احببتك من دون علمك
الحلقة : 13
من رواية : احببتك دون علمك …
???
للكاتبة : إيمان الباشا …
________________________
احلام : حاسة بفشل تام …
ناضت بسرعه علي الحمام ترجع كل شيء في بطنها
وليها يومين ماطلعتش من غرفتها وامها مش مدورتها اصلا …
وهذا الشي زاد حطمها اكثر واكثر …
_________________
مروان : اني خلاص بنسكت تكلمت طلعت اني الغلطان واني لي بنخلي اختي في الرقبه اختي وبندمر مستقبلها والكلام الفاضي ..
منار : ههههه وربي انت بتهبل وبتهبلني معاك
مرة تقول مش رح تتزوج الا علي قطاع رقبتي ومرة تقول سلمت كل شيء ليهم يديرو مايبوا ..
ياروحي اتبث علي راى
مروان : بانهيار ..
يامنار اني عندي راس اختك وقريبة ليا بشكل
الحق مش قادر نتخيل نخش للحوش وهيا مش موجودة نحس في اختي ملك لينا احني بس
مافي حد يبي يفهم علية ليش
منار : حبيبي،
حبك لي اختك وغيرتك بالشكل هذا شيء حلو ونادر في وقتنا هذا بس في نفس الوقت متكونش اناني خلي اختك تعيش حياتها وتبني مستقبلها هذا العمر المناسب …
مروان : بستسلام
هكي تقولي يعني اني بتصرفاتي هادي رح ندمر مستقبل اختي برئيك
منار : لاسف اية اختك مدامها راضيه ساندها في قرارها وخليك معها في كل خطوة حلوة وافرحلها
حسسها بفرحتك مش تزعلها وتكسر خاطرها
لانها تستاهل انها تفرح صح
مروان : حس بذنب
اي صح مفروض نوقف معها بس وحق الله نشوف غلط منه معاد يحلم حتي بخيالها المرة هادي بنسكت بس لو صار شيء مايعجبنيش مافي حد رح يوقفني
منار : بعدين تصرف زي ماتحب ..
مروان : بغير رضي
ماشي تمام يصير خير ..
_____________________
عند رواسي …
رواسي تفكر كيف بتراضي خوها
اماني : يابنت سادك تفكير من
بكري وانتي سرحانه زي المتوحدة
رواسي : ولله ماهوا بيدي يااماني
ايناس : اكيد تفكري في مروان صح
رواسي : اي ولله معاد عرفت كيف نتصرف معاه
والمشكلة حددو الخطبة بعد ثلاثة ايام كيف الحل يابنات …
اماني : مش رح يقدر يتكلم ورح يرضي صدقيني
غير ماتحطيش في راسك
رواسي : هوا حتي الكلام مايبيش يكلمني
مسحت دمعتها يطنش فيا راهي صعبه وبدات لما تكون من شخص تحبي …
ايناس : مروان مايرضي فيك شيء غير يهدي توا يجي ويراضيك ..
رواسي : ببكي متاكده رح يرضي
ايناس : طبعا متاكده
اماني : يلا نوضي بالك خلي نمشوا نحجزو الحاجات
للخطبة ..
رواسي : تمسح غي دموعها بطفوليه
_ خليها غدوا حبي
ايناس : لالا ياروحي توا
اصلا هوا هدكه الوقت امتي بلحقوا ناخدوا الفستان والكسسواري والحلو والحار والماعين …
رواسي : باستسلام
تمام نلبس نجيكم
اماني : اوك بس بسرعه
لانه في هلبا مشاوير اليوم ..
رواسي : اوك تمام
_____________________
صقر ومحمد ..
صقر : اخخخ ياصاحبي ولله بنطير من الفرحة
واخيرا بنخطب
حب عمري تكون اول خطوة حلوة في حياتي
محمد : بغصة
مبروك ياغالي انت تستاهل كل خير
صقر : اي ولله ربي عطاني علي قاس نيتي
البنت الحق تبارك الرحمن مريحتني في كل شيء
من ناحية الاسلوب الادب الاخلاق
الحق تبارك الرحمن عليها …
محمد : فتح اول بطمه من السورية
حاس روحه مخنوق وكان يلقي يبكي بسبب الضيقة بس تعود من الشيطان ويحاول يتمالك نفسه
_الله يبارك ..
صقر : محمد فيك شيء
محمد : لا بس مش عارف الدنيا لفت بيا شكله
عندي هبوط …
صقر : ناض بسرعه ومدله عصير عنب
خود اشرب عصير عنب يخفف عليك الهبوط
محمد : لالا تسلم ولله مخاطري في حاجة النية متسدة
صقر : وللهي الما تشربه دايخ وماتبيش تشرب اقتل روحك وخلاص
محمد : اخخخخ كان الواحد يموت ويرتاح
صقر : استغفر ربك ياراجل شن الكلام هذا
محمد : سكت وخلاص ويحاول
يشرب غصب
صقر : حاول يواسي محمد
_____________________
شدي : تتفرج علي فيلم رومانسي وتتخايل في روحها هيا ومحمد وتبتسم زي الختشة …
صفاء : كيف مروحه من اشغالها السلام عليكم
شدي : خارج الخدمة عايشة اللحظة الخيالية
صفاء : قامت حاجب
جت قعمزت جنب شدي وتتفرج عليها
شدي : لازالت خارج الخدمة
???
صفاء : بستغراب ياربي البنت شن صارلها
بصوت عالي شدددددي
شدي : من الخلعة جت متقربعة طايحة لوطه
وبدت زي الهبله امي اخخ امي امتي جيتي
صفاء : قامت حاجب ..
ليا ساعة قدامك مقعمزة ونتكلم بروحي
وكتفت يدها علي بعض اممم لي وين وصلتي
زعمااا
شدي : بخجل ..
اسفه ماكنتش منتبه
???
صفاء : امممم واضح اصلا
المهم بنقولك اني بعدين بنمشي لي المشفي …
شدي : بخلعه علاش من في مريض
صفاء : راجل خالتك سهام مريض اليوم طاح عليهم
شدي : ياساتر ان شاءالله خير
بنمشي معاك اوك
صفاء : ان شاء الله اوكي …..
( يابنات بجد اسفة صارلي تلخبيط في الكتابة بين اسم سهام وسمية
رح نعدلها في الحلقات لي فاتوا …
بمعني لي مريض اب احلام يلي هيا اسم امها سهام واسم ام منار يكون سمية ??? ) …
____________________
سهام : خيرك يابنت دابله مع بعضك
احلام : ماتحطيش في بالك بردة وان شاء الله رح تمشي ..
سهام : ماشي بس اهتمي بنفسك بعدين بوك رح يضايق ويزيد يتعب لو يشوفك دابله بطريقة هادي
احلام : هه
همك بوي يعني مش هامك اني شن قاعدة نحس
كل شيء صار بسبب اهمالك انتي السبب
سهام : طنشتها
الكلام هذا مش وقته توا سكري فمك حشمتيني قدام الناس ..
احلام : طلعت بقهر …
قعمزت خارج الحجرة وعيونها يلمعوا بحزن علي حالها وقعدت تفكر لو يرجع الزمان بس ناضت بقهر
وقعدت تتمشي بدون هدف خبطت في كتف شخص
بدون لا تحس من اساسا كملت طريق بدون حتي لا تعتدر
الشخص قعد مسبوه فيها
? هيا وللهي الا هيا وقعد يراقب فيها ..
احلام : رجعت لي نفس المكان جنب الغرفة وقعمزت
سهام : طلعت من الغرفة تعالي بوك طالبك يابنت
ويبي يشوفك
احلام : بحزن
اني جاية …..
سهام : بسرعه خفي روحك
___________________
صقر : كيف حالك توا ..
محمد : الحمد الله الامور فل ماتشغلش بالك
صقر : تبي نوصلك للحوش
محمد : لالا ماخاطريش اروح
خليني معاك
صقر : ماشي تمام بس اول مانحس انك تعبت رح اروح بيك طول
محمد : ان شاءالله خير
صقر : مش اول مرة يصير معاك هكي علاش ماتمشيش تكشف علي عمرك ..
محمد : تي ياراجل هبوط وانت مكبر الموضوع
واني الحق مانحبش الفحوصات والجو هذا
صقر : ياودي براحتك بس في اي وقت اني جنبك ومعاك ..
محمد : ماتقصر ياغالي
________________________
رواسي : خلاص يا مجنونات
ولله تعبت مووت
اماني : امشي وسكري فمك
وانت ماتسكتيش بكل
ايناس : ههههه طيرت جبهتك …
رواسي : ههههههه نسفتها نسف تعرفي
بكوميديا اس اس راجلي يتصل
اماني : وربي طقة هي
رواسي : الو ياعيوني
صقر : الو كيف الحال
رواسي : تخفف في دمها
بخير ياعيوني
صقر : علي اساس رزين جنب محمد
انتي وين
رواسي : اني حاليا حاليا في
##$$
صقر : تصدقي اني قريب عليك
شن رايك نجي نشوفك ونعبي عيوني بيك
رواسي : بخجل ..
تعالي حتي اني نبي نشوفك
صقر : ماشي مسافة الطريق ونكون عندك
تمام
رواسي : بتخدير تمام
وسكرت الخط شافت اماني وايناس يشفولها بمعني
خيرررررر
تحك في راسها هههه صقر بيجي
اماني : لا ولله
ايناس : خلاص معنها انتي خليك مع صقر
بس ماتطلعيش من اهني واني واماني ناخدوا النواقص ..
رواسي : بفرحة
بجد بجد شكرا انوسه
اماني : وخيرني اني طايحة من قعر الافة
مثلا
رواسي : حشاط ياقلبي انتي الحب كله
اماني : امممممم باهي رضيت ياعسل انتي
اسمعي يابنت خليك رزينه وعاقلة
ايناس : بمرح ايوااا اسمعي كلام الماما اماني
????
رواسي : من عيوني رح نكون مجنونه قصدي رزينه
يالماما
اماني : ماما في عينك ..
ايناس : اخخخ يابنات كرشي يتحرك
هههخخخ
رواسي : امتي موعد ولادتك
ايناس : قريب ان شاءالله ممكن بعد اسبوعين
ربك يستر وخلاص
اماني : ان شاءالله خير
رواسي : نستاذنكم يابنات فوني يتصل اكيد جي
قصووور
اماني ايناس : تمام ياقلبي بس خليك قريبة علينا
رواسي : اني مقعمزة اهني تلقوني تمام
اوك تم
…
صقر : هلا بالحب
رواسي : هلا بيك نورت
صقر : بدراما اخخخ
ياقلبي
رواسي : سلامت قلبك خيرك صقوور
صقر : قلبي من شافك ولا مش عارف خيره
يعيط بأسمك ..
رواسي : بخجل
صقررررر خجلتني
صقر : ضحكه جوهرية
هههههههههههه انموت اني في خجلك
ولله
محمد في السيارة …
يشوف فيهم وقريب يتفجر
قعد يبكي معدش قدر يشد في قلبه اكثر من هكي يشوف في حب حياته مع غيره ..
حاسس بوجع مافي حد رح يفهم هوا شن قاعد يحس ???
رواسي : ضربت كتف صقر خلاص صقروو
ولله متت خجل وانت نازل عليك عرق البرادة
صقر : باهي شن بندير نحبك شن ذنبي اذا كان حبيبتي حلوة نتغزل فيها ..
رواسي : بس عيب مش في الشارع واضح عليك تتغزل فيا واني طبيعتي مانقدرش نتحمل ضروري لوني يتغير وانت ماشاء الله مش مقصر ..
صقر : اووووو حبيبتي طلعت واعرة لكن حاضر حبيبتي عيوني ليك كم عندي رورو اني
رواسي : بخجل
صقر نوض روح
صقر : هههههههههه تلزي فيا هادي اخرتها
رواسي : ولو لزم الامر رح نستعمل الضرب
صقر : خفت الحق شكلي ياودي بنغير راي
رواسي : فنضت عيونها من جددددك تدوي
صقر : نبصر ياهبلة اني نبيك في كل حالاتك
هيا ياقلبي اني نستاذنك توا ولد خالتي يستني وقولت خلي نعبي عيوني بغزالتي ..
رواسي : بخجل شكرا ..
صقر : علي ❓
رواسي : كل شيء
صقر : مافي شكر بينا هي توا ماتبي شيء
رواسي : دير بالك علي روحك ..
صقر : ماشي حاضر بس حتي انتي ديري بالك علي روحك
رواسي : ان شاءالله
_____________________
عند شدي …
شدي : حمد لله علي السلامة ان شاءالله مانشوفوا فيك شر
اب احلام : الله يسلمك يابنتي
شدي : قربت من احلام ..
_ احلام حبيبتي خيرك مش علي بعضك
احلام : بكره
مافي شيء اشقي بعمرك
شدي : اني اسفة وحقك عليا لاني سألت عليك وعطيتك اعتبار اصلا ..
امي ممكن نطلع شوي
صفاء : اي ممكن بس خليك قريبة
شدي : اوك ماما بالادن
وطلعت من الحجرة وقعدت تتمشي
وتشوف في المرضي شافت طفل صغير يجري جذبها جماله الملفت للنظر وشافت دكتور يجري جرته قعدت تضحك علي المنظر …
شن بصير تابعوني …
الكاتبة : ÉMåñ Ålbåshå
ايمان الباشا ……