نصابه ومعاي عصابه – روايات بنووتة الشيخ
الحلقه 6
مآب:ممكن تسرع روحك شويه الحفله قريب اتم وانت كل شويه تشوف لي خليقتك في المرايه
إياد:تعالي سوقي انتي ?بعدين من حقي نشوف روحي ع الاقل جمال طبيعي مش زيك زوز كيلو مكياج منضرك تقول سلاحف النينجا
مآب:اعتقد ان المرايه متكذبش شفت روحي ومشاء الله عليا
إياد:اي المرايا متكذبش انتي شكلك لابسه عدسات لين معش تشبحي كويس
مآب:صبرني ياربي??
إياد:وين اللوادجو يلي فيه العروسه
مآب:خفيف دمك مشاء الله زي عقلك?
إياد:بالله اسكتي خير منشلفطك كف انتي والخيمه يلي لابستيها
مآب:??خوذ يمينك
ترن ترن ترن
مآب:الوو
ماريا:انتي هبلتي ولا وين حاطه عقلك كيف تمشي معاه متعرفيشي
مآب:ملقيتش غيره عندك حل تاني
إياد:يشوف لي مآب من تحت لتحت
ماريا:افففف به وين واصلين
مآب:خلاص معادش مزال هلبا شنو قلتي لي امي
مآب:قتلها مشت مع فؤاد تجيب في وعد وفؤاد كلمته قتله خلاص حصلنا منو يجيبها وهوا في الحوش يبدل مزال مش طالع
مآب:به تمام هي سكري
ماريا:ديري بالك ع روحك متقعديش تتسهوكي معاه
مآب:حشاني انتي لو تشوفي ثقل دمه اصلا هي باي
ماريا:ههههههه باي
اياد:متصله بيك تسحابني بنخطفك ?ها المنضر يلي ميت عليه
مآب:من بكري متحملاتك والله لو متصكرش فمك بي الكعب ع راسك
اياد:??
مآب:وصلنا درس ع اليسار?
✨روايات بنووتة الشيخ✨
مجد:تي وين اياد
معتصم:كيف كان هنايا
مآب:تهبلللللي???
وعد:بنمووت من الخوف تعرفي
الكوافيره:صحه صحه
وعد:الله يسلمك صحيتي تعبتك معاي
الكوافيره:ولوو?
مآب:هيا البسي الكاب وقت
وعد:وهيا تلبس…منو جابك
مآب:متسألينيش بكلللل اركبي لي السياره ومتتكلميش
وعد:علاش?
مآب:ملقيناش منو يجيبك وماريا سيارتها في الورشه وفؤاد حصل في الزحمه وهوا مروح من الحلاق
وعد:به؟منو جابك?
مآب:كلمت شذا نبيها تجيبني لاك…
وعد:مآآآآب
مآب:ها?
وعد:منو جابك
مآب:ولد خالت فؤاد
وعد:بروحكم?
مآب:اي ??♀️
وعد:هبلتي انتي كيففف تركبي مع حد في الليل متعرفيشي والله لو امك تعلم تقتلك?
مآب:ملقيتش حل والحفله بدت بتطلعي ولا نمشي ونخليك
وعد:كيف بنركب مع حد براااااني وانا بي ها الحاله
مآب:اني معاك تو بلا جو زايد وقت هيااا
وعد:اخخخخ ياربي بس ع جرئتك
إياد:عطلت دراه الكبد هياا …طرف لاكن اول مره نشوف بنت طالعه من حفله وشعرها طالع من الوشاح ملوي تقول خيط تالفون ارضي ?حلوه لاكن
مآب:فتحت الباب هي خشي
وعد:السلام عليكم
اياد:عيونه لوطه …وعليكم السلام
وعد:قعمزت لاكن ذيل الفيلو قعد برا
مآب:قعدت ادخل في الفيلو ومقدرتش واطيح ومن الكعب
اياد:يشوفلها ويضحك وحاط يده ع فمه
مآب:وقفت وتساوي في وشاحها ووعد تضحك
مآب:شنو تتفرج عليا انت انزل ساعدني
وعد:مآب تحشمي?
مآب:شنو نتحشم زي ما انتي بنت خالتي العريس ولد خاله هيا انزل حرك يديك
اياد:نزل وقف جنب مآب وبدو يساوو في الفيلو ومآب جت بتمشي تقعمز في السياره علقت عبايتها في السبته متع اياد طاح علي باب السياره?وهيا جت عليه بي قفطانها المنفوخ
اياد:خيرك انتي متشوفيش?
مآب:معرفتش شنو تقول قعدتش تعجب في اياد …نننننني فالح غير تكشخ نحي عبايتي بعد من عليا
اياد:بشويه ياحمار سروالي
مآب:نحت عباتها وقعمزت في السياره وهيا متحشممممه
وعد:ميته بضحك بشويه
اياد:ركب السياره ولع الاغاني وقال لي مآب بشويه….عارفك حاطه عينك عليا من بكري لاكن مش لدرجه بتنحي سروالي تجري فيا لي الرذيله وانا بصراحه بحبها ?
مآب:??
اياد:الف مبروك ياعروسه ربي يهنيك
وعد:تسلم الفال ليك
مآب:استوعبت الكلام يلي قاله?..خبطاته ع يده
اياد:??
✨روايات بنووتة الشيخ✨
في الصاله :
كريمه:ريتي ريتي الكيكه والجو هادم يتامه امالا كان بوهم عايش كيف
غاليه:اي والله ضاربين هضوك القفاطين كل وحده احلا من الثانيه
كريمه:اي الله يبارك ..سعااااد سعاااد
سعاد:روروروروي….اها كريمه
كريمه:قوليلي بنات خلاتها العروسه مخطوبات؟
سعاد:لا والله لما خطبنا وعد مقالوش انهم مخطوبات
كريمه:ربي يقوي سعدهم
ميسون:اخيراااا وصلو
اياد:فتح الفليتشات الاربعه وعلا صوت الاغاني وقعد يبيب لين وصل باب الصاله وبدت الالعاب الناريه والزغاريط نزلت مآب وقعدت تساعد في وعد ودخلتها لي صاله ورجعت لي سيارت اياد خذت كندرتها
اياد:نزل وصكر الباب …ع الاقل اشكريني حتا بلكذب
مآب:بارك الله فيك انشاء الله نردوه في فرحك انت ومطيوحت السعد يلي بتاخذها …وخشت بسرعه
اياد:خزي?
✨روايات بنووتة الشيخ✨
ماريا:شنو صار
مآب:متسأليني ع شي بنمشي الحمام نساوي روحي تبهدلت
ماريا :به بسرعه وعد بتخش وضروري نكونو وراها
مآب:به
فؤاد:تي وين كنت قالبين الدنيا عليك
اياد:مشيت نجيب في مرتك طيح سعدك
فؤاد:كييف??
اياد:نسمع في بنت خالتها تتكلم برا ومعندهمش منو يجيبها رفعت بنت خالتها ومشينا جيناها
فؤاد:منور ايادوو نردوهولك في الافراح انشاء الله
اياد:انشاء الله
معتصم:شنو يازوء وين السلاح
مجد:فكونا من السلاحات
معتصم:ارقد انت
اياد:تي هيا وين النوبه خلي نقيموها نادي ع صحاب فؤاد
وبدي الجو برا نوبه والشباب يرقصو والعاب الناريه والجو
اما وعد خشت اي الصاله ووراها مآب وماريا وميسون يدرجو فيها والعيون عليهم ال4 خشت علي اغنية لا إلاه إلا الله ((حسين الجسمي))
فاتت الحفله واياد عقله في مآب كيف رح ياخذ منها كتيب العائله متع عمه وفي نفس الوقت يبي يفهم كيف قادره ادير حجات زي هكي ولما يذكر نضراتها وهيا متكنطيه زي الصغار يضحك طلعت وعد روحت مع فؤاد وتمت الحفله وروحت انيسه وبناتها
✨روايات بنووتة الشيخ✨
في حوش اياد:
حسناء:امالا بهلوله يلي صابغه شعرها اصفر تسحاب روحها صغيره
ايناس:اي عاااار طول الحفله وانا نضحك
اياد:ياكل في العشي يلي جابتهولا امه…..ياسركم من تقريم الناس
عبد الله:صدق ولدي ياسر
اياد:كان تشوفي السوريه يلي لابسها خليفه اليوم اقدم من سبيدرو بوي متع الثانوي
ايناس:??
عبد الله:زيك زي امك ?
ميسون:زعما شنو ادير فرخه وعد توا?
مآب:تاكل في الكيكه وتفكر في اياد ويلي صار معاها اليوم
ماريا:اااااه شنو تكون ادير يعني غير العيب??
ميسون:مآب حقا شنو صار معاك مبكري
مآب:في شنو
ماريا:اليوم رفعك هداكا يلي شافك مع حمزه
مآب:اي ومثقل دممممه جمال ع الفاضي
ميسون:مفتحلكش سيرة حمزه؟
مآب:نهائيا
ماريا:فيه الخير انه مقالش لي فؤاد
ميسون:اي
مآب:افففف صكرو عليا السيره انا بنرقد راسي خلاااااص من المنضومه
✨روايات بنووتة الشيخ✨
في الفندق :-
وعد:مقعمزه ع السرير وراسها لوطه متحشمه
فؤاد:قعمز جنبها وقام الطرحه …محلاه حبنا ❤️صااااافي مفيشي خبث حبيتك خطبتك تزوجتك
وعد:قامت راسها
فؤاد:باسها ع راسها …مبروك علينا
وعد:ربي يخلينا لي بعض
فؤاد:ياااارب
بنووتة الشيخ:ستوووب خلاااص معش دخلنا???
✨روايات بنووتة الشيخ✨
اياد:طول الليل يتقلب ومش جايه نوم يفكر في مآب والشي يلي ادير فيه
مآب:شنو اديرو
ميسون:مش ع اساس راقده
مآب:مجانيش نوم
ماريا:غير تعالي شوفي صورت هادا من بكري نلخبط فيه انا وميسون مهندس نفط
مآب:كبير شكله
ماريا:تي هادا يلي تطلعي منه بي مبلغ زي الناس
مآب:وين امي
ميسون:حاشيا راسها في التالفون مع ماريا….راقده من بكري تاعبه
مآب:انا بندوش بالك نصحصح شويه
ثاني يوم الضهر:-
في الفندق:-
وعد:ناضت دوشت وجففت شعرها ولبست سروال عنابي وسوريه بيج مع جاكيت مزلز عنابي في البيج وكندره وشنطه بيج ومكياج خفيف
فؤاد:هي وقت خلينا نسلمو ع خالتك واني ولحقو ع الطياره
وعد:اوكي حبيبي
فؤاد:محلاااك??
وعد:??
في حوش مآب فاتحين الغاني ع قوتهم ويضمو في الحوش وانيسه مقعمز تهدرز جايينها جاراتها
طق طق طق
مآب؛هيا هي اكيد فتحيه وبناتها نف…وعد ?????وحضنتها …ياماما وعد جت
انيسه:عيونها دمعو وحضنت وعد …الله يبارك علي بنيتي
ماريا:ياعمررررري انااا???
ميسون:مسرع استاحشتينا
وعد:ههههه اي بسرعه بسرعه
فؤاد:كيف الحال خالتي
انيسه:اهلين وليدي خشو تفضلو
وعد:مستعجلين الطياره قريب
انيسه:وبي يحفضك ويرعاك
وعد:باست يد انيسه….صحيتي ع كل شي درتيهولي انتي وبناتك عمرك محسستيني اني مش بنتك ولا وجعتيني
انيسه:ودموعها ينزلو حضنتها….والله بنيتي انتي ربي يسعدك ويهنيك
البنات كلهم عيونهم دمعو
ماريا :حضنت وعد …بنستاحشوك ياقرده
وعد:حتا انا
مآب:???
ميسون:حتا انا??
انيسه:ياسر انتي وياها متنكديش ع البنت
وعد:مسحت دموعها
مآب:متنسيش تجيبيلي هديه مقومه
وعد:ههههه اكيد
فؤاد:وعد هيااا
وعد:جايا هي ….اسمعو الڤيلو هادا دخلوه وخوذ هادا التاكم ارفعوه لي محل الڤيلوات اليوم لازم نرده
ماريا:سيارتي في الورشه قاعده خطموه انتم
وعد:معش نلحق وقت ع الطياره وبعدين فؤاد كلم اياد رح يجي بعدين يرفعكم وعطاه رقم مآب
مآب:منو اياد
وعد:يلي جابني من المزين معاك امس ?هي باي
مآب :لاكن?
وعد:سلامات
انيسه:بسلامه ربي معاكم
ميسون:توصلو بسلامه
مآب:انا مش ماشيه ره
ميسون:انا جايني مرض البنات والله منقدر نطلع?بنشدها قرفه وحبوب وبس
ماريا:وانا لازم نمشي السوق حتا ع رجليا اليوم بناخذ حجات للخدمه
مآب:والحل؟!
ميسون&ماريا:بري انتي
مآب:??♀️??♀️افففف
✨روايات بنووتة الشيخ✨
اياد:به شنو نقلها؟السلام عليكم بالك تسحابني داعيشي نقلها هاي بالك تسحابني زي النثايا
مجد:??قلها مرحبا تو تسحابك سبونج بوب?
معتصم:هههههه قويه يازوء
اياد:تفو عليكم وع يلي يهدرز معاكم اسكتو خلي نتصل بيها
ترن ترن ترن
مآب:الو
اياد:اهلين
مآب:منو
اياد:انا اياد يلي شحورتيني معاك امس وتي روحك باش نشحوريني معاك اليوم
مآب:للاسف اي رغم اني طالعه بسيف لاكن يلا ع خاطر وعد
اياد:لا انا يلي قاتل روحي تعرفي باش نشوف خليقتك وانتي رايحه زي فردة الدولاب وتي روحك منبيش نعطل…طوط طوط طوط
مآب:والله اليوم رح نقتله ولا يقتلني مفيش حاجه ثالثه
ماريا:ههههههه به غير راهو يغلبك
معتصم:ع اساس هكي رح تتقرب منها يعني
مجد:طايح فيها هزايب تقول مدير مدرسه
اياد:هيا نفاخه ولسانها طويل
✨روايات بنووتة الشيخ✨
مآب:لابسه سروال جينز وبلوزه كحله ووشاح عنابي وسبيدرو عنابي …وين امي
ميسون:مشت مع فتحيه لي زهره
مآب:تلبس في ساعتها…وماريا
ميسون:مشت السوق
ترن ترن ترن
مآب:هاا?
اياد:هيا اطلعي
مآب:به…هي باي وبالله متقوليش لي اني الخرا هادا رافعني ع اساس شذا
ميسون:اصلا امي بتتعشا غادي يعني رح تروحي قبلها
مآب:اوكي باي
ميسون:ديري بالك
ماريا:معليشي بكم هاذا؟
الشاب:تسعه ونص
ماريا:اووف امس بس بي6
الشاب:مش عاجبك متشريش
معتصم:وانت خيرك تكشخ بشويه عليك بابا
ماريا:?
مآب:ركبت السياره وسكوووت تام لين وصلت لي المحل نزلت الفيلو ولتاكم ورجعت السياره
اياد:توا بنمشو لي مزرعة فؤاد
مآب:وعلاش
اياد:ضام ذهب غادي ويبيك تروحي بيه ميبيش يوريه لي عيلته واما تروح وعد رجعيهولها
مآب:وضروري نمشي معاك يعني
اياد:فؤاد هكي قال كان عليا انا خاطري نلوح والسياره تمشي
مآب:قلبت عيونها …خرا طبعا قالتها بشويه
وبدي الوقت يقوت ووصل اياد لي مناطق الحوايز قربو من مزرعة فؤاد وبوووم توقف بيهم السياره …يتبع