احببتك من دون علمك
الحلقة : 11 ..
من رواية : احببتك دون علمك ..
____________________
رواسي : يا ماشاء الله علي العسل يخيتي
تخبلي انتي وكلامك لي احلي منك …
شدي : خلاص البنت بتموت خجل
كملي كلامك منارو
منار : هههههه حست بشعوري شدووو
???
رواسي : متخافيش مش رح نحكي لي خوي شيء عليك الامان ياعسل
???
منار : مصدومه من جراءة رواسي
بس حبتها علي الاخير كانت متوقعه الصد منها
بس شافت العكس تتصرف معها كانها وحدة من صاحباتها …
بخجل يكفي خلاص لي حكيته ..
رواسي : هههه ولله و طلعت رومانسي
يامروانووو
منار : ميته موت خجل
خلااااص يابنت
رواسي : هههههههههه
تهبلي يابنت
شدي : بخبث
اس اس صقر يتصل بيا
الو اي اي اني في نفس المكان جنب الكافي
ماشي تم
رواسي : نقلب وجها الوان
شدي : شافت منظر رواسي تفجرت ضحك
ههههههههههههههههه
منار : مستغربه و ضحكيني معاك
شدي : لا مافيش ضحك اني بس
?????
اي حقة نسيت نقولك رواسي هيا هادي خطيبة خوي صقر ..
منار : نصدمت بس خفت صدمتها
ماشاء الله مبروك حبيبتي عز الاختيار ولله ..
رواسي : بخجل الله يبارك فيك
وشدت يد شدي وقعدت تخبط فيها
يالبقرة ضروري تحرجيني يعني
????
شدي : هههههه سيبي يدي يالمجنونه وجعتيني
رواسي : تحلمي ياغولة دار روحك تتكلمي في الفون كله كله تبي تحشميني صح هااات اعترفي ….
شدي : وحق ربي لا باهي
بس ضحكني منظرك كيف منقلب الوان
ههخخخ
رواسي : يالوسخه الما
قطع عليها صوت صقر
خيرك
علي اختي يالمتوحشة ..
منار : حالت صمت
رواسي : باندفاع سيب شدي
وقعدت تشوف لي صقر بصدمة وتمتم يمامي شن درت في عمري توا يقول عليا وحده مهبولة وطالعه من قرقارش
شدي : ههههههه
الله يعينك صاقرووو شفت معناتي
وربي مسكينه اني ..
صقر : ابتسم علي جنب
طنش اخته حتي هيا الحب ياكبدي ..
_ كيف حالك اليوم
رواسي : بخجل وتلعب بيدها ولقطات خجل
بخير والحمدلله ..
صقر : كيف حالك يامنار
منار : الحمدلله بخير
صقر : شن رايكم نوصلكم في طريقي
رواسي : اني نعتذر خوي في الطريق علي جية
صقر : خلاص معنها شدي خليك مع منار
اني بنكلم رواسي كلمتين وجاي
شدي : ماشي خود راحتك ياقلبي ..
رواسي : متحشمة مووت
بالاذن يابنات …
شدي : تمتم علي اساس يعني ادب
رواسي : تتخلف في شدي
????
…
صقر : طالعه ماشاء الله اليوم
رواسي : شكرا وحتي انت ماشاء الله
عليك
صقر : بأبتسامة شن جو قرايتك
ان شاءالله تمام
رواسي : بخير والحمدلله
صقر : شن امتي حابة تردي عليا بالموافقة
رواسي : حطت عينها في عينه بجراءة
وقامت حاجب
امتي تحب نرد عليك
صقر : بحب
حتي توا عادي
رواسي : بأبتسامة طيرت عقل صقر
خلاص اني موافقه ??
صقر : هههههه ولله انك مجنونه جد
رواسي : طار عقلها في ضحكته
بس سيطرت علي الوضع …
_ نعجبك راهو ..
صقر : وانتي عاجبتيني اصلا ..
رواسي : بخجل امممم
صقر : اممممم اكيد في كلام تبي تقولي ومتحشمة
صح
رواسي : هوا اي صح بندفاع
حابة نعرف شن تحب اطباعك كل شيء
يعني تكلم علي نفسك ..
صقر : اممم
اني نحب الانثي المحترمه المحتشمة الصريحة لي في قلبها علي لسانها العفوية في تصرفاتها والحمد لله كل الميزات لي نحبها ونتمناها فيك …
نحب الانسانة المثقفة وتحب تهتم بنفسها بمعني حمل للمسؤولية …
تعطيني اهتمام في حياتها حتي لو بنسبة بسيطة
المهم نكون شيء مميزة بنسبة ليها …
نحب نشتغل علي نفسي نكون نفسي بنفسي
نحب الناس المتواضعة والطيبة لانهم هما البركة
نحب السفر والمغامرات بس لأن مأجلهم للزواج
الحق نحب نعيش ونعيش هذا طبعي …
مانيش معقد بالعكس نحب التفاهم ونعطي لكل عيب سبب بمعني منحبش الظلم ..
عيوبي غيور هلبا بمعني حاجتي
ليا اني وبس …
وعصبي ولما نتعصب نحب نكون بروحي
لي حد مانهدي …
وهذا اني بميزاتي وعيوبي …
رواسي : تبارك الله ميزاتك حلوة وزي ماكنت نتمني بزبط بس حبيت عيوبك قبل ميزاتك باش نشوفك كلك شيء مميز ..
صقر : ابتسم لي كلامها لانه عجبة ردها
بتجننه البنت هادي
????
رواسي : بتفكير
علاش ماسألتش علي ميزاتي وعيوبي
توقعتك تسأل
صقر : اني حافظك ونشوف فيك كلك ميزات علاش بنسأل علي عيوبك …
رواسي : نزلت راسها بخجل ..
? ياربي بجنني الانسان هذا بكلامه لي يجلط
اخخخخ ياربي قلبي بيطلع من مكانه ..
صقر : نحبك يابنت الناس شن درتي فيا بس
رواسي : تغير لون وجها احمر دم
كوكتيل وقلبها دب دب دب ..
صقر : شاف شكلها هههههههه
رواسي : بخجل خلااااص
وغطت وجها بيدها …
في شخص شافهم ويشوف في تصرفاتهم لي توحي بالحب ولا يغلي مع بعضه وكان يلقي يكسر كل شيء قدامه
محمد : بحقد
مساء الخير ياشدي
شدي : بفرحه محمد انت جيت
مساء الانوار ..
محمد : بشبة ابتسامة اية جيت نسأل عليك وبروح بي منار في نفس الوقت ..
شدي : ابتسمت بخجل كيف حالك اليوم
محمد : بخير
بس هوا مش معاها نظره كله علي رواسي وصقر
وكله تحت نظر منار
????
…
رواسي : بحب
نستاذنك اني توا خوي يتصل بيا
صقر : ديري بالك علي روحك نحبك
رواسي : ان شاءالله وحتي انت رد بالك علي
روحك واني نحبك
صقر : اني عندي من يدير باله عليا
صح وغمزلها
رواسي : ميته خجل ..
صح وهربت جري ..
محمد يشوف فيهم وقريب يتفجر
شدي : ? خيرا هذا شن صاير معاه هذا غير جاي علي خاطري قامت عيونها وشافت لي وين يشوف
تغير لونها ومزاجها …
شافتله بمعني خدلتني ومشت وخلاته بقهر
محمد : مش حاس عليها اصلا ومعطاش اية اهتمام
للموضوع من اساسا لان النار لي في قلبه مافي حد حاسس بيها …
منار : تقنطت منه …
بغضب اني في السيارة ومشت وخلاته حتي هيا وجعها خاطرها علي شدي كسر فرحتها
???
رواسي : سلمت علي شدي وروحت
لقت مروان مدرس
مروان : مزال بكري
رواسي : اسفه مش قصدي نتأخر
مروان : مافيش مشكلة ويدور بعيونه يمكن يلمح منار حب عمره
رواسي : حست علية ..
روحت البنت للعلم ههه
مروان : ههههه قوليلي شن رايك فيها
رواسي : تجنن البنت عكس امها الحربة
مروان : بمرح عيب يابنت تتكلمي علي حماتي
هكي …
رواسي : ههههه اوك سوري عندك الحق بس الله يعينك …
وقعدت? حال شدي مش تمام علاش نحس هكي مش عارفه ياربي شن صاير معاك ياشدووو ان شاءالله خير وخلاص ….
مروان : وين وصلتي يابنت ليا ساعة نتكم بروحي
رواسي : سوري مش قصدي سهيت
ههخ
مروان : امممممم
____________________
عند شدي …
شدي : عيونها تدمع من وجع قلبها مش قادرة تسيطر علي دموعها ..
صقر : شدو حبيبتي خيرك تبكي صاير معاك شيء
مزعلك …
شدي : لالا ياقلبي مصاير شيء بس مش عارفه شن خش لعيوني ..
صقر : مدلها طرف كنينكس امسحي عينك
من البرا ..
شدي : خدت منه وبدت تمسح وتبكي مش قادرة توقف دموعها …
صقر : حس انها مش طبيعية ..
غير الوجهة و درس علي البحر انزلي
شدي : صقور حبيبي ولله تعبانه
ماخاطري في شيء وراسك
صقر : قتلك انزلي اني
شدي : بستسلام
اوك و نزلت ..
صقر قعد يتمشي وهيا تمشي وراه
صقر حس انها فيها شيء …
بعد وقت ..
شكله عجبك الجو …
شدي : ارتاحت نسبياً
بأبتسامة اية يجنن البحر
صقر : امممم هيا
شدي : هيا
صقر : ركب السيارة
شدي : شكرا
صقر : شكلي بنضربك اخت صقر مفروض ماتنزلش دمعه من عيونها الغالين اني مش رح نضغط عليك بس مش رح نسامحك لو زعلانه مني وماتبيش تحكي وبعدين شن شكرا بتاعك هادي ..
شدي : ولله ماني زعلانه منك وهوا اني نقدر نزعل منك اكيد لا وبعدين عادي اخت وحبت تشكر خوها ..
وبعدين ماتشغلش بالك موضوع بسيط ورح يتحل ان شاءالله
صقر : ان شاءالله
_ فهم انه خلاف بينها وبين محمد ماحبش يدخل ..
______________________
عند منار …
طول الطريق وهيا تنفخ ومش عاجبها شيء ..
محمد : خيرك تنفخي من بكري ومش عاجبك شيء
ان شاءالله خير
منار : اكيد مش رح يعجبني نشوف العوج ونسكت تبيني مثلا …
محمد : بستغراب عوج شنو لي تحكي عليه
منار : اية صح عندك الحق مش حاس بتصرفاتك
معمي لانك ..
للعلم شدي حست بنظاراتك واكيد زعلانه توا لانها مشت بزعل من قدامك وانت مش حاس اصلا
محمد : حالة صمت
منار :
يااخي خلاص انسي الماضي وعيش حياتك حرام البنت تظلم فيها معاك خليتها تتعلق بيك وتحبك وبعدين ترميها الرمية الشينه هادي فكر فيا اني اختك شن بصير فيا بعدين ياداير يالاقي ياخوي
شدي بنت كويسه وطيبة وتستاهل كل خير وخالتي وراجلها جميلهم كبير علينا …
محمد : سكت لانه كل كلامها صح ..
? ياريته بيدي يامنار ياريته دمي يفور بروحه
مش قادر نستوعب انها تكون ملك غيري
نحبها مش بيدي ولله ماهوا بيدي …
منار : ياخوي راضي شدي باللهي عليك ماتخليها زعلانه راهي تحبك وتبيك وكلمة منك ترضيها
محمد : ان شاءالله
منار نزلت بحزن علي خوها وعلي بنت خالتها لي تحبها زي اختها …
____________________
عند رواسي وصلت للحوش عطت موافقتها لي امها
الام فرحت علي الاخير …
وكل خوتها سمعوا بالخبر في لي فرح وفي لي مش عاجبة بس سكت …
بوها فرح علي الاخير بس في نفس الوقت مش هاين عليه يعطي بنته …
……..
ايمن : بستغراب عارف مروان مستحيل يعطي اخته بساهل
سمعت شن صاير
مروان : بتعب مخاطري نسمع شيء تعرف مدقدق
مع بعضي اجل كل شيء لبعدين …
ايمن : براحتك بس الموضوع مهم
راهوا ..
مروان : بملل
اففف احكي هي وانت ضروري تنفخهم
يانفاخ ..
ايمن : اسمع وسكر فمك
صقر باش طلب يد رواسي اختك
مروان : بغير اهتمام
تي الموضوع متسكر اختك مش رح توافق اصلا هههههه خليه يحلم بيها المريض
ايمن : انت غبي ولا تستغبي عليا اختك وافقت عليه ياغبي ..
مروان : بصدمة تبصر سادك خفة دم رواسي نعرفها مستحيل توافق
ايمن : اقسم بالله مانكدب واختك وافقت اليوم …
مروان : نسي تعبه وناض بغضب ..
ومشي جري لي غرفة رواسي
???
____________________
محمد حدف روحه علي السرير ويفكر في كلام منار اخته مافيش كلمة غلط من كلامها …
يتكلم مع نفسه محمد انت راجل متخليش بنت تخرب حياتك ..
اي صح مش رح نخرب حياتي بيدي
اتصل بشدي …
شدي : حادفه روحها علي السرير وتبكي
شافت الاتصال سكرت الفون ورقدت
محمد : تقنطي لما فصلت عليه ولقاه مقفل
قعد يفكر لي عندها الحق انها تتصرف هكي الغلط منه هوا …
قرر انه يرضيها ….
______________________
عند منار …
قعدت تلف ودور ضروري نلقي حل
لي محمد خوي ….
رح يخرب حياته الغبي هذا
امممممم
________________
عند احلام …
تتصل بي علي …
رد الفون
احلام : علوشي حبيبي وينك
صوت بنت : الووو
احلام : من انتي وووين علي
البنت : ههههه انتي لي متصله ياماما بي حبييي
وبعدين شن تبي يالرخيصة
احلام : حطت يدها علي فمها بصدمة مش من كلام البنت من كلام لي سمعاته من الطرف التاني
البنت : علي مااظن سمعتي شن قالك بس يلا رح نعاود الكلام باش يتبث في دماغك المعفن …
اممم قالك حبيبي يافاجرة معدش تتصلي بيا خير ماتشوفي شيء مش رح يعجبك وانتي اكيد فاهمه
معني كلامه زين ياحلوة هي سلام عندي ماندير اني والبيبي …
احلام : سكرت الخط بصدمة وبدت تبكي علي حالها
خسرت نفسها وخست كل شيء غالي …
رخصت نفسها بنفسها ..
???????
شن بصير تابعوني ..
شدي هل رح ترضي بساهل
رواسي كيف بتتصرف مع مروان يلي فاصل اخر تكه
محمد هل رح ينسي الماضي بساهل
والالا
احلام كيف بتتصرف في الحاله هادي وشن بصير فيها …
الكتابة : ÉMåñ Ålbåshå
ايمان الباشا ……
زي ماقولت نلقي هلبا تعليقات انزل حلقة اضافية ..
لو التفاعل ضعيف سوري مش رح انزل كان هذا ..