احببتك من دون علمك
الحلقة : 12 …
من رواية : احببتك دون علمك …
__________________
مروان : فتح الباب بأندفاع رواسي
رواسي : من الخلعة حدفت الفون علي طول يدها
بصدمة مروان شن في
مروان :بصوت عالي ومنظرة يخوف تقول وحش
_ صح لي سمعته
ولالا ..
رواسي : بخوف وتعلتم
_ و شن سمعت
مروان : انتي وافقتي علي صقر
رواسي : بستغراب
اية وافقت علاش شن في
مروان : بصوت عالي …
تبصررري اكيد
انتي اصلا مش بتاع زواج
رواسي : بخجل مروان اهدي خوي خيرك
مروان : بأندفاع اكثر …
انتي بنت وحدة مستحيل نخليك تتزوجي هههههه ولا قاصرة زيادة …
وللهي تبيني نخش للحوش مانلقكش وبعدين اصلا امي مريضة ومن رح يقعد معها اكلنا مش موافقين علي زواجك اصلا …
رواسي : مصدومه في كلام خوها
مروان شن قاعد تقول انت شن صارلك
مروان : مصارلي شيء اسمعي هما كلمتين زواج مافيش قوليلهم مافيش نصيب واضح كلامي
…
ام رواسي جت تجري بخلعه خيركم شن صاير
خيرا صوتكم عالي …
مروان : قولي للناس مافيش نصيب
ماعندناش بنات للزواج
الام : بس خلاص ياولدي المراء وكلمتها وقولتلها خلاص تم صعب نرجع في كلامي وبعدين اختك مزال علي العرس اصلا كل شيء بعد الدراسة ..
مروان : بصوت اعلي من الاول
باللهي عليك انتي راضيه بنت تتزوج يعني عندك عادي
راهي فرخه راهي متعرفش حتي اطيب الدحي
رواسي : كتمت ضحكتها علي خوها
???
الام : اي راضية البنت كبرت ومن حقها تشوف حياتها زيها زي اية بنت
مروان : شن قاعدة تقولي ياامي بنتك قاصرة
مش بتاع زواج وشد فلينت رواسي وقعد يخض فيها توا هادي خلقتها خلقت زواج ..
الام : سيب بنتي دوختها يالمجنون ..
واما قاصرة بتاعك هادي لي في عمرها بصغارهم ولا تبي اختك تقعد قي الرقبه غي جرتك …
مروان : اختي مافيش زواج وتم
طلع بغضب من الدار
ويغلي مع بعضة …
رواسي : بدوخه اني اسفة ياغالية
الام : خوك خايف عليك ويحبك ومش مستوعب فكرة انك تطلعي من الحوش
رواسي : بتعلميني في مروان ياامي عارفه روحي
غالية بنسبة ليه ومش قادر يتخيل الحوش من دوني ..
الام : ربي يهينك يابنتي ويعطيك ماتتمني
وخوك توا يرضي معروف دمه حار من يومه …
رواسي : ابتسمت بخجل …
الام : خلاص انتي توا ارتاحي اكيد تعبانه
ومرت خوك مشاء الله طيبت الغدي وركبت
رواسي : ماشي غاليتي
حدفت روحها علي السرير وحست الفون تحتها ادكرت انها فتحت الخط علي صقر …
والصدمة ان الخط مزال مفتوح
????
رواسي : بصوت متردد
الو ..
صقر : الو حبيبتي
رواسي : اسفه نسيت انك علي الخط
قصدي خوي خش عليا و
صقر : ولا يهمك حسيت ان في حد خش عليك
رواسي : بخجل ..
ان شاءالله غير ما سمعت شيء
صقر : ماحبش يحرجها
لا الحق نسمع في دوشة بس الكلام مش واضح
ان شاءالله خير
رواسي : اطمنت …
لالا ماصير الا كل خير
قولي شن داير
صقر : اهوو كيف روحت من توصيلت صاحبتك
ههههههه
رواسي : حمد لله علي السلامة ..
وشدوها هدرزة ..
____________________
عند شدي ….
صفاء : انتي يالحلوة
شدي : هممم
صفاء : هيا اصحى ياكسولة
???
شدي : امي وراسك تعبانه خليني نرقد
صفاء : ههههه نوضي في حد يستني فيك تحت
شدي : امييي نبي نرقد
صفاء : بخبث
و حتي كان قتلك محمد يستني فيك لوطه مزال تبي ترقدي
شدي : اية نبي نرقد قوليله راقدة
وخلي يروح ..
صفاء : عيب عليك يابنت تحشمي علي وجهك
ولد خالتك جاي لعيونك وانتي تقولي مش رح ننزل
شدي : امييييي
صفاء : يلا بسرعه البسي وتعالي تحت
شدي : بستسلام حاضر
لبست عباية ووشاح ونزلت
بغضب ومش حاطة ميكب
شدي : سلام
محمد : شافها كتم ضحكته علي منظرها
_ وعليكم السلام
شدي : حاطة يدها علي خصرها
_ ان شاءالله خير شن تبي
محمد : مد باقة الورود اني اسفه حبيبتي
لاني زعلتك مني وان شاء الله رح تكون اخر مرة ..
شدي : بدت تبكي ..
صدقني يامحمد اني مش رح نجبرك انك تكون معاي غصب او انك تحبني غصب لو تحب تسيبني ليك حرية الاختيار
محمد : يتكلم بغصة ..
لا ياشدي اني نبيك انتي …
واني اسف والله اخر مرة معاد تتعاود ها شن قولتي
شدي : تبتسم من بين دموعها
اخر مرة ..
محمد : يبتسم اخر مرة
هممم عجبك الورد
شدي : بفرحه يجنن وقعدت تشم فيه
بفرحه
محمد : عارف انك تحبي الشكولاته
ان شاءالله يعجبك ذوقي في الاختيار
شدي : وااااي الشكولاته لي نحبها تجنن جد
تنكيوا
محمد : ندم انه جرحها ونزل دموعها
_ بصحة ياقلبي ..
شدي : فتحت طرف شوكولاته وحطت طرف في فم محمد
محمد : في البداية نصدم لان متوقعش انها رح تحط الشكولاته في فمه بس عجباته اللقطة
شدي : حركت حواجبها اكيد حلوة
محمد : من ايدك وتبيها تكون مش حلوة
شدي : بخجل امممم
نحبك
محمد : واني نحبك يامجنونتي
همم شن جو دراستك ياقلبي
شدي: الحمدلله بخير ..
محمد : نحبك
شدي : واني نحبك ??
وشدوها هدرزة مع الخجل
احيانا ???
________________________
عند منار …
منار : ياربي هذا خيره مايردش عليا
اكيد صاير معاه شيء …
امممم خلي نبعت مسج
عند مروان يغلي مع بعضه ..
ايمن : ياراجل صدعت راسي وانت تزن
مروان : تي ياراجل اختك قاصرة تعرف شن يعني قاصرة …
ايمن : ???
اختي اني قاصرة اكيد تبصر
مروان : المهم صغيرة ومش قد للمسؤولية
وو
ايمن : قطع عليه الكلام
اسمع يا مروان اني كنت رافض الفكرة بس لما جيت نحسب في عمر اختك هوا هدكة لي في عمرها بصغارهم فعلا ..
مروان : اني نشوف في اختي صغيرة ومش بتاع زواج هدوكم فادين من بناتهم لكن احني مكبدين عليها …
ايمن : اسمع ياخوي ماتوقف في نصيب اختك امي وبوي راضين خلاص اسكت وبعدين العرس بعد الدارسة و صقر ماشاء الله عليه ما يتعوضش مرة تانية ..
مروان : سكت …
وبعدين ناض فجاءة تصدق حتي اني حمار عرفت لي من نشكي وطلع وطربق الباب ..
ايمن : ربك يستر وخلاص متعلق برواسي بشكل
ولي كنت خايف منه وصار ..
مروان : شاف فونه اتصل بي منار
منار : الو وينك شغلتني عليك
مروان : ولله الحق مضايق وقريب نتفجر
منار : خيرك شن صاير
مروان : بدي يشكي في همه وكيف اخته صغيرة ومافي حد فاهم عليه وو
منار : حبيبي انت علاش رافض الفكرة اني اصغر من اختك وكان تلقي تتزوجني اليوم قبل غدوا ..
خليك في الواقع اختك ماشالله كبيرة وعاقلة
والكل يتمناها وعمرها عمر زواج
مروان : نقولك علي حاجة سكري ام الخط
منار : بصدمة شنو
مروان : سكري بوي جي خلي نمشي نكلمه
يمكن يسمع مني
منار : الله عليك ماشي سلام
….
مروان مشي جري لي بوه
منار : الولد بيهبل نحس فيه ماسمعش حتي شن قولت ههههه الله علي حبه لي اخته بجد شيء حلو
……
مروان : معقولة ياحاج حتي انت راضي
الاب : اية راضي وخوتك راضين
خيره الولد شفت منه عيب
مروان : لا ولله شفت منه كل خير بس اختي صغيرة
قاعدة طفلة صغيرة علي الزواج
الاب : ولله الا شكلك انت الطفل مش اختك نوض بالك من قدامي اختك حاملة مسؤولياتكم كلكم وتقول عليها طفلة يلي ماتستحي
مروان : ريت كيف باهي كان مشت اختي من رح يعينك هااا
الاب : الله كريم نقدر نعين روحي غير كان تسكت بس صدعت راسي وانت ليك ساعة وانت تلعب في راسي …
مروان : ناض بخيبت امل
كل الابواب مسكرة في وجها
وسأل علي صقر في كل مكان يبي عيب واحد
بس لاسف مالقاش ولا عيب زاد تقنطي
???? …
______________________
عند احلام …
ماطلعتش من غرفتها وهيا ليل نهار وهيا تبكي
وحاسة بحجم الغلط لي هيا ارتكباته
حاسة بشعور الندم والخيبة
حست روحها ماتستهلش الثقة لي هيا كسبتها من امها وبوها …
قعدت تلوم في روحها بس بعد شنو
????
____________________
شن بصير تابعوني ….
نبي تفاعل قوي ….
باش غدوا انزل حلقة ولو في امكانية انزل حلقتين
يلا كل وحدة خمسة تعليقات اقل شيء
فكونا من الملصقات نبي توقعاتكم ..
والناس لي دير في لايك بس فكونا من الجو وديري تعليق عبري فيه علي رايك …
للعلم يشهد الله كيف كتبتها الحلقة هادي صداع رهيب مع هذا كتبتها …
الكاتبة :ÉMåñ Ålbåshå
ايمان الباشا …..