عشق وجزاء
” تصدقي يارنا إنك جبارة بجد ، كل ما أفتكر وش جاسم وإنتي بتقول لا مش موافقة …. افطس على نفسي من الضحك ”
رمقتها رنا بنظرة حاولت جعلها غاضبة ولكن سرعان ما خانتها ضحكتها وقالت وهي تحاول التحكم في ضحكتها بقولك ايه يا آسيل كله إلا جاسم لو سمحتي ….. حبيبي هو اتفاجئ مش أكتر يعني المفروض أقول الأسباب الأول بس أنا قولتله مش موافقة علي طول من غير تمهيد …
اسيل…. طيب أي مش ناوية تحني عليه بقي بقاله شهرين متبهدل معاكي إنتي وأخوكي …
رنا … مش كفاية لازم يتبهدل شوية علشان يعرف قيمتي ….
اسيل…. بس مش دا هدفك!!
تنهدت رنا بحزن…. صحيح ،….. أنا كان نفسي أعيش فترة خطوبة زي كل بنت ،أجرب شعور إني عريسي ييجي يتقدملي ونعمل فرح وألبس
الفستان الأبيض بس أنا وجاسم مش كدا حكايتنا كانت مختلفة مجربتش الإحساس ده وعايزة اجربه يمكن بابا مش موجود بس آسر هنا بعتبره أكتر من اخويا ولازم جاسم يفهم دا كويس علشان كدا طلبت منه إن ييجي يتقدملي ويطلب إيدي من آسر ….
اسيل…. إنتي لسه ماسامحتيش جاسم ؟!
رنا…. لا طبعا سامحته من زمان اوووي أساسا قلبي مقدرش يكرهه مهما عمل بالعكس كان حبه بيزيد جوايا ، كتير اووي كنت بتمني أننا نبقي زي أي أتنين بيحبوا بعض بس القدر فرقنا ورجع جمعنا من تاني والمرة دي هحافظ على جاسم وابني ومهما حصل مش هسمح لحاجة تفرقنا من تاني ثم مسحت دموعها قائلة يبقي
مفيش مشكلة لو اتربي شوية…
اسيل… إنتي تعبتي في حياتك كتير ودلوقتي جيه وقت الفرح من النهاردة مفيش وقت للحزن ولا الدموع في فرحة وبس وكفاية علي جاسم لغاية كدا أنا عارفة إنك متفقة مع آسر علي كدا
رنا ببراءة….. أنا!!! إطلاقا…. كل الحكاية إن آسر عنده شغل كتير ولازم يخلصه وبعدين جاسم عارف إني مش هوافق غير لما ينفذ الشرط الأول….
شردت قليلا في تلك الذكرى
فلاش باك
فريدة بصدمة … ليه يا رنا مش موافقة ؟!!
رنا بهدوء…. ايوا مش موافقة بدت الصدمة علي وجوه من حولها وكان أكثرهم جاسم الذى
أصبح لون بشرته شاحبا ، فخافت عليه فأكملت بهدوء غير لما جاسم يجي يطلب إيدي الأول من آسر… زفر الجميع بارتياح حتي جاسم هدي قليلا
فتحدثت فريدة بغيظ …. ماكنتي قولتي كدا من الأول ولا لازم يعني الخضة دي!!!!
اما جاسم استأذن وصعد ولغرفته ليرتاح قليلا من دون أن ينطق كلمة واحدة فاستغراب الجميع الجميع ذلك وبخاصة رنا الذي تفاجأت من هدوئه ، فطلبت منها فريدة الذهاب خلفه ومعرفة ما به
وكزتها فريدة في ذراعيها وتحدثت بغيظ…. عجبك كدا!!!!!
فتأوهت رنا قليلا وهي تجز اسانها قائلة…. وانا عملت أي يعني !!!
فريدة بغيظ … قومي !!! قومي شوفي ماله
رنا…. حاضر!!
صعدت رنا لغرفة جاسم فوجدته يجلس على الأريكة بصمت مخيف فاقتربت منه قائلة…
جاسم انت زعلت!!!
جاسم بغضب…. إنتي شايفه أن المفروض مزعلش مش كدا!!!
ثم جذبها من يدها بقوة حتي سقطت بجواره على الأريكة فامسك بيدها ووضعها على موضع قلبه فشعرت بدقاته القوية وكأنه سيخرج من مكانه وأكمل قائلا…. شايفه قلبي بيدق إزاي دا بس لمجرد إنك قولتي كدا…
فيا من سرقت روحي مني وخطفت قلبي من بين ضلوعي، لكني وضعتك أنت مكانه خفقانه أنفاسك، أنت الهواء الذي أتنفسه، فلو قطع الهواء عن صدري لعشت أتنفس عشقك، حبيبي اشتقت إليك كاشتياق النجوم للقمر، اشتقت لنبرات صوتك، اشتقت لسماع حروف اسمي وهي ترقص بين شفتيك، اشتقت لسماع ضحكاتك لكلامك ولجنونك، اشتقت لحبك ووريد حروفك، اشتقت لدفء حضنك ولسماع دقات قلبك، اشتقت لكل همسة من همساتك بل لكل ذرة في كيانك
رنا بحزن …. أنا آسفة يا جاسم بس مكنش قصدي والله.
استشعر جاسم صدق حديثها وأنها لم تكن تقصد الحديث بهذه الطريقة وحزن عندما رأي ملامحها الحزينة فرفع يدها وقبلها قائلا بحب
حبيبتي أنا آسف إني زعلتك بس فكرة إنك ممكن تبعدي عني ممكن تقتلني يارنا ، اوعي!! يارنا تبعدي عني تاني مهما حصل بينا !!!
رنا بحب …. أوعدك يا حبيبي .
حاول جاسم ممازحتها قليلا…. وبعدين يا هانم إنتي كان لازم تقوليلي من الأول ، علشان الحق اخد معياد من الباشا أخوكي !!
رنا بفرح…. بجد يا جاسم انت موافق!!
جاسم بحب… حبيبتي تؤمر بس وانا انفذ.
اقتربت رنا منه قليلا قائلة بدلال…. طيب حيث كدا بقي أنا عندي شرط كمان.
جاسم بستغراب…. شرط أي!!!!
رنا بدلال.. امم لماكنت بباريس شوفت واحد أتقدم لحبيبته بطريقة رومانسية اووي ، بصراحة اتمنيت إن لو حبيبي انا كمان يتقدملي بطريقة رومانسية….
أستغرب جاسم بالبداية من طريقتها ولكن بعد قليل فهم ما تخطط له فاقترب منها أكثر وهمس قدام شفايفها بحب …. بس كدا من عنيا يا قلبي …
توترت رنا من قربه وكادت أن تبتعد ولكن سبقها جاسم حينما قبلها بلهفة وشغف انصدمت رنا في البداية ولكن سرعان ما ضعفت أمام حبه وعشقه فلم تستطع فعل شئ سوي أن تبادله شغفه ولهفته .. ظل هكذا مدة لا يعلمون مداها حتي أخيرا ابتعدا عن بعضهم حينما استمعوا لصوت أدهم…ماما !!!!! بتعملوا أي!!!!.
ابتعدت رنا عن جاسم بسرعة وقد تحول وجهها الي لون أزهار الجوري فتحدثت بارتباك…
أدهم حبيبي إنتي هنا من امتي
أدهم…. لسه جاية يا ماما… كنتوا بتعملوا أي بقي!!!
خجلت رنا كثيرا ولم تستطع الحديث فاستمعت لصوت ضحكات جاسم قائلا بخبث
خلاص يا أدهم سيب ماما يا حبيبي علشان خلاص قلبت علي الفراولة
نظرت له رنا بغيظ فغمز لها بخبث وهمس لها بلاش الفراولة تظهر دلوقتي لان بعشقها موت وممكن اكلك دلوقتي…
…. علي فكرة بقي أنا موجود هنا
جاسم بغيظ…. عايز أي يا يلا
أدهم بحذم… بابا!!! متغيرش الموضوع انتوا كنتوا بتعملوا أي!!!
حاوط جاسم رنا بذراعه السليمة قائلا بغيظ فقد استشعر غيرة الصغير منه ….. مالكش دعوة أنا حر مع مراتي…
أدهم بغيرة…. لا أبعد عن ماما ، ماما بتاعتي أنا
جاسم بصدمة… نعم!!!! بتاعتك إزاي يعني!!
ثم وجه حديثه لرنا… ماتردي يا هانم علي ابنك….
كتمت رنا ضحكتها بصعوبة من تصرفات جاسم وأدهم فقررت رد الصاع صاعين!!!
رنا بخبث….. طبعا يا روح ماما أنا بتاعتك انت وبس
رفع جاسم حاجبه الأيسر قائلا بغيظ… لا والله بقي كدا
اومات رنا برأسها وهي تحتضن أدهم….
جاسم بغيظ… طيب ابقي شوفي مين اللي هيتقدملك بطريقة رومانسية
رنا بسعادة…. انت طبعا يا حبيبي!!
جاسم… دا في المشمش ياقلبي
رنا بغيظ… لا يا عمري إنتي هتتقدملي بطريقة رومانسية مميزة متكونش اتعملت قبل كدا كمان وبعدها هوافق على الجواز علي طول غير كدا سوري ماعندناش بنات للجواز باي يا حبيبي ، يالا يا دومي
أدهم بفرحة… يالا يا مامي
خرجت رنا برفقة أدهم بينما ظل جاسم ينظر لأثرها بغيظ وحدث نفسه قائلا… بقي كدا يا رنا ماشي ياقلبي واتجه للهبوط هو الآخر
كادت رنا أن تخرج برفقة جاسم عندما استمعت لصوت جاسم يطلب منها…..
افاقت رنا من شرودها علي صوت اسيل
اسيل بخبث … سرحتي في أي كدا وإنتي مبتسمة
ضحكت رنا بخفة وقامت من جوارها قائلة
لا واضح إنك فاضية وأنا عندي إجتماع مهم وهتأخر ..
اسيل…. إجتماع بردو … ماشي يا ستي ربنا يسهله ..
رنا بصدمة…. إنتي متاكدة إنك أجنبية!!!!!
اسيل… يعني لازم أتكلم إنجليزي علشان تصدقي وبعدين انا بعرف أتكلم مصري أحسن منك
رنا…. وأنا أشهد بكدا….. سلام !
اسيل بابتسامة… سلام يا حبيبتي وابقي سلميلي على الإجتماع
كادت رنا أن تخرج ولكن حينما استمعت لحديث اسيل عادت وقذفتها بالوسادة
واتجهت للخروج مرة أخرى…
********************
في قصر العمري
نهض جاسم من النوم يشعر بالكسل الشديد نظر إلي جواره وجد أدهم نائما بعمق بعد ما سهروا سويا لوقت متأخر فأدهم أصبح يعيش معهم هو وملك فقد رفض جاسم أن يذهب برفقة رنا فهو يريد أن يعوضه عن غيابه طوال السنوات الماضية و…
نعم حتي يبقي بعيدا عن رنا فجاسم أظهر غيرته المجنونة علي محبوبته حتي من إبنه الصغير وأصبحت غيرتهم هم الاثنين علي رنا واضحة وضوح الشمس
نهض جاسم وفعل روتينه اليومي وتألق بحلي زرقاء رائعة جعلته رمزا للوسامة فاليوم لديه إجتماع هام فجقبل أدهم وتركه واتجه للأسفل فصادف ملك في طريقه ونزل سويا
جاسم بسعادة…. صباح الخير يالوكاا هانم.
ملك بسعادة…. صباح النور يا ابيه
جاسم…. ابيه أي بس!!! إحنا مش اتفاقنا تناديني جاسم وبس زي ما كنت بتعملي وإنتي صغيرة…
ملك بسعادة…. ماشي يا جاسم
جاسم… بس غريبة إنك صايحة بدري يعني! دا أدهم لسه نايم .
ملك… لا أدهم مش هيصحي دلوقتي لسه بدري
وصل جاسم وملك إلي الأسفل فوجد والده يتناول طعام الافطار
جاسم… صباح الخير يا بابا
ملك… صباح الخير يا بابا أحمد
أحمد صباح النور يا حبايبي ، اقعدوا يالا
جاسم…. ماما فين
أحمد… بتكلم مدام سلمي…… بس انت رايح فين بدري كدا.
جاسم…. عندي إجتماع مهم بس الأول هظبط كم حاجة في الشركة وهروح
أحمد… انت و رنا مش كدا
جاسم بغيظ …. آه أنا والهانم …
كاد أن يكمل ولكن وجد ملك تتابعه بعينه تنتظر إجابته
جاسم بغيظ…. أنا ماشي أحسن ، بابا أدهم لسه نايم في اوضتي خلي ماما تنتبه عليه
أحمد….. أوك متقلقش عليه
خرج جاسم فتحدث أحمد بسعادة لرؤية إبنه هكذا…. مش كنت عامل فيها دنجوان أهي جت اللي هتربيك…
ملك …. بصراحة هو اتربي خلاص!!
****************
استقيظ أسر من نومه فلم يجد أسيل بجواره فبحث عنها وجدها تتناول الطعام وتضحك في غرفة الصالون
أسر باستغراب …. صباح الخير يا حبيبتي….
أي اللي حصل يخليكي تضحكي كدا
أسيل…. صباح النور يا حبيبي ..مفيش بضحك علي رنا
أسر… رنا!! هي فين يا حبيبتي
أسيل… لسه ماشية حالا
أسر باستغراب… غريبة بس هي معندهاش شغل غير الإجتماع ودا الساعة 12 والساعة لسه 9
أسيل بخبث…. أصلها مش عايزة تتأخر علي صاحب الإجتماع
أسر.. اها قصدك جاسم
أسيل… بالظبط … وخف عليه شوية ياحبيبي
الرجل فاضله شوية وينفجر منك انت واختك
ضحك آسر بشدة قائلا…. طب وأنا مالي يا حبيبتي
أسيل…. مش عليا يا آسر
آسر… يا حبيبتي والله مشغول فعلا في الافتتاح ومعنديش وقت خالص وحضرك قاعد ة في البيت علشان الحمل وتعبه ورنا مع جاسم والشغل كله عليا أنا وعمار يعني مش بإيدي والله
أسيل… عارفة يا حبيبي بس حاول تفضي وقتك شوية..
آسر…. من عنيا يا حبيبتي واقترب منها قائلا… هو انا قولتلك صباح الخير
أسيل…. آه من شوية
آسر… امتي دا مش فاكر….. وبعدين البحر بيحب الزيادة.
أسيل… آسر…
لم تكمل كلامها فقد اسكتها بقبلة تعبر عن حبه وعشقه الشديد لها
*************************
وصلت رنا الي الشركة أنهت بعض الأعمال المتراكمة عليها ومن ثم توجهت الي النادي لرؤية أدهم وملك قبل الإجتماع…
وصلت رنا الي النادي وظلت مع أدهم وملك وفريدة وسلمي حتي ميعاد الإجتماع .
فرحلت واتجهت إلي حيث سيعقد الإجتماع
حاولت الإتصال بجاسم كثيرا ولكن كان هاتفه مغلق لذا توجهت الي مكان الإجتماع
فانصدمت عندما وجدت جاسم يجلس برفقة تلك الحسناء التي تقترب منه هامسة له بشئ جعله يبتسم فاشتعلت عينها بنار الغضب و الغيرة فاقتربت منهم قائلة بغضب…..
كان جاسم يجلس مقابل عندما رأي رنا قادمة باتجاهه ويبدو علي ملامحها الغضب الشديد فأيقن أنه رأت ما حدث منذ قليل وقرر أن يتسلي معها قليلا فكانت تبدو رائعة وهي غاضبة منه….
رنا بغضب…. أقدر اعرف ليه ما بتردش على الموبايل
جاسم ببرود…. نسيت اشحنه ففصل
رنا بغيظ من بروده فهي تشتعل غضبا وهذا الأحمق يتصرف معها ببرود تام…. أوك
بدأ الإجتماع ولم يخلو من محاولة جولينا الاقتراب من جاسم الذي يتعامل معها بهدوء شديد ولم يعر رنا أي انتباه الأمر الذي جعلها تكاد تبكي من تجاهلها لها فهي لم ترتكب شئ ليتعامل معها ببرود وتجاهل ، اما جاسم فكان سعيد جدا بغيرة رنا الواضحة وحنقها من جولينا فقرر إظهار التجاهل حتي يري كيف سينتهي الأمر..
انتهي الإجتماع فقررت رنا المغادرة فسألت جاسم …
رنا بغضب… حضرتك جاي ولا لا ؟!
جاسم ببرود…. لا هفضل شوية مع جولينا .
جولينا برقة… ميرسي يا قلبي علي ذوقك ثم وجهت حديثها لرنا… فيكي تروحي إنتي هلا جاسم بيفل لما كلامنا ينتهي
رنا…. براحتكوا على الأخير أنا ماشية ثم وجهت له نظرة غاضبة أكدت له أنها لن تمرر ماحدث على خير….
رحلت رنا وهي تشتعل بنار الغيرة والغضب فأخذت تقلد صوتها ….جاسم… قلبي انشالله يجيلك وجع في قلبك بت مايصة قليله الأدب..
وهنا تعالت ضحكات رجولية قادمة من خلفها فالتفت بسرعة وجدت شاب في الثلاثين من عمره بعيون زرقاء وشعر أسود كظلام الليل
فخجلت كثيرا عندما أدركت أن صوتها كان مرتفعا…..
اخير توقف هذا الشاب عن الضحك واقترب منها قائلا…… أنا آسف بجد بس كنت حابب جدا أتعرف علي حضرتك فمد يده قائلا بهدوء…. أحمد المهدي
رنا بهدوء…. اهلا بحضرتك أنا رنا عادل
تهلل وجه ذلك الأحمق عندما رأي استجابتها له ليهتف وياتري حضرتك هنا لوحدك ولامع الأسرة الكريمة
كادت أن تجيبه بأنها هنا برفقة زوجها ولكن لم يمهلها الفرصة فتحدث بلهفة مرة أخرى
ياريت أتعرف عليهم بصراحة أنا شوفت حضرتك مرتين قبل كدا بس مجتش الفرصة إن أتكلم مع حضرتك وان شاء الله يكون التعرف رسمي بينا
التعمت عينيها بخطة شيطانية عندما أدركت مقصده فنظرت باتجاه جاسم الذي يتحدث مع جولينا ولم ينتبه لما يحدث
فتشير إليه ناحية جاسم بخجل مصطنع قائلة بخفوت.. إللي هناك دا يبقي أخويا
أحمد بسعادة… بجد أنا سعيد جدا إني هتعرف عليه وان شاء الله نتقابل قريب جدا
رحل من أمامها متجها لجاسم فتحدثت رنا بخفوت…. شكلك لطيف بس نصيبك بقي هو اللي وقعك في طريقي يالا الله يرحمك بقي …
****************
دخلت رنا إلي الشركة بسرعة كبيرة كادت أن تدخل لمكتبها عندما رأت ندي تنادي باسمها وقادمة باتجاها فاستغربت ندي من رؤيتها تسير بسرعة…
ندي باستغراب….. في أي مالك!!
لم تدع لها فرصة للحديث فجذبتها من يدها باتجاه مكتبها قائلة….. مدام ريهام… مش عايزة أي حد يدخللي حتي لو كان مين
ريهام باستغراب….. حاضر يا فندم
دلفت رنا وندي الي المكتب فتحدثت ندي… أي اللي حصل لكل دا
حكت لها رنا ما حدث فاتسعت عينيها بصدمة….
يا نهار أسود إنتي عملتي كدا إزاي جاسم مش هيسكت
رنا ببرود…. هيعمل أي يعني مش هو اللي فرحان بالبت اللبنانية ام شعر اصفر!
كادت ندي أن تتحدث ولكن قاطعها دخول جاسم المفاجئ
كاد أن يتحدث ولكن أنتبه لوجود ندي فحاول التحكم في غضبه قائلا إزيك ياندي
ندي… أحم الله يسلمك يا جاسم….. طيب استأذن أنا بقي
رنا بتوتر… رايحة فين!!!
ندي…. هروح أشوف عدي وهبقي ارجعلك ثم نظرت تجاه جاسم دا لو فضلتي عايشة.
خرجت ندي وتركت رنا بمفردها مع جاسم
حاولت رنا التصرف ببرود ولكن مظهر جاسم افزعها كثيرا ….
القي جاسم جاكت البدلة واقترب منها كاد أن يتحدث ولكن قاطعته رنا بنهوضها المفاجئ وابتعدت عن المكتب قائلة بخوف …. بص يا جاسم …. اهدي كدا أن.. انا مكنش قصدي…
جاسم بغيظ… إنتي خليتي فيها جاسم ولا نيلة
رنا ببراءة…. أهدي ياحبيبي بس بلاش تشتم نفسك
جاسم بغيظ…. أشتم ولا اتنيل متغيريش الموضوع…
اقترب منها أكثر أنا عايز اعرف عملتي كدا ليه ؟!!
رنا بغيظ …. ياسلام وأنا كنت سألتك عملتي كدا ليه مع البت ام شعر اصفر.
ابتسم جاسم بخفة قائلا….. بتغيري ؟!
رنا…. لا طبعا مش بيغر
اقترب منها أكثر بينما ترجعت رنا للخلف فلم تنتبه للأريكة خلفها فسقطت عليها فاقترب جاسم من وجهها حتي شعرت بأنفاسه الساخنة علي وجهها فرفعت اصبعها بوجه قائلة بخفوت … أبعد يا جاسم
جاسم…. اعترفي الأول إنك بتغيري
رنا…. بس أنا مش بغير
اقترب منها أكثر …… لا بتغيري وأنا بحب غيرتك دي زي ما بحبك بالظبط ….
فتحدثت رنا بصدمة…. اونكل أحمد !!!!
أبتسم جاسم بخفة…. قديمة يا قلبي !!!
…. اي اللي بيحصل هنا
نظر جاسم خلفه فوجد والده يقف واضعا في جيب بنطاله
استقام جاسم بوقفته قائلا بصدمة… بابا!!!!
أحمد… ايوا بابا؛ أقدر اعرف اللي بيحصل هنا ؟!!
رنا ببراءة…. والله يا اونكل ماعملت حاجة!!!
جاسم بغيظ…. شوفي إزاي أنا اللي ظالم ومفتري مش كدا!!!!
رنا ببراءة…. شايف يا اونكل بيعمل أي !!!
أحمد…. عملتي ايه يا رنا!!
رنا ببراءة…….. ولا حاجة يا اونكل في واحد سألني جاية مع مين فقولته جاسم أنا كدا عملت حاجة غلط…..
أحمد… لا يا حبيبتي
جاسم بغضب…. لا والله!!!
أحمد… أنطق يا جاسم أي اللي حصل
جاسم بغيظ… قاعد مع جولينا الاقي واحد جاي يطلب ايد الآنسة رنا مفكرنا اخوها !!!
نظر أحمد باتجاه رنا فتحدثت ببراءة… وأنا أعرف منين انه هو عايزك في كدا!!!
جاسم بغيظ….. لا والله!!
أحمد…. وانت عملت أي مع الرجل دي
جاسم بغيظ… عايزني أعمل أي يعني !!!
أحمد بنفذ صبر… اخلص يا جاسم عملت ايه
جاسم بهدوء …. ولا حاجة أحم يدوب بونية في وشه كسرت صف سنانه اللي فوق
رنا بصدمة…. انت بجد عملت كدا!!
جاسم ببرود… آه
أحمد…. انتوا مش هتبطلوا لعب العيل دا ولا أي ؟! دا أدهم مش بيعمل تصرفاتكوا دي
يلا كل واحد علي شغله
رحل أحمد وتركهم فجذب جاسم رنا من ذراعها بقوة صرخت رنا من المفاجأة ولكن قاطعها جاسم حينما قبلها بقوة ليعبر لها عن حبه وشغفه…
ابتعد عنها مرغما فاسند جبينه على جبينها قائلا بحب… يا مجنونة أنا بحبك إنتي ومش شايف غيرك قدامي ، يعني بلاش جنان وتصرفاتك المجنونة دي المرة الجاية مش هيحصل كويس اتفقنا ؟!
رنا بغيظ….انت اللي بدأت يا جاسم!!
جاسم…. يا مجنونة كنت عايزة أشوفك غيرانة كنتي قمر… بحبك يا مجنونة
رنا بحب….. وأنا كمان بحبك
جاسم.. أنا رأي اروح أشوف شغلي لأن بابا هيطردني أنا وانت بره دلوقتي… سلام يا حبيبتي .
مر اليوم بسلام علي الجميع وحل صباح اليوم التالي
أستيقظ جاسم من نومه وفعل روتينه اليومي ونزل فوجد والدته تحكي لوالده أن أحد السيدات طلبت منها يد رنا لابنها أستمع جاسم لكلامها وجن جنونه فتوجه الي سيارته وقادها بسرعة الي شركة آسر
**************************
كان آسر يعمل في مكتبه عندما قاطعه دخول جاسم المفاجئ
جاسم بغضب…. أسمع بقي ما أقولك أنا مش هستني أكتر من كدا
آسر…. مالك يا جاسم في أي ؟!
جاسم بغضب…. في إني مستني بقالي أكتر من شهرين استحملت كتير بس إن حد ييجي يطلب ايدها مني لغاية هنا واستوب.
آسر … قوللي عايز أي وأنا هعمله
جاسم بغضب….. أنا جاي أطلب ، أطلب أي أنا هتجوزها النهاردة فاهم!!!!
آسر… تمام إللي انت عايزه
جاسم…. تمام الساعة السابعة النهاردة…
علم الجميع بقرار جاسم وبدأوا في تجهيز التحضيرات لحفلة المساء
تم تجهيز فيلا آسر لإستقبال حفلة عقد القران تضم العائلة والأصدقاء فقط
حل المساء بسعادة وفرحة للجميع فاليوم هو إجتماع قلبين تعذبا بوجع الفراق وحان الوقت لتذوق العشق أخيرا فكان القمر شاهدا على إجتماعهم وكما زُينت السماء بالنجوم المتلألأ فرحة بهم
انهي المأذون إجراءات الزواج وتم إعلان رنا زوجة لجاسم مرة أخرى ولكن هذا المرة أمام الجميع وكان آسر وكيل رنا كما أردت….
تألق جاسم بحلي سوداء رائعة وصفف شعره للخلف فكان تاجا للوسامة بينما تألقت رنا
بفستان من اللون الذهبي القصير ذو الأكمام الطويلة المصممة من الشيفون الخفيف والصدر المفتوح المشكوك من طوق الرقبة بالخيوط الذهبية التي تغطي جسم الفستان ذو الطبقتين. وصففت شعرها وتركته منسدلا فكانت تبدو رائعة جدا . واليوم اكتملت فرحتها بوجود زوجها وابنها …
قضي الجميع سهرة رائعة احتفالا بجاسم ورنا
ولكن استأذن جاسم وغادر مبكرا برفقة رنا واتجاه الي الغردقة من أجل المفاجأة ……
¤¤¤¤¤¤¤¤¤¤¤¤¤¤¤¤¤¤¤¤¤
بعد خمس ساعات توقفت سيارة جاسم أمام يخت عائلة العمري ، ترجل من السيارة وحمل تلك النائمة ودلف بها إلي الداخل ونزل إلي احد الغرفة ووضعها برفق على السرير
جاسم برفق…. رنا حبيبتي اصحي!!
تململت رنا في نومها وفتحت عينها برفق فوجدت المكان مظلم من حولها فاستغربت كثيرا…
رنا… جاسم إحنا فين
جاسم… هتعرفي دلوقتي المهم في فستان هناك عايزك تكون جاهزة بسرعة اتفقنا!!!!
رنا باستغراب…. اتفقنا
خرج جاسم وترك رنا تتأمل المكان حولها باستغراب في محاولة منها لمعرفة مكانها ولكن فشلت فقامت واتجهت إلي ركن بعيد من الغرفة يوجدبها فستان سهره غاية في الروعة والجمال وجدت ورقة موجودة عليه فقرأتها
” الي من ملكة قلبي وحبيبتي أتمني أن ينال الفستان إعجابك ”
نظرت رنا الي الفستان
المصمم بالكامل من الكريستالات المُوزعة بشكل تموجات وخطوط بطبقة رقيقة من الشيفون الأبيض حتي لا تظهر ما تحتها من ملامح الجسم، الفستان بصدر عاري وفتحة جانبية طويلة تبدأ من الأرداف وحتى نهاية الساق،
بعد قليل خرجت رنا وهي ترتدي الفستان فكانت كالبدر ليلة اكتماله كادت أن تخرج من الغرفة عندما وجدت جاسم يدخل فتسمر مكانه من الصدمة فكانت رائعة بدرجة لا توصف…
آفاق جاسم من شروده واقترب منها قائلا….
تعرفي لما اشتريت الفستان متخيلتش أنه هيكون بالحلوة دي عليك مع أن لما اشتريته كنا لسه منفصلين ومعرفش مكانك ….
رنا…. بجد يا جاسم الفستان روعة انت جايبة منين ؟!
اقترب منها ثم رفع يدها وقبلها… اشتريته من باريس ياعمري ودلوقتي غمض عينك
رنا باستغراب…. أغمض عيني ليه
جاسم.. يالا غمضي عينيك ومن غير أسئلة
رنا…. أوك
أغمضت رنا عينيها وذهبت برفقة جاسم إلي الاعلي
جاسم….. فتحي يا حبيبتي
فتحت رنا عيونها فوجدت المكان حوله مزين بطريقة رومانسية رائعة جدا
فالممر مزين بالورد والشموع المضئية موضوعة على شكل قلوب صغيرة تنتهي بقلب كبير من الشموع المضئية… والبلالين الحمراء علي شكل قلوب ومكتوب عليه I love you ، الورد مقطع ومتناثر على الأرضية بطريقة جميلة وورد آخر مشكل على هيئة قلب كبير في المنتصف….
تأملت رنا المكان بذهول فهي لم يخطر ببالها أن يفعل جاسم هذا كله من أجلها
جثي جاسم علي ركبته ، وأمسك بكف يدها وقبلها بحنية بالغة وبنبرة هادئة تحدث…
بحبك يارنا بحبك اووي ؛ آسف علي شكي فيكي وظلمي ليكي ، جرحتك كتير بس أنا كنت بجرح نفسي قبلك سامحيني يا حبيبتي علي كل دمعة نزلت منك أنا بعشقك يارنا من غيرك أنا مكنتش عايش ،و فرحتي برجوعك بقيت أكبر بوجود أدهم حبيبي ، أنا من النهاردة مش عايز من الدنيا غيرك إنتي وابني وبس
بكت رنا من الفرحة فهي لم تتخيل أبدا أن يفعل لها جاسم كل هذا
رنا بدموع… وانا بحبك اوووي يا جاسم
وقف جاسم وحضنها بقوة من هنا ورايح مفيش دموع فاهمة
رنا… حاضر يا عمري
فجأة انفجرت الألعاب النارية في السماء بشكل جميل فسعدت رنا أكثر
أحببتك حتّى الحب توقف عند عينيكِ، أحببتك حتى نطقت كل قطرة من دمي بأنّي أعشقك، أحببتك حتّى ذرفت العين دموع الخوف إذا فكّرت في بعدك، أحببتك حتّى نسيت كل حياتي، وأصبحت أنتَ حياتي.
الحب جزءٌ من وجود الرّجل، ولكنّه وجود المرأة بأكمله.
في دين الحب، المحبة طريقة، والحبيب طريق، والجمال سُنّة، والصّدق شريعة، والشّوق إيمان.
انا عارف ان المكان دا في ذكريات مش حلوة لنا إحنا الإتنين بس النهاردة بقي في أحلي ذكرى وهي اجتماعنا من جديد وزي ما المكان دا شهد على غروب قصة حبنا هيرجع يشهد علي شروق حبنا من تاني
بدأت الشمس بالظهور لتؤكد شروق وبداية حبهم من جديد….
شاهد جاسم ورنا شروق الشمس فكان هذه المرة مختلف تماما فكانت الشمس تعلن عن بداية يوم ملئ بالأمل والحب
جاسم…. فرحنا بعد يومين موافقة!!
رنا بخفوت… موافقة
********************
اخيرا اتي يوم زفاف جاسم العمري فلم يكن زفافا عاديا بل كان فخما بكل معني الكلمة زفاف يليق بعائلة العمري
وعلي ساحل جزر المالديف طل القمر بنورها ليكون شاهدا على إجتماع قلبين طال فراقهم والآن رحل الفراق والوجع وحل الشوق الاشتياق ويغرقوا ببحر من العشق والغرام في عالم لايوجد به أحد سواهم عالم الحب والعشق….
أحبك قبل أن تراك العيون
وحبي لك فوق كل الظنون
أحببتك بهراً.. بقدر الحصى
بقدر أشجار الكون
قلبي لديك رهين، وعقلي بك مجنون
وأنا كلي مفتون …. مفتون
قربك نار في لظاها أتعبّد
وبعدك شوق وليل طويل سرمد
يا حبة روحي ودواء جروحي
يا وردة في بستاني فوحي
يا قبلة لأحزاني وأفراحي
يا مرتع بكائي ونواحي
يا صدرا حنونا هو كل أكفاني
وحصنا منيعا يشعرني بالأمن
بالخوف، بالرجاء
بالراحة والاطمئنان.
بعد مرور عدة أشهر علي هذه الأحداث
في قصر العمري
فريدة…. يا حبيبتي أهدي مش كدا ؟!
رنا… ياماما برن عليه موبايله مقفول…. أوف بقي
فريدة… ربنا يهديك يا حبيبتي
رنا ببكاء…. يعني أنا مجنونة
فريدة بعصبية…. لا حرام اللي بيحصل معايا دا حرام ،رنا كفاية لغاية هنا يا حبيبتي مش كدا يعني بصراحة من أول حملك وانتي تصرفاتك غريبة يا حبيبتي أهدي كدا واعقلي
صحيح جاسم مستحمل جنانك بس يا حبيبتي مش علي طول كدا خدي راحة وبعدين أرجع تاني..
رنا ببكاء …. يعني أعمل أي مش بإيدي والله وكمان جاسم زعل أدهم إمبارح وأنا مضايقة علشان كدا أنا عمري ما زعلاته….
فريدة بحنان…. يا حبيبتي اكيد مش قاصده إنه يزعل أدهم إنتي عارفة إن جاسم بيحب أدهم يمكن أكتر منك كمان بس الفترة دي ضغط الشغل زاد عليه وكمان تصرفاتك بصراحة الله يكون في عونه ، فبلاش إنتي كمان تبقي عليه المفروض تخفيفي عنه وتسأليه ماله ، أي اللي مضايقه
رنا… علي فكرة أنا بعمل كدا بس هو اللي مش بيرضي يقولي من ساعة ماعرف إني حامل
فريدة… خايف عليكي و بصراحة عنده حق إنتي كل شوية بحالة شوية فرحانة وشوية زعلانة ومضايقة كل دقيقة بحاله…… أنا رايحة أشوف ملك أحسن
ذهبت فريدة لرؤية ملك في غرفتها فوجدت أدهم برفقتها يمرحون سويا فظلت تراقبهم من بعيد فأخيرا دخلت السعادة القصر بدخول أدهم وملك حفيدها الغالي وابنتها الصغيرة
وصل جاسم إلي القصر فوجد رنا تجلس بالأسفل فذهب باتجاها واحتضنها من الخلف قائلا…. حبيبة قلبي قاعده لوحدك ليه ؟!
رنا…. لا رد
تنهد جاسم…. رنا!! أنا عارف إنك زعلانة مني علشان زعلت أدهم بس صديقني غصب عني
رنا…. لا يا جاسم انت بقيت متغير الفترة دي مع الكل حتي أنا بس أدهم لا يا جاسم أدهم بيزعل من أي حاجة
جاسم… كل دا علشان زعلت أدهم ، خلاص ياستي هصالح أدهم وام أدهم كمان أي رايكي بقي ؟!
رنا… لا مش عايزة صالح أدهم بس
جاسم… من عينا بس كدا
صعد جاسم لغرفة أدهم فلم يجده فتوجه لغرفة ملك فوجده هناك
جاسم بحزم مصطنع … أدهم!! تعال عايزك
حزن أدهم كثيرا واتجه خلف والده من دون ولا كلمة….
جاسم بحزم مصطنع …. أقدر اعرف خرجت بره أوضتك ليه ؟!
أدهم بحزن… آسف يا بابا
جاسم بغضب مصطنع…. تاني مرة لما أقول حاجة تتنفذ يالا علي أوضتك…
أدهم ببكاء…. حاضر يا بابا
توجه أدهم لغرفته ودخلها بحزن سرعان ما تحول لسعادة كبيرة عندما وجد الكثير من الشوكولاته بجانب ألعابه فصرخ من الفرحة
بابا انت إللي عملت كدا
جاسم بحب…. آسف يا حبيبي إني زعلتك إمبارح
أدهم…. خلاص مش زعلان يابابا… بس الشوكولاته كلها بتاعتي
حضنه جاسم بقوة…. طبعا يا حبيبي وفي مفاجأه كمان دور عليها كويس هتلاقيه
أدهم بفرحة …. أنا بحبك اوووي يا بابا
جاسم…. وأنا أكتر يا حبيبي
أدهم…. يعني مش هتحب النونو اللي في بطن ماما أكتر مني
جاسم … طبعا لا يا حبيبي النونو دا هيبقي أخوك واختك وانت لازم تخلي بالك منهم لأنك الكبير مش كدا ؟!
أدهم…. يعني هم هيلعبوا معايا
جاسم…. أكيد يا حبيبي…
كانت رنا تتابع ما يحدث من بعيد فكل يوم تكتشف شئ جديد في شخصية جاسم فهو صبور بدرجة كبيرة ليتحمل جنونه خلال فترة الحمل وهذا ما اسعدها كثيرا فأصبح يهتم بكل تفاصيل حملها ويظهر اهتمامه الشديد بها
ويعوضها عن غيابه المرة الماضية
كما أهتم بملك كثيرا ولم يفرق بينها وبين أدهم في المعاملة
بعد قليل ترك أدهم يبحث عن الهدية وتوجه لغرفة ملك
جاسم…. اتفضلي يا ستي ملك الكتب أهي
ملك بفرحة…. شكرا يا جاسم
جاسم باستغراب…. انتي مش عايزة شوكولاته!!!
ملك?…. لا بحب القراءة أكتر!!!
جاسم…. أوك سلام
ملك… سلام
*********************
دخل جاسم الي غرفته فوجد رنا هناك فقبلها بحب
اديني صالحت أدهم اهو فاضل بقي ام أدهم
رنا… لا أنا مش زعلانة
جاسم … لا إزاي والله ما تحصل لازم اصالحك
وغابا سويا في عالم لايوجد به أحد سواهم فقط عشق جاسم لرنا ….
فكم أحب الاختباء وراء ظهرك، وكم أشعر بالأمان في حضورك، وكم هي كبيرة سعادتِي حين أكون معك، وبشقاوتي أشاغبك، فأنا أمنتُ بعشقك، فأنت لي ملكة أحتمي بها أين ماذهبت، وقد حفرتُ اسمكَ بحناياي ومنعت كل النساء الاقترابَ منِي، وصدقني لا شيء يجعلني أنام بهدوء سوى هذه الطريقة فكن دائماً بجانبي.أحبك بل أعشقك، أقولها بكل مشاعري، أقولها عندما أشعر بطيفك حولي، وعندما تهفو النسمات برائحة عطرك، أقولها عندما أشتاق إليك ولا أجدك بقربي أعشقك.
لو أن الحب مثل الوررود لجن النحل من رحيقها، ولو أن الحب مثل الشجر لاحتضنت الأرض جذورها، ولو أنّ الحب مثل البحر لما هاج الموج على شواطئه، ولو أن الحب مثل السماء لما أظلمت ليلة واحدة، كذلك هو الحب يبعث في النفس الحنين والشوق، لذلك أحبك وبحبك ينير قلبي بهجة وحنين.أسكنتك حبيبتي داخل قلبي وأعماقي، أهديتك حبي وأشواقي، وهبتك ثقتي التي لم أهبها لأحد، سلمتك قلبي وروحي وأصبحت أسير عينيك، تلك العيون التي رمتني في بحر لا أعرف قراره، لقد ارتسمت ملامحك على وجهي، وأصبح الجميع يراكِ في عيني، وأصبح حبك يسري في دمي، قولي لي يا حبيبتي، هل هذا حب أم عشق لعينيكِ.
بعد مرور شهرين كانت فرحة الجميع لا توصف فقد أصبح لعائلة العمري حفيدان آخرين هما آدم و لارا فكانوا نسخة مصغرة من رنا وجاسم
اما عدي وندي…. فأصبح لديهم ومازن وبالطبع رنا
آسر واسيل… معاذ وليان
عمار وسحر….. زين وزينة
♡♡♡♡♡♡♡♡♡♡
مرت الايام والشهور والحب في القلب يزداد
فحياتهم ليست عشق أم جزاء فكانت مزيجا منهم معا فكانت عبارة عن قصة حب عنوانها عشق وجزاء فبدايتها كانت الجزاء ونهايته هي العشق والغرام
يا من سرقت روحي مني وخطفت قلبي من بين ضلوعي، لكني وضعتك أنت مكانه خفقانه أنفاسك، أنت الهواء الذي أتنفسه، فلو قطع الهواء عن صدري لعشت أتنفس عشقك، حبيبي اشتقت إليك كاشتياق النجوم للقمر، اشتقت لنبرات صوتك، اشتقت لسماع حروف اسمي وهي ترقص بين شفتيك، اشتقت لسماع ضحكاتك لكلامك ولجنونك، اشتقت لحبك ووريد حروفك، اشتقت لدفء حضنك ولسماع دقات قلبك، اشتقت لكل همسة من همساتك بل لكل ذرة في كيانك.
¤¤¤¤¤¤¤¤¤¤¤¤¤¤¤¤¤¤¤¤