احببتك من دون علمك

الحلقة : 10 …

من رواية : احببتك دون علمك …

_____________________

فات الوقت …

صفاء : الحق خوك خيرت ماختار صاحبتك هادي تبارك الله عليها اسلوب ومنطق وذوق الله يبارك
الحق ..

شدي : ربي يحفظها ان شاءالله
الحق ماشاء الله عليها من قبل نقولك نتمني صقر لي رواسي والحمدلله النصيب جاب ..

صفاء : بفرحه ..
الحمد الله المهم كيف حالك مع محمد

شدي : بحزن ..
ماشي الحمدلله امورنا بخير

صفاء : حست علي بنتها
يابنتي المشاكل تصير بين كل اتنين هادي سنة الحياة

شدي : بندفاع ..
لالا مافيش اية مشاكل بيني وبين
محمد الحق ? …

صفاء : حركت حواجبها بطريقة تعجب

ان شاءالله حق كلامك ..
ماحبتش تضغط علي بنتها هلبا ..

عموما تصبحي علي خير اكيد بوك روح وتعبان

بحماس

خلي نحكيله شن صار اكيد رح يفرح
الحق نبو فضانية …

شدي : بضحكه ماشي ياعمري انتي
دوم الافراح ان شاءالله
وبعتت بوسه في الهواء وانتي من اهلوا ياعسل …

وحتي هيا ركبت شافت فونها مافيش لامسج
ولا اية اتصال وجعها خاطرها ..

وتصلت بيه …

محمد متكي ويفكر في ايام قبل لما كان معي رواسي
ويبتسم علي الذكريات
…

قطع عليه تفكيره اتصال شدي
???

محمد : الوو

شدي : بزعل
الو حمودي خيرك مادورتنيش

محمد : بملل
اسف كنت راقد مش قصدي

شدي : خلاص ياعمري مدامك راقد السموحه المره هادي تمام

محمد : حتس روحه مخنوق
اي تمام

شدي : حبيبي فيك شيء
مضايق ولا حاجه

محمد : لا مش مضايق ولا شيء
بي كيف نايض حلقي يوجع فيا ..

شدي : بخوف
محمد انت مريض فيك شيء حبيبي

محمد : لالا الحمد الله بخير
بس حلقي مجرح شوي متحطيش في بالك ..

شدي : بليز حمودي خود حبوب حلق
لعيوووني

محمد :ان شاءالله رح ناخد

شدي : تمام ياروحي …
بالك مش قادر تكلمي

محمد : بضيقه
لا عادي خليك مافيش مشكلة

شدي : بزعل
حست انه يكلم فيها بدون نفس
خلي نخليك ترتاح وغدوا نتكالموا تمام ..

محمد : ماشي تمام هي تصبحي علي خير

شدي : سكرت الخط خشت في نوبة بكاء
علاش يعامل فيا بطريقة هادي شن ذنبي اني حبيته
معقولة مش قادر ينسي الماضي ..

محمد : حدف الفون علي طول يده
ليش مش قادر نتقبل الحقيقة ليش
محمد انت رح تفتح صفحه جديدة

ضغط علي نفسه ..

اتصل بي شدي

شدي شافت الاتصال فرحت
مسحت دموعها ..

الوووو

محمد : حبيبتي تبكي صح

شدي : بدلع انت تكلم فيا بجفاف
مش قادرة نستوعب انك حبيبي حمودي
لي يحبني ويخاف عليا ..

محمد :يلوم في نفسه علي تصرفه الغبي …

ياقلبي عليك سامحيني ياروحي
حلقي متعبني وحرارة رد بالك تزعلي مني حبيبتي

شدي : بفرحه
نرضي بس بشرط

محمد : عيوني ليك ياعمري

شدي : نوض خود حبه حلق

محمد : حاضر حبيبتي

شدي : هياااا توتو

محمد : هههه حاضر يالمجنونه

وشدوها هدرزة ومحمد يحاول يتأقلم مع حياته الجديدة وخلى الماضي للماضي ..

_____________________

عند رواسي كملت الحوسه ..
وتهدرز مع امها ..

الام : يابنتي انتي كبرتي ماشالله عليك صبيه
وندادك بصغارهم ..

رواسي : بخجل عارفه يالغالية
بس

الام : خلي نكمل كلامي يابنتي ..

وانتي ماشالله عليك قمر يمشي علي الارض
والكل يتمناك خطبوك هلبا ناس مني بس نرفض بدون حتي لانقولك مرات بس لما تقدملك صقر ولد عمتك صفاء قولت نسألك لانهم عائلة تبارك الله

رواسي : شافت تحت بخجل

الام : يابنتي فكري زين في كلامي وصلي استخارة
شن خاسرة انتي ..

رواسي : صح كلامك
حاضر ياامي

الام : تشوف لي بنتها بحب
ماشالله وليتي مراء وبتفحتي حوش

رواسي : بخجل اميييييي
خلاص ولله تحشمت

الام : هههههه
الله يهنيك يابنتي بري ربي يفتحها في وجهك ويبعد عليك بنات وولاد الحرام ….

رواسي : ان شاءالله يارب
هي ماتبي شيء غاليتي ..

الام : سلامتك يابنتي …

رواسي اتكت علي سريرها وقعدت تفكر في صقر
زعما لو عرف الماضي رح تستمر علاقتهم ببعض

تفكر وتفكر وتفكر ..

حست بفونها يهزززز
رقم غريب قعدت تفكير اكيد رح يكون صقر قعمزت تربعت وتواسي في روحها علاش مش عارفه ههه

رواسي : الو

صقر : الو مساء الخير

رواسي : بخجل مساء النور

صقر : اخبارك

رواسي : الحمد الله بخير وانت

صقر : الحمدلله بخير

حالت صمت

صقر : طبعا اكيد وصلاتك المعلومه اني خطبتك وحبيت انك نعرفيني عليك اكثر

رواسي : قبل كل شيء ياولد الناس اني انسانه صريحه لي ابعد حد وهذا طبعي ..

وقبل لا نتعرفوا علي بعض …
نبيك تسمع كلامي للنهاية لو مافيش مشكله ..

صقر : تفضلي احكي واكيد رح نسمع كلامك للنهاية
لانك تهميني …

رواسي : بارك الله فيك

اني كنت نبي شخص والشخص هذا يبني
وقعدنا في علاقة لمدة خسمه سنوات

صقر : نصدم بس سكت ..

رواسي :

الشخص هذا قررت انه يخطبني وفعلا اهله جونا وكانت الامور لي اهني كلها تمام مع انه امه كانت معاملتها معنا مش حلوة …

صقر : ماشي تمام ..

رواسي : اني قبل لاتعرفني كان فيا عيب او بمعني مرض ولكن الحمد الله تعفيت ورجعت زي الاول واحسن …

صقر : هوا يعرف بس يستعبط كل شيء عليها
الا علقتها مايعرف عليها شيء …

مرض شنو ..

رواسي : توا تعرف ..

لي صارلي فجاءة شعري بدي يخف
لن وليت شبه صلعاء بس الحمد الله خديت علاج لمدة سته شهور رجع شعري الطبيعي

صقر : يسمع وساكت ..

رواسي : لي صار الام قلبت الدوا لي ولدها وقتله ان اهلي استقبلوهم بطريقة مش محترمه ..

وقالت عليا انى صلعاء وكلام من هكي يعني دمتني بطريقة مش حلوة ..

تبي الحق كان الغلط مني لما مقولتش علي عيب فيا
من البداية بس صدقني كنت مجبورة خايفة من ردة فعل مش حلوة

اني بروحي كنت مش متقبله الفكرة
???

صقر : بتركيز
اية فاهم عليك باهي وشن صار تاني

رواسي : الشاب لي كان يبني بعتلي مسج تهديد
لو كلمته تاني او جيت في طريقه رح يدير فيا العار ويقلب الدنيا فوق راسي ..

الحق قعدت زعلانه علي نفسي وندمت علي حبي ليه
خمسة سنين ضيعتهم علي شخص مايسواش
ووعدت نفسي رح نتغير ..

وبعد شهر شفته مع غيري
يعني كل شيء كان مجرد كدب …

وفعلا حاولت نغير من نفسي وتغيرت
ويوم شفتك نعجبت بيك …

بس ننكر في داخلي الشي هذا
لاني خايفه نعيش نفس التجربة ..

ولكن

ومره بعد مره نلقي روحي ننعجب بيك اكثر واكثر
ولما تحكي شدي عليك دقات قلبي تزيد عرفت انك الحب الحقيقي لي يحكوا عليه

قبل لا نبدوا في اية شيء رسمي
انت راضي بيا اني انسانه كان عندها ماضي …

صقر : تصدقي اني مصدوم بجد ..

رواسي : امممم اوك ردك وصل ..
وللعلم مش زعلانه لان ..
الدنيا نصيبات يلا حصل خير مع السلامة

صقر : تي غير وين بتسكري الخط يالمجنونه ..

رواسي : بنسكر الخط لان ردك كان
واضح ..

صقر : وكيف كان ردي

رواسي : انت مصدوم ان اني عندي ماضي
ومش رح ترضي بأنسانه عندها ماضي زيني اني ..

صقر : بلعكس يابنت الناس اني الماضي مايهمنيش
بس يكفي انك بنت ناس واصل انك كنتي صريحه
معاي قبل كل شيء حكتيلي حتي بدون لانطلب منك
الشي هذا

واني مصدوم مافيش بنت تحكي شيء من الماضي وراح …

رواسي : لكل شخص وربايته هادي اني
صريحه تبني اوك ماعجبتكش الله كريم …

صقر : بأعجاب
يشهد الله عليا حبيتك من كل قلبي …
ومانشوف فيك الا ام لي صغاري ..

رواسي :بخجل واني حبيتك بجد

صقر : خلي نعرفك علي نفسي اكثر وانتي نفس الشي اوك ..

رواسي : اوكي …

وفعلا شدوها هدرزة

صقر : رواسي تصدقي لي كان يبيك مايجي راجل لانه فرطفي وردة زيك بس الحمدلله ياربي ان كل شيء صار لانك رح تكوني ليا اني …

رواسي : بخجل ..

لكل شيء حكمه والدنيا قسم ونصيب
وان شاء الله تكون نصيبي ..

صقر :باذن الله نصيبك مش رح نفرط فيك
وهذا وعد راجل …

رواسي : بحب ربي يحفظك ليا

صقر : بحب ويحفظك ليا ياعمري

رواسي ماتت خجل
???

برغم خجلهم بس جريئن خزو
??

________________

منار : مروان حبيبي ولله تعبت
من جيهة امي من جيهة خوي محمد

مروان : حبيبتي صدقيني كل شيء رح يتعوض بس مسألة وقت بس ..

منار : زعما هكي تقول ..

مروان : اكيد حبيبتي
بنقولك علي موضوع

منار : قولي ياعمري ..

مروان : خلاص اني وبوك تفهمنا علي كل شيء
وباذن الله رح يتم الموضوع علي خير بس حاسس بوك ديما يحكي عليك قدامي ..

منار : اكيد عجبته ورتاحلك هذا ليش ديما يتكلم جنبك بطريقة هادي
???

مروان : ان شاءالله نعجبه علي الاقل يرضي عليا ويزوجنا لبعض ….

منار : تبي الصراحة يعني اكيد رح ينعجب بيك
لانك ماشاء الله ذكي وناشط في شغلك وغير هكي جميل اكيد رح يتمناك لي بنته

مروان : بسعادة
بالك لانك تحبيني تشوفي فيا هكي

منار : لا حبيبي ولله جد
قصدي اني قولت كلام اية حد يقدر يشوف الصفات هادي فهمت عليا …

مروان : تسلملي ياعيوني اكيد فهمت عليك

منار : بحب ..
نحبك

مروان : بجنون

شنو قولتي تحبني ياقليلة الحياة
وقدامي بعد

منار : ههههههههه
من وين جبت الكلام هذا

مروان : هالخليج لي ديما تتفرجوا عليهم
نقلد علي اساس
???

منار : في هادي فاشل وبقوة

مروان : تطيرت عين ياحبي
???

منار : بتمثيل ..
شن قصدك بكلامك اني ضربتك بعين
صحححح

مروان : انتي طيري الرقبه طول علي اساس يرقع قصدي حشاك يالغاليه انتي تضربي بالعين لالا مش مصدق الحق

منار : هههههههه
طيرت ام ام جبهتي ..

مروان : ريتي كيف نعجبك
????

منار :????

مروان :

اية حقة شن كلماتك اختي ولا مزال

منار : تبي الحق كلمتني بس صار ظرف وماقدرتش ارد عليها اتصلت بيها مقفل ومن بعدها معدش اتصلت بيها الحق تحشمت ..

مروان : اهااا نظموا اموركم مع بعض ..
انتي امتي ماشية للجامعه

منار : غدوا الحق

مروان : خلاص توا نكلمها تكلمك ياعمري
تمام وتتلاقوا مع بعض

منار : تمام حياتي ..

وباقيها هدرزة عادية …

……………………

احلام : بعتت مسج ..

علي حبيبي وينك مختفي يوم كامل
متكلمنيش …

علي : شاف المسج بملل
وحدف الفون ..

اففففف هادي خيرها لصقت فيا

البنت : حبيبي فضيلي افكارك وخليك معاي

علي : ماشي حياتي
ومشي في المحرمات مع غيرها ..

احلام ماشية وجاية بتوثر …
اطمن في روحها …

اكيد في شيء صاير معاه مش من عادته يطنش مكالماتي ولا رسائلي …

عموما خلي نحط منكير
خاطري في اللون البيج من امس اكيد رح يعجب علوشي …

وقعمزت تحط في المنكير …

__________________

اليوم التالي ….

في الجامعه ..

شدي مقعمزة مع رواسي ..

شدي : اية حقه نسيت نقوبك بتجي بنت خالتي اليوم للكلية …

رواسي : واخيراااا
تصدقي حتي حبيبت خوي بتجي اليوم
خلي نتصل بيها ونشوفها شن صار فيها ..

شدي : اي اي كلميها خاطري نشوفها ..

رواسي : حتي اني زيك فضول ..
اليوم في السيارة كله محاضرة اصبري اصبري
رجعت الذاكرة بنت خالتك شنو اسمها ..

شدي : بخضه

منار علاش

رواسي : منار منار

شدي : اب منار منار خيرك انتي

رواسي : هيا وربي هيا

شدي : رواسي حبيبتي خيرك بتهبلي
مش فاهمه عليك ..

رواسي : شوفي لما خالتك جتنا معها منار صح
وخوي قالي نبي منار لي جت مع امها من قبل
واني نصحته يعني هيا نفسها بنت خالتك حبيبت خوي ..

شدي : خوك مروان يعني هيا حق
????

رواسي : شدت راسها حي علي ام الغباء

شدي : كيف مافكرناش فيها ..

رواسي : مش عارفه غير اهني مش مركزين
????

شدي : دوايح ياحظي
????

علي جيت منار رحبوا ببعض
وكان جوهم فوق الخيال …

______________

شن بصير تابعوتي …

منار من بيروح بيها وشن ردات الفعل لي بتصير
رواسي شن بصير فيها

شدي ومحمد شن بصير فيهم
ومحمد هل فعلا رح يتغير ..

الكاتبة : ÉMåñ Ålbåshå