احببتك من دون علمك
الحلقة : 19 ..
من رواية : احببتك دون علمك …
____________________???
الاب : طاح يبكي
سمية : زاد خوفها وقعدت تخض في راجلها
فتحي قولي خيره ولدي فتحي خيره محمد
فتحي : ولدك خش في غيبوبة ومش رح يقدر ينوض منها وغمض عيونه ببكي ..
سمية : بخلعه
وضربت يدها علي صدرها غيبوووبة وكيف مش رح ينوض
فتحي : حاول يتمالك نفسه ..
ولدك مش رح ينوض الا بأرادته لانه عقله مبرمج الشي هذا في شي صاير معاه وخلاص يخش في غيبوية علي طريقها يهرب من الواقع لي هوا فيه
منار : من كثرة الصدمة
جت طايحه مقعمزة تبكي بحزن علي حال خوها
المسكين …
سمية : حطت يدها علي فمها وتبكي بصمت
فتحي : قعد يبكي وحاول يتمالك نفسة مرة تانية
ويلي يصدم لو ماناضش خلال اسبوع رح يعيش مقعد لي باقيه حياته ..
سمية : نصدمت صدمت عمرها
شنووووو ولدي اني يقعد مقعدددد
منار : مخلوعه من لي قاعدة تسمع فيه وبدت تبكي بصوت عالي ..
فتحي : ياسمية ولدك يحتاج علاج فيزيائي لانه عنده كسر وصعب جبره بساهل ضروري يحتاج دكتور مختص في المواضيع هادي في اسرع وقت …
سمية : ياربي عليك ياولدي ياااارب يامحمد تنوض بخير سامحني ياولدي اني السبب اني السبب
وقعدت تبكي بندم
منار : ????
_____________________???
بعد مرور ثلاته ايام …
صقر : يسأل في امة ..
شن ياغالية طمنيني قاعدة علي نفس الحالة ..
صفاء : لاسف ياولدي مش طالعه من دارها نهائي
وحتي الماكلة ماتكل ولله معاد عرفت كيف نتصرف معها حتي من بوك قريب يهبل عليها …
صقر : اني رح ندخل ونكلمها بالك تسمع مني
صفاء : خش وان شاء الله تسمع منك
….
خش لي غرفة شدي
صقر :
شدووو حبيبتي
شدي : تبكي بصمت ….
شافت لي صقر وتبكي
صقر : قرب منها خلاص ياقلبي معدش تقطعي قلبي عليك عيشي حياتك وانسي وخلي ثقتك بربي كبيرة
شدي : قعدت تضرب في صدرها
قلبي يتوجع ياصقر نتوجع ياخوي
صقر : بغضب مكموت
سلامت قلبك ياغالية تعالي كولي اية شيء علي خاطري باللهي عليك ماتكسري خاطري ..
شدي : مش قادرة ولله ماقادرة نحط حاجة في فمي
و حاولت تنوض بس جت طايحه
وصوت الطيحة رد في كل مكان …
صقر : نخلع من المنظر ..
نزل لي مستواها وقعد يضرب في خدودها
شدي يا شدي حبييتي اصحي
شدي : صمتتتتتتتت
صقر : جاب برفان وقعد يبخبخ في يدها ويحط علي خشمها …
شدي : بدت تخض مع بعضها زي نوبة الصرع ..
صقر : خاف موت
يااااا اميييييي
صفاء جت تجري بخلعه شن في
شافت المنظر ركبها الرعب علي شدي
نزلت اضبطب علي شدي وتحاول تفيقها ..
مافيش استجابة صقر حولي شوي يااام
بعد صفاء ..
وشال شدي وركبها للسيارة وعلي طول للمشفي
وصفاء طول الطريق تدعي خايفة علي بنتها موووت
صقر : خش بيها للمشفي وفعلا استقبلوهم الاسعافات …
بعد وقت جي الدكتور والصدفة انه اسامة ..
صقر : اسامة طمني خيرها شدي
د.اسامة : سليمة ان شاءالله ماتخافش نوبت سكر
عندها نقص تام في جسمها …
الواضح انها مش واكله شيء اكثر من يوم
صفاء : اطمنت انها بخير
ممكن نشوف بنتي
اسامة : اي اكيد تفضلي ..
صقر : ولله يا اسامة شكلي بندور دكتورة نفسية لي اختي ..
اسامة : بفضول
علاش شن صاير
صقر : ولله موضوع طويل قولي ماتعرفش دكتور او دكتورة نفسية اختي بضيع كان هذا ..
اسامة : اني نعطيك رائ حلو اني دكتور نفسي
ودكتور صحة عامة يعني قريت المجالين ..
يعني نعالجها نفسيا بدون لاتحس ورح نحولها للعيادة بتاعي شن رايك
صقر : ولله دير فيا خير خفت انها ترفض لما تعرف انها رح تنعرض علي اخصائي نفسي بس فكرتك عجبتني علي الاخير ..
اسامة : توا ممكن تحكيلي شن القصة باش نعرف كيف نتصرف مع اختك ..
صقر : تعالي للكافي ونهدرزلك شن صاير بزبط
بس بالاول خلي نطمن عليها وعلي امي
اسامة : خليها في مكتبي افضل شن رايك
صقر : اي يكون افضل ولله
اسامة : نستنا فيك
وفعلا اطمن علي شدي وامه
شدي طبعا راقدة في سبات و صفاء مقعمزة مع بنتها وترقي فيها …
_______________________????
سهام تكلم في سمية …
سهام : ريتها السوسة العفريته هادي
شن دارت فينا ..
سمية : حتي لي درنا احني مش شوي
سهام : توا دار روحك تحبيها وتبيها الحق عليا لي نشكيلك …
كانك ناسية خلي نفكرك هيا اصلا اختنا من الام
مش اكثر ..
سمية : المهم اختنا ونفس الدم
سهام : اييييي سادك طيبة زايدة
هيا من يومها ساكنه في النعيم وحني شن عندنا ياحظي …
سمية : ماتنسي جميلها ياسهام اختنا وقفت معنا خلتنا نعيشوا الرفاهية لي كنتي تحلمي بيها ايام صغرك ….
سهام : اففففف
اسمعي اني مش فاضيه توا لكن بنقولك علي سحب فلوسها علينا ولا زيدها لزتنا من شغلها اني الحق مش رح نسكتلها علي لي دراته فيا …
سمية : براحتك انتي الخاسرة يلا سلام
سهام : ايييي يلا سلام ..
….
سمية :
وقعدت سرحانه معدش عرفت كيف تتصرف
في موضوع ولدها وتدعي لليل نهار ينوض بخير
قطع تفكيرها صوت منار ….
منار : ياا امي اسمعي كلامي صدقيني مافيش الا الحل هذا باللهي تنازلي ولو لي مرة وحدة واسمعي لي كلامي وصدقيني مش رح تندمي …
سمية : ديري لي تبية …
منار : بفرحة بجد شكرا ياغالية …
سمية : بأبتسامة باهته
العفوا ومشت تفكر من جديد
منار تحمست ومشت تجري شدت الفون
___________________???
رواسي : تبكي
????
ايناس : ياروحي خلاص ياقلبي ليك يومين وانتي حالتك حالة
رواسي : شدي امورها مش بخير نهائي
اني حاسة بيها
ايناس : ياقلبي شن قولنا اني البنت في حالت صدمة
وتبي وقت باش تفيق
رواسي : بس اني خايفة عليها يصير فيها شي او دير في روحها حاجة نعرفها اني قلبها رقيق هلبا
ايناس : اكيد امها معها ديما …
لان واضح عليها عمتي صفاء ماشاء الله واعية وتعرف كيف تتصرف وغير هكي قريبة من بنتها
رواسي : ان شاءالله يكون كلامك حق
ايناس : انتي لما تسألي في صقر عليها شن يقولك
رواسي : يقولي انها تعبانه نفسيا وخايفها تمرض ويبي يعرضها علي دكتورة لانها مش طبيعية
?????
ايناس : لاحول ولاقوة الا بالله
الله يلطف بالحال وخلاص
رواسي : يارب تكون بخير ولله خايفة عليها مووت
ومش قادرة نمشيلها …
حست بفونها يتصل …
رواسي : الو صقر
صقر : بضيقه
الو رواسي
رواسي : صقر خيرا صوتك متغير
صقر : رواسي نبيك في موضوع مهم
رواسي : خوفتني شن في
صقر : اني اسف يارواسي سامحيني
رواسي : صقر شن في خوفتني الحق
صقر : يارواسي
________________________????
عند اسامة ..
اسامة خش للغرفة بابتسامة …
مساء الخير
صفاء : مساء النور
اسامة : شاف لصفاء ممكن تخليني بروحي ندير
لفة علي المريضة وغمزلها
صفاء : فهمت وطلعت علي طول
اسامة : علي اساس يشوف في المحلول
مساء الخير
شدي : مافيش رد
تبكي بس
اسامة : بدون مقدمات
قعمز علي الكرسي وبدي يحكي في قصة خيالية
من راسة جذب فيها انتباة شدي
شدي : نست همها وقعدت متشوقة لي الباقي
اسامة : وصل لي حلقة مشوقة ووقف الحكي وشاف لساعة هي توا نستاذنك غدوا رح نكمل الباقي
شدي : طنشاته بس في داخلها قريب تهبل تبي تعرف باقي القصة ..
اسامة : عطاها بظهره وقعد يبتسم اول خطوة تمت بنجاح ..
شدي : قعد كل تفكيرها تبي تعرف شن بصير
خشت عليها صفاء …
صفاء : حبيبتي قاعدة تتوجعي
شدي : لا الحمدلله بخير
صفاء : ب نعطيك خبر رح نحولك علي عيادة
خاصة يابنتي ..
شدي : بحزن
اني بخير ياامي ونبي نمشي للحوش بليز امي
صفاء : لا يابنتي في نواقص في جسمك ضروري ترجع لي معدلها الطبيعي ..
شدي : بستسلام
ماشي ياامي حاضر ..
لانها عارفة انها مش رح تقدر ترفض كلام امها ..
صفاء : حضنت شدي هااا كيف حاله الحلو توا هاااا
شدي : بخنقة
بخير والحمد لله ..
_________________????
عند مروان …
منار : حبيبي مش وقته ولله
مروان : نعرف بس اول مايصح خوك مادخليش بنجي نخطبك ولله مانعرفك
منار : مروان في حاجات ضروري نصارحك فيها
سامحني كنت خايفة نخسرك فا دسيت عليك
مروان : بخوف ..
ان شاءالله خير
منار : اسمع ####
بدت تحكي علي اول ماخطبوا اخته وامها رفضت
وكيف يوم الخطوبة امها خربت وان امه ضربت امها
ووو
مروان : نقولك علي حاجة يابنت الناس
لي انتي قاعدة تحكي فيه هذا كله سمعته من العيلة يحكوا ومادرتش اهمية للموضوع واني نبيك وشاريك ومش رح يهني شن صاير …
وبنسبة لي امي مستحيل رح توقف في طريقي يمكن رح تصير حساسيات بين امي وامك بس امي مش رافضاتك واكيد مش رح دير اية لقطة مش حلوة لاني فتحتلها الموضوع من بداية علاقتنا ..
منار : تبكي يعني مش رح تسيبني
بسيب المشاكل لصارت …
مروان : اكيد مش رح نسيبك من المجنون لي يسيب عسل زيك …
منار : تضحك من بين دموعها
مروان : ايوااا هذا لي نبي نسمعه صوت ضحكتك
لان ولله مايطلع عليك البكي ياروحي
منار : بخجل
مروااااان خلاص تحشمت
مروان : بنذاله
جددد ومش شنو تحشمتي
منار : مرواااان
مروان : ههههههههههه
ولله انك مجنونه ..
____________________???
عند احلام تكلم في علاء ..
علاء : حبيبتي نبي نشوفك في الكافي
احلام : حاضر حبيبي
علاء : كلمي العيلة تمام
عازمك علي الغدي
احلام : تمام اني رح نكلم امي
هي خلي نكلمها ونوتي روحي
علاء : البسي عباية باهي
احلام : حاضر
______________????
شن بصير تابعوني ..
نبي توقعاتكم حبايبي …
الكاتبة : ÉMåñ Ålbåshå
احبكم ولله ..