وشاح ..

بس الحمد الله مزالي شهرين ونكمل
وتوا شعري حكم واصل لي رقبتي من تحت ورجع كثيف اكثر من الاول ..

شدي : الحمد الله ياربي يمكن كانت الخطوة هادي لي صالحك ..

رواسي : يمكن ، تصدقي اني راضيه بقدري وايماني بالله قوي

يمكن نشوف في نفسي خسرت قطعه من قلبي بس مع هذا ربي اختارلي الخيار الاحسن لي حياتي ..

شدي : تصدقي تعجب فيا شخصيتك واحيانا نتمني نكون حكيمة زيك …

كلامك ديما موزون ..

رواسي : ساهله للعلم فكري بعقلك ورح تكوني احكم مني مرات وللعلم صح في بعض الاشياء حكيمه بس مع هذا عندي اخطاء وعفسات …

شدي : ياربي قداش منحبها البنت هادي
رواسي حبي بليز ديري يوم وتعالي لحوشنا ..

رواسي : هوا صعب لكن رح نحاول ..

شدي : خطبتي قربت للعلم ..
وياويلك ماتجيش ..

رواسي : ولله رح ندير جهدي ونجيك ياقلبي …

شدي : اوكي ياكبيدة
رواسي مافكرتيش ترتبطي تاني ..

رواسي : مش مستعدة نتليع تاني ساد قلبي نحرق مرة مش مستعدة نجرب نفس الشعور تاني ..

شدي : امممممم يمكن تفكيرك غلط ..
حاولي تعطي لي نفسك فرصه ..

رواسي : يصير خير ..

شدي : هوا عاش حياته وختار غيرك وانتي
دافنه روحك لوحي عليك المرض غادي وشوفي حياتك ..

رواسي : فكرت بس مزال شوويه علي الخطوة هادي ..

شدي : ربي يعيط ماتتمني ياعيوني ..

رواسي : مدوريش غاليتي ..

فاتت الايااام
يوم خطبة شدي ..

شدي : الو وينك يابنت

رواسي : في طريق ياعيوني ..

شدي : بليززز تعالي بسرعه متوترة قريب نموت

رواسي : خودي نفس ياختشه
?????

شدي : تضحكي يابايخه ..

رواسي : اصلا كلك علي بعضك مالكش حل
اني وصلت شوية ونخشلك للصالة ..

شدي : بسرعه بالله …

رواسي : اوكي خشت لدار طول شافت شدي
وسلمت عليها هيا وباقي القروب متلم

رواسي : الو

اب رواسي : اطلعي بسرعه

رواسي : شن في ..

اب رواسي : امك مريضة خوتك رفعوها للمشفي اطلعي بسرعه

رواسي : طالعه طالعه ..

شدي : علي وين

رواسي : امي تعبانه ضروري نمشيلها سامحيني حبي

شدي : مش زعلانه رد بالك علي روحك
وطمنيني ..

رواسي : طالعه مستعجلة وضربت في كتف شخص
وطاحه طرحة حجابها بس مش منتبها لان كل شيء مظلم قدامها …

محمد : مفنص عيونه مش مصدق .
لا ياربي مستحيل تكون هيا مستحيل لا مش من بعد حاولت ننساها لا ياربي …

قعمز علي اول كرسي وفتح اول بطمه من سوريته

ام محمد سمية ..

سمية : هيا يامحمد تعالي بسرعه ..

محمد : جاي جاي ..

سمية : شدت ولدها ودخلاته معاها ..
وهيا في قمة السعادة ..

عند رواسي ..
تبكي قولي يابابا خيرها ماما

اب رواسي ( حبيب ) : امك رقي عليها السكر ..
وتعبانه شوية

رواسي : ارفعني ليها يابابا ..

حبيب : اهدي مافيها الا كل خير ان شاءالله

رواسي : متاكد

حبيب : متاكد ..

ووصلت للمشفي لقت نسون خوتها
جت تجري تبكي تسأل فيهم ..

اماني : متخافيش نوبة سكر ويحالوا ينزلوا فيه
ان شاءالله خير

رواسي : ان شاءالله يارب

ايناس : كانت عند الدكتورة تسال فيها علي شنو مش عارفه ..

شن بصير تابعوني …

الكاتبة : ÉMåñ Ålbåshå