احببتك من دون علمك

الحلقة : 18 ..

من رواية : احببتك دون علمك ..

الكاتبة : إيمان الباشا
??

______________________???

صقر : مقعمز بجمود ..

رواسي : ببكي
اني اسفة مش قصدي ولله

صقر : الذنب مش ذنبك اني
مش زعلان منك ولله زعلان علي اختي وعلي العشرة لي هانت بيني وبين ولد خالتي لي اعتبرته اخ ليا

رواسي : بحزن ..
كل شيء صاير بسببي لو كنت مش موجودة
راهو مصارش هذا كله

صقر : بصوت عالي سكري فمك معدش تقولي هكي
هوا الحقير مش انتي

هوا طلع معدنه شنو وطلع عيل مش راجل لو ماكنتيي موجودة راهوا اختي ضاعت ونخدعت فيه لكن انتي طلعتي سواد قلبة وخبثة

رواسي : ببكي
بجد شكرا لانك واثق فيا كل هادي الثقة

صقر : اني كم مرة بنقولك معدش تشكريني
هذا واجب يابنت الناس

وبعدين اني عارف روحي شن مختار
ونعرفك انتي شنو

رواسي : قعدت تبكي من كلامه
وتمسح في دموعها بطفولية

صقر : حن قلبه وحس روحه تعصب عليها بزيادة
خلاص حبيبتي معدش تبكي

رواسي : نحبك ياصقر ومانبي حد غيرك
انت كل شيء حلو في حياتي

صقر : شد يدها ولله وانتي كل شيء في حياتي
ربي مايحرمني منك يارب

رواسي : بخجل
ولا منك يارب ..

صقر : تنهد بصوت ..

رواسي : شافت لتحت صقر خايفة شدي تكرهني
و تفهمني غلط ولله ماكنت نعرف عليه شيء

مش عارفه كيف صار هكي ومنار علاش ماجتش
ولله دايخه ..

صقر : علي حسب علمي منار ماردتش عليكم صح

رواسي : بتفكير اية رسأل بس

صقر : بأبتسامة
اني نحكيلك شن صاير ..

اول شي وصلك مسج من منار تبي تشوفك
وانتي كاسبرايز كلمتي شدي تجي صح

رواسي : اي صح

طبعا هوا واخد الشفرة من اخته وبعت في مساجات ليك تمام ..

وناسي انك رح تكلمي شدي من اساسا وتقوليلها تعالي في تقعميزت بنات ..

دار الموعد معاك علي اساس انه منار
وشوفي الخبث بعتلي مسج من رقم مجهول انك مقعمزة مع شاب ودايرة العار ..

اني ماصدقتش كلمتك مساجات عرفت انك رح تتلاقي مع البنات …

بس كان في حلقة مفقودة في راسي
من يكون الشخص هذا ..

بس هوا بخبثة ونذالته يحساب روحه رح يوصل لي مبتغاه بس طاح في شر اعماله …

رواسي : حطت يدها علي فمها بصدمة
كل هذا صار واني زي الغبية مش عارفه ولا حاجة

صقر : حشاك ياقلبي بس هذا لي صار
ولما عرف ان خطته فشلت بدي يهدد
علي اساس

رواسي : خزي عليه ولله عيب عليه
يدير في شدي هكي المشكلة مش قادرة نحط عيني في عينها ..

صقر : مسألة وقت ورح يرجع كل شيء زي الاول ان شاءالله شدي تحبك ومش رح ترضي انها تكون ظالمة ..

رواسي : يارب ياصقر شدي ترجع زي الاول لله خايفة عليها علي خاطري خليك جنبها اكيد محتاجتكم جنبها ..

صقر : ان شاءالله

غمض عيونه بحزن علي حال اخته واجعاته في الصميم …

رواسي : حطيت يدها علي كتفه هياا ياصقر اهلي اكيد رح ينشغلوا عليا …

صقر : هيا

__________________???

عند شدي خش للحوش تبكي يصوت عالي

صفاء : جت تجري بخلعه
شن في خيرك تبكي يابنت

شدي : بصوت عالي
قلبيييي ياامي بنموتتت قلبي يوووجع فيا موووت
اخخخخ

صفاء : سلامت قلبك يابنتي كيف يوجع فيك
وشدتها وقعمزتها ع الكنب خليك شوية نمشي نكلم بوك يجي يرفعك للمشفي ياربي بنتي ياربي

شدي : ببكي يقطع القلب
لاااا لالالا مانبيش المشفي مش مريضة ياامي
اني اني قلبي محروووق ياامي قلبي يتقطع

صفاء : بخوف شدي يابنتي خيرك شن صاير معاك
خوفتيني عليك يابنتي

شدي : محمددد يما طلع خاين يمااااا حرق قلبي
طلع يحب في صاحبتي وتوأم روحي ويقولها اني ماعمري حبيت شدي يماااا ضحك علياااا وخلاني نحبه بكلامه المعسول

صفاء : شدت وحضنتها خلاص يابنتي
اهدي وقعدت تسمي تقري عليها في القران

وفكرها مشغول ماحبتش تضغط علي بنتها
تبيها تهدئ وبعدين رح تفهم كل شيء صاير

غمضت عيونها بحزن علي بنتها
كنت حاسة ان الخطبة هادي اولها غلط في غلط

ربي يعوضك خير يابنتي ولله يصبري علي خواتي ولله رح ارجعهم لي طريق الصح ..

شدي : من البكي وصوت امها الحلو كيف تتلي في القران خلاها ترتخي وترقد

صفاء : حستها رقدت

اخخخخ يابنتي ولله رح نخليهم يدفعوا الثمن غالي
علي حرقت قلبك …

علي خشت صقر للحوش بحزن واااضح

صفاء : صقر يمااا تعالي نبيك

صقر : نعم ياغالية

صفاء : شن صاير مع اختك جاية منهارة بالكامل
انت لي كنت معها احكيلي شن في

صقر : ياامي خليك خنب بنتك راهي تحتاجك اكثر مني ..

صفاء : بعصبية
قتلك احكيلي شن في

صقر : ياغالية ####
وهذا لي صار

صفاء : ببكي ياقلبي عليك ياشدي يابنتي كنتي متحمله الهم واني نحسابك سعيدة وفرحانه ..

وقعدت تلوم في روحها …

اني لي ضغطت عليها الحق عليا قولت اختي اكيد رح تصون بنت اختها وولد خالتها يخاف عليها بس طلعوا وسخين حرقوا قلب وحيدتي الله يحرق
قلبهم ..

صقر : اسغفري ربك ياغالية في الاخير خواتك
ودمك لكن اعطيهم قرصت ودن

صفاء : استفغر الله هذا لي بصير اما الوسخ هذا حتي وجها معاد نبي نشوفه ..

صقر : بدون لاتتكلمي ياغالية اصلا مايستاهل اختي
والحمدلله بان معدنهم شنو

صفاء : اي ولله لكل شيء حكمة

يااارب يابنتي ياشدي تحصلي لي يحبك ويصونك ويحطك في عيونه ويبعد عليك ولاد وبنات الحرام ياحي ياقيوم

وانت ياوليدي ياصقر ربي يتمملك علي خير ويبعد عليكم بنات وولاد الحرام وتعيش هاني في حياتك ومرتاح وكانها خيرة ليك ربي يجمعكم بالحلال …

صقر : اللهم امين ياغالية ..

صفاء : قعدت اطبطب علي ظهر شدي

وشدي : كل مرة تتهد من القلب ..

______________???

محمد خشت للحوش بغلللل
سكر الباب بالقوي …

سمية : سحيقة بشوي علي الباب

محمد : طنشها ومشي

سمية : شدت يده انت ياولد احترم نفسك اني امك
يلي ماتستحي

محمد : حدف يدها تعرفي اني نكرهك انتي السبب
انتي السبب في كل شيء انتي خربتي عليا حياتي

وبدي يكسر لي يجي قدامه شن مزال تبي مني اكثر من هكي هاااا شن تبي انتي بزبط ..

سمية : اييي يامهبول شنو قاعد تقول انت ياولد هني روحك الفازات اغلي منك سيب

محمد : اغلي مني صار وبدي يكسر لي يجي قدامه خلي الحوش خرابة

منار تتفرج بصمت وتبكي ….

محمد : كيف بيركب لي الدورج ويجي طايح

منار : جت تجري خايفة علي محمد حاولت تفوقه بس مافيش استجابة ..

الام من الخوف ولت ترعش ..

منار : ناضت تجري تتصل بي بوها

في المشفي ..

الام : ببكي
خيره ولدي شن صارله

الاب : متغير لونه والدمعه في عينه
ومش قادر يتكلم ..

منار : بخوف من منظر بوها
بابا قولي خيره محمد اكيد هبوط زي كل مرة صح

الاب : طاح يبكي

الام : زاد خوفه وقعدت تخض في راجلها
فتحي قولي خيره ولدي فتحي خيره محمد

فتحي : ولدك

___________________???

عند احلام لبست ملابسة انيقة وسنبل …

سهام : يا مرحبا نورتوا

طبعا عجبوها الناس لانهم من عيلة مرموقة
ومن نفس مستواهم ..

احلام : ميته خجل
وتسلم وترحب

الكل نعجب بي احلام لانها لي اول مرة حاطة ميكب بناتي خفيف موضح ملامح وجها الحلووو …

وفعلا اتفقوا علي امتي رح تكون الفضانية
واحلام ميته سعادة …

وقعدت تراسل في علاء بخجل
وهوا مش مقصر معها ..

في نقطة مهمه مش اية بنت تغلط بعني رح تلقي حد يساعدها لا بالعكس مرات تكون اسفل السافلين ..
وفي هلبا قصص مأساوية

حبيبتي خليك عفيفه وخليك جوهرة تلمع وتجذب الكل بس مافي حد يلبسها الا مالكها ?? ….

________________???

رواسي مضايقة وتدعي من بكري في خاطرها
ياربي ساعدني وشدي تتفاهم وضعي …

اماني : خيرك حبييتي واضح انك مضايقة
ومش علي بعضك ..

رواسي : بضيقة ?

كان نحكيلك شن صاير مش رح تصدقي
ولله مضايقة وحاسة روحي بنتفجر يااماني

اماني : بعيد الشر عليك ياغاليتي
احكيلي ياقلبي بالك نقدر نساعدك

رواسي : ######

اماني : ضربت خدودها
ينهار ابيض هذا كله صار معاك اللطف ياربي
في بشر بالحقارة هادي ..

رواسي : لاسف صار واي في
????

اماني : يااقلبي علي شدي حبيبت قلبي اكيد منهارة توا وصاير فيها حالة مسكينة وللهي كانت تحبه مووت الوسخ هذا ..

رواسي : ببكي خايفة نخسرها نخسر صاحبتي وتوأم روحي ..

اماني : ماتخافيش يا رواسي شدي عقلها كبير واضح عليها من هدرزتها معنا انها تحبك وماترضي فيك شيء ..

مستحيل رح تسيبك صدقيني وبعدين انتي مادرتي شيء باش تزعل منك هوا فرخ وعيل شن ذنبك انتي

رواسي : مرات تحط اللوم عليا اني

اماني : لالالالا مستحيل ديرها خودي الكلام الصح مني ورح تتصل بيك وتوا تشوفي

رواسي : ياريت ولله لاني مش قادرة حتي نكلمها
خايفة تصدمني بأية كلمة واني مش رح نقدر نتحمل
ولله ننهار طول

اماني : حضنت رواسي
ياقلبي عليك تزعليش روحك خليها علي الله وخلاص

رواسي :
بحزن اي ولله

________________????

صقر حدف روحه علي السرير وقاعد يفكر
معقولة بعد العشرة هادي كلها محمد يتصرف التصرفات هادي …

معقولة نسي صحبتي وحبي ليه

استخسر فيا نعيش سعيد وغير هكي حرق قلب اختي وخدعها بوعودة الكذابة …

الحمد الله ياربي وضحته علي حقيقة الحمدلله
دعاء امي استجاب لما تدعي وتقول الله يبعد عليكم ولاد وبنات الحرام ..

اخخخخخ ياربي بنتفجر ولله معاد عارف كيف نتصرف مع اختي ولله وجعني خاطري عليك
ياشدي الله يصبرك وخلاص …

شن بصير تابعوني ..

نبي توقعاتكم ..

محمد خيره شن في ??
وشم بصير معاه وفيه

سمية شن ردت فعلها
سهام شن بصير فيها

احلام هل السعادة رح ادوم ولا مجرد اوهام وكدب
حتي هوا وشن بصير في البيبي ….

صفاء كيف رح تعطي درس لخواتها وكيف رح تاخد حق بنتها …

خليكم معاي ..

الكاتبة : ÉMåñ Ålbåshå

نبي تفاعل قوي باش انزل الحلقة التانية في الليل
اوكي حبوباتي ..

نحبكم ..