احببتك من دون علمك

الحلقة : 15 ..

من رواية : احببتك دون علمك …

الكاتبة : إيمان الباشا ..

___________________???

مروان هدرز علي منار وعجباته بقوي
حاول ياخد منها بوسة بس هيا اشطر منه
هربت وضرباته علي كتفه من الخلف كل شيء بعد العرس ياحلو هي سلاممم

ومشت جري خشت لداخل …
مروان زاد اعجابه و حبه ليها قعد يخلل في شعره في يدة ….

وربي نحبها الفرخه هادي شكلها بتهبلني معاها المجنونه ….

….

الدكتور مقعمز وعقله في مكان تاني
يفكر في لي خدت عقله بعفويتها ..

علي خشت مروان يبتسم من الشق لي الشق
شاف خوه مسبوه بخبث ناض صكة تيرو من تحت لي تحت

اسامة : بخلعة
_ خيرك ياحمار

مروان : يرقص في حوجبة حقد يااخي حقد
وبعدين ماشفتش منظرك كيف تضحك بروحك تقول متوحد حشمتنا يحشم حالك …

اسامة : شاف شوفه تخوف
و طنش مروان

مروان : بهبل قعد يصف في يده علي بعض ياعليك حالة وخلاص

فاتت شوية ثواني هوا لي بدي يبتسم زي الاهبل احرف من خوه
????

_____________________???

عند رواسي ..

متحشمة علي الاخير ..

صقر : قريب يطير من السعادة عجباته رواسي وبقوي ..

قرب منها ويهمس طالعه تهبلي يابنت وين دافنه الزين هذا كلة

رواسي : بجراءة

مدفون لليوم ياعيوني وللعلم مزال الخير قدام
خليك صبور

صقر : معدش عرف شن يقول قعد
????وبس

رواسي : حست عليه طار عقلة قعدت تضحك بنعومة

صقر : ماطيرته طار بروحه
????

رواسي : بعد الجراءة تحشمت
طبعا حاسة بنظارات خالاته بس طنشتهم وتحرق فيهم بضحكتها وشافت لي سمية وقامت حاجب
بمعني خيرررر ..
???

سهام : شفتيها السوسة شن دارت
الوسخه هادي تبي تهبل ولد اوخيتي شوفي ترا شن قتله خلاته زي المسحور …

سمية : بحقد وكره
مانكون سمية بنت امي لو ماربيتكش من اول وجديد توا تشوفي كيف نحشمك قدام الناس ..

صفاء : شافت حركت رواسي ابتسمت
عجبتها لقطت رواسي وندمت انها جابت خواتها ..

وقربت من رواسي وقعدت توحد عليها وتبخر فيها ..

سهام : ريتي ريتي حتي اختي نهبلت فيها هالشينه هادي شن عجبهم فيها بس

سمية : بنفس الحقد .
مش عارفه ياكبدي يامحلا احلام واسلوب احلام بنيت اخيتي الله يبارك عليها شاف لشفشفه هادي لي ماتسوي فرنك

سهام : اسمعي عندي فكرة حلوة باش تفضحيها الوسخه هادي

سمية : شن هيا

سهام : بخبث ####

سمية : ولله فكرة حلوة علي الاخير
ههههههه

الكل شافلها بستغراب بلقطة هادي خيرها

صقر : فتح العلبة وطلع الدبله
???

رواسي : بخجل مدت يدها

صقر : حط الدبله في يدها
مبروك ياغالية ..

و رواسي دارت نفس الشي
مبروك ياغالي ..

صفاء : جت بتلبسها العقد والحديدة
والخاتم …

وقعدت تهني فيها وفرحانه بيها علي الاخير

سهام وسمية انتشت فيهم النار
مش عاجبهم الوضع نهائي

سمية : ناضت بغل
ومدت يدها لي رواسي علي اساس بتهنيها..

رواسي : مدت يدها بحسن نية وتبتسم

سمية : قربت علي اساس تحضن فيها
مبروك مبروك عليك ولد اخويتي وحطت يدها علي شعر رواسي وقعدت تجبد فيه بالقوي

رواسي : ايييييييي شعري

سهام : بالقوي مش هكي

سمية : زادت قوت في الجبد

رواسي : بصوت عالي
اييييييييييي اييييي شعري

صقر : فاتح فمه ومفنص عيونه
ومصدوم مخلوع من لي يشوف فيه

صفاء : حطت يدها علي فمها بصدمة
مش مصدقة النذاله لي الدرجة هادي توصل بيهم

شدي : جت تجري من عياط رواسي
مخلوعه من المنظر

الناس مستغربين شن قاعد يصير
ومش فاهمين شيء …

ام رواسي واماني وايناس مصدومات

الصدمة كانت للكل …

صفاء : جت تجري …
وقعدت تضرب في يد سمية ودف فيها
حولي غادي يالهمجية …

سمية : بحقد وصوت عالي

هادي وحدة كدابة وسراقة الرجالة
تبي تسرق ولدك ليها يكون في علمك هادي لي ادفعي عليها كانت حاطة عينها علي ولدي محمد

رواسي : نصدمت من الكلام وكيمة الاهانة لي تعرضتلها ببكي مشت وخلتهم ..

صقر : خالتي عيب الكلام لي قاعدة تقولي فيه
مايصيرش منه ولله عيب وبعدين شن هادي التصرفات الغبية لي قاعدة تتصرفي فيها

قعد يستغفر ويحط في راسة
و يدور في رواسي بعيونه

مالقهاش طلع متقنطي منهم
ومن تصرفاتهم …

شدي : خالتي عيب عليك حشمتينا قدام الناس
حرام عليكم خربوا فرحت خوي ..

ام رواسي : ضربت سمية كف لما بتتكلمي علي بنتي تكلمي عليها بأحترام والا اقسك بالله ماتشوفي خير

سهام : جاية بتهد علي ام رواسي وبتمد يدها

صفاء : شدت يد سهام ..
لاولله اني سكتت بما فيه الكفاية يلا انتي ويها الباب يفوت جمل ..

سمية : اني اختك مفروض توقفي معاي

سهام : هادي اخرتها تبعي خواتك علي خاطر ناس رخيصة

ايناس : اقسم بالله لو ما دخلت خالتي الما نعجنك تعجين يلا برااا انتي ويها ناس قليلة ادب

اماني : جابت امية لي ام رواسي لانها تعبت السكر رقي عليها ..

باقي الموجودين يتفرجوا ومصدومين
????

صفاء : اني نوقف مع الحق لو هما غالطين فيكم
خواتي تاخدو حقكم وبزياد لكن مدام العيب فيكم
تستاهلوا مايجيكم منهم ومني ..

وعطتهم بظهر اني اسفة وحقكم عليا امسحوها في وجهي ..

ام رواسي : حصل خير بس معليشي خواتك معدش نبيهم يخشوا حوشي غي الجديد

صفاء : عندك الحق وباللهي عليك سامحيني

ام رواسي : مسامحاتك
يشهد الله بس وين بنتي

………

عند رواسي تبكي وحالتها حالة
والميكب ساح والدنيا خشت بعضها
سكرت الباب علي روحها …

شدي : افتحي يا رواسي

ليها وقت وهيا ماشية جاية ..

رواسي : نبي نقعد بروحي ياشدو
بليز لو سمحتي خليني بروحي الساعة هادي

شدي ماشي براحتك حست روحها مخنوقة
مشت طلعت للجنان وركبت فوق السطح ..
قعدت تبكي علي حاال رواسي لانه وجعها الموقف

حساسة بزيادة الاخت ..

___________________???

صقر مشي طلع بغضب خارج الحوش تعود من الشيطان وتصل بي محمد …

محمد : بصوت مرهق وتعبان

الووو

صقر : الو محمد

محمد : خيرك ياصقر واضح انك متعصب

صقر : تبي الحق ولله قريب نتفجر
الدنيا خشت بعضها

محمد : شن صار

صقر : لي صار ####

محمد : بفرحه مدفونه
لاحول ولا قوة الا بالله

صقر : ولله ماني عارفشن بندير

محمد : بخبث
انت توا خلي كل شيء للوقت
رد بالك تكلمها او تجي شورها خليها ومتكلمهاش
لان لو كلمتها مرات تخسرها

صقر : هكي في رايك

محمد : ببتسامة
اية هكي انسب حل في رائي

صقر : بضيقة
ان شاءالله خير وخلاص ..

محمد : توا بري قعمز مع الرجالة ودير شن قتلك

صقر : ان شاءالله هي سلام

محمد : سلام

سكر الخط وقريب يطير من السعادة
صدقيني يارواسي رح تكوني ليا اني وبس
ومش رح ياخدك اية حد غيري ..

شدي توا تشوف لي يصونها احسن مني
حرام نوهم فيها بأسم الحب واني مش قادر نعطي قلبي الا لي رواسي ..

وقعد سعيد وفرحان بالانجاز لي صار ويشكر في تصرفات امه الغبية ..

______________________????

ام رواسي : وين بنتي

صفاء : حاضر اني رح نشوفها ونطمن قلبها
ونجيبها لي حد عندك وتطمني عليها ..

ام رواسي : بارك الله فيك كنت متوقعه انك رح تجي ضد خواتك

صفاء : اني انسانه نخاف ربي ونحب نوقف مع الحق
ومش رح نفرق بين حد لو علي نفسي

ام رواسي : الله يقويك عند ايمانك يارب

صفاء : ان شاءالله يارب
ومشت لي حجرة رواسي

وقعدت تخيط

رواسي : يابنات باللهي عليكم خلوني بروحي
????

صفاء : رواسي افتحي اني صفاء

رواسي : فتحت الباب بسرعه
وطبست راسها لتحت

صفاء : قامت راس رواسي بيدها
معدش تزعلي روحك يابنتي واني عارفه القصة من الاول لان شدي حكتلي كل شيء من امتي عرفاتك
ونست انها حكتلي معدش تزعلي روحك وصدقيني انتي البنت المناسبة لي ولدي وتستاهلي كل خير

كنت حاسة رح تصير مشكلة والحمدلله جت علي خفيف اكيد عوينه الغزاله ضربوها بعين

رواسي : قعدت تبتسم من بين دموعها بجد شكرا

صفاء : عيب عليك معدش تشكري
هيا امسحي دموعك امك مريضة وتبي تشوفك
انتي عارفه انها عندها السكر ووو

رواسي : بخضة امي وناضت بتطلع

شدتها صفاء

صفاء : ينهارك يابنت بتطلعي بمنظرك هذا تبي تقتلي امك من الخلعه امسحي وجهك واطلعي وغيري جوك اليوم خطبتك ماتخلي حد يشمت فيك

رواسي : رجعتلها الروح
حاااضر ياخاله بجد شكرا

صفاء : بأبتسامة بسرعه نسون خوتك قريب يهبلوا وبنات عمك نشوف فيهم ماشين جاين عليك

رواسي : ههههه
غالية عندهم

صفاء : لانك تستاهلي هيا بسرعه
تمام البسي فستان لي جابة صقر ودلعي عليهم
ههههه ماشي ومدوريش خواتي هما هكي مش عارفه علي مني طالعين ..

رواسي : سكتت ماقالت شيء

فعلا رواسي بدلت ملابسها
ولبست فستان لي جابة صقر وحطت ميكب خفيف وطلعت تدرج ..

صفاء : شافتها قعدت توحد عليها

ام رواسي : اطمنت لما شافت رواسي

رواسي : قعدت تبتسم بثقة

وفتحوا البنات الاغاني وبدو يرقصوا
قعدت تسأل علي شدي ومش عارفين
وين مشت
________________????

عند الشباب اسامة مشي ركب الفوق
بجيب فونه نساه الفوق ..

شدي مست دموعها ببراءة
وشافت فون يتصل ..

استغربت شداته في يدها

غريبة لي من يكون الفون هذا
جذبتها خلفية الفون وقعدت تشوف للشاشة
عجبها الوضع فتحت الاستديوا وتتفرج علي الصور

عرفت انه نفسه الدكتور لي شافاته في المشفي
حطت يدها علي خدها بخجل

وتتكلم بصوتها العادي …

ياربي يجنن هههه من يكون زعما
ولله انه طرف من الاخير ..

___ اسامة متكي علي السور ويتفرج عليها
طبعا الدنيا ظلام هوا يشوفها وهيا لا

شدي : قعدت تقلب في الفون ..
_ يهبل الفون حلو ونازق هههه اصلا هوا اصلا كله علي بعضة واضح انه انيق مش فونه بس ..

اسامة : يسمع فيها ومستمتع وقايم حاجبة
من كلامها تتغزل فيه وقدامه وهيا مش حاسة علي روحها ..

شدي : حطت الفون في مكانه ربي يبعتلك بنت الحلال لي تتمناك وتتمنها وتسعدك يارب ..

وجاية بتمشي نضربت في الحيط

اييييييي خشمي ياحيط يالغبي
وقعدت ديري في لقطات غبية ضحكت علي روحها ومشت كملت طريقها ..

اسامة : قعد يبتسم علي حركاتها
العبيطة

شدي : نزلت لتحت
????

اسامة : شد فونه وقعد يتنهد بحب
اخخخخخ ولله شكلي وقعت في حبك يابنت

شدي : كل ماتدكر شكلة تقعد تضحك علي روحها
خشت للبنات ونصدمت لما شافت رواسي ترقص
فرحت علي الاخير

وخشت ترقص معاهم

بعد وقت شدي نادت صقر
ودخلتهم للدار يهدرزوا مع بعض

………

رواسي : بخجل
شكرا لانك وقفت معاي

صقر : اني لي اسف يارواسي ولله متحشم معاك
ومع العيلة

رواسي : اهم شيء الرجالة ماوصلتهمش الدوا

صقر : لالا الحمد الله الامور بخير

رواسي : الحمد الله

صقر : رواسي انتي كنتي تعرفي خالتي من قبل

رواسي : اية …
ولد خالتك هوا لي كان يبي يخطبني

صقر : وكنتي تعرفي الشي هذا ومحكيتيش
يعني

رواسي : مش قصدي ندس عليك شيء
صدقني

صقر : ناض من دون نقاش

رواسي : قعدت تبكي

شدي شافت صقر طلع جت تجري

شدي : بخلعه رواسي خيرك حبييتي تبكي

رواسي : عرف كل شيء وشكلة معدش يبني
اكيد رح يكرهني بسبب الماضي

شدي : استهدي بالله اكيد رح يرضي
مسألة وقت …

رواسي : متاكده

شدي : اي متاكده
وهيا تعالي ارقصي وغيري جوك
ياهبلة

رواسي : مخاكري في شيء ولله

__________________????

سهام وسمية يسبو ليه ليه

ومنار مش عاجبها الكلام نهائي
وسكاته ….

احلام مريضة دايخه تتوحم مش معاهم نهائي في كل شيء …

________???

شم بصير تابعوني

الكاتبة :ÉMåñ Ålbåshå

توقعاتكم ..