نصابه ومعاي عصابه – روايات بنووتة الشيخ

الحلقه 4

حسناء:هي بسلامه ومتجينيش تو نروح مع سعاد
اياد:به ….وجي بيدور يسمع في صوت بنت
مآب:شنو تسحابني انت بعد من عليا
اياد:كان الصوت قوي هلبا والواضح ان بنت وولد يتعاركو درس السياره ونزل…

حمزه:شنو يعني بتضحكي عليا ونمشيها بي البلاش ياحلواا
اياد:وقف يشوف فيهم
مآب:انت اكتر واحد عارف انا منو وشنو نقدر ندير فيك يمين بالله مزال تفكر تقرب مني ولا نشم ريحتك بس انت عارف شنو ممكن يصيرلك
اياد:فيه شي ؟
مآب:شافاته نصدمت?….لا ياقلبي مفي شي تعالا ايوب وفنصت فيه
اياد:خيرها هاذي
حمزه:دف اياد بي يده …هادا يلي شاده ضهرك بيه بو عيون الخضر
اياد:شد يد حمزه ولواها …خيره مش عاجبك بو عيون خضر
حمزه؛اااااااااه
مآب:خلاص ايوب اطلقه ياسر
حمزه: طاح ع الارض بعدها ناض ركب سيارته وطوووول مشي
مآب:حطت يدها ع قلبها …اوووه اخيرا
اياد:نقدر نعرف منو ايوب ومنو انتي ومنو انا
مآب:شافت لي اياد درت هكي باش نتخلص منه وبعدين منو انت كل شويه طالع في خليقتي
اياد:لا والله …حسستيني ميت عليك وانتي خشمك اكبر من سيمافرو التضامن
مآب:ونبي?قولها لي خشمك اطول من يوم الجمعه
اياد:اي زيدي لعلعي خلي ننفضحو في ها الشارع المغبر ياشينك خطبه غبره ولد خالتي مسكين
مآب:ع شنو تحكي
اياد:سلامتك هي زيدي غادي خليني نمشي
مآب:شبحتله وخشت للحوش
اياد:زعما هيا نفسها يلي بيخطبها ولد خالتي؟?

ترن ترن ترن
اياد:الووو
معتصم:ها وينك
اياد:قاعد كيف وصلت امي
معتصم:به نجيك ولا تجيني
اياد:نجوهم?
معتصم:تي غير جديات ندوي
اياد:عندي موضوع توا خلي ندير دورتي ونكلمك
معتصم:به تمام

✨روايات بنووتة الشيخ✨

سعاد:مشاء الله ربي يبارك
وعد:متحشمه?
سعاد:الحق انا وليدي نبيه يتزوج اول مايتخرج وهوا توا يدير في المشروع متاعه
انيسه:مشاء الله ربي يوفقه
سعاد:وطبعا هادا البكر وبعده ولد وزوز بنات والعريس الغزال فيهم
انيسه:ربي يحفضه
مآب:بصوت واطي…وبعدين يطلع راسه مربع واحول
ماريا:صكري فمك ياكلبه??
حسناء:مشاء الله هادم بناتك؟
انيسه:اي هادي ماريا وبعدين مآب وميسون
حسناء:ربي يحفضكم انشاء الله
ماريا:تسلمي?

ترن ترن ترن
اياد:ها حبي
حسناء:تحشمت لان صوت التالفون عالي
البنات:??
حسناء:ها يافرخ
اياد:انا برا قاعد تو نروح بيكم معنديش خدمه
حسناء:به انشاء الله
اياد:خيرك تتكلمي بي ادب?
حسناء:احمم به بسلامه
اياد:بسليمه سلمينا عليهم ياغزاله
حسناء:صكرت وهيا تضحك …احم هادا اياد هي شنو تنوضي
سعاد:اي هي وقت
انيسه؛خليكم تعشو
سعاد:لا حبيبتي صحيتي انشاء الجايات اكتر وربي يقدم يلي فيه الخير
انيسه:انشاء الله ياربي تشرفونا
مآب:مشت بسرررعه لي روسن المطبخ لانها سمعت صوت اياد لما يكلم في امه وتبي تشوف نفسه او لا
اياد:واقف علي السياره وفاتح تالفونه
مآب:ياربي شنو ها الحصله طالع في حياتي وين منمشي
اياد:قام راسه وشاف مآب…غمزلها?
مآب:افففف??‍♀️انشاء الله غير ميفضحنيش بس الخرا هوا
ماريا:شنو صار معاك مبكري
مآب:تعالي الجاي المرا يلي تتكلم في التالفون مبكري ولدها يبي وعد؟
ماريا:لالا هديكه خالت العريس
مآب:يعني العريس بيكون ولد خالته ??‍♀️
ماريا:ليش شنو فيه
مآب:بدت تحكي ….

✨روايات بنووتة الشيخ✨

إياد:شنو عجبتكم البنت ولا هشك بشك
سعاد:لا مشاء الله عليها الحق
حسناء:اي البنات ال4قنينات
اياد:شنو اماله فؤاد ناوي ياخذ ال4في مره
سعاد:تي لا البنت يتيمه وعايشه مع خاها وبناته
اياد:يبي يعرف العروسه مآب اولا بس بطريقه غير مباشره …احمم مبكري شفت وحده تلوح في الكناسه حشاكم لابسه سروال وسوريه حمراء زعما هيا
سعاد:لالا هديكه بنت خالها اسمها غريب نسيته
حسناء:بي نضرة شك..اسمها مآب وانت يافالح وين عيونك
اياد:عيوني في شكارت الكناسه يا امي الحق شكاير ملاح لونهم ازرق زي شاربتك تو ناخذلك وحده تطرحي بيها
حسناء:اي اي مصدقه

ترن ترن ترن
اياد:ايوا
مجد:وين دين فيت خالت عمت ام جدك انت
اياد؛تو نجيب شجرة العيله ونكتشفو ?
مجد:تي تعالا الزفت ساعه نستنو فيك بنقسمو الفلوس
اياد:به خلي نلوح قصدي نوصل امي وخالتي ونجيكم
حسناء:هادا فاش فالح غير في الدوران
اياد:امالا فاش تبيني نفلح في الكنافه؟؟فكيني بالله عليك

✨روايات بنووتة الشيخ✨

مآب:ياااارب ميحكي شي لي امه بس
ميسون:تخيلي رح ياخذ علينا فكره زبااله
ماريا:اسكتو متقولوش لي وعد واضحه انها تبي الولد ولو تفركست الخطوبه مشكله
مآب:ياربي بس من وين تطلع في خليقتي النماذج هادي
ميسون:بس طرف?
مآب:انتي مريتيشي لما تقربي منه ووووه
ماريا:هاذا فاش تفكرو???

مجد:شنو الصدف يلي كاثره هادي
اياد:مفهمتش
معتصم:والولد شنو كان يبي منها؟
اياد:كانو يتعاركو لاكن علي شنو علمي علمك المهم توا خلينا نقسمو الفلوس بما يرضي الله
معتصم:تم يازوء قسم
اياد:تمام هما 15الألف معتصم ياخذ عشره جني مجد عشره جني والباقي ليا تمام هكي
معتصم&مجد:??
اياد:نبصر وانتم وجهكم راح زي وجه امي لما منحصلش خبزه ?
مجد:مبرد وجهك ?

ماريا:شنو ياقلبي شنو صار معاك كلمك؟
مآب:خااايفه
وعد:اي تعرفي بنموت من الخوف قالي امي عجبتيها وتوا بنديرو خطبه بس والعرس بعد التخرج ع طول
مآب:اوووه…الف مبروك ياروحي ??
وعد:يبارك فيك
ميسون:من المطبخ….العقبه لياااا
وعد:ههههه انشاء الله

اياد:السلام عليكم
محمد(عم اياد):وعليكم ماقلتم
اياد:اوووه عمي كيف الحال
محمد:الحمد الله تمام شنو اخبارك
اياد:مليح
عبد الله:قعمز وين ماشي
اياد:والله تاعب الحق بنمشي نرقد
عبد الله:وبعدين نوض عقاب الليل واصهر للفجر
اياد:تصبحو ع خير?
محمد:اياد زود نبيك شويه
اياد:مجابوش فلوس للمصرف ره
محمد:هههههه لالا مش ع المصرف غير تعالا نبيك
اياد:نعم
عبد الله:نجيب الشاهي ونجيكم
محمد:ولدي خليفه
اياد:خيره
محمد:والله معارف كيف نفتح الموضوع
اياد:افتحه بلمفاتح وتوكل..تي ادوي بنرقد
محمد:خليفه الله لاتربحه
اياد:امين خيره
محمد:ضحكت عليه بنت وخذت منه سيارته والسياره فيها كتيب العايله وشوية اوراق
اياد:?استنا شوي منو ضحك عليه؟
محمد:بنت بنت ومفيش إلا انت عندك في المواضيع هادي
اياد:ع اساس ولدك عمر بن خطاب
محمد:ياودي بتساعدني ولا كيف
اياد:ع قولت معتصم …تمام يازوء بس احكيلي شنو صارت وكيف قدرت بنت ادير هكي
محمد:اااااه ياربي شنو بنحكي لا نحكي هادا ياحنا تلاقا مع بنت في مطعم وقعدو يهدرزو شويه ونكبت علي سروالها قهوا قالتله عطيني مفتاح السياره بنبدل سروالي جايبه معاي حوايج في البدايه استغرب بعدين قتله جايبه حوايجي لان بنمشي حوش اختي واصرت تبدل حوايجها والعياذ بالله صدق وعطاها المفتاح الحمار وقعد مقعمز في المطعم يستنا
اياد:والله حمار لان مركبش معاها السياره?
محمد:ضرب اياد علي عنفقته?….صايع
اياد؛ااخخ..به توا كيف بنعرفها
محمد:قال مصورها شوفها وانت عاد مشاء الله استخبارات في كل تركينه ولد خوي
اياد:به تمام امتا نشوفها
محمد:اهيا عندي استنا نفتح التالفون …..ااهيااا
اياد:?يلي قاعد يصير معاي مش طبيعي
محمد:شن فيه
عبد الله :هي تفضلو الشاهي
اياد:خلاص عمي حفضته الوجه تو نرد عليك
محمد:به يبارك فيك
اياد:طلعت وانا نفكر شنو يلي قاعد يصير وين منمشي قدامي ؟؟؟كلمت معتصم ومجد وجوني بسرعه لان مستحيل نعرف نفكر بروحي

مجد:انا من رائي البنت مش تمام انت شفتها مع ولد اليوم وعرفت انها نصبت ع ولد عمك وخذت سيارته في نفس اليوم واضحه
اياد:مستحييييييل مش قادره تخش دماغي البنت واضح عليها صغيره كيف تقدر تنصب وتاخذ سياره ؟غير هاذا كله ولو تشوف وجها كيف برائه تامه
معتصم:انا مش مصدق يازوء
اياد:تو نمشي غضوا نتفاهم معاها
مجد:غبي طبعا مستحيل تعترف لو كان كلام عمك صح
معتصم:لانها متعرفكش وتعاركتو في اخر مره شفتو بعض
اياد:والحل الكتيب متع العايله في السياره وانا مش مستوعب انها قادره ادير هكي
مجد:انا عندي فكره
معتصم:يلي هيا
مجد:ضروري تتعرف عليها وتخليها تستريحلك
معتصم:تحبه يعني
مجد؛مقلتش تحبه تستريحله ياحمار لو تحبه ديمه رح تبين انها كويسه بس لو استريحتله وقعدلها صديق وتحكيله في كل شي رح تقوله
معتصم:ولو مصارش الشي هادا؟يعني مستريحتلاش
اياد:نساولها المخده?
مجد:حماار??لو مصارش اخطفها وطقها كفين تو تعترف بي يلي عندها كله
اياد:ورح تصير مصيبه لو طلعت مدخلها بي الشي المهم خلونا ع الخطه الاولى
معتصم:به كيف رح تستريح لي اياد؟
مجد:ضروري يدير موقف رجولي معاها
اياد:زي شنو
مجد:مثلا نشوفو حد يمثل انه وح يسرق شنطتها وتجي انت تنقذها ع اساس فايت بي الصدفه وقتها رح تشكرك
معتصم:الله ع الذكاء ?
اياد:به مليح
مجد:توا منو رح يمثل دور الخانب؟؟
معتصم واياد شافو لي مجد وبتسمو??
مجد:هي هي انا نخطط بس منمثلش
اياد&معتصم:????….وبعد 7ساعات اقنعوه وروحو

ثاني يوم :-
ماريا:مآب هيااااا وانتي ساعه قدام المرايا
مآب:خلي وعد تطلع قبل
وعد:طلعت انا
مآب:اهو جيت سلااام امي
انيسه:دخلي شعرك يا دراه
مآب:به?

✨روايات بنووتة الشيخ✨

معتصم:يلعلعقدام الحوش…..إيااااااد ايااااااد
حسناء:وااااك ديمه من صباحات ربي لاصقين فيك
اياد:شكله امه تقوله برا لي حوش حسناء قبل مايفطرو ….به جايك جايك
عبد الله:والله مشاء الله ياحسناء منير ولد جعفر نجح امتياز
حسناء:مشاء الله ربي يبارك
اياد:يساوي في شعره ع مراية التالفون
عبد الله:امالا زي ولدك
اياد:حسيتني ها المخلوق يلي تقارن فيه بيا منير ولد جعفر 24ساعه يخنب في كاوات الضي مشنقل ع البالو لين سميته فتى البالوات
عبد الله:بيضحك بس مقدرش
اياد:هي سلامات
حسناء:ربي معاك

ركب اياد مع معتصم ومجد ومشو قدام حوش مآب قعدو واقفين لين طلعت ماريا بي السياره وطلعو وراها مشت ماريا لي الجامعه نزلت وعد للمحاضره ونزلو البنات خذو قهوا وجو للبركيدجو عشان يركبو السياره وكان البركيدجو فاااضي
ماريا:جيتي?
وعد:الدكتور مجاش نشرب قهوتي في السياره وننزل

معتصم:هاك البس اللثام ودرق وجهك بيه
مجد:ديمه وانتم مبهدليني
اياد:بسسسرعه قبل مايركبو في السياره

مجد:مشي بسرررعه وقعد يجبد في شنطة ماريا
ميسون:خيره هادا نحي يدك
مآب:ضرباته ع وجها
مجد:اخخخ
ماريا:بووووم ع صدره
وعد:هوبت جنب السياره
مآب:شدت يده وميسون يده الثانيه وماريا تخبط فيه
وعد:حي عليها?

معتصم:ط طط ط طلعو يلعبو في كراتي???
اياد:ماهاذا بحق السماء?????
مجد:ااااااه ….يتبع